શ્રીહનુમાન અષ્ટોત્તરશતનામસ્તોત્રમ્

.. શ્રીહનુમાન અષ્ટોત્તરશતનામસ્તોત્રમ્ ..

આઞ્જનેયો મહાવીરો હનુમાન્મારુતાત્મજઃ .
તત્વજ્ઞાનપ્રદઃ સીતાદેવીમુદ્રાપ્રદાયકઃ .. ૧..

અશોકવનિકાચ્છેત્તા સર્વમાયાવિભઞ્જનઃ .
સર્વબન્ધવિમોક્તા ચ રક્ષોવિધ્વંસકારકઃ .. ૨..

પરવિદ્યાપરીહારઃ પરશૌર્યવિનાશનઃ .
પરમન્ત્રનિરાકર્તા પરયન્ત્રપ્રભેદનઃ .. ૩..

સર્વગ્રહવિનાશી ચ ભીમસેનસહાયકૃત્ .
સર્વદુઃખહરઃ સર્વલોકચારી મનોજવઃ .. ૪..

પારિજાતદ્રુમૂલસ્થઃ સર્વમન્ત્રસ્વરૂપવાન્ .
સર્વતન્ત્રસ્વરૂપી ચ સર્વમન્ત્રાત્મકસ્તથા .. ૫..

કપીશ્વરો મહાકાયઃ સર્વરોગહરઃ પ્રભુઃ .
બલસિદ્ધિકરઃ સર્વવિદ્યાસમ્પત્પ્રદાયકઃ .. ૬..

કપિસેનાનાયકશ્ચ ભવિષ્યચ્ચતુરાનનઃ .
કુમારબ્રહ્મચારી ચ રત્નકુણ્ડલદીપ્તિમાન્ .. ૭..

સઞ્ચલદ્વાલસન્નદ્ધલમ્બમાનશિખોજ્જ્વલઃ .
ગન્ધર્વવિદ્યાતત્ત્વજ્ઞો મહાબલપરાક્રમઃ .. ૮..

કારાગૃહવિમોક્તા ચ શૃઙ્ખલાબન્ધમોચકઃ .
સાગરોત્તારકઃ પ્રાજ્ઞો રામદૂતઃ પ્રતાપવાન્ .. ૯..

વાનરઃ કેસરિસુતઃ સીતાશોકનિવારનઃ .
અઞ્જનાગર્ભસમ્ભૂતો બાલાર્કસદૃશાનનઃ .. ૧૦..

વિભીષણપ્રિયકરો દશગ્રીવકુલાન્તકઃ .
લક્ષ્મણપ્રાણદાતા ચ વજ્રકાયો મહાદ્યુતિઃ .. ૧૧..

ચિરઞ્જીવી રામભક્તો દૈત્યકાર્યવિઘાતકઃ .
અક્ષહન્તા કાઞ્ચનાભઃ પઞ્ચવક્ત્રો મહાતપાઃ .. ૧૨..

લઙ્કિણીભઞ્જનઃ શ્રીમાન્ સિંહિકાપ્રાણભઞ્જનઃ .
ગન્ધમાદનશૈલસ્થો લઙ્કાપુરવિદાહકઃ .. ૧૩..

સુગ્રીવસચિવો ભીમઃ શૂરો દૈત્યકુલાન્તકઃ .
સુરાર્ચિતો મહાતેજો રામચૂડામણિપ્રદઃ .. ૧૪..

કામરૂપી પિઙ્ગલાક્ષો વાર્ધિમૈનાકપૂજિતઃ .
કબલીકૃતમાર્તણ્ડમણ્ડલો વિજિતેન્દ્રિયઃ .. ૧૫..

રામસુગ્રીવસન્ધાતા મહિરાવણમર્દનઃ .
સ્ફટિકાભો વાગધીશો નવવ્યાકૃતિપણ્ડિતઃ .. ૧૬..

ચતુર્બાહુર્દીનબન્ધુર્મહાત્મા ભક્તવત્સલઃ .
સઞ્જીવનનગાહર્તા શુચિર્વાગ્મી દૃઢવ્રતઃ .. ૧૭..

કાલનેમિપ્રમથનો હરિમર્કટમર્કટઃ .
દાન્તઃ શાન્તઃ પ્રસન્નાત્મા દશકણ્ઠમદાપહૃત્ .. ૧૮..

યોગી રામકથાલોલઃ સીતાન્વેષણપણ્ડિતઃ .
વજ્રદંષ્ટ્રો વજ્રનખો રુદ્રવીર્યસમુદ્ભવઃ .. ૧૯..

ઇન્દ્રજિત્પ્રહિતામોઘબ્રહ્માસ્ત્રવિનિવારકઃ .
પાર્થધ્વજાગ્રસંવાસી શરપઞ્જરભેદકઃ .. ૨૦..

દશબાહુલોર્કપૂજ્યો જામ્બવત્પ્રીતિ વર્ધનઃ .
સીતાસમેત શ્રીરામપાદસેવાધુરન્ધરઃ .. ૨૧..

ઇત્યેવં શ્રીહનુમતો નામ્નામષ્ટોત્તરં શતમ્ ..

યઃ પઠેચ્છૃણુયાન્નિત્યં સર્વાન્કામાનવાપ્નુયાત્ .. ૨૨..