ஶ்ரீக்ருஷ்ணாஷ்டோத்தரஶதநாமஸ்தோத்ரம்
ஶ்ரீக்ருஷ்ணாஷ்டோத்தரஶதநாமஸ்தோத்ரம்
ஶ்ரீஶேஷ உவாச .
ௐ ஶ்ரீக்ருஷ்ண꞉ கமலாநாதோ₂ வாஸுதே₃வ꞉ ஸநாதந꞉ .
வஸுதே₃வாத்மஜ꞉ புண்யோ லீலாமாநுஷவிக்₃ரஹ꞉ .. 1..
ஶ்ரீவத்ஸகௌஸ்துப₄த₄ரோ யஶோதா₃வத்ஸலோ ஹரி꞉ .
சதுர்பு₄ஜாத்தசக்ராஸிக₃தா₃ஶங்கா₂ம்பு₃ஜாயுத₄꞉ .. 2..
தே₃வகீநந்த₃ந꞉ ஶ்ரீஶோ நந்த₃கோ₃பப்ரியாத்மஜ꞉ .
யமுநாவேக₃ஸம்ஹாரீ ப₃லப₄த்₃ரப்ரியாநுஜ꞉ .. 3..
பூதநாஜீவிதஹர꞉ ஶகடாஸுரப₄ஞ்ஜந꞉ .
நந்த₃வ்ரஜஜநாநந்தீ₃ ஸச்சிதா₃நந்த₃விக்₃ரஹ꞉ .. 4..
நவநீதநவாஹாரீ முசுகுந்த₃ப்ரஸாத₃க꞉ .
ஷோட₃ஶஸ்த்ரீஸஹஸ்ரேஶஸ்த்ரிப₄ங்கோ₃ மது₄ராக்ருதி꞉ .. 5..
ஶுகவாக₃ம்ருதாப்₃தீ₄ந்து₃ர்கோ₃விந்தோ₃ கோ₃விதா₃ம்பதி꞉ .
வத்ஸபாலநஸஞ்சாரீ தே₄நுகாஸுரப₄ஞ்ஜந꞉ .. 6..
த்ருணீக்ருதத்ருணாவர்தோ யமலார்ஜுநப₄ஞ்ஜந꞉ .
உத்தாலதாலபே₄த்தா ச தமாலஶ்யாமலாக்ருதி꞉ .. 7..
கோ₃பகோ₃பீஶ்வரோ யோகீ₃ ஸூர்யகோடிஸமப்ரப₄꞉ .
இலாபதி꞉ பரம்ஜ்யோதிர்யாத₃வேந்த்₃ரோ யதூ₃த்₃வஹ꞉ .. 8..
வநமாலீ பீதவாஸா꞉ பாரிஜாதாபஹாரக꞉ .
கோ₃வர்த₄நாசலோத்₃த₄ர்தா கோ₃பால꞉ ஸர்வபாலக꞉ .. 9..
அஜோ நிரஞ்ஜந꞉ காமஜநக꞉ கஞ்ஜலோசந꞉ .
மது₄ஹா மது₂ராநாதோ₂ த்₃வாரகாநாயகோ ப₃லீ .. 10..
வ்ருந்தா₃வநாந்தஸஞ்சாரீ துலஸீதா₃மபூ₄ஷண꞉ .
ஸ்யமந்தகமணேர்ஹர்தா நரநாராயணாத்மக꞉ .. 11..
குப்₃ஜாக்ருஷ்ணாம்ப₃ரத₄ரோ மாயீ பரமபூருஷ꞉ .
முஷ்டிகாஸுரசாணூரமஹாயுத்₃த₄விஶாரத₃꞉ .. 12..
ஸம்ஸாரவைரீ கம்ஸாரிர்முராரிர்நரகாந்தக꞉ .
அநாதி₃ர்ப்₃ரஹ்மசாரீ ச க்ருஷ்ணாவ்யஸநகர்ஷக꞉ .. 13..
ஶிஶுபாலஶிரச்சே₂த்தா து₃ர்யோத₄நகுலாந்தக்ருத் .
விது₃ராக்ரூரவரதோ₃ விஶ்வரூபப்ரத₃ர்ஶக꞉ .. 14..
ஸத்யவாக் ஸத்யஸங்கல்ப꞉ ஸத்யபா₄மாரதோ ஜயீ .
ஸுப₄த்₃ராபூர்வஜோ விஷ்ணுர்பீ₄ஷ்மமுக்திப்ரதா₃யக꞉ .. 15..
ஜக₃த்₃கு₃ருர்ஜக₃ந்நாதோ₂ வேணுவாத்₃யவிஶாரத₃꞉ .
வ்ருஷபா₄ஸுரவித்₄வம்ஸீ ப₃காரிர்பா₃ணபா₃ஹுக்ருத் .. 16..
யுதி₄ஷ்டி₂ரப்ரதிஷ்டா₂தா ப₃ர்ஹிப₃ர்ஹாவதம்ஸக꞉ .
பார்த₂ஸாரதி₂ரவ்யக்தோ கீ₃தாம்ருதமஹோத₃தி₄꞉ .. 17..
காலீயப₂ணிமாணிக்யரஞ்ஜிதஶ்ரீபதா₃ம்பு₃ஜ꞉ .
தா₃மோத₃ரோ யஜ்ஞபோ₄க்தா தா₃நவேந்த்₃ரவிநாஶந꞉ .. 18..
நாராயண꞉ பரம்ப்₃ரஹ்ம பந்நகா₃ஶநவாஹந꞉ .
ஜலக்ரீடா₃ஸமாஸக்தகோ₃பீவஸ்த்ராபஹாரக꞉ .. 19..
புண்யஶ்லோகஸ்தீர்த₂கரோ வேத₃வேத்₃யோ த₃யாநிதி₄꞉ .
ஸர்வதீர்தா₂த்மக꞉ ஸர்வக்₃ரஹரூபீ பராத்பர꞉ .. 20..
இத்யேவம் க்ருஷ்ணதே₃வஸ்ய நாம்நாமஷ்டோத்தரம் ஶதம் .
க்ருஷ்ணேந க்ருஷ்ணப₄க்தேந ஶ்ருத்வா கீ₃தாம்ருதம் புரா .. 21..
ஸ்தோத்ரம் க்ருஷ்ணப்ரியகரம் க்ருதம் தஸ்மாந்மயா புரா .
க்ருஷ்ணநாமாம்ருதம் நாம பரமாநந்த₃தா₃யகம் .. 22..
அநுபத்₃ரவது₃꞉க₂க்₄நம் பரமாயுஷ்யவர்த₄நம்
தா₃நம் ஶ்ருதம் தபஸ்தீர்த₂ம் யத்க்ருதம் த்விஹ ஜந்மநி .. 23..
பட₂தாம் ஶ்ருண்வதாம் சைவ கோடிகோடிகு₃ணம் ப₄வேத் .
புத்ரப்ரத₃மபுத்ராணாமக₃தீநாம் க₃திப்ரத₃ம் .. 24..
த₄நாவஹம் த₃ரித்₃ராணாம் ஜயேச்சூ₂நாம் ஜயாவஹம் .
ஶிஶூநாம் கோ₃குலாநாம் ச புஷ்டித₃ம் புஷ்டிவர்த₄நம் .. 25..
வாதக்₃ரஹஜ்வராதீ₃நாம் ஶமநம் ஶாந்திமுக்தித₃ம் .
ஸமஸ்தகாமத₃ம் ஸத்₃ய꞉ கோடிஜந்மாக₄நாஶநம் .. 26..
அந்தே க்ருஷ்ணஸ்மரணத₃ம் ப₄வதாபப₄யாபஹம் .
க்ருஷ்ணாய யாத₃வேந்த்₃ராய ஜ்ஞாநமுத்₃ராய யோகி₃நே .
நாதா₂ய ருக்மிணீஶாய நமோ வேதா₃ந்தவேதி₃நே .. 27..
இமம் மந்த்ரம் மஹாதே₃வி ஜபந்நேவ தி₃வாநிஶம் .
ஸர்வக்₃ரஹாநுக்₃ரஹபா₄க் ஸர்வப்ரியதமோ ப₄வேத் .. 28..
புத்ரபௌத்ரை꞉ பரிவ்ருத꞉ ஸர்வஸித்₃தி₄ஸம்ருத்₃தி₄மாந் .
நிர்விஶ்ய போ₄கா₃நந்தே(அ)பி க்ருஷ்ணஸாயுஜ்யமாப்யுநாத் .. 29..