ಶ್ರೀಕೃಷ್ಣಾಷ್ಟೋತ್ತರಶತನಾಮಸ್ತೋತ್ರಮ್

ಶ್ರೀಕೃಷ್ಣಾಷ್ಟೋತ್ತರಶತನಾಮಸ್ತೋತ್ರಮ್

ಶ್ರೀಶೇಷ ಉವಾಚ .
ಓಂ ಶ್ರೀಕೃಷ್ಣಃ ಕಮಲಾನಾಥೋ ವಾಸುದೇವಃ ಸನಾತನಃ .
ವಸುದೇವಾತ್ಮಜಃ ಪುಣ್ಯೋ ಲೀಲಾಮಾನುಷವಿಗ್ರಹಃ .. ೧..

ಶ್ರೀವತ್ಸಕೌಸ್ತುಭಧರೋ ಯಶೋದಾವತ್ಸಲೋ ಹರಿಃ .
ಚತುರ್ಭುಜಾತ್ತಚಕ್ರಾಸಿಗದಾಶಙ್ಖಾಮ್ಬುಜಾಯುಧಃ .. ೨..

ದೇವಕೀನನ್ದನಃ ಶ್ರೀಶೋ ನನ್ದಗೋಪಪ್ರಿಯಾತ್ಮಜಃ .
ಯಮುನಾವೇಗಸಂಹಾರೀ ಬಲಭದ್ರಪ್ರಿಯಾನುಜಃ .. ೩..

ಪೂತನಾಜೀವಿತಹರಃ ಶಕಟಾಸುರಭಞ್ಜನಃ .
ನನ್ದವ್ರಜಜನಾನನ್ದೀ ಸಚ್ಚಿದಾನನ್ದವಿಗ್ರಹಃ .. ೪..

ನವನೀತನವಾಹಾರೀ ಮುಚುಕುನ್ದಪ್ರಸಾದಕಃ .
ಷೋಡಶಸ್ತ್ರೀಸಹಸ್ರೇಶಸ್ತ್ರಿಭಙ್ಗೋ ಮಧುರಾಕೃತಿಃ .. ೫..

ಶುಕವಾಗಮೃತಾಬ್ಧೀನ್ದುರ್ಗೋವಿನ್ದೋ ಗೋವಿದಾಮ್ಪತಿಃ .
ವತ್ಸಪಾಲನಸಞ್ಚಾರೀ ಧೇನುಕಾಸುರಭಞ್ಜನಃ .. ೬..

ತೃಣೀಕೃತತೃಣಾವರ್ತೋ ಯಮಲಾರ್ಜುನಭಞ್ಜನಃ .
ಉತ್ತಾಲತಾಲಭೇತ್ತಾ ಚ ತಮಾಲಶ್ಯಾಮಲಾಕೃತಿಃ .. ೭..

ಗೋಪಗೋಪೀಶ್ವರೋ ಯೋಗೀ ಸೂರ್ಯಕೋಟಿಸಮಪ್ರಭಃ .
ಇಲಾಪತಿಃ ಪರಂಜ್ಯೋತಿರ್ಯಾದವೇನ್ದ್ರೋ ಯದೂದ್ವಹಃ .. ೮..

ವನಮಾಲೀ ಪೀತವಾಸಾಃ ಪಾರಿಜಾತಾಪಹಾರಕಃ .
ಗೋವರ್ಧನಾಚಲೋದ್ಧರ್ತಾ ಗೋಪಾಲಃ ಸರ್ವಪಾಲಕಃ .. ೯..

ಅಜೋ ನಿರಞ್ಜನಃ ಕಾಮಜನಕಃ ಕಞ್ಜಲೋಚನಃ .
ಮಧುಹಾ ಮಥುರಾನಾಥೋ ದ್ವಾರಕಾನಾಯಕೋ ಬಲೀ .. ೧೦..

ವೃನ್ದಾವನಾನ್ತಸಞ್ಚಾರೀ ತುಲಸೀದಾಮಭೂಷಣಃ .
ಸ್ಯಮನ್ತಕಮಣೇರ್ಹರ್ತಾ ನರನಾರಾಯಣಾತ್ಮಕಃ .. ೧೧..

ಕುಬ್ಜಾಕೃಷ್ಣಾಮ್ಬರಧರೋ ಮಾಯೀ ಪರಮಪೂರುಷಃ .
ಮುಷ್ಟಿಕಾಸುರಚಾಣೂರಮಹಾಯುದ್ಧವಿಶಾರದಃ .. ೧೨..

ಸಂಸಾರವೈರೀ ಕಂಸಾರಿರ್ಮುರಾರಿರ್ನರಕಾನ್ತಕಃ .
ಅನಾದಿರ್ಬ್ರಹ್ಮಚಾರೀ ಚ ಕೃಷ್ಣಾವ್ಯಸನಕರ್ಷಕಃ .. ೧೩..

ಶಿಶುಪಾಲಶಿರಚ್ಛೇತ್ತಾ ದುರ್ಯೋಧನಕುಲಾನ್ತಕೃತ್ .
ವಿದುರಾಕ್ರೂರವರದೋ ವಿಶ್ವರೂಪಪ್ರದರ್ಶಕಃ .. ೧೪..

ಸತ್ಯವಾಕ್ ಸತ್ಯಸಙ್ಕಲ್ಪಃ ಸತ್ಯಭಾಮಾರತೋ ಜಯೀ .
ಸುಭದ್ರಾಪೂರ್ವಜೋ ವಿಷ್ಣುರ್ಭೀಷ್ಮಮುಕ್ತಿಪ್ರದಾಯಕಃ .. ೧೫..

ಜಗದ್ಗುರುರ್ಜಗನ್ನಾಥೋ ವೇಣುವಾದ್ಯವಿಶಾರದಃ .
ವೃಷಭಾಸುರವಿಧ್ವಂಸೀ ಬಕಾರಿರ್ಬಾಣಬಾಹುಕೃತ್ .. ೧೬..

ಯುಧಿಷ್ಠಿರಪ್ರತಿಷ್ಠಾತಾ ಬರ್ಹಿಬರ್ಹಾವತಂಸಕಃ .
ಪಾರ್ಥಸಾರಥಿರವ್ಯಕ್ತೋ ಗೀತಾಮೃತಮಹೋದಧಿಃ .. ೧೭..

ಕಾಲೀಯಫಣಿಮಾಣಿಕ್ಯರಞ್ಜಿತಶ್ರೀಪದಾಮ್ಬುಜಃ .
ದಾಮೋದರೋ ಯಜ್ಞಭೋಕ್ತಾ ದಾನವೇನ್ದ್ರವಿನಾಶನಃ .. ೧೮..

ನಾರಾಯಣಃ ಪರಮ್ಬ್ರಹ್ಮ ಪನ್ನಗಾಶನವಾಹನಃ .
ಜಲಕ್ರೀಡಾಸಮಾಸಕ್ತಗೋಪೀವಸ್ತ್ರಾಪಹಾರಕಃ .. ೧೯..

ಪುಣ್ಯಶ್ಲೋಕಸ್ತೀರ್ಥಕರೋ ವೇದವೇದ್ಯೋ ದಯಾನಿಧಿಃ .
ಸರ್ವತೀರ್ಥಾತ್ಮಕಃ ಸರ್ವಗ್ರಹರೂಪೀ ಪರಾತ್ಪರಃ .. ೨೦..

ಇತ್ಯೇವಂ ಕೃಷ್ಣದೇವಸ್ಯ ನಾಮ್ನಾಮಷ್ಟೋತ್ತರಂ ಶತಮ್ .
ಕೃಷ್ಣೇನ ಕೃಷ್ಣಭಕ್ತೇನ ಶ್ರುತ್ವಾ ಗೀತಾಮೃತಂ ಪುರಾ .. ೨೧..

ಸ್ತೋತ್ರಂ ಕೃಷ್ಣಪ್ರಿಯಕರಂ ಕೃತಂ ತಸ್ಮಾನ್ಮಯಾ ಪುರಾ .
ಕೃಷ್ಣನಾಮಾಮೃತಂ ನಾಮ ಪರಮಾನನ್ದದಾಯಕಮ್ .. ೨೨..

ಅನುಪದ್ರವದುಃಖಘ್ನಂ ಪರಮಾಯುಷ್ಯವರ್ಧನಮ್
ದಾನಂ ಶ್ರುತಂ ತಪಸ್ತೀರ್ಥಂ ಯತ್ಕೃತಂ ತ್ವಿಹ ಜನ್ಮನಿ .. ೨೩..

ಪಠತಾಂ ಶೃಣ್ವತಾಂ ಚೈವ ಕೋಟಿಕೋಟಿಗುಣಂ ಭವೇತ್ .
ಪುತ್ರಪ್ರದಮಪುತ್ರಾಣಾಮಗತೀನಾಂ ಗತಿಪ್ರದಮ್ .. ೨೪..

ಧನಾವಹಂ ದರಿದ್ರಾಣಾಂ ಜಯೇಚ್ಛೂನಾಂ ಜಯಾವಹಮ್ .
ಶಿಶೂನಾಂ ಗೋಕುಲಾನಾಂ ಚ ಪುಷ್ಟಿದಂ ಪುಷ್ಟಿವರ್ಧನಮ್ .. ೨೫..

ವಾತಗ್ರಹಜ್ವರಾದೀನಾಂ ಶಮನಂ ಶಾನ್ತಿಮುಕ್ತಿದಮ್ .
ಸಮಸ್ತಕಾಮದಂ ಸದ್ಯಃ ಕೋಟಿಜನ್ಮಾಘನಾಶನಮ್ .. ೨೬..

ಅನ್ತೇ ಕೃಷ್ಣಸ್ಮರಣದಂ ಭವತಾಪಭಯಾಪಹಮ್ .
ಕೃಷ್ಣಾಯ ಯಾದವೇನ್ದ್ರಾಯ ಜ್ಞಾನಮುದ್ರಾಯ ಯೋಗಿನೇ .
ನಾಥಾಯ ರುಕ್ಮಿಣೀಶಾಯ ನಮೋ ವೇದಾನ್ತವೇದಿನೇ .. ೨೭..

ಇಮಂ ಮನ್ತ್ರಂ ಮಹಾದೇವಿ ಜಪನ್ನೇವ ದಿವಾನಿಶಮ್ .
ಸರ್ವಗ್ರಹಾನುಗ್ರಹಭಾಕ್ ಸರ್ವಪ್ರಿಯತಮೋ ಭವೇತ್ .. ೨೮..

ಪುತ್ರಪೌತ್ರೈಃ ಪರಿವೃತಃ ಸರ್ವಸಿದ್ಧಿಸಮೃದ್ಧಿಮಾನ್ .
ನಿರ್ವಿಶ್ಯ ಭೋಗಾನನ್ತೇಽಪಿ ಕೃಷ್ಣಸಾಯುಜ್ಯಮಾಪ್ಯುನಾತ್ .. ೨೯..