.. શ્રીહર્યષ્ટકમ્ ..

.. શ્રીહર્યષ્ટકમ્ ..

હરિર્હરતિ પાપાનિ દુષ્ટચિત્તૈરપિ સ્મૃતઃ.
અનિચ્છયાપિ સંસ્પૃષ્ટો દહત્યેવ હિ પાવકઃ.. ૧ ..

સ ગંગા સ ગયા સેતુઃ સ કાશી સ ચ પુષ્કરમ્.
જિહ્વાગ્રે વર્તતે યસ્ય હરિરિત્યક્ષરદ્વયમ્.. ૨ ..

વારાણસ્યાં કુરુક્ષેત્રે નૈમિશારણ્ય એવ ચ.
યત્કૃતં તેન યેનોક્તં હરિરિત્યક્ષરદ્વયમ્..૩ ..

પૃથિવ્યાં યાનિ તીર્થાનિ પુણ્યાન્યાયતનાનિ ચ.
તાનિ સર્વાણ્યશેષાણિ હરિરિત્યક્ષરદ્વયમ્.. ૪ ..

ગવાં કોટિસહસ્રાણિ હેમકન્યાસહસ્ત્રકમ્.
દત્તં સ્યાત્તેન યેનોક્તં હરિરિત્યક્ષરદ્વયમ્.. ૫ ..

ઋગ્વેદોઽથ યજુર્વેદઃ સામવેદોઽપ્યથર્વણઃ.
અધીતસ્તેન યેનોક્તં હરિ રિત્યક્ષરદ્વયમ્.. ૬ ..

અશ્વમેધૈર્મહાયજ્ઞૈર્નરમેધૈઃ સ્તથૈવ ચ.
ઇષ્ટં સ્યાત્તેન યેનોક્તં હરિરિત્યક્ષરદ્વયમ્.. ૭ ..

પ્રાણપ્રયાણ-પાથેયં સંસારવ્યાધિનાશનમ્.
દુઃખાત્યંતપરિત્રાણં હરિરિત્યક્ષરદ્વયમ્..૮ ..

બદ્ધઃ પરિકરસ્તેન મોક્ષાય ગમનં પ્રતિ.
સકૃદુચ્ચારિતં યેન હરિ રિત્યક્ષર દ્વયમ્.. ૯ ..

ફલશ્રુતિ
હર્યષ્ટકમિદં પુણ્યં પ્રાતરુત્થાય યઃ પઠેત્ .
આયુષ્યં બલમારોગ્યં યશોવૃદ્ધિશિયાવહમ્..

પ્રહ્લાદેન કૃતં સ્તોત્રં દુઃખસાગરશોષણમ્.
યઃ પઠેત્ સ નરો યાતિ તદ્વિષ્ણોઃ પરમં પદમ્..