.. ಶ್ರೀಹರ್ಯಷ್ಟಕಮ್ ..

.. ಶ್ರೀಹರ್ಯಷ್ಟಕಮ್ ..

ಹರಿರ್ಹರತಿ ಪಾಪಾನಿ ದುಷ್ಟಚಿತ್ತೈರಪಿ ಸ್ಮೃತಃ.
ಅನಿಚ್ಛಯಾಪಿ ಸಂಸ್ಪೃಷ್ಟೋ ದಹತ್ಯೇವ ಹಿ ಪಾವಕಃ.. ೧ ..

ಸ ಗಂಗಾ ಸ ಗಯಾ ಸೇತುಃ ಸ ಕಾಶೀ ಸ ಚ ಪುಷ್ಕರಮ್.
ಜಿಹ್ವಾಗ್ರೇ ವರ್ತತೇ ಯಸ್ಯ ಹರಿರಿತ್ಯಕ್ಷರದ್ವಯಮ್.. ೨ ..

ವಾರಾಣಸ್ಯಾಂ ಕುರುಕ್ಷೇತ್ರೇ ನೈಮಿಶಾರಣ್ಯ ಏವ ಚ.
ಯತ್ಕೃತಂ ತೇನ ಯೇನೋಕ್ತಂ ಹರಿರಿತ್ಯಕ್ಷರದ್ವಯಮ್..೩ ..

ಪೃಥಿವ್ಯಾಂ ಯಾನಿ ತೀರ್ಥಾನಿ ಪುಣ್ಯಾನ್ಯಾಯತನಾನಿ ಚ.
ತಾನಿ ಸರ್ವಾಣ್ಯಶೇಷಾಣಿ ಹರಿರಿತ್ಯಕ್ಷರದ್ವಯಮ್.. ೪ ..

ಗವಾಂ ಕೋಟಿಸಹಸ್ರಾಣಿ ಹೇಮಕನ್ಯಾಸಹಸ್ತ್ರಕಮ್.
ದತ್ತಂ ಸ್ಯಾತ್ತೇನ ಯೇನೋಕ್ತಂ ಹರಿರಿತ್ಯಕ್ಷರದ್ವಯಮ್.. ೫ ..

ಋಗ್ವೇದೋಽಥ ಯಜುರ್ವೇದಃ ಸಾಮವೇದೋಽಪ್ಯಥರ್ವಣಃ.
ಅಧೀತಸ್ತೇನ ಯೇನೋಕ್ತಂ ಹರಿ ರಿತ್ಯಕ್ಷರದ್ವಯಮ್.. ೬ ..

ಅಶ್ವಮೇಧೈರ್ಮಹಾಯಜ್ಞೈರ್ನರಮೇಧೈಃ ಸ್ತಥೈವ ಚ.
ಇಷ್ಟಂ ಸ್ಯಾತ್ತೇನ ಯೇನೋಕ್ತಂ ಹರಿರಿತ್ಯಕ್ಷರದ್ವಯಮ್.. ೭ ..

ಪ್ರಾಣಪ್ರಯಾಣ-ಪಾಥೇಯಂ ಸಂಸಾರವ್ಯಾಧಿನಾಶನಮ್.
ದುಃಖಾತ್ಯಂತಪರಿತ್ರಾಣಂ ಹರಿರಿತ್ಯಕ್ಷರದ್ವಯಮ್..೮ ..

ಬದ್ಧಃ ಪರಿಕರಸ್ತೇನ ಮೋಕ್ಷಾಯ ಗಮನಂ ಪ್ರತಿ.
ಸಕೃದುಚ್ಚಾರಿತಂ ಯೇನ ಹರಿ ರಿತ್ಯಕ್ಷರ ದ್ವಯಮ್.. ೯ ..

ಫಲಶ್ರುತಿ
ಹರ್ಯಷ್ಟಕಮಿದಂ ಪುಣ್ಯಂ ಪ್ರಾತರುತ್ಥಾಯ ಯಃ ಪಠೇತ್ .
ಆಯುಷ್ಯಂ ಬಲಮಾರೋಗ್ಯಂ ಯಶೋವೃದ್ಧಿಶಿಯಾವಹಮ್..

ಪ್ರಹ್ಲಾದೇನ ಕೃತಂ ಸ್ತೋತ್ರಂ ದುಃಖಸಾಗರಶೋಷಣಮ್.
ಯಃ ಪಠೇತ್ ಸ ನರೋ ಯಾತಿ ತದ್ವಿಷ್ಣೋಃ ಪರಮಂ ಪದಮ್..