ভ়িষ্ণুসূক্তম্

॥ ভ়িষ্ণুসূক্তম্ ॥

ওঁ ভ়িষ্ণো॒র্নুকং॑ ভ়ী॒র্যা॑ণি॒ প্রভ়ো॑চং॒ যঃ পার্থি॑ভ়ানি ভ়িম॒মে রজাᳩসি॒ ।
যো অস্ক॑ভায॒দুত্ত॑রᳩস॒ধস্থং॑ ভ়িচক্রমা॒ণস্ত্রে॒ধোরু॑গা॒যঃ ॥১॥

ওঁ ভ়িষ্ণো॑র॒রাট॑মসি॒ ভ়িষ্ণোঃ᳚ পৃ॒ষ্ঠম॑সি॒ ভ়িষ্ণোঃ॒ শ্নপ্ত্রে᳚স্থো॒
ভ়িষ্ণো॒স্স্যূর॑সি॒ ভ়িষ্ণো᳚র্ধ্রু॒ভ়ম॑সি ভ়ৈষ্ণ॒ভ়ম॑সি॒ ভ়িষ্ণ॑ভ়ে ত্বা ॥২॥

তদ॑স্য প্রি॒যম॒ভিপাথো॑ অশ্যাম্ । নরো॒ যত্র॑ দেভ়॒যভ়ো॒ মদ॑ন্তি।
উ॒রু॒ক্র॒মস্য॒ স হি বন্ধু॑রি॒ত্থা। ভ়িষ্ণোঃ᳚ প॒দে প॑র॒মে মধ্ব॒ উত্থ্সঃ॑ ॥৩॥

প্রতদ্বিষ্ণু॑স্স্তভ়তে ভ়ী॒র্যা॑য । মৃ॒গো ন ভী॒মঃ কু॑চ॒রো গি॑রি॒ষ্ঠাঃ।
যস্যো॒রুষু॑ ত্রি॒ষু ভ়ি॒ক্রম॑ণেষু। অধি॑ক্ষি॒যন্তি॒ ভুভ়॑নানি॒ ভ়িশ্বা᳚ ॥৪॥

প॒রো মাত্র॑যা ত॒নুভ়া॑ ভ়ৃধান। ন তে॑ মহি॒ত্বমন্ব॑শ্নুভ়ন্তি॥

উ॒ভে তে॑ ভ়িদ্ম॒ রজ॑সি পৃথি॒ভ়্যা ভ়িষ্ণো॑ দেভ়॒ত্বম্। প॒র॒মস্য॑ ভ়িথ্সে ॥৫॥

ভ়িচ॑ক্রমে পৃথি॒ভ়ীমে॒ষ এ॒তাম্। ক্ষেত্রা॑য॒ ভ়িষ্ণু॒র্মনু॑ষে দশ॒স্যন্।
ধ্রু॒ভ়াসো॑ অস্য কী॒রযো॒ জনা॑সঃ। ঊরু॒ক্ষি॒তিᳩসু॒জনি॑মাচকার ॥৬॥

ত্রির্দেভ়ঃ পৃথি॒ভ়ীমে॒ষ এ॒তাম্। ভ়িচ॑ক্রমে শ॒তর্চ॑সং মহি॒ত্বা ।
প্রভ়ি॑ষ্ণুরস্তু ত॒ভ়স॒স্তভ়ী॑যান্। ত্বে॒ষᳩহ্য॑স্য॒ স্থভ়ি॑রস্য॒ নাম॑ ॥৭॥

অতো॑ দে॒ভ়া অ॑ভ়ন্তুনো॒ যতো॒ ভ়িষ্ণু॑র্ভ়িচক্র॒মে। পৃ॒থি॒ভ়্যাস্স॒প্ত ধাম॑ভিঃ ।
ই॒দং ভ়িষ্ণু॒র্ভ়িচ॑ক্রমে ত্রে॒ধা নিদ॑ধে প॒দম্। সমূ॑ঢমস্য পাᳩসু॒রে ॥৮॥

ত্রীণি॑ প॒দা ভ়িচ॑ক্রমে॒ ভ়িষ্ণু॑র্গো॒পা অদা᳚ভ্যঃ। ততো॒ ধর্মা॑ণি ধা॒রযন্॑।
ভ়িষ্ণোঃ॒ কর্মা॑ণি পশ্যত॒ যতো᳚ ভ়্র॒তানি॑ পস্প॒শে। ইন্দ্র॑স্য॒ যুজ্য॒স্সখা ॥৯॥

তদ্বিষ্ণোঃ᳚ পর॒মং প॒দᳩসদা॑ পশ্যন্তি সূ॒রযঃ॑। দি॒ভ়ীভ়॒ চক্ষু॒রাত॑তম্।
তদ্বিপ্রা॑সো ভ়িপ॒ন্যভ়ো॑ জাগৃ॒ভ়াᳩস॒স্সমি॑ন্ধতে। ভ়িষ্ণো॒র্যৎপ॑র॒মং প॒দম্ ॥১০॥

পর্যা᳚প্ত্যা অন॑ন্তরাযায॒ সর্ভ়॑স্তোমোঽতি রা॒ত্র উ॑ত্ত॒ম মহ॑র্ভভ়তি॒
সর্ভ়॒স্যাপ্ত্যৈ॒ সর্ভ়॑স্য॒ জিত্যৈ॒ সর্ভ়॑মে॒ভ় তেনা᳚প্নোতি॒ সর্ভ়ং॑ জযতি ॥১১॥

॥ ওঁ শান্তিঃ॒ শান্তিঃ॒ শান্তিঃ॑ ॥