વિષ્ણુસૂક્તમ્

.. વિષ્ણુસૂક્તમ્ ..

ૐ વિષ્ણો॒ર્નુકં॑ વી॒ર્યા॑ણિ॒ પ્રવો॑ચં॒ યઃ પાર્થિ॑વાનિ વિમ॒મે રજાᳩસિ॒ .
યો અસ્ક॑ભાય॒દુત્ત॑રᳩસ॒ધસ્થં॑ વિચક્રમા॒ણસ્ત્રે॒ધોરુ॑ગા॒યઃ ..૧..

ૐ વિષ્ણો॑ર॒રાટ॑મસિ॒ વિષ્ણોઃ᳚ પૃ॒ષ્ઠમ॑સિ॒ વિષ્ણોઃ॒ શ્નપ્ત્રે᳚સ્થો॒
વિષ્ણો॒સ્સ્યૂર॑સિ॒ વિષ્ણો᳚ર્ધ્રુ॒વમ॑સિ વૈષ્ણ॒વમ॑સિ॒ વિષ્ણ॑વે ત્વા ..૨..

તદ॑સ્ય પ્રિ॒યમ॒ભિપાથો॑ અશ્યામ્ . નરો॒ યત્ર॑ દેવ॒યવો॒ મદ॑ન્તિ.
ઉ॒રુ॒ક્ર॒મસ્ય॒ સ હિ બન્ધુ॑રિ॒ત્થા. વિષ્ણોઃ᳚ પ॒દે પ॑ર॒મે મધ્વ॒ ઉત્થ્સઃ॑ ..૩..

પ્રતદ્વિષ્ણુ॑સ્સ્તવતે વી॒ર્યા॑ય . મૃ॒ગો ન ભી॒મઃ કુ॑ચ॒રો ગિ॑રિ॒ષ્ઠાઃ.
યસ્યો॒રુષુ॑ ત્રિ॒ષુ વિ॒ક્રમ॑ણેષુ. અધિ॑ક્ષિ॒યન્તિ॒ ભુવ॑નાનિ॒ વિશ્વા᳚ ..૪..

પ॒રો માત્ર॑યા ત॒નુવા॑ વૃધાન. ન તે॑ મહિ॒ત્વમન્વ॑શ્નુવન્તિ..

ઉ॒ભે તે॑ વિદ્મ॒ રજ॑સિ પૃથિ॒વ્યા વિષ્ણો॑ દેવ॒ત્વમ્. પ॒ર॒મસ્ય॑ વિથ્સે ..૫..

વિચ॑ક્રમે પૃથિ॒વીમે॒ષ એ॒તામ્. ક્ષેત્રા॑ય॒ વિષ્ણુ॒ર્મનુ॑ષે દશ॒સ્યન્.
ધ્રુ॒વાસો॑ અસ્ય કી॒રયો॒ જના॑સઃ. ઊરુ॒ક્ષિ॒તિᳩસુ॒જનિ॑માચકાર ..૬..

ત્રિર્દેવઃ પૃથિ॒વીમે॒ષ એ॒તામ્. વિચ॑ક્રમે શ॒તર્ચ॑સં મહિ॒ત્વા .
પ્રવિ॑ષ્ણુરસ્તુ ત॒વસ॒સ્તવી॑યાન્. ત્વે॒ષᳩહ્ય॑સ્ય॒ સ્થવિ॑રસ્ય॒ નામ॑ ..૭..

અતો॑ દે॒વા અ॑વન્તુનો॒ યતો॒ વિષ્ણુ॑ર્વિચક્ર॒મે. પૃ॒થિ॒વ્યાસ્સ॒પ્ત ધામ॑ભિઃ .
ઇ॒દં વિષ્ણુ॒ર્વિચ॑ક્રમે ત્રે॒ધા નિદ॑ધે પ॒દમ્. સમૂ॑ઢમસ્ય પાᳩસુ॒રે ..૮..

ત્રીણિ॑ પ॒દા વિચ॑ક્રમે॒ વિષ્ણુ॑ર્ગો॒પા અદા᳚ભ્યઃ. તતો॒ ધર્મા॑ણિ ધા॒રયન્॑.
વિષ્ણોઃ॒ કર્મા॑ણિ પશ્યત॒ યતો᳚ વ્ર॒તાનિ॑ પસ્પ॒શે. ઇન્દ્ર॑સ્ય॒ યુજ્ય॒સ્સખા ..૯..

તદ્વિષ્ણોઃ᳚ પર॒મં પ॒દᳩસદા॑ પશ્યન્તિ સૂ॒રયઃ॑. દિ॒વીવ॒ ચક્ષુ॒રાત॑તમ્.
તદ્વિપ્રા॑સો વિપ॒ન્યવો॑ જાગૃ॒વાᳩસ॒સ્સમિ॑ન્ધતે. વિષ્ણો॒ર્યત્પ॑ર॒મં પ॒દમ્ ..૧૦..

પર્યા᳚પ્ત્યા અન॑ન્તરાયાય॒ સર્વ॑સ્તોમોઽતિ રા॒ત્ર ઉ॑ત્ત॒મ મહ॑ર્ભવતિ॒
સર્વ॒સ્યાપ્ત્યૈ॒ સર્વ॑સ્ય॒ જિત્યૈ॒ સર્વ॑મે॒વ તેના᳚પ્નોતિ॒ સર્વં॑ જયતિ ..૧૧..

.. ૐ શાન્તિઃ॒ શાન્તિઃ॒ શાન્તિઃ॑ ..