শ্রীভ়িষ্ণুসহস্রনামস্তোত্রম্

॥ পূর্ভ়পীঠিকা ॥
শুক্লাম্বরধরং ভ়িষ্ণুং শশিভ়র্ণং চতুর্ভুজম্ ।
প্রসন্নভ়দনং ধ্যাযেৎ সর্ভ়ভ়িঘ্নোপশান্তযে ॥ ১ ॥

যস্য দ্বিরদভ়ক্ত্রাদ্যাঃ পারিষদ্যাঃ পরশ্শতম্ ।
ভ়িঘ্নং নিঘ্নন্তি সততং ভ়িষ্বক্সেনং তমাশ্রযে ॥ ২ ॥

ভ়্যাসং ভ়সিষ্ঠনপ্তারং শক্তেঃ পৌত্রমকল্মষম্ ।
পরাশরাত্মজং ভ়ন্দে শুকতাতং তপোনিধিম্ ॥ ৩ ॥

ভ়্যাসায ভ়িষ্ণুরূপায ভ়্যাসরূপায ভ়িষ্ণভ়ে ।
নমো ভ়ৈ ব্রহ্মনিধযে ভ়াসিষ্ঠায নমো নমঃ ॥ ৪ ॥

অভ়িকারায শুদ্ধায নিত্যায পরমাত্মনে ।
সদৈকরূপরূপায ভ়িষ্ণভ়ে সর্ভ়জিষ্ণভ়ে ॥ ৫ ॥

যস্য স্মরণমাত্রেণ জন্মসংসারবন্ধনাৎ ।
ভ়িমুচ্যতে নমস্তস্মৈ ভ়িষ্ণভ়ে প্রভভ়িষ্ণভ়ে ॥ ৬ ॥

ওং নমো ভ়িষ্ণভ়ে প্রভভ়িষ্ণভ়ে ।
শ্রীভ়ৈশম্পাযন উভ়াচ ।
শ্রুত্বা ধর্মানশেষেণ পাভ়নানি চ সর্ভ়শঃ ।
যুধিষ্ঠিরঃ শান্তনভ়ং পুনরেভ়াভ্যভাষত ॥ ৭ ॥

যুধিষ্ঠির উভ়াচ ।
কিমেকং দৈভ়তং লোকে কিং ভ়াপ্যেকং পরাযণম্ ।
স্তুভ়ন্তঃ কং কমর্চন্তঃ প্রাপ্নুযুর্মানভ়াঃ শুভম্ ॥ ৮ ॥

কো ধর্মঃ সর্ভ়ধর্মাণাং ভভ়তঃ পরমো মতঃ ।
কিং জপন্মুচ্যতে জন্তুর্জন্মসংসারবন্ধনাৎ ॥ ৯ ॥

শ্রী ভীষ্ম উভ়াচ ।
জগৎপ্রভুং দেভ়দেভ়মনন্তং পুরুষোত্তমম্ ।
স্তুভ়ন্নামসহস্রেণ পুরুষঃ সততোত্থিতঃ ॥ ১০ ॥

তমেভ় চার্চযন্নিত্যং ভক্ত্যা পুরুষমভ়্যযম্ ।
ধ্যাযন্ স্তুভ়ন্নমস্যংশ্চ যজমানস্তমেভ় চ ॥ ১১ ॥

অনাদিনিধনং ভ়িষ্ণুং সর্ভ়লোকমহেশ্বরম্ ।
লোকাধ্যক্ষং স্তুভ়ন্নিত্যং সর্ভ়দুঃখাতিগো ভভ়েৎ ॥ ১২ ॥

ব্রহ্মণ্যং সর্ভ়ধর্মজ্ঞং লোকানাং কীর্তিভ়র্ধনম্ ।
লোকনাথং মহদ্ভূতং সর্ভ়ভূতভভ়োদ্ভভ়ম্ ॥ ১৩ ॥

এষ মে সর্ভ়ধর্মাণাং ধর্মোঽধিকতমো মতঃ ।
যদ্ভক্ত্যা পুণ্ডরীকাক্ষং স্তভ়ৈরর্চেন্নরঃ সদা ॥ ১৪ ॥

পরমং যো মহত্তেজঃ পরমং যো মহত্তপঃ ।
পরমং যো মহদ্‌ব্রহ্ম পরমং যঃ পরাযণম্ ॥ ১৫ ॥

পভ়িত্রাণাং পভ়িত্রং যো মঙ্গলানাং চ মঙ্গলম্ ।
দৈভ়তং দৈভ়তানাং চ ভূতানাং যোঽভ়্যযঃ পিতা ॥ ১৬ ॥

যতঃ সর্ভ়াণি ভূতানি ভভ়ন্ত্যাদিযুগাগমে ।
যস্মিংশ্চ প্রলযং যান্তি পুনরেভ় যুগক্ষযে ॥ ১৭ ॥

তস্য লোকপ্রধানস্য জগন্নাথস্য ভূপতে ।
ভ়িষ্ণোর্নামসহস্রং মে শৃণু পাপভযাপহম্ ॥ ১৮ ॥

যানি নামানি গৌণানি ভ়িখ্যাতানি মহাত্মনঃ ।
ঋষিভিঃ পরিগীতানি তানি ভ়ক্ষ্যামি ভূতযে ॥ ১৯ ॥

ঋষির্নাম্নাং সহস্রস্য ভ়েদভ়্যাসো মহামুনিঃ ।
ছন্দোঽনুষ্টুপ্ তথা দেভ়ো ভগভ়ান্ দেভ়কীসুতঃ ॥ ২০ ॥

অমৃতাংশূদ্ভভ়ো বীজং শক্তির্দেভ়কিনন্দনঃ ।
ত্রিসামা হৃদযং তস্য শান্ত্যর্থে ভ়িনিযুজ্যতে ॥ ২১ ॥

ভ়িষ্ণুং জিষ্ণুং মহাভ়িষ্ণুং প্রভভ়িষ্ণুং মহেশ্বরম্ ।
অনেকরূপ দৈত্যান্তং নমামি পুরুষোত্তমম্ ॥ ২২ ॥

অস্য শ্রীভ়িষ্ণোর্দিভ়্যসহস্রনামস্তোত্র মহামন্ত্রস্য শ্রী ভ়েদভ়্যাসো ভগভ়ানৃষিঃ অনুষ্টুপ্ ছন্দঃ, শ্রীমহাভ়িষ্ণুঃ পরমাত্মা শ্রীমন্নারাযণো দেভ়তা, অমৃতাংশূদ্ভভ়ো ভানুরিতি বীজম্, দেভ়কীনন্দনঃ স্রষ্টেতি শক্তিঃ, উদ্ভভ়ঃ ক্ষোভণো দেভ় ইতি পরমো মন্ত্রঃ, শঙ্খভৃন্নন্দকী চক্রীতি কীলকম্, শার্ঙ্গধন্বা গদাধর ইত্যস্ত্রম্, রথাঙ্গপাণিরক্ষোভ্য ইতি নেত্রম্, ত্রিসামা সামগস্সামেতি কভ়চম্, আনন্দং পরব্রহ্মেতি যোনিঃ, ঋতুস্সুদর্শনঃ কাল ইতি দিগ্‌বন্ধঃ, শ্রী ভ়িশ্বরূপ ইতি ধ্যানম্, শ্রীমহাভ়িষ্ণু প্রীত্যর্থে সহস্রনাম জপে ভ়িনিযোগঃ ॥

ধ্যানম্ ।
ক্ষীরোদন্বৎপ্রদেশে শুচিমণিভ়িলসৎসৈকতে মৌক্তিকানাং
মালাক্লুপ্তাসনস্থঃ স্ফটিকমণিনিভৈর্মৌক্তিকৈর্মণ্ডিতাঙ্গঃ ।শুভ্রৈরভ্রৈরদভ্রৈরুপরিভ়িরচিতৈর্মুক্তপীযূষভ়র্ষৈ-
-রানন্দী নঃ পুনীযাদরিনলিনগদাশঙ্খপাণির্মুকুন্দঃ ॥ ১ ॥

ভূঃ পাদৌ যস্য নাভির্ভ়িযদসুরনিলশ্চন্দ্র সূর্যৌ চ নেত্রে
কর্ণাভ়াসাঃ শিরো দ্যৌর্মুখমপি দহনো যস্য ভ়াস্তেযমব্ধিঃ ।
অন্তঃস্থং যস্য ভ়িশ্বং সুরনরখগগোভোগিগন্ধর্ভ়দৈত্যৈঃ
চিত্রং রংরম্যতে তং ত্রিভুভ়নভ়পুষং ভ়িষ্ণুমীশং নমামি ॥ ২ ॥

শান্তাকারং ভুজগশযনং পদ্মনাভং সুরেশং
ভ়িশ্বাকারং গগনসদৃশং মেঘভ়র্ণং শুভাঙ্গম্ ।
লক্ষ্মীকান্তং কমলনযনং যোগিহৃদ্ধ্যানগম্যং
ভ়ন্দে ভ়িষ্ণুং ভভ়ভযহরং সর্ভ়লোকৈকনাথম্ ॥ ৩ ॥

মেঘশ্যামং পীতকৌশেযভ়াসং
শ্রীভ়ৎসাঙ্কং কৌস্তুভোদ্ভাসিতাঙ্গম্ ।
পুণ্যোপেতং পুণ্ডরীকাযতাক্ষং
ভ়িষ্ণুং ভ়ন্দে সর্ভ়লোকৈকনাথম্ ॥ ৪ ॥

অধিকশ্লোক
নমঃ সমস্তভূতানামাদিভূতায ভূভৃতে ।
অনেকরূপরূপায ভ়িষ্ণভ়ে প্রভভ়িষ্ণভ়ে ॥ ৫ ॥

সশঙ্খচক্রং সকিরীটকুণ্ডলং
সপীতভ়স্ত্রং সরসীরুহেক্ষণম্ ।
সহারভ়ক্ষঃস্থলশোভিকৌস্তুভং
নমামি ভ়িষ্ণুং শিরসা চতুর্ভুজম্ ॥ ৬ ॥

অধিকশ্লোক
ছাযাযাং পারিজাতস্য হেমসিংহাসনোপরি
আসীনমম্বুদশ্যামমাযতাক্ষমলঙ্কৃতম্ ।
চন্দ্রাননং চতুর্বাহুং শ্রীভ়ৎসাঙ্কিত ভ়ক্ষসং
রুক্মিণী সত্যভামাভ্যাং সহিতং কৃষ্ণমাশ্রযে ॥ ৭ ॥

হরিঃ ওং ।
ভ়িশ্বং ভ়িষ্ণুর্ভ়ষট্কারো ভূতভভ়্যভভ়ৎপ্রভুঃ ।
ভূতকৃদ্ভূতভৃদ্ভাভ়ো ভূতাত্মা ভূতভাভ়নঃ ॥ ১ ॥

পূতাত্মা পরমাত্মা চ মুক্তানাং পরমাগতিঃ ।
অভ়্যযঃ পুরুষস্সাক্ষী ক্ষেত্রজ্ঞোঽক্ষর এভ় চ ॥ ২ ॥

যোগো যোগভ়িদাং নেতা প্রধানপুরুষেশ্বরঃ ।
নারসিংহভ়পুঃ শ্রীমান্ কেশভ়ঃ পুরুষোত্তমঃ ॥ ৩ ॥

সর্ভ়শ্শর্ভ়শ্শিভ়স্স্থাণুর্ভূতাদির্নিধিরভ়্যযঃ ।
সম্ভভ়ো ভাভ়নো ভর্তা প্রভভ়ঃ প্রভুরীশ্বরঃ ॥ ৪ ॥

স্বযম্ভূশ্শম্ভুরাদিত্যঃ পুষ্করাক্ষো মহাস্বনঃ ।
অনাদিনিধনো ধাতা ভ়িধাতা ধাতুরুত্তমঃ ॥ ৫ ॥

অপ্রমেযো হৃষীকেশঃ পদ্মনাভোঽমরপ্রভুঃ ।
ভ়িশ্বকর্মা মনুস্ত্বষ্টা স্থভ়িষ্ঠঃ স্থভ়িরো ধ্রুভ়ঃ ॥ ৬ ॥

অগ্রাহ্যশ্শাশ্বতঃ কৃষ্ণো লোহিতাক্ষঃ প্রতর্দনঃ ।
প্রভূতস্ত্রিককুব্ধাম পভ়িত্রং মঙ্গলং পরম্ ॥ ৭ ॥

ঈশানঃ প্রাণদঃ প্রাণো জ্যেষ্ঠঃ শ্রেষ্ঠঃ প্রজাপতিঃ ।
হিরণ্যগর্ভো ভূগর্ভো মাধভ়ো মধুসূদনঃ ॥ ৮ ॥

ঈশ্বরো ভ়িক্রমী ধন্বী মেধাভ়ী ভ়িক্রমঃ ক্রমঃ ।
অনুত্তমো দুরাধর্ষঃ কৃতজ্ঞঃ কৃতিরাত্মভ়ান্ ॥ ৯ ॥

সুরেশশ্শরণং শর্ম ভ়িশ্বরেতাঃ প্রজাভভ়ঃ ।
অহস্সংভ়ৎসরো ভ়্যালঃ প্রত্যযস্সর্ভ়দর্শনঃ ॥ ১০ ॥

অজস্সর্ভ়েশ্বরস্সিদ্ধস্সিদ্ধিস্সর্ভ়াদিরচ্যুতঃ ।
ভ়ৃষাকপিরমেযাত্মা সর্ভ়যোগভ়িনিস্সৃতঃ ॥ ১১ ॥

ভ়সুর্ভ়সুমনাস্সত্যস্সমাত্মা সম্মিতস্সমঃ ।
অমোঘঃ পুণ্ডরীকাক্ষো ভ়ৃষকর্মা ভ়ৃষাকৃতিঃ ॥ ১২ ॥

রুদ্রো বহুশিরা বভ্রুর্ভ়িশ্বযোনিশ্শুচিশ্রভ়াঃ ।
অমৃতশ্শাশ্বতস্স্থাণুর্ভ়রারোহো মহাতপাঃ ॥ ১৩ ॥

সর্ভ়গস্সর্ভ়ভ়িদ্ভানুর্ভ়িষ্বক্সেনো জনার্দনঃ ।
ভ়েদো ভ়েদভ়িদভ়্যঙ্গো ভ়েদাঙ্গো ভ়েদভ়িৎকভ়িঃ ॥ ১৪ ॥

লোকাধ্যক্ষস্সুরাধ্যক্ষো ধর্মাধ্যক্ষঃ কৃতাকৃতঃ ।
চতুরাত্মা চতুর্ভ়্যূহশ্চতুর্দম্ষ্ট্রশ্চতুর্ভুজঃ ॥ ১৫ ॥

ভ্রাজিষ্ণুর্ভোজনং ভোক্তা সহিষ্ণুর্জগদাদিজঃ ।
অনঘো ভ়িজযো জেতা ভ়িশ্বযোনিঃ পুনর্ভ়সুঃ ॥ ১৬ ॥

উপেন্দ্রো ভ়ামনঃ প্রাংশুরমোঘশ্শুচিরূর্জিতঃ ।
অতীন্দ্রস্সঙ্গ্রহস্সর্গো ধৃতাত্মা নিযমো যমঃ ॥ ১৭ ॥

ভ়েদ্যো ভ়ৈদ্যস্সদাযোগী ভ়ীরহা মাধভ়ো মধুঃ ।
অতীন্দ্রিযো মহামাযো মহোৎসাহো মহাবলঃ ॥ ১৮ ॥

মহাবুদ্ধির্মহাভ়ীর্যো মহাশক্তির্মহাদ্যুতিঃ ।
অনির্দেশ্যভ়পুঃ শ্রীমানমেযাত্মা মহাদ্রিধৃৎ ॥ ১৯ ॥

মহেষ্বাসো মহীভর্তা শ্রীনিভ়াসস্সতাংগতিঃ ।
অনিরুদ্ধস্সুরানন্দো গোভ়িন্দো গোভ়িদাংপতিঃ ॥ ২০ ॥

মরীচির্দমনো হংসস্সুপর্ণো ভুজগোত্তমঃ ।
হিরণ্যনাভস্সুতপাঃ পদ্মনাভঃ প্রজাপতিঃ ॥ ২১ ॥

অমৃত্যুস্সর্ভ়দৃক্সিংহস্সন্ধাতা সন্ধিমান্ স্থিরঃ ।
অজো দুর্মর্ষণশ্শাস্তা ভ়িশ্রুতাত্মা সুরারিহা ॥ ২২ ॥

গুরুর্গুরুতমো ধাম সত্যস্সত্যপরাক্রমঃ ।
নিমিষোঽনিমিষস্স্রগ্বী ভ়াচস্পতিরুদারধীঃ ॥ ২৩ ॥

অগ্রণীর্গ্রামণীঃ শ্রীমান্ন্যাযো নেতা সমীরণঃ ।
সহস্রমূর্ধা ভ়িশ্বাত্মা সহস্রাক্ষস্সহস্রপাৎ ॥ ২৪ ॥

আভ়র্তনো নিভ়ৃত্তাত্মা সংভ়ৃতস্সম্প্রমর্দনঃ ।
অহস্সংভ়র্তকো ভ়হ্নিরনিলো ধরণীধরঃ ॥ ২৫ ॥

সুপ্রসাদঃ প্রসন্নাত্মা ভ়িশ্বসৃড্বিশ্বভুগ্বিভুঃ ।
সৎকর্তা সৎকৃতস্সাধুর্জহ্নুর্নারাযণো নরঃ ॥ ২৬ ॥

অসঙ্খ্যেযোঽপ্রমেযাত্মা ভ়িশিষ্টশ্শিষ্টকৃচ্ছুচিঃ ।
সিদ্ধার্থস্সিদ্ধসঙ্কল্পস্সিদ্ধিদস্সিদ্ধিসাধনঃ ॥ ২৭ ॥

ভ়ৃষাহী ভ়ৃষভো ভ়িষ্ণুর্ভ়ৃষপর্ভ়া ভ়ৃষোদরঃ ।
ভ়র্ধনো ভ়র্ধমানশ্চ ভ়িভ়িক্তঃ শ্রুতিসাগরঃ ॥ ২৮ ॥

সুভুজো দুর্ধরো ভ়াগ্মী মহেন্দ্রো ভ়সুদো ভ়সুঃ ।
নৈকরূপো বৃহদ্রূপঃ শিপিভ়িষ্টঃ প্রকাশনঃ ॥ ২৯ ॥

ওজস্তেজো দ্যুতিধরঃ প্রকাশাত্মা প্রতাপনঃ ।
ঋদ্ধস্স্পষ্টাক্ষরো মন্ত্রশ্চন্দ্রাংশুর্ভাস্করদ্যুতিঃ ॥ ৩০ ॥

অমৃতাংশূদ্ভভ়ো ভানুঃ শশবিন্দুস্সুরেশ্বরঃ ।
ঔষধং জগতস্সেতুস্সত্যধর্মপরাক্রমঃ ॥ ৩১ ॥

ভূতভভ়্যভভ়ন্নাথঃ পভ়নঃ পাভ়নোঽনলঃ ।
কামহা কামকৃৎকান্তঃ কামঃ কামপ্রদঃ প্রভুঃ ॥ ৩২ ॥

যুগাদিকৃদ্যুগাভ়র্তো নৈকমাযো মহাশনঃ ।
অদৃশ্যো ভ়্যক্তরূপশ্চ সহস্রজিদনন্তজিৎ ॥ ৩৩ ॥

ইষ্টোঽভ়িশিষ্টশ্শিষ্টেষ্টঃ শিখণ্ডী নহুষো ভ়ৃষঃ ।
ক্রোধহা ক্রোধকৃৎকর্তা ভ়িশ্ববাহুর্মহীধরঃ ॥ ৩৪ ॥

অচ্যুতঃ প্রথিতঃ প্রাণঃ প্রাণদো ভ়াসভ়ানুজঃ ।
অপাংনিধিরধিষ্ঠানমপ্রমত্তঃ প্রতিষ্ঠিতঃ ॥ ৩৫ ॥

স্কন্দঃ স্কন্দধরো ধুর্যো ভ়রদো ভ়াযুভ়াহনঃ ।
ভ়াসুদেভ়ো বৃহদ্ভানুরাদিদেভ়ঃ পুরন্দরঃ ॥ ৩৬ ॥

অশোকস্তারণস্তারঃ শূরশ্শৌরির্জনেশ্বরঃ ।
অনুকূলশ্শতাভ়র্তঃ পদ্মী পদ্মনিভেক্ষণঃ ॥ ৩৭ ॥

পদ্মনাভোঽরভ়িন্দাক্ষঃ পদ্মগর্ভশ্শরীরভৃৎ ।
মহর্ধিরৃদ্ধো ভ়ৃদ্ধাত্মা মহাক্ষো গরুডধ্বজঃ ॥ ৩৮ ॥

অতুলশ্শরভো ভীমস্সমযজ্ঞো হভ়ির্হরিঃ ।
সর্ভ়লক্ষণলক্ষণ্যো লক্ষ্মীভ়ান্ সমিতিঞ্জযঃ ॥ ৩৯ ॥

ভ়িক্ষরো রোহিতো মার্গো হেতুর্দামোদরস্সহঃ ।
মহীধরো মহাভাগো ভ়েগভ়ানমিতাশনঃ ॥ ৪০ ॥

উদ্ভভ়ঃ ক্ষোভণো দেভ়ঃ শ্রীগর্ভঃ পরমেশ্বরঃ ।
করণং কারণং কর্তা ভ়িকর্তা গহনো গুহঃ ॥ ৪১ ॥

ভ়্যভ়সাযো ভ়্যভ়স্থানঃ সংস্থানঃ স্থানদো ধ্রুভ়ঃ ।
পরর্ধিঃ পরমস্পষ্টস্তুষ্টঃ পুষ্টশ্শুভেক্ষণঃ ॥ ৪২ ॥

রামো ভ়িরামো ভ়িরজো মার্গো নেযো নযোঽনযঃ ।
ভ়ীরশ্শক্তিমতাং শ্রেষ্ঠো ধর্মো ধর্মভ়িদুত্তমঃ ॥ ৪৩ ॥

ভ়ৈকুণ্ঠঃ পুরুষঃ প্রাণঃ প্রাণদঃ প্রণভ়ঃ পৃথুঃ ।
হিরণ্যগর্ভশ্শত্রুঘ্নো ভ়্যাপ্তো ভ়াযুরধোক্ষজঃ ॥ ৪৪ ॥

ঋতুস্সুদর্শনঃ কালঃ পরমেষ্ঠী পরিগ্রহঃ ।
উগ্রস্সংভ়ৎসরো দক্ষো ভ়িশ্রামো ভ়িশ্বদক্ষিণঃ ॥ ৪৫ ॥

ভ়িস্তারস্স্থাভ়রস্থাণুঃ প্রমাণং বীজমভ়্যযম্ ।
অর্থোঽনর্থো মহাকোশো মহাভোগো মহাধনঃ ॥ ৪৬ ॥

অনির্ভ়িণ্ণস্স্থভ়িষ্ঠো ভূর্ধর্মযূপো মহামখঃ ।
নক্ষত্রনেমির্নক্ষত্রী ক্ষমঃ ক্ষামস্সমীহনঃ ॥ ৪৭ ॥

যজ্ঞ ইজ্যো মহেজ্যশ্চ ক্রতুস্সত্রং সতাংগতিঃ ।
সর্ভ়দর্শী ভ়িমুক্তাত্মা সর্ভ়জ্ঞো জ্ঞানমুত্তমম্ ॥ ৪৮ ॥

সুভ়্রতস্সুমুখস্সূক্ষ্মঃ সুঘোষস্সুখদস্সুহৃৎ ।
মনোহরো জিতক্রোধো ভ়ীরবাহুর্ভ়িদারণঃ ॥ ৪৯ ॥

স্বাপনস্স্বভ়শো ভ়্যাপী নৈকাত্মা নৈককর্মকৃৎ ।
ভ়ৎসরো ভ়ৎসলো ভ়ৎসী রত্নগর্ভো ধনেশ্বরঃ ॥ ৫০ ॥

ধর্মগুব্ধর্মকৃদ্ধর্মী সদসৎক্ষরমক্ষরম্ । [**সদক্ষরমসৎক্ষরম্**]
অভ়িজ্ঞাতা সহস্রাংশুর্ভ়িধাতা কৃতলক্ষণঃ ॥ ৫১ ॥

গভস্তিনেমিস্সত্ত্বস্থস্সিংহো ভূতমহেশ্বরঃ ।
আদিদেভ়ো মহাদেভ়ো দেভ়েশো দেভ়ভৃদ্গুরুঃ ॥ ৫২ ॥

উত্তরো গোপতির্গোপ্তা জ্ঞানগম্যঃ পুরাতনঃ ।
শরীরভূতভৃদ্ভোক্তা কপীন্দ্রো ভূরিদক্ষিণঃ ॥ ৫৩ ॥

সোমপোঽমৃতপস্সোমঃ পুরুজিৎপুরুসত্তমঃ ।
ভ়িনযো জযস্সত্যসন্ধো দাশার্হস্সাত্ত্বতাম্পতিঃ ॥ ৫৪ ॥

জীভ়ো ভ়িনযিতা সাক্ষী মুকুন্দোঽমিতভ়িক্রমঃ ।
অম্ভোনিধিরনন্তাত্মা মহোদধিশযোঽন্তকঃ ॥ ৫৫ ॥

অজো মহার্হস্স্বাভাভ়্যো জিতামিত্রঃ প্রমোদনঃ ।
আনন্দো নন্দনো নন্দস্সত্যধর্মা ত্রিভ়িক্রমঃ ॥ ৫৬ ॥

মহর্ষিঃ কপিলাচার্যঃ কৃতজ্ঞো মেদিনীপতিঃ ।
ত্রিপদস্ত্রিদশাধ্যক্ষো মহাশৃঙ্গঃ কৃতান্তকৃৎ ॥ ৫৭ ॥

মহাভ়রাহো গোভ়িন্দস্সুষেণঃ কনকাঙ্গদী ।
গুহ্যো গভীরো গহনো গুপ্তশ্চক্রগদাধরঃ ॥ ৫৮ ॥

ভ়েধাস্স্বাঙ্গোঽজিতঃ কৃষ্ণো দৃঢস্সঙ্কর্ষণোঽচ্যুতঃ ।
ভ়রুণো ভ়ারুণো ভ়ৃক্ষঃ পুষ্করাক্ষো মহামনাঃ ॥ ৫৯ ॥

ভগভ়ান্ ভগহাঽঽনন্দী ভ়নমালী হলাযুধঃ ।
আদিত্যো জ্যোতিরাদিত্যস্সহিষ্ণুর্গতিসত্তমঃ ॥ ৬০ ॥

সুধন্বা খণ্ডপরশুর্দারুণো দ্রভ়িণপ্রদঃ ।
দিভ়িস্পৃক্সর্ভ়দৃগ্ব্যাসো ভ়াচস্পতিরযোনিজঃ ॥ ৬১ ॥

ত্রিসামা সামগস্সাম নির্ভ়াণং ভেষজং ভিষক্ ।
সন্ন্যাসকৃচ্ছমশ্শান্তো নিষ্ঠা শান্তিঃ পরাযণম্ ॥ ৬২ ॥

শুভাঙ্গশ্শান্তিদস্স্রষ্টা কুমুদঃ কুভ়লেশযঃ ।
গোহিতো গোপতির্গোপ্তা ভ়ৃষভাক্ষো ভ়ৃষপ্রিযঃ ॥ ৬৩ ॥

অনিভ়র্তী নিভ়ৃত্তাত্মা সঙ্ক্ষেপ্তা ক্ষেমকৃচ্ছিভ়ঃ ।
শ্রীভ়ৎসভ়ক্ষাঃ শ্রীভ়াসঃ শ্রীপতিঃ শ্রীমতাংভ়রঃ ॥ ৬৪ ॥

শ্রীদঃ শ্রীশঃ শ্রীনিভ়াসঃ শ্রীনিধিঃ শ্রীভ়িভাভ়নঃ ।
শ্রীধরঃ শ্রীকরঃ শ্রেযঃ শ্রীমান্ লোকত্রযাশ্রযঃ ॥ ৬৫ ॥

স্বক্ষস্স্বঙ্গশ্শতানন্দো নন্দির্জ্যোতির্গণেশ্বরঃ ।
ভ়িজিতাত্মা ভ়িধেযাত্মা সৎকীর্তিশ্ছিন্নসংশযঃ ॥ ৬৬ ॥

উদীর্ণস্সর্ভ়তশ্চক্ষুরনীশশ্শাশ্বতস্থিরঃ ।
ভূশযো ভূষণো ভূতির্ভ়িশোকশ্শোকনাশনঃ ॥ ৬৭ ॥

অর্চিষ্মানর্চিতঃ কুম্ভো ভ়িশুদ্ধাত্মা ভ়িশোধনঃ ।
অনিরুদ্ধোঽপ্রতিরথঃ প্রদ্যুম্নোঽমিতভ়িক্রমঃ ॥ ৬৮ ॥

কালনেমিনিহা ভ়ীরশ্শৌরিশ্শূরজনেশ্বরঃ ।
ত্রিলোকাত্মা ত্রিলোকেশঃ কেশভ়ঃ কেশিহা হরিঃ ॥ ৬৯ ॥

কামদেভ়ঃ কামপালঃ কামী কান্তঃ কৃতাগমঃ ।
অনির্দেশ্যভ়পুর্ভ়িষ্ণুর্ভ়ীরোঽনন্তো ধনঞ্জযঃ ॥ ৭০ ॥

ব্রহ্মণ্যো ব্রহ্মকৃদ্‌ব্রহ্মা ব্রহ্ম ব্রহ্মভ়িভ়র্ধনঃ ।
ব্রহ্মভ়িদ্‌ব্রাহ্মণো ব্রহ্মী ব্রহ্মজ্ঞো ব্রাহ্মণপ্রিযঃ ॥ ৭১ ॥

মহাক্রমো মহাকর্মা মহাতেজা মহোরগঃ ।
মহাক্রতুর্মহাযজ্বা মহাযজ্ঞো মহাহভ়িঃ ॥ ৭২ ॥

স্তভ়্যস্স্তভ়প্রিযস্স্তোত্রম্ স্তুতিস্স্তোতা রণপ্রিযঃ ।
পূর্ণঃ পূরযিতা পুণ্যঃ পুণ্যকীর্তিরনামযঃ ॥ ৭৩ ॥

মনোজভ়স্তীর্থকরো ভ়সুরেতা ভ়সুপ্রদঃ ।
ভ়সুপ্রদো ভ়াসুদেভ়ো ভ়সুর্ভ়সুমনা হভ়িঃ ॥ ৭৪ ॥

সদ্গতিস্সৎকৃতিস্সত্তা সদ্ভূতিস্সৎপরাযণঃ ।
শূরসেনো যদুশ্রেষ্ঠস্সন্নিভ়াসস্সুযামুনঃ ॥ ৭৫ ॥

ভূতাভ়াসো ভ়াসুদেভ়ঃ সর্ভ়াসুনিলযোঽনলঃ ।
দর্পহা দর্পদোঽদৃপ্তো দুর্ধরোঽথাপরাজিতঃ ॥ ৭৬ ॥

ভ়িশ্বমূর্তির্মহামূর্তির্দীপ্তমূর্তিরমূর্তিমান্ ।
অনেকমূর্তিরভ়্যক্তশ্শতমূর্তিশ্শতাননঃ ॥ ৭৭ ॥

একো নৈকস্স্তভ়ঃ কঃ কিং যত্তৎপদমনুত্তমম্ ।
লোকবন্ধুর্লোকনাথো মাধভ়ো ভক্তভ়ৎসলঃ ॥ ৭৮ ॥

সুভ়র্ণভ়র্ণো হেমাঙ্গো ভ়রাঙ্গশ্চন্দনাঙ্গদী ।
ভ়ীরহা ভ়িষমশ্শূন্যো ঘৃতাশীরচলশ্চলঃ ॥ ৭৯ ॥

অমানী মানদো মান্যো লোকস্বামী ত্রিলোকধৃৎ ।
সুমেধা মেধজো ধন্যস্সত্যমেধা ধরাধরঃ ॥ ৮০ ॥

তেজোভ়ৃষো দ্যুতিধরস্সর্ভ়শস্ত্রভৃতাং ভ়রঃ ।
প্রগ্রহো নিগ্রহো ভ়্যগ্রো নৈকশৃঙ্গো গদাগ্রজঃ ॥ ৮১ ॥

চতুর্মূর্তিশ্চতুর্বাহুশ্চতুর্ভ়্যূহশ্চতুর্গতিঃ ।
চতুরাত্মা চতুর্ভাভ়শ্চতুর্ভ়েদভ়িদেকপাৎ ॥ ৮২ ॥

সমাভ়র্তোঽনিভ়ৃত্তাত্মা দুর্জযো দুরতিক্রমঃ ।
দুর্লভো দুর্গমো দুর্গো দুরাভ়াসো দুরারিহা ॥ ৮৩ ॥

শুভাঙ্গো লোকসারঙ্গস্সুতন্তুস্তন্তুভ়র্ধনঃ ।
ইন্দ্রকর্মা মহাকর্মা কৃতকর্মা কৃতাগমঃ ॥ ৮৪ ॥

উদ্ভভ়স্সুন্দরস্সুন্দো রত্ননাভস্সুলোচনঃ ।
অর্কো ভ়াজসনশ্শৃঙ্গী জযন্তস্সর্ভ়ভ়িজ্জযী ॥ ৮৫ ॥

সুভ়র্ণবিন্দুরক্ষোভ্যস্সর্ভ়ভ়াগীশ্বরেশ্বরঃ ।
মহাহ্রদো মহাগর্তো মহাভূতো মহানিধিঃ ॥ ৮৬ ॥

কুমুদঃ কুন্দরঃ কুন্দঃ পর্জন্যঃ পাভ়নোঽনিলঃ ।
অমৃতাংশোঽমৃতভ়পুস্সর্ভ়জ্ঞস্সর্ভ়তোমুখঃ ॥ ৮৭ ॥

সুলভস্সুভ়্রতস্সিদ্ধঃ শত্রুজিচ্ছত্রুতাপনঃ ।
ন্যগ্রোধোদুম্বরোঽশ্বত্থশ্চাণূরান্ধ্রনিষূদনঃ ॥ ৮৮ ॥

সহস্রার্চিস্সপ্তজিহ্বস্সপ্তৈধাস্সপ্তভ়াহনঃ ।
অমূর্তিরনঘোঽচিন্ত্যো ভযকৃদ্ভযনাশনঃ ॥ ৮৯ ॥

অণুর্বৃহৎকৃশঃ স্থূলো গুণভৃন্নির্গুণো মহান্ ।
অধৃতঃ স্বধৃতস্স্বাস্থ্যঃ প্রাগ্বংশো ভ়ংশভ়র্ধনঃ ॥ ৯০ ॥

ভারভৃৎকথিতো যোগী যোগীশস্সর্ভ়কামদঃ ।
আশ্রমঃ শ্রমণঃ ক্ষামঃ সুপর্ণো ভ়াযুভ়াহনঃ ॥ ৯১ ॥

ধনুর্ধরো ধনুর্ভ়েদো দণ্ডো দমযিতা দমঃ ।
অপরাজিতস্সর্ভ়সহো নিযন্তা নিযমো যমঃ ॥ ৯২ ॥

সত্ত্বভ়ান্ সাত্ত্বিকস্সত্যস্সত্যধর্মপরাযণঃ ।
অভিপ্রাযঃ প্রিযার্হোঽর্হঃ প্রিযকৃৎপ্রীতিভ়র্ধনঃ ॥ ৯৩ ॥

ভ়িহাযসগতির্জ্যোতিস্সুরুচির্হুতভুগ্বিভুঃ ।
রভ়ির্ভ়িলোচনস্সূর্যস্সভ়িতা রভ়িলোচনঃ ॥ ৯৪ ॥

অনন্তো হুতভুগ্ভোক্তা সুখদো নৈকজোঽগ্রজঃ ।
অনির্ভ়িণ্ণস্সদামর্ষী লোকাধিষ্ঠানমদ্ভুতঃ ॥ ৯৫ ॥

সনাৎসনাতনতমঃ কপিলঃ কপিরভ়্যযঃ ।
স্বস্তিদস্স্বস্তিকৃৎস্বস্তি স্বস্তিভুক্স্বস্তিদক্ষিণঃ ॥ ৯৬ ॥

অরৌদ্রঃ কুণ্ডলী চক্রী ভ়িক্রম্যূর্জিতশাসনঃ ।
শব্দাতিগশ্শব্দসহঃ শিশিরশ্শর্ভ়রীকরঃ ॥ ৯৭ ॥

অক্রূরঃ পেশলো দক্ষো দক্ষিণঃ ক্ষমিণাংভ়রঃ ।
ভ়িদ্বত্তমো ভ়ীতভযঃ পুণ্যশ্রভ়ণকীর্তনঃ ॥ ৯৮ ॥

উত্তারণো দুষ্কৃতিহা পুণ্যো দুস্স্বপ্ননাশনঃ ।
ভ়ীরহা রক্ষণস্সন্তো জীভ়নং পর্যভ়স্থিতঃ ॥ ৯৯ ॥

অনন্তরূপোঽনন্তশ্রীর্জিতমন্যুর্ভযাপহঃ ।
চতুরশ্রো গভীরাত্মা ভ়িদিশো ভ়্যাদিশো দিশঃ ॥ ১০০ ॥

অনাদির্ভূর্ভুভ়ো লক্ষ্মীস্সুভ়ীরো রুচিরাঙ্গদঃ ।
জননো জনজন্মাদির্ভীমো ভীমপরাক্রমঃ ॥ ১০১ ॥

আধারনিলযো ধাতা পুষ্পহাসঃ প্রজাগরঃ ।
ঊর্ধ্বগস্সৎপথাচারঃ প্রাণদঃ প্রণভ়ঃ পণঃ ॥ ১০২ ॥

প্রমাণং প্রাণনিলযঃ প্রাণভৃৎপ্রাণজীভ়নঃ ।
তত্ত্বং তত্ত্বভ়িদেকাত্মা জন্মমৃত্যুজরাতিগঃ ॥ ১০৩ ॥

ভূর্ভুভ়স্স্বস্তরুস্তারস্সভ়িতা প্রপিতামহঃ ।
যজ্ঞো যজ্ঞপতির্যজ্বা যজ্ঞাঙ্গো যজ্ঞভ়াহনঃ ॥ ১০৪ ॥

যজ্ঞভৃদ্যজ্ঞকৃদ্যজ্ঞী যজ্ঞভুগ্যজ্ঞসাধনঃ ।
যজ্ঞান্তকৃদ্যজ্ঞগুহ্যমন্নমন্নাদ এভ় চ ॥ ১০৫ ॥

আত্মযোনিস্স্বযঞ্জাতো ভ়ৈখানস্সামগাযনঃ ।
দেভ়কীনন্দনস্স্রষ্টা ক্ষিতীশঃ পাপনাশনঃ ॥ ১০৬ ॥

শঙ্খভৃন্নন্দকী চক্রী শার্ঙ্গধন্বা গদাধরঃ ।
রথাঙ্গপাণিরক্ষোভ্যস্সর্ভ়প্রহরণাযুধঃ ॥ ১০৭ ॥

শ্রীসর্ভ়প্রহরণাযুধ ওং নম ইতি ।
ভ়নমালী গদী শার্ঙ্গী শঙ্খী চক্রী চ নন্দকী ।
শ্রীমান্নারাযণো ভ়িষ্ণুর্ভ়াসুদেভ়োঽভিরক্ষতু ॥ ১০৮ ॥

শ্রী ভ়াসুদেভ়োঽভিরক্ষতু ওং নম ইতি
॥ উত্তরপীঠিকা ॥
শ্রী ভীষ্ম উভ়াচ ।
ইতীদং কীর্তনীযস্য কেশভ়স্য মহাত্মনঃ ।

নাম্নাং সহস্রং দিভ়্যানামশেষেণ প্রকীর্তিতম্ ॥ ১ ॥

য ইদং শৃণুযান্নিত্যং যশ্চাপি পরিকীর্তযেৎ ।
নাঽশুভং প্রাপ্নুযাৎকিঞ্চিৎসোঽমুত্রেহ চ মানভ়ঃ ॥ ২ ॥

ভ়েদান্তগো ব্রাহ্মণস্স্যাৎ ক্ষত্রিযো ভ়িজযী ভভ়েৎ ।
ভ়ৈশ্যো ধনসমৃদ্ধস্স্যাচ্ছূদ্রস্সুখমভ়াপ্নুযাৎ ॥ ৩ ॥

ধর্মার্থী প্রাপ্নুযাদ্ধর্মমর্থার্থী চার্থমাপ্নুযাৎ ।
কামানভ়াপ্নুযাৎকামী প্রজার্থী চাপ্নুযাৎপ্রজাঃ ॥ ৪ ॥

ভক্তিমান্ যস্সদোত্থায শুচিস্তদ্গতমানসঃ ।
সহস্রং ভ়াসুদেভ়স্য নাম্নামেতৎপ্রকীর্তযেৎ ॥ ৫ ॥

যশঃ প্রাপ্নোতি ভ়িপুলং যাতি প্রাধান্যমেভ় চ ।
অচলাং শ্রিযমাপ্নোতি শ্রেযঃ প্রাপ্নোত্যনুত্তমম্ ॥ ৬ ॥

ন ভযং ক্বচিদাপ্নোতি ভ়ীর্যং তেজশ্চ ভ়িন্দতি ।
ভভ়ত্যরোগো দ্যুতিমান্‌বলরূপগুণান্বিতঃ ॥ ৭ ॥

রোগার্তো মুচ্যতে রোগাদ্‌বদ্ধো মুচ্যেত বন্ধনাৎ ।
ভযান্মুচ্যেত ভীতস্তু মুচ্যেতাপন্ন আপদঃ ॥ ৮ ॥

দুর্গাণ্যতিতরত্যাশু পুরুষঃ পুরুষোত্তমম্ ।
স্তুভ়ন্নামসহস্রেণ নিত্যং ভক্তিসমন্বিতঃ ॥ ৯ ॥

ভ়াসুদেভ়াশ্রযো মর্ত্যো ভ়াসুদেভ়পরাযণঃ ।
সর্ভ়পাপভ়িশুদ্ধাত্মা যাতি ব্রহ্ম সনাতনম্ ॥ ১০ ॥

ন ভ়াসুদেভ়ভক্তানামশুভং ভ়িদ্যতে ক্বচিৎ ।
জন্মমৃত্যুজরাভ়্যাধিভযং নৈভ়োপজাযতে ॥ ১১ ॥

ইমং স্তভ়মধীযানঃ শ্রদ্ধাভক্তিসমন্বিতঃ ।
যুজ্যেতাত্মা সুখক্ষান্তি শ্রীধৃতিস্মৃতিকীর্তিভিঃ ॥ ১২ ॥

ন ক্রোধো ন চ মাৎসর্যং ন লোভো নাশুভামতিঃ ।
ভভ়ন্তি কৃত পুণ্যানাং ভক্তানাং পুরুষোত্তমে ॥ ১৩ ॥

দ্যৌস্সচন্দ্রার্কনক্ষত্রং খং দিশো ভূর্মহোদধিঃ ।
ভ়াসুদেভ়স্য ভ়ীর্যেণ ভ়িধৃতানি মহাত্মনঃ ॥ ১৪ ॥

স সুরাসুরগন্ধর্ভ়ং সযক্ষোরগরাক্ষসম্ ।
জগদ্বশে ভ়র্ততেদং কৃষ্ণস্য সচরাচরম্ ॥ ১৫ ॥

ইন্দ্রিযাণি মনো বুদ্ধিস্সত্ত্বং তেজো বলং ধৃতিঃ ।
ভ়াসুদেভ়াত্মকান্যাহুঃ ক্ষেত্রং ক্ষেত্রজ্ঞ এভ় চ ॥ ১৬ ॥

সর্ভ়াগমানামাচারঃ প্রথমং পরিকল্পিতঃ ।
আচারপ্রভভ়ো ধর্মো ধর্মস্য প্রভুরচ্যুতঃ ॥ ১৭ ॥

ঋষযঃ পিতরো দেভ়া মহাভূতানি ধাতভ়ঃ ।
জঙ্গমাজঙ্গমং চেদং জগন্নারাযণোদ্ভভ়ম্ ॥ ১৮ ॥

যোগো জ্ঞানং তথা সাঙ্খ্যং ভ়িদ্যাশ্শিল্পাদি কর্ম চ ।
ভ়েদাশ্শাস্ত্রাণি ভ়িজ্ঞানমেতৎসর্ভ়ং জনার্দনাৎ ॥ ১৯ ॥

একো ভ়িষ্ণুর্মহদ্ভূতং পৃথগ্ভূতান্যনেকশঃ ।
ত্রীন্লোকান্ব্যাপ্য ভূতাত্মা ভুঙ্ক্তে ভ়িশ্বভুগভ়্যযঃ ॥ ২০ ॥

ইমং স্তভ়ং ভগভ়তো ভ়িষ্ণোর্ভ়্যাসেন কীর্তিতম্ ।
পঠেদ্য ইচ্ছেৎপুরুষঃ শ্রেযঃ প্রাপ্তুং সুখানি চ ॥ ২১ ॥

ভ়িশ্বেশ্বরমজং দেভ়ং জগতঃ প্রভুমভ়্যযম্ ।
ভজন্তি যে পুষ্করাক্ষং ন তে যান্তি পরাভভ়ম্ ॥ ২২ ॥

ন তে যান্তি পরাভভ়ম্ ওং নম ইতি ।
অর্জুন উভ়াচ ।
পদ্মপত্রভ়িশালাক্ষ পদ্মনাভ সুরোত্তম ।
ভক্তানামনুরক্তানাং ত্রাতা ভভ় জনার্দন ॥ ২৩ ॥

শ্রী ভগভ়ানুভ়াচ ।
যো মাং নামসহস্রেণ স্তোতুমিচ্ছতি পাণ্ডভ় ।
সোঽহমেকেন শ্লোকেন স্তুত এভ় ন সংশযঃ ॥ ২৪ ॥

স্তুত এভ় ন সংশয ওং নম ইতি ।
ভ়্যাস উভ়াচ ।
ভ়াসনাদ্বাসুদেভ়স্য ভ়াসিতং তে জগত্ত্রযম্ ।
সর্ভ়ভূতনিভ়াসোঽসি ভ়াসুদেভ় নমোঽস্তু তে ॥ ২৫ ॥

শ্রী ভ়াসুদেভ় নমোঽস্তুত ওং নম ইতি ।
পার্ভ়ত্যুভ়াচ ।
কেনোপাযেন লঘুনা ভ়িষ্ণোর্নামসহস্রকম্ ।
পঠ্যতে পণ্ডিতৈর্নিত্যং শ্রোতুমিচ্ছাম্যহং প্রভো ॥ ২৬ ॥

ঈশ্বর উভ়াচ ।
শ্রীরাম রাম রামেতি রমে রামে মনোরমে ।
সহস্রনাম তত্তুল্যং রাম নাম ভ়রাননে ॥ ২৭ ॥

শ্রীরামনাম ভ়রানন ওং নম ইতি ।
ব্রহ্মোভ়াচ ।
নমোঽস্ত্বনন্তায সহস্রমূর্তযে
সহস্রপাদাক্ষিশিরোরুবাহভ়ে ।

সহস্রনাম্নে পুরুষায শাশ্বতে
সহস্রকোটীযুগধারিণে নমঃ ॥ ২৮ ॥

সহস্রকোটীযুগধারিণে ওং নম ইতি ।
সঞ্জয উভ়াচ ।
যত্র যোগেশ্বরঃ কৃষ্ণো যত্র পার্থো ধনুর্ধরঃ ।
তত্র শ্রীর্ভ়িজযো ভূতির্ধ্রুভ়া নীতির্মতির্মম ॥ ২৯ ॥

শ্রী ভগভ়ানুভ়াচ ।
অনন্যাশ্চিন্তযন্তো মাং যে জনাঃ পর্যুপাসতে ।
তেষাং নিত্যাভিযুক্তানাং যোগক্ষেমং ভ়হাম্যহম্ ॥ ৩০ ॥

পরিত্রাণায সাধূনাং ভ়িনাশায চ দুষ্কৃতাম্ ।
ধর্মসংস্থাপনার্থায সম্ভভ়ামি যুগে যুগে ॥ ৩১ ॥

আর্তা ভ়িষণ্ণাশ্শিথিলাশ্চ ভীতাঃ
ঘোরেষু চ ভ়্যাধিষু ভ়র্তমানাঃ ।
সঙ্কীর্ত্য নারাযণশব্দমাত্রং
ভ়িমুক্তদুঃখাস্সুখিনো ভভ়ন্তি ॥ ৩২ ॥

অধিকশ্লোকাঃ
যদক্ষর পদভ্রষ্টং মাত্রাহীনং তু যদ্ভভ়েৎ ।
তৎসর্ভ়ং ক্ষম্যতাং দেভ় নারাযণ নমোঽস্তু তে ॥

কাযেন ভ়াচা মনসেন্দ্রিযৈর্ভ়া বুদ্ধ্যাত্মনা ভ়া প্রকৃতেস্স্বভাভ়াৎ ।
করোমি যদ্যৎসকলং পরস্মৈ নারাযণাযেতি সমর্পযামি ॥

ইতি শ্রীমহাভারতে শতসহস্রিকাযাং সংহিতাযাং ভ়ৈযাসিক্যাং অনুশাসনপর্ভ়ান্তর্গত অনুশাসনিকপর্ভ়ণি মোক্ষধর্মে ভীষ্ম যুধিষ্ঠির সংভ়াদে শ্রী ভ়িষ্ণোর্দিভ়্যসহস্রনামস্তোত্রম্ নাম একোনপঞ্চাশদধিকশততমোঽধ্যাযঃ ।

॥ ইতি শ্রীভ়িষ্ণুসহস্রনাম স্তোত্রম্ ॥