.. శ్రీహర్యష్టకమ్ ..

.. శ్రీహర్యష్టకమ్ ..

హరిర్హరతి పాపాని దుష్టచిత్తైరపి స్మృతః.
అనిచ్ఛయాపి సంస్పృష్టో దహత్యేవ హి పావకః.. 1 ..

స గంగా స గయా సేతుః స కాశీ స చ పుష్కరమ్.
జిహ్వాగ్రే వర్తతే యస్య హరిరిత్యక్షరద్వయమ్.. 2 ..

వారాణస్యాం కురుక్షేత్రే నైమిశారణ్య ఏవ చ.
యత్కృతం తేన యేనోక్తం హరిరిత్యక్షరద్వయమ్..3 ..

పృథివ్యాం యాని తీర్థాని పుణ్యాన్యాయతనాని చ.
తాని సర్వాణ్యశేషాణి హరిరిత్యక్షరద్వయమ్.. 4 ..

గవాం కోటిసహస్రాణి హేమకన్యాసహస్త్రకమ్.
దత్తం స్యాత్తేన యేనోక్తం హరిరిత్యక్షరద్వయమ్.. 5 ..

ఋగ్వేదోఽథ యజుర్వేదః సామవేదోఽప్యథర్వణః.
అధీతస్తేన యేనోక్తం హరి రిత్యక్షరద్వయమ్.. 6 ..

అశ్వమేధైర్మహాయజ్ఞైర్నరమేధైః స్తథైవ చ.
ఇష్టం స్యాత్తేన యేనోక్తం హరిరిత్యక్షరద్వయమ్.. 7 ..

ప్రాణప్రయాణ-పాథేయం సంసారవ్యాధినాశనమ్.
దుఃఖాత్యంతపరిత్రాణం హరిరిత్యక్షరద్వయమ్..8 ..

బద్ధః పరికరస్తేన మోక్షాయ గమనం ప్రతి.
సకృదుచ్చారితం యేన హరి రిత్యక్షర ద్వయమ్.. 9 ..

ఫలశ్రుతి
హర్యష్టకమిదం పుణ్యం ప్రాతరుత్థాయ యః పఠేత్ .
ఆయుష్యం బలమారోగ్యం యశోవృద్ధిశియావహమ్..

ప్రహ్లాదేన కృతం స్తోత్రం దుఃఖసాగరశోషణమ్.
యః పఠేత్ స నరో యాతి తద్విష్ణోః పరమం పదమ్..