.. વિષ્ણુસૂક્તમ્ ..

.. વિષ્ણુસૂક્તમ્ ..

ૐ વિષ્ણો॒ર્નુકં॑ વી॒ર્યા॑ણિ॒ પ્રવો॑ચં॒ યઃ પાર્થિ॑વાનિ વિમ॒મે રાજાગ્ં॑સિ॒
યો અસ્ક॑ભાય॒દુત્ત॑રગ્ં સ॒ધસ્થં॑ વિચક્રમા॒ણસ્ત્રે॒ધોરુ॑ગા॒યો
વિષ્ણો॑ર॒રાટ॑મસિ॒ વિષ્ણો॓ઃ પૃ॒ષ્ઠમ॑સિ॒ વિષ્ણોઃ॒ શ્નપ્ત્રે॓સ્થો॒
વિષ્ણો॒સ્સ્યૂર॑સિ॒ વિષ્ણો॓ર્ધ્રુ॒વમ॑સિ વૈષ્ણ॒વમ॑સિ॒ વિષ્ણ॑વે ત્વા ..

તદ॑સ્ય પ્રિ॒યમ॒ભિપાથો॑ અશ્યામ્ .
નરો યત્ર॑ દેવ॒યવો॒ મદ॑ન્તિ .
ઉ॒રુ॒ક્ર॒મસ્ય॒ સ હિ બન્ધુ॑રિ॒ત્થા .
વિષ્ણો॓ પ॒દે પ॑ર॒મે મધ્વ॒ ઉથ્સઃ॑ .
પ્રતદ્વિષ્ણુ॑સ્સ્તવતે વી॒ર્યા॑ય .
મૃ॒ગો ન ભી॒મઃ કુ॑ચ॒રો ગિ॑રિ॒ષ્ઠાઃ .
યસ્યો॒રુષુ॑ ત્રિ॒ષુ વિ॒ક્રમ॑ણેષુ .
અધિ॑ક્ષ॒યન્તિ॒ ભુવ॑નાનિ॒ વિશ્વા॓ .
પ॒રો માત્ર॑યા ત॒નુવા॑ વૃધાન .
ન તે॑ મહિ॒ત્વમન્વ॑શ્નુવન્તિ ..

ઉ॒ભે તે॑ વિદ્મા॒ રજ॑સી પૃથિ॒વ્યા વિષ્ણો॑ દેવ॒ત્વમ્ .
પ॒ર॒મસ્ય॑ વિથ્સે .
વિચ॑ક્રમે પૃથિ॒વીમે॒ષ એ॒તામ્ .
ક્ષેત્રા॑ય॒ વિષ્ણુ॒ર્મનુ॑ષે દશ॒સ્યન્ .
ધ્રુ॒વાસો॑ અસ્ય કી॒રયો॒ જના॑સઃ .
ઊ॒રુ॒ક્ષિ॒તિગ્ં સુ॒જનિ॑માચકાર .
ત્રિર્દે॒વઃ પૃ॑થિ॒વીમે॒ષ એ॒તામ્ .
વિચ॑ક્રમે શ॒તર્ચ॑સં મહિ॒ત્વા .
પ્રવિષ્ણુ॑રસ્તુ ત॒વસ॒સ્તવી॑યાન્ .
ત્વે॒ષગ્ગ્ હ્ય॑સ્ય॒ સ્થવિ॑રસ્ય॒ નામ॑ ..

અતો॑ દે॒વા અ॑વન્તુ નો॒ યતો॒ વિષ્ણુ॑ર્વિચક્ર॒મે .
પૃ॒થિ॒વ્યાઃ સ॒પ્તધામ॑ભિઃ .
ઇ॒દં વિષ્ણુ॒ર્વિચ॑ક્ર॒મે ત્રે॒ધા નિદ॑ધે પ॒દમ્ .
સમૂ॑ઢમસ્ય પાગ્ં સુ॒રે ..

ત્રીણિ॑ પ॒દા વિચ॑ક્રમે॒ વિષ્ણુ॑ર્ગો॒પા અદા॓ભ્યઃ .
તતો॒ ધર્મા॑ણિ ધા॒રયન્॑ .
વિષ્ણોઃ॒ કર્મા॑ણિ પશ્યત॒ યતો॓ વ્ર॒તાનિ॑ પસ્પૃ॒શે .
ઇન્દ્ર॑સ્ય॒ યુજ્યઃ॒ સખા॓ ..

તદ્વિષ્ણો॓ઃ પર॒મં પ॒દગ્ં સદા॑ પશ્યન્તિ સૂ॒રયઃ॑ .
દિ॒વીવ॒ ચક્ષુ॒રાત॑તમ્ .
તદ્વિપ્રા॑સો વિપ॒ન્યવો॑ જાગૃ॒વાગ્ં સ॒સ્સમિ॑ન્ધતે .
વિષ્ણો॒ર્યત્પ॑ર॒મં પ॒દમ્ .
પર્યા॓પ્ત્યા॒ અન॑ન્તરાયાય॒ સર્વ॑સ્તોમોஉતિ રા॒ત્ર ઉ॑ત્ત॒મ મહ॑ર્ભવતિ
સર્વ॒સ્યાપ્ત્યૈ॒ સર્વ॑સ્ય॒ જિત્ત્યૈ॒ સર્વ॑મે॒વ તેના॓પ્નોતિ॒ સર્વં॑ જયતિ ..

ૐ શાન્તિઃ॒ શાન્તિઃ॒ શાન્તિઃ॑ ..