ಶ್ರೀಹನುಮಾನ ಅಷ್ಟೋತ್ತರಶತನಾಮಸ್ತೋತ್ರಮ್

.. ಶ್ರೀಹನುಮಾನ ಅಷ್ಟೋತ್ತರಶತನಾಮಸ್ತೋತ್ರಮ್ ..

ಆಞ್ಜನೇಯೋ ಮಹಾವೀರೋ ಹನುಮಾನ್ಮಾರುತಾತ್ಮಜಃ .
ತತ್ವಜ್ಞಾನಪ್ರದಃ ಸೀತಾದೇವೀಮುದ್ರಾಪ್ರದಾಯಕಃ .. ೧..

ಅಶೋಕವನಿಕಾಚ್ಛೇತ್ತಾ ಸರ್ವಮಾಯಾವಿಭಞ್ಜನಃ .
ಸರ್ವಬನ್ಧವಿಮೋಕ್ತಾ ಚ ರಕ್ಷೋವಿಧ್ವಂಸಕಾರಕಃ .. ೨..

ಪರವಿದ್ಯಾಪರೀಹಾರಃ ಪರಶೌರ್ಯವಿನಾಶನಃ .
ಪರಮನ್ತ್ರನಿರಾಕರ್ತಾ ಪರಯನ್ತ್ರಪ್ರಭೇದನಃ .. ೩..

ಸರ್ವಗ್ರಹವಿನಾಶೀ ಚ ಭೀಮಸೇನಸಹಾಯಕೃತ್ .
ಸರ್ವದುಃಖಹರಃ ಸರ್ವಲೋಕಚಾರೀ ಮನೋಜವಃ .. ೪..

ಪಾರಿಜಾತದ್ರುಮೂಲಸ್ಥಃ ಸರ್ವಮನ್ತ್ರಸ್ವರೂಪವಾನ್ .
ಸರ್ವತನ್ತ್ರಸ್ವರೂಪೀ ಚ ಸರ್ವಮನ್ತ್ರಾತ್ಮಕಸ್ತಥಾ .. ೫..

ಕಪೀಶ್ವರೋ ಮಹಾಕಾಯಃ ಸರ್ವರೋಗಹರಃ ಪ್ರಭುಃ .
ಬಲಸಿದ್ಧಿಕರಃ ಸರ್ವವಿದ್ಯಾಸಮ್ಪತ್ಪ್ರದಾಯಕಃ .. ೬..

ಕಪಿಸೇನಾನಾಯಕಶ್ಚ ಭವಿಷ್ಯಚ್ಚತುರಾನನಃ .
ಕುಮಾರಬ್ರಹ್ಮಚಾರೀ ಚ ರತ್ನಕುಣ್ಡಲದೀಪ್ತಿಮಾನ್ .. ೭..

ಸಞ್ಚಲದ್ವಾಲಸನ್ನದ್ಧಲಮ್ಬಮಾನಶಿಖೋಜ್ಜ್ವಲಃ .
ಗನ್ಧರ್ವವಿದ್ಯಾತತ್ತ್ವಜ್ಞೋ ಮಹಾಬಲಪರಾಕ್ರಮಃ .. ೮..

ಕಾರಾಗೃಹವಿಮೋಕ್ತಾ ಚ ಶೃಙ್ಖಲಾಬನ್ಧಮೋಚಕಃ .
ಸಾಗರೋತ್ತಾರಕಃ ಪ್ರಾಜ್ಞೋ ರಾಮದೂತಃ ಪ್ರತಾಪವಾನ್ .. ೯..

ವಾನರಃ ಕೇಸರಿಸುತಃ ಸೀತಾಶೋಕನಿವಾರನಃ .
ಅಞ್ಜನಾಗರ್ಭಸಮ್ಭೂತೋ ಬಾಲಾರ್ಕಸದೃಶಾನನಃ .. ೧೦..

ವಿಭೀಷಣಪ್ರಿಯಕರೋ ದಶಗ್ರೀವಕುಲಾನ್ತಕಃ .
ಲಕ್ಷ್ಮಣಪ್ರಾಣದಾತಾ ಚ ವಜ್ರಕಾಯೋ ಮಹಾದ್ಯುತಿಃ .. ೧೧..

ಚಿರಞ್ಜೀವೀ ರಾಮಭಕ್ತೋ ದೈತ್ಯಕಾರ್ಯವಿಘಾತಕಃ .
ಅಕ್ಷಹನ್ತಾ ಕಾಞ್ಚನಾಭಃ ಪಞ್ಚವಕ್ತ್ರೋ ಮಹಾತಪಾಃ .. ೧೨..

ಲಙ್ಕಿಣೀಭಞ್ಜನಃ ಶ್ರೀಮಾನ್ ಸಿಂಹಿಕಾಪ್ರಾಣಭಞ್ಜನಃ .
ಗನ್ಧಮಾದನಶೈಲಸ್ಥೋ ಲಙ್ಕಾಪುರವಿದಾಹಕಃ .. ೧೩..

ಸುಗ್ರೀವಸಚಿವೋ ಭೀಮಃ ಶೂರೋ ದೈತ್ಯಕುಲಾನ್ತಕಃ .
ಸುರಾರ್ಚಿತೋ ಮಹಾತೇಜೋ ರಾಮಚೂಡಾಮಣಿಪ್ರದಃ .. ೧೪..

ಕಾಮರೂಪೀ ಪಿಙ್ಗಲಾಕ್ಷೋ ವಾರ್ಧಿಮೈನಾಕಪೂಜಿತಃ .
ಕಬಲೀಕೃತಮಾರ್ತಣ್ಡಮಣ್ಡಲೋ ವಿಜಿತೇನ್ದ್ರಿಯಃ .. ೧೫..

ರಾಮಸುಗ್ರೀವಸನ್ಧಾತಾ ಮಹಿರಾವಣಮರ್ದನಃ .
ಸ್ಫಟಿಕಾಭೋ ವಾಗಧೀಶೋ ನವವ್ಯಾಕೃತಿಪಣ್ಡಿತಃ .. ೧೬..

ಚತುರ್ಬಾಹುರ್ದೀನಬನ್ಧುರ್ಮಹಾತ್ಮಾ ಭಕ್ತವತ್ಸಲಃ .
ಸಞ್ಜೀವನನಗಾಹರ್ತಾ ಶುಚಿರ್ವಾಗ್ಮೀ ದೃಢವ್ರತಃ .. ೧೭..

ಕಾಲನೇಮಿಪ್ರಮಥನೋ ಹರಿಮರ್ಕಟಮರ್ಕಟಃ .
ದಾನ್ತಃ ಶಾನ್ತಃ ಪ್ರಸನ್ನಾತ್ಮಾ ದಶಕಣ್ಠಮದಾಪಹೃತ್ .. ೧೮..

ಯೋಗೀ ರಾಮಕಥಾಲೋಲಃ ಸೀತಾನ್ವೇಷಣಪಣ್ಡಿತಃ .
ವಜ್ರದಂಷ್ಟ್ರೋ ವಜ್ರನಖೋ ರುದ್ರವೀರ್ಯಸಮುದ್ಭವಃ .. ೧೯..

ಇನ್ದ್ರಜಿತ್ಪ್ರಹಿತಾಮೋಘಬ್ರಹ್ಮಾಸ್ತ್ರವಿನಿವಾರಕಃ .
ಪಾರ್ಥಧ್ವಜಾಗ್ರಸಂವಾಸೀ ಶರಪಞ್ಜರಭೇದಕಃ .. ೨೦..

ದಶಬಾಹುಲೋರ್ಕಪೂಜ್ಯೋ ಜಾಮ್ಬವತ್ಪ್ರೀತಿ ವರ್ಧನಃ .
ಸೀತಾಸಮೇತ ಶ್ರೀರಾಮಪಾದಸೇವಾಧುರನ್ಧರಃ .. ೨೧..

ಇತ್ಯೇವಂ ಶ್ರೀಹನುಮತೋ ನಾಮ್ನಾಮಷ್ಟೋತ್ತರಂ ಶತಮ್ ..

ಯಃ ಪಠೇಚ್ಛೃಣುಯಾನ್ನಿತ್ಯಂ ಸರ್ವಾನ್ಕಾಮಾನವಾಪ್ನುಯಾತ್ .. ೨೨..