.. શિવાષ્ટોત્તરશતનામસ્તોત્રમ્ ..

ધ્યાયેન્નિત્યં મહેશં રજતગિરિનિભં ચારુચન્દ્રાવતંસમ્
રત્નાકલ્પોજ્જ્વલાઙ્ગં પરશુમૃગવરાભીતિહસ્તં પ્રસન્નમ્.
પદ્માસીનં સમન્તાત્ સ્તુતમમરગણૈર્વ્યાઘ્રકૃત્તિં વસાનમ્
વિશ્વાદ્યં વિશ્વબીજં નિખિલભયહરં પઞ્ચવક્ત્રં ત્રિનેત્રમ્..

શિવો મહેશ્વરઃ શમ્ભુઃ પિનાકી શશિશેખરઃ.
વામદેવો વિરૂપાક્ષઃ કપર્દી નીલલોહિતઃ..૧..

શઙ્કરઃ શૂલપાણિશ્ચ ખટ્વાઙ્ગી વિષ્ણુવલ્લભઃ.
શિપિવિષ્ટોઽમ્બિકાનાથઃ શ્રીકણ્ઠો ભક્તવત્સલઃ..૨..

ભવઃ શર્વસ્ત્રિલોકેશઃ શિતિકણ્ઠઃ શિવાપ્રિયઃ.
ઉગ્રઃ કપાલિઃ કામારિરન્ધકાસુરસૂદનઃ..૩..

ગઙ્ગાધરો લલાટાક્ષઃ કાલકાલઃ કૃપાનિધિઃ.
ભીમઃ પરશુહસ્તશ્ચ મૃગપાણિર્જટાધરઃ..૪..

કૈલાસવાસી કવચી કઠોરસ્ત્રિપુરાન્તકઃ.
વૃષાઙ્કો વૃષભારૂઢો ભસ્મોદ્ધૂલિતવિગ્રહઃ..૫..

સામપ્રિયઃ સ્વરમયસ્ત્રયીમૂર્તિરનીશ્વરઃ.
સર્વજ્ઞઃ પરમાત્મા ચ સોમસૂર્યાગ્નિલોચનઃ..૬..

હવિર્યજ્ઞમયઃ સોમઃ પઞ્ચવક્ત્રઃ સદાશિવઃ.
વિશ્વેશ્વરો વીરભદ્રો ગણનાથઃ પ્રજાપતિઃ..૭..

હિરણ્યરેતા દુર્ધર્ષો ગિરીશો ગિરિશોઽનઘઃ.
ભુજઙ્ગભૂષણો ભર્ગો ગિરિધન્વા ગિરિપ્રિયઃ..૮..

કૃત્તિવાસાઃ પુરારાતિર્ભગવાન્ પ્રમથાધિપઃ.
મૃત્યુઞ્જયઃ સૂક્ષ્મતનુર્જગદ્વ્યાપી જગદ્ગુરુઃ..૯..

વ્યોમકેશો મહાસેનજનકશ્ચારુવિક્રમઃ.
રુદ્રો ભૂતપતિઃ સ્થાણુરહિર્બુધ્ન્યો દિગમ્બરઃ..૧૦..

અષ્ટમૂર્તિરનેકાત્મા સાત્ત્વિકઃ શુદ્ધવિગ્રહઃ.
શાશ્વતઃ ખણ્ડપરશુરજઃ પાશવિમોચકઃ..૧૧..

મૃડઃ પશુપતિર્દેવો મહાદેવોઽવ્યયઃ પ્રભુઃ.
પૂષદન્તભિદવ્યગ્રો દક્ષાધ્વરહરો હરઃ..૧૨..

ભગનેત્રભિદવ્યક્તઃ સહસ્રાક્ષઃ સહસ્રપાત્.
અપવર્ગપ્રદોઽનન્તસ્તારકઃ પરમેશ્વરઃ..૧૩..

.. ફલશ્રુતિઃ ..

ઇમાનિ દિવ્યનામાનિ જપ્યન્તે સર્વદા મયા.
નામકલ્પલતેયં મે સર્વાભીષ્ટપ્રદાયિની..૧૪..

નામાન્યેતાનિ સુભગે શિવદાનિ ન સંશયઃ.
વેદસર્વસ્વભૂતાનિ નામાન્યેતાનિ વસ્તુતઃ..૧૫..

એતાનિ યાનિ નામાનિ તાનિ સર્વાર્થદાન્યતઃ.
જપ્યન્તે સાદરં નિત્યં મયા નિયમપૂર્વકમ્..૧૬..

વેદેષુ શિવનામાનિ શ્રેષ્ઠાન્યઘહરાણિ ચ.
સન્ત્યનન્તાનિ સુભગે વેદેષુ વિવિધેષ્વપિ..૧૭..

તેભ્યો નામાનિ સઙ્ગૃહ્ય કુમારાય મહેશ્વરઃ.
અષ્ટોત્તરસહસ્રં તુ નામ્નામુપદિશત્ પુરા ..૧૮..