ஶ்ரீவிஷ்ணுஸஹஸ்ரநாமஸ்தோத்ரம்

.. பூர்வபீடி₂கா ..
ஶுக்லாம்ப₃ரத₄ரம் விஷ்ணும் ஶஶிவர்ணம் சதுர்பு₄ஜம் .
ப்ரஸந்நவத₃நம் த்₄யாயேத் ஸர்வவிக்₄நோபஶாந்தயே .. 1 ..

யஸ்ய த்₃விரத₃வக்த்ராத்₃யா꞉ பாரிஷத்₃யா꞉ பரஶ்ஶதம் .
விக்₄நம் நிக்₄நந்தி ஸததம் விஷ்வக்ஸேநம் தமாஶ்ரயே .. 2 ..

வ்யாஸம் வஸிஷ்ட₂நப்தாரம் ஶக்தே꞉ பௌத்ரமகல்மஷம் .
பராஶராத்மஜம் வந்தே₃ ஶுகதாதம் தபோநிதி₄ம் .. 3 ..

வ்யாஸாய விஷ்ணுரூபாய வ்யாஸரூபாய விஷ்ணவே .
நமோ வை ப்₃ரஹ்மநித₄யே வாஸிஷ்டா₂ய நமோ நம꞉ .. 4 ..

அவிகாராய ஶுத்₃தா₄ய நித்யாய பரமாத்மநே .
ஸதை₃கரூபரூபாய விஷ்ணவே ஸர்வஜிஷ்ணவே .. 5 ..

யஸ்ய ஸ்மரணமாத்ரேண ஜந்மஸம்ஸாரப₃ந்த₄நாத் .
விமுச்யதே நமஸ்தஸ்மை விஷ்ணவே ப்ரப₄விஷ்ணவே .. 6 ..

ஓம் நமோ விஷ்ணவே ப்ரப₄விஷ்ணவே .
ஶ்ரீவைஶம்பாயந உவாச .
ஶ்ருத்வா த₄ர்மாநஶேஷேண பாவநாநி ச ஸர்வஶ꞉ .
யுதி₄ஷ்டி₂ர꞉ ஶாந்தநவம் புநரேவாப்₄யபா₄ஷத .. 7 ..

யுதி₄ஷ்டி₂ர உவாச .
கிமேகம் தை₃வதம் லோகே கிம் வாப்யேகம் பராயணம் .
ஸ்துவந்த꞉ கம் கமர்சந்த꞉ ப்ராப்நுயுர்மாநவா꞉ ஶுப₄ம் .. 8 ..

கோ த₄ர்ம꞉ ஸர்வத₄ர்மாணாம் ப₄வத꞉ பரமோ மத꞉ .
கிம் ஜபந்முச்யதே ஜந்துர்ஜந்மஸம்ஸாரப₃ந்த₄நாத் .. 9 ..

ஶ்ரீ பீ₄ஷ்ம உவாச .
ஜக₃த்ப்ரபு₄ம் தே₃வதே₃வமநந்தம் புருஷோத்தமம் .
ஸ்துவந்நாமஸஹஸ்ரேண புருஷ꞉ ஸததோத்தி₂த꞉ .. 10 ..

தமேவ சார்சயந்நித்யம் ப₄க்த்யா புருஷமவ்யயம் .
த்₄யாயந் ஸ்துவந்நமஸ்யம்ஶ்ச யஜமாநஸ்தமேவ ச .. 11 ..

அநாதி₃நித₄நம் விஷ்ணும் ஸர்வலோகமஹேஶ்வரம் .
லோகாத்₄யக்ஷம் ஸ்துவந்நித்யம் ஸர்வது₃꞉கா₂திகோ₃ ப₄வேத் .. 12 ..

ப்₃ரஹ்மண்யம் ஸர்வத₄ர்மஜ்ஞம் லோகாநாம் கீர்திவர்த₄நம் .
லோகநாத₂ம் மஹத்₃பூ₄தம் ஸர்வபூ₄தப₄வோத்₃ப₄வம் .. 13 ..

ஏஷ மே ஸர்வத₄ர்மாணாம் த₄ர்மோ(அ)தி₄கதமோ மத꞉ .
யத்₃ப₄க்த்யா புண்ட₃ரீகாக்ஷம் ஸ்தவைரர்சேந்நர꞉ ஸதா₃ .. 14 ..

பரமம் யோ மஹத்தேஜ꞉ பரமம் யோ மஹத்தப꞉ .
பரமம் யோ மஹத்₃ப்₃ரஹ்ம பரமம் ய꞉ பராயணம் .. 15 ..

பவித்ராணாம் பவித்ரம் யோ மங்க₃லாநாம் ச மங்க₃லம் .
தை₃வதம் தை₃வதாநாம் ச பூ₄தாநாம் யோ(அ)வ்யய꞉ பிதா .. 16 ..

யத꞉ ஸர்வாணி பூ₄தாநி ப₄வந்த்யாதி₃யுகா₃க₃மே .
யஸ்மிம்ஶ்ச ப்ரலயம் யாந்தி புநரேவ யுக₃க்ஷயே .. 17 ..

தஸ்ய லோகப்ரதா₄நஸ்ய ஜக₃ந்நாத₂ஸ்ய பூ₄பதே .
விஷ்ணோர்நாமஸஹஸ்ரம் மே ஶ்ருணு பாபப₄யாபஹம் .. 18 ..

யாநி நாமாநி கௌ₃ணாநி விக்₂யாதாநி மஹாத்மந꞉ .
ருஷிபி₄꞉ பரிகீ₃தாநி தாநி வக்ஷ்யாமி பூ₄தயே .. 19 ..

ருஷிர்நாம்நாம் ஸஹஸ்ரஸ்ய வேத₃வ்யாஸோ மஹாமுநி꞉ .
ச₂ந்தோ₃(அ)நுஷ்டுப் ததா₂ தே₃வோ ப₄க₃வாந் தே₃வகீஸுத꞉ .. 20 ..

அம்ருதாம்ஶூத்₃ப₄வோ பீ₃ஜம் ஶக்திர்தே₃வகிநந்த₃ந꞉ .
த்ரிஸாமா ஹ்ருத₃யம் தஸ்ய ஶாந்த்யர்தே₂ விநியுஜ்யதே .. 21 ..

விஷ்ணும் ஜிஷ்ணும் மஹாவிஷ்ணும் ப்ரப₄விஷ்ணும் மஹேஶ்வரம் .
அநேகரூப தை₃த்யாந்தம் நமாமி புருஷோத்தமம் .. 22 ..

அஸ்ய ஶ்ரீவிஷ்ணோர்தி₃வ்யஸஹஸ்ரநாமஸ்தோத்ர மஹாமந்த்ரஸ்ய ஶ்ரீ வேத₃வ்யாஸோ ப₄க₃வாந்ருஷி꞉ அநுஷ்டுப் ச₂ந்த₃꞉, ஶ்ரீமஹாவிஷ்ணு꞉ பரமாத்மா ஶ்ரீமந்நாராயணோ தே₃வதா, அம்ருதாம்ஶூத்₃ப₄வோ பா₄நுரிதி பீ₃ஜம், தே₃வகீநந்த₃ந꞉ ஸ்ரஷ்டேதி ஶக்தி꞉, உத்₃ப₄வ꞉ க்ஷோப₄ணோ தே₃வ இதி பரமோ மந்த்ர꞉, ஶங்க₂ப்₄ருந்நந்த₃கீ சக்ரீதி கீலகம், ஶார்ங்க₃த₄ந்வா க₃தா₃த₄ர இத்யஸ்த்ரம், ரதா₂ங்க₃பாணிரக்ஷோப்₄ய இதி நேத்ரம், த்ரிஸாமா ஸாமக₃ஸ்ஸாமேதி கவசம், ஆநந்த₃ம் பரப்₃ரஹ்மேதி யோநி꞉, ருதுஸ்ஸுத₃ர்ஶந꞉ கால இதி தி₃க்₃ப₃ந்த₄꞉, ஶ்ரீ விஶ்வரூப இதி த்₄யாநம், ஶ்ரீமஹாவிஷ்ணு ப்ரீத்யர்தே₂ ஸஹஸ்ரநாம ஜபே விநியோக₃꞉ ..

த்₄யாநம் .
க்ஷீரோத₃ந்வத்ப்ரதே₃ஶே ஶுசிமணிவிலஸத்ஸைகதே மௌக்திகாநாம்
மாலாக்லுப்தாஸநஸ்த₂꞉ ஸ்ப₂டிகமணிநிபை₄ர்மௌக்திகைர்மண்டி₃தாங்க₃꞉ .ஶுப்₄ரைரப்₄ரைரத₃ப்₄ரைருபரிவிரசிதைர்முக்தபீயூஷவர்ஷை-
-ராநந்தீ₃ ந꞉ புநீயாத₃ரிநலிநக₃தா₃ஶங்க₂பாணிர்முகுந்த₃꞉ .. 1 ..

பூ₄꞉ பாதௌ₃ யஸ்ய நாபி₄ர்வியத₃ஸுரநிலஶ்சந்த்₃ர ஸூர்யௌ ச நேத்ரே
கர்ணாவாஸா꞉ ஶிரோ த்₃யௌர்முக₂மபி த₃ஹநோ யஸ்ய வாஸ்தேயமப்₃தி₄꞉ .
அந்த꞉ஸ்த₂ம் யஸ்ய விஶ்வம் ஸுரநரக₂க₃கோ₃போ₄கி₃க₃ந்த₄ர்வதை₃த்யை꞉
சித்ரம் ரம்ரம்யதே தம் த்ரிபு₄வநவபுஷம் விஷ்ணுமீஶம் நமாமி .. 2 ..

ஶாந்தாகாரம் பு₄ஜக₃ஶயநம் பத்₃மநாப₄ம் ஸுரேஶம்
விஶ்வாகாரம் க₃க₃நஸத்₃ருஶம் மேக₄வர்ணம் ஶுபா₄ங்க₃ம் .
லக்ஷ்மீகாந்தம் கமலநயநம் யோகி₃ஹ்ருத்₃த்₄யாநக₃ம்யம்
வந்தே₃ விஷ்ணும் ப₄வப₄யஹரம் ஸர்வலோகைகநாத₂ம் .. 3 ..

மேக₄ஶ்யாமம் பீதகௌஶேயவாஸம்
ஶ்ரீவத்ஸாங்கம் கௌஸ்துபோ₄த்₃பா₄ஸிதாங்க₃ம் .
புண்யோபேதம் புண்ட₃ரீகாயதாக்ஷம்
விஷ்ணும் வந்தே₃ ஸர்வலோகைகநாத₂ம் .. 4 ..

அதி₄கஶ்லோக
நம꞉ ஸமஸ்தபூ₄தாநாமாதி₃பூ₄தாய பூ₄ப்₄ருதே .
அநேகரூபரூபாய விஷ்ணவே ப்ரப₄விஷ்ணவே .. 5 ..

ஸஶங்க₂சக்ரம் ஸகிரீடகுண்ட₃லம்
ஸபீதவஸ்த்ரம் ஸரஸீருஹேக்ஷணம் .
ஸஹாரவக்ஷ꞉ஸ்த₂லஶோபி₄கௌஸ்துப₄ம்
நமாமி விஷ்ணும் ஶிரஸா சதுர்பு₄ஜம் .. 6 ..

அதி₄கஶ்லோக
சா₂யாயாம் பாரிஜாதஸ்ய ஹேமஸிம்ஹாஸநோபரி
ஆஸீநமம்பு₃த₃ஶ்யாமமாயதாக்ஷமலங்க்ருதம் .
சந்த்₃ராநநம் சதுர்பா₃ஹும் ஶ்ரீவத்ஸாங்கித வக்ஷஸம்
ருக்மிணீ ஸத்யபா₄மாப்₄யாம் ஸஹிதம் க்ருஷ்ணமாஶ்ரயே .. 7 ..

ஹரி꞉ ஓம் .
விஶ்வம் விஷ்ணுர்வஷட்காரோ பூ₄தப₄வ்யப₄வத்ப்ரபு₄꞉ .
பூ₄தக்ருத்₃பூ₄தப்₄ருத்₃பா₄வோ பூ₄தாத்மா பூ₄தபா₄வந꞉ .. 1 ..

பூதாத்மா பரமாத்மா ச முக்தாநாம் பரமாக₃தி꞉ .
அவ்யய꞉ புருஷஸ்ஸாக்ஷீ க்ஷேத்ரஜ்ஞோ(அ)க்ஷர ஏவ ச .. 2 ..

யோகோ₃ யோக₃விதா₃ம் நேதா ப்ரதா₄நபுருஷேஶ்வர꞉ .
நாரஸிம்ஹவபு꞉ ஶ்ரீமாந் கேஶவ꞉ புருஷோத்தம꞉ .. 3 ..

ஸர்வஶ்ஶர்வஶ்ஶிவஸ்ஸ்தா₂ணுர்பூ₄தாதி₃ர்நிதி₄ரவ்யய꞉ .
ஸம்ப₄வோ பா₄வநோ ப₄ர்தா ப்ரப₄வ꞉ ப்ரபு₄ரீஶ்வர꞉ .. 4 ..

ஸ்வயம்பூ₄ஶ்ஶம்பு₄ராதி₃த்ய꞉ புஷ்கராக்ஷோ மஹாஸ்வந꞉ .
அநாதி₃நித₄நோ தா₄தா விதா₄தா தா₄துருத்தம꞉ .. 5 ..

அப்ரமேயோ ஹ்ருஷீகேஶ꞉ பத்₃மநாபோ₄(அ)மரப்ரபு₄꞉ .
விஶ்வகர்மா மநுஸ்த்வஷ்டா ஸ்த₂விஷ்ட₂꞉ ஸ்த₂விரோ த்₄ருவ꞉ .. 6 ..

அக்₃ராஹ்யஶ்ஶாஶ்வத꞉ க்ருஷ்ணோ லோஹிதாக்ஷ꞉ ப்ரதர்த₃ந꞉ .
ப்ரபூ₄தஸ்த்ரிககுப்₃தா₄ம பவித்ரம் மங்க₃லம் பரம் .. 7 ..

ஈஶாந꞉ ப்ராணத₃꞉ ப்ராணோ ஜ்யேஷ்ட₂꞉ ஶ்ரேஷ்ட₂꞉ ப்ரஜாபதி꞉ .
ஹிரண்யக₃ர்போ₄ பூ₄க₃ர்போ₄ மாத₄வோ மது₄ஸூத₃ந꞉ .. 8 ..

ஈஶ்வரோ விக்ரமீ த₄ந்வீ மேதா₄வீ விக்ரம꞉ க்ரம꞉ .
அநுத்தமோ து₃ராத₄ர்ஷ꞉ க்ருதஜ்ஞ꞉ க்ருதிராத்மவாந் .. 9 ..

ஸுரேஶஶ்ஶரணம் ஶர்ம விஶ்வரேதா꞉ ப்ரஜாப₄வ꞉ .
அஹஸ்ஸம்வத்ஸரோ வ்யால꞉ ப்ரத்யயஸ்ஸர்வத₃ர்ஶந꞉ .. 10 ..

அஜஸ்ஸர்வேஶ்வரஸ்ஸித்₃த₄ஸ்ஸித்₃தி₄ஸ்ஸர்வாதி₃ரச்யுத꞉ .
வ்ருஷாகபிரமேயாத்மா ஸர்வயோக₃விநிஸ்ஸ்ருத꞉ .. 11 ..

வஸுர்வஸுமநாஸ்ஸத்யஸ்ஸமாத்மா ஸம்மிதஸ்ஸம꞉ .
அமோக₄꞉ புண்ட₃ரீகாக்ஷோ வ்ருஷகர்மா வ்ருஷாக்ருதி꞉ .. 12 ..

ருத்₃ரோ ப₃ஹுஶிரா ப₃ப்₄ருர்விஶ்வயோநிஶ்ஶுசிஶ்ரவா꞉ .
அம்ருதஶ்ஶாஶ்வதஸ்ஸ்தா₂ணுர்வராரோஹோ மஹாதபா꞉ .. 13 ..

ஸர்வக₃ஸ்ஸர்வவித்₃பா₄நுர்விஷ்வக்ஸேநோ ஜநார்த₃ந꞉ .
வேதோ₃ வேத₃வித₃வ்யங்கோ₃ வேதா₃ங்கோ₃ வேத₃வித்கவி꞉ .. 14 ..

லோகாத்₄யக்ஷஸ்ஸுராத்₄யக்ஷோ த₄ர்மாத்₄யக்ஷ꞉ க்ருதாக்ருத꞉ .
சதுராத்மா சதுர்வ்யூஹஶ்சதுர்த₃ம்ஷ்ட்ரஶ்சதுர்பு₄ஜ꞉ .. 15 ..

ப்₄ராஜிஷ்ணுர்போ₄ஜநம் போ₄க்தா ஸஹிஷ்ணுர்ஜக₃தா₃தி₃ஜ꞉ .
அநகோ₄ விஜயோ ஜேதா விஶ்வயோநி꞉ புநர்வஸு꞉ .. 16 ..

உபேந்த்₃ரோ வாமந꞉ ப்ராம்ஶுரமோக₄ஶ்ஶுசிரூர்ஜித꞉ .
அதீந்த்₃ரஸ்ஸங்க்₃ரஹஸ்ஸர்கோ₃ த்₄ருதாத்மா நியமோ யம꞉ .. 17 ..

வேத்₃யோ வைத்₃யஸ்ஸதா₃யோகீ₃ வீரஹா மாத₄வோ மது₄꞉ .
அதீந்த்₃ரியோ மஹாமாயோ மஹோத்ஸாஹோ மஹாப₃ல꞉ .. 18 ..

மஹாபு₃த்₃தி₄ர்மஹாவீர்யோ மஹாஶக்திர்மஹாத்₃யுதி꞉ .
அநிர்தே₃ஶ்யவபு꞉ ஶ்ரீமாநமேயாத்மா மஹாத்₃ரித்₄ருத் .. 19 ..

மஹேஷ்வாஸோ மஹீப₄ர்தா ஶ்ரீநிவாஸஸ்ஸதாம்க₃தி꞉ .
அநிருத்₃த₄ஸ்ஸுராநந்தோ₃ கோ₃விந்தோ₃ கோ₃விதா₃ம்பதி꞉ .. 20 ..

மரீசிர்த₃மநோ ஹம்ஸஸ்ஸுபர்ணோ பு₄ஜகோ₃த்தம꞉ .
ஹிரண்யநாப₄ஸ்ஸுதபா꞉ பத்₃மநாப₄꞉ ப்ரஜாபதி꞉ .. 21 ..

அம்ருத்யுஸ்ஸர்வத்₃ருக்ஸிம்ஹஸ்ஸந்தா₄தா ஸந்தி₄மாந் ஸ்தி₂ர꞉ .
அஜோ து₃ர்மர்ஷணஶ்ஶாஸ்தா விஶ்ருதாத்மா ஸுராரிஹா .. 22 ..

கு₃ருர்கு₃ருதமோ தா₄ம ஸத்யஸ்ஸத்யபராக்ரம꞉ .
நிமிஷோ(அ)நிமிஷஸ்ஸ்ரக்₃வீ வாசஸ்பதிருதா₃ரதீ₄꞉ .. 23 ..

அக்₃ரணீர்க்₃ராமணீ꞉ ஶ்ரீமாந்ந்யாயோ நேதா ஸமீரண꞉ .
ஸஹஸ்ரமூர்தா₄ விஶ்வாத்மா ஸஹஸ்ராக்ஷஸ்ஸஹஸ்ரபாத் .. 24 ..

ஆவர்தநோ நிவ்ருத்தாத்மா ஸம்வ்ருதஸ்ஸம்ப்ரமர்த₃ந꞉ .
அஹஸ்ஸம்வர்தகோ வஹ்நிரநிலோ த₄ரணீத₄ர꞉ .. 25 ..

ஸுப்ரஸாத₃꞉ ப்ரஸந்நாத்மா விஶ்வஸ்ருட்₃விஶ்வபு₄க்₃விபு₄꞉ .
ஸத்கர்தா ஸத்க்ருதஸ்ஸாது₄ர்ஜஹ்நுர்நாராயணோ நர꞉ .. 26 ..

அஸங்க்₂யேயோ(அ)ப்ரமேயாத்மா விஶிஷ்டஶ்ஶிஷ்டக்ருச்சு₂சி꞉ .
ஸித்₃தா₄ர்த₂ஸ்ஸித்₃த₄ஸங்கல்பஸ்ஸித்₃தி₄த₃ஸ்ஸித்₃தி₄ஸாத₄ந꞉ .. 27 ..

வ்ருஷாஹீ வ்ருஷபோ₄ விஷ்ணுர்வ்ருஷபர்வா வ்ருஷோத₃ர꞉ .
வர்த₄நோ வர்த₄மாநஶ்ச விவிக்த꞉ ஶ்ருதிஸாக₃ர꞉ .. 28 ..

ஸுபு₄ஜோ து₃ர்த₄ரோ வாக்₃மீ மஹேந்த்₃ரோ வஸுதோ₃ வஸு꞉ .
நைகரூபோ ப்₃ருஹத்₃ரூப꞉ ஶிபிவிஷ்ட꞉ ப்ரகாஶந꞉ .. 29 ..

ஓஜஸ்தேஜோ த்₃யுதித₄ர꞉ ப்ரகாஶாத்மா ப்ரதாபந꞉ .
ருத்₃த₄ஸ்ஸ்பஷ்டாக்ஷரோ மந்த்ரஶ்சந்த்₃ராம்ஶுர்பா₄ஸ்கரத்₃யுதி꞉ .. 30 ..

அம்ருதாம்ஶூத்₃ப₄வோ பா₄நு꞉ ஶஶபி₃ந்து₃ஸ்ஸுரேஶ்வர꞉ .
ஔஷத₄ம் ஜக₃தஸ்ஸேதுஸ்ஸத்யத₄ர்மபராக்ரம꞉ .. 31 ..

பூ₄தப₄வ்யப₄வந்நாத₂꞉ பவந꞉ பாவநோ(அ)நல꞉ .
காமஹா காமக்ருத்காந்த꞉ காம꞉ காமப்ரத₃꞉ ப்ரபு₄꞉ .. 32 ..

யுகா₃தி₃க்ருத்₃யுகா₃வர்தோ நைகமாயோ மஹாஶந꞉ .
அத்₃ருஶ்யோ வ்யக்தரூபஶ்ச ஸஹஸ்ரஜித₃நந்தஜித் .. 33 ..

இஷ்டோ(அ)விஶிஷ்டஶ்ஶிஷ்டேஷ்ட꞉ ஶிக₂ண்டீ₃ நஹுஷோ வ்ருஷ꞉ .
க்ரோத₄ஹா க்ரோத₄க்ருத்கர்தா விஶ்வபா₃ஹுர்மஹீத₄ர꞉ .. 34 ..

அச்யுத꞉ ப்ரதி₂த꞉ ப்ராண꞉ ப்ராணதோ₃ வாஸவாநுஜ꞉ .
அபாம்நிதி₄ரதி₄ஷ்டா₂நமப்ரமத்த꞉ ப்ரதிஷ்டி₂த꞉ .. 35 ..

ஸ்கந்த₃꞉ ஸ்கந்த₃த₄ரோ து₄ர்யோ வரதோ₃ வாயுவாஹந꞉ .
வாஸுதே₃வோ ப்₃ருஹத்₃பா₄நுராதி₃தே₃வ꞉ புரந்த₃ர꞉ .. 36 ..

அஶோகஸ்தாரணஸ்தார꞉ ஶூரஶ்ஶௌரிர்ஜநேஶ்வர꞉ .
அநுகூலஶ்ஶதாவர்த꞉ பத்₃மீ பத்₃மநிபே₄க்ஷண꞉ .. 37 ..

பத்₃மநாபோ₄(அ)ரவிந்தா₃க்ஷ꞉ பத்₃மக₃ர்ப₄ஶ்ஶரீரப்₄ருத் .
மஹர்தி₄ர்ருத்₃தோ₄ வ்ருத்₃தா₄த்மா மஹாக்ஷோ க₃ருட₃த்₄வஜ꞉ .. 38 ..

அதுலஶ்ஶரபோ₄ பீ₄மஸ்ஸமயஜ்ஞோ ஹவிர்ஹரி꞉ .
ஸர்வலக்ஷணலக்ஷண்யோ லக்ஷ்மீவாந் ஸமிதிஞ்ஜய꞉ .. 39 ..

விக்ஷரோ ரோஹிதோ மார்கோ₃ ஹேதுர்தா₃மோத₃ரஸ்ஸஹ꞉ .
மஹீத₄ரோ மஹாபா₄கோ₃ வேக₃வாநமிதாஶந꞉ .. 40 ..

உத்₃ப₄வ꞉ க்ஷோப₄ணோ தே₃வ꞉ ஶ்ரீக₃ர்ப₄꞉ பரமேஶ்வர꞉ .
கரணம் காரணம் கர்தா விகர்தா க₃ஹநோ கு₃ஹ꞉ .. 41 ..

வ்யவஸாயோ வ்யவஸ்தா₂ந꞉ ஸம்ஸ்தா₂ந꞉ ஸ்தா₂நதோ₃ த்₄ருவ꞉ .
பரர்தி₄꞉ பரமஸ்பஷ்டஸ்துஷ்ட꞉ புஷ்டஶ்ஶுபே₄க்ஷண꞉ .. 42 ..

ராமோ விராமோ விரஜோ மார்கோ₃ நேயோ நயோ(அ)நய꞉ .
வீரஶ்ஶக்திமதாம் ஶ்ரேஷ்டோ₂ த₄ர்மோ த₄ர்மவிது₃த்தம꞉ .. 43 ..

வைகுண்ட₂꞉ புருஷ꞉ ப்ராண꞉ ப்ராணத₃꞉ ப்ரணவ꞉ ப்ருது₂꞉ .
ஹிரண்யக₃ர்ப₄ஶ்ஶத்ருக்₄நோ வ்யாப்தோ வாயுரதோ₄க்ஷஜ꞉ .. 44 ..

ருதுஸ்ஸுத₃ர்ஶந꞉ கால꞉ பரமேஷ்டீ₂ பரிக்₃ரஹ꞉ .
உக்₃ரஸ்ஸம்வத்ஸரோ த₃க்ஷோ விஶ்ராமோ விஶ்வத₃க்ஷிண꞉ .. 45 ..

விஸ்தாரஸ்ஸ்தா₂வரஸ்தா₂ணு꞉ ப்ரமாணம் பீ₃ஜமவ்யயம் .
அர்தோ₂(அ)நர்தோ₂ மஹாகோஶோ மஹாபோ₄கோ₃ மஹாத₄ந꞉ .. 46 ..

அநிர்விண்ணஸ்ஸ்த₂விஷ்டோ₂ பூ₄ர்த₄ர்மயூபோ மஹாமக₂꞉ .
நக்ஷத்ரநேமிர்நக்ஷத்ரீ க்ஷம꞉ க்ஷாமஸ்ஸமீஹந꞉ .. 47 ..

யஜ்ஞ இஜ்யோ மஹேஜ்யஶ்ச க்ரதுஸ்ஸத்ரம் ஸதாம்க₃தி꞉ .
ஸர்வத₃ர்ஶீ விமுக்தாத்மா ஸர்வஜ்ஞோ ஜ்ஞாநமுத்தமம் .. 48 ..

ஸுவ்ரதஸ்ஸுமுக₂ஸ்ஸூக்ஷ்ம꞉ ஸுகோ₄ஷஸ்ஸுக₂த₃ஸ்ஸுஹ்ருத் .
மநோஹரோ ஜிதக்ரோதோ₄ வீரபா₃ஹுர்விதா₃ரண꞉ .. 49 ..

ஸ்வாபநஸ்ஸ்வவஶோ வ்யாபீ நைகாத்மா நைககர்மக்ருத் .
வத்ஸரோ வத்ஸலோ வத்ஸீ ரத்நக₃ர்போ₄ த₄நேஶ்வர꞉ .. 50 ..

த₄ர்மகு₃ப்₃த₄ர்மக்ருத்₃த₄ர்மீ ஸத₃ஸத்க்ஷரமக்ஷரம் . [**ஸத₃க்ஷரமஸத்க்ஷரம்**]
அவிஜ்ஞாதா ஸஹஸ்ராம்ஶுர்விதா₄தா க்ருதலக்ஷண꞉ .. 51 ..

க₃ப₄ஸ்திநேமிஸ்ஸத்த்வஸ்த₂ஸ்ஸிம்ஹோ பூ₄தமஹேஶ்வர꞉ .
ஆதி₃தே₃வோ மஹாதே₃வோ தே₃வேஶோ தே₃வப்₄ருத்₃கு₃ரு꞉ .. 52 ..

உத்தரோ கோ₃பதிர்கோ₃ப்தா ஜ்ஞாநக₃ம்ய꞉ புராதந꞉ .
ஶரீரபூ₄தப்₄ருத்₃போ₄க்தா கபீந்த்₃ரோ பூ₄ரித₃க்ஷிண꞉ .. 53 ..

ஸோமபோ(அ)ம்ருதபஸ்ஸோம꞉ புருஜித்புருஸத்தம꞉ .
விநயோ ஜயஸ்ஸத்யஸந்தோ₄ தா₃ஶார்ஹஸ்ஸாத்த்வதாம்பதி꞉ .. 54 ..

ஜீவோ விநயிதா ஸாக்ஷீ முகுந்தோ₃(அ)மிதவிக்ரம꞉ .
அம்போ₄நிதி₄ரநந்தாத்மா மஹோத₃தி₄ஶயோ(அ)ந்தக꞉ .. 55 ..

அஜோ மஹார்ஹஸ்ஸ்வாபா₄வ்யோ ஜிதாமித்ர꞉ ப்ரமோத₃ந꞉ .
ஆநந்தோ₃ நந்த₃நோ நந்த₃ஸ்ஸத்யத₄ர்மா த்ரிவிக்ரம꞉ .. 56 ..

மஹர்ஷி꞉ கபிலாசார்ய꞉ க்ருதஜ்ஞோ மேதி₃நீபதி꞉ .
த்ரிபத₃ஸ்த்ரித₃ஶாத்₄யக்ஷோ மஹாஶ்ருங்க₃꞉ க்ருதாந்தக்ருத் .. 57 ..

மஹாவராஹோ கோ₃விந்த₃ஸ்ஸுஷேண꞉ கநகாங்க₃தீ₃ .
கு₃ஹ்யோ க₃பீ₄ரோ க₃ஹநோ கு₃ப்தஶ்சக்ரக₃தா₃த₄ர꞉ .. 58 ..

வேதா₄ஸ்ஸ்வாங்கோ₃(அ)ஜித꞉ க்ருஷ்ணோ த்₃ருட₄ஸ்ஸங்கர்ஷணோ(அ)ச்யுத꞉ .
வருணோ வாருணோ வ்ருக்ஷ꞉ புஷ்கராக்ஷோ மஹாமநா꞉ .. 59 ..

ப₄க₃வாந் ப₄க₃ஹா(ஆ)நந்தீ₃ வநமாலீ ஹலாயுத₄꞉ .
ஆதி₃த்யோ ஜ்யோதிராதி₃த்யஸ்ஸஹிஷ்ணுர்க₃திஸத்தம꞉ .. 60 ..

ஸுத₄ந்வா க₂ண்ட₃பரஶுர்தா₃ருணோ த்₃ரவிணப்ரத₃꞉ .
தி₃விஸ்ப்ருக்ஸர்வத்₃ருக்₃வ்யாஸோ வாசஸ்பதிரயோநிஜ꞉ .. 61 ..

த்ரிஸாமா ஸாமக₃ஸ்ஸாம நிர்வாணம் பே₄ஷஜம் பி₄ஷக் .
ஸந்ந்யாஸக்ருச்ச₂மஶ்ஶாந்தோ நிஷ்டா₂ ஶாந்தி꞉ பராயணம் .. 62 ..

ஶுபா₄ங்க₃ஶ்ஶாந்தித₃ஸ்ஸ்ரஷ்டா குமுத₃꞉ குவலேஶய꞉ .
கோ₃ஹிதோ கோ₃பதிர்கோ₃ப்தா வ்ருஷபா₄க்ஷோ வ்ருஷப்ரிய꞉ .. 63 ..

அநிவர்தீ நிவ்ருத்தாத்மா ஸங்க்ஷேப்தா க்ஷேமக்ருச்சி₂வ꞉ .
ஶ்ரீவத்ஸவக்ஷா꞉ ஶ்ரீவாஸ꞉ ஶ்ரீபதி꞉ ஶ்ரீமதாம்வர꞉ .. 64 ..

ஶ்ரீத₃꞉ ஶ்ரீஶ꞉ ஶ்ரீநிவாஸ꞉ ஶ்ரீநிதி₄꞉ ஶ்ரீவிபா₄வந꞉ .
ஶ்ரீத₄ர꞉ ஶ்ரீகர꞉ ஶ்ரேய꞉ ஶ்ரீமாந் லோகத்ரயாஶ்ரய꞉ .. 65 ..

ஸ்வக்ஷஸ்ஸ்வங்க₃ஶ்ஶதாநந்தோ₃ நந்தி₃ர்ஜ்யோதிர்க₃ணேஶ்வர꞉ .
விஜிதாத்மா விதே₄யாத்மா ஸத்கீர்திஶ்சி₂ந்நஸம்ஶய꞉ .. 66 ..

உதீ₃ர்ணஸ்ஸர்வதஶ்சக்ஷுரநீஶஶ்ஶாஶ்வதஸ்தி₂ர꞉ .
பூ₄ஶயோ பூ₄ஷணோ பூ₄திர்விஶோகஶ்ஶோகநாஶந꞉ .. 67 ..

அர்சிஷ்மாநர்சித꞉ கும்போ₄ விஶுத்₃தா₄த்மா விஶோத₄ந꞉ .
அநிருத்₃தோ₄(அ)ப்ரதிரத₂꞉ ப்ரத்₃யும்நோ(அ)மிதவிக்ரம꞉ .. 68 ..

காலநேமிநிஹா வீரஶ்ஶௌரிஶ்ஶூரஜநேஶ்வர꞉ .
த்ரிலோகாத்மா த்ரிலோகேஶ꞉ கேஶவ꞉ கேஶிஹா ஹரி꞉ .. 69 ..

காமதே₃வ꞉ காமபால꞉ காமீ காந்த꞉ க்ருதாக₃ம꞉ .
அநிர்தே₃ஶ்யவபுர்விஷ்ணுர்வீரோ(அ)நந்தோ த₄நஞ்ஜய꞉ .. 70 ..

ப்₃ரஹ்மண்யோ ப்₃ரஹ்மக்ருத்₃ப்₃ரஹ்மா ப்₃ரஹ்ம ப்₃ரஹ்மவிவர்த₄ந꞉ .
ப்₃ரஹ்மவித்₃ப்₃ராஹ்மணோ ப்₃ரஹ்மீ ப்₃ரஹ்மஜ்ஞோ ப்₃ராஹ்மணப்ரிய꞉ .. 71 ..

மஹாக்ரமோ மஹாகர்மா மஹாதேஜா மஹோரக₃꞉ .
மஹாக்ரதுர்மஹாயஜ்வா மஹாயஜ்ஞோ மஹாஹவி꞉ .. 72 ..

ஸ்தவ்யஸ்ஸ்தவப்ரியஸ்ஸ்தோத்ரம் ஸ்துதிஸ்ஸ்தோதா ரணப்ரிய꞉ .
பூர்ண꞉ பூரயிதா புண்ய꞉ புண்யகீர்திரநாமய꞉ .. 73 ..

மநோஜவஸ்தீர்த₂கரோ வஸுரேதா வஸுப்ரத₃꞉ .
வஸுப்ரதோ₃ வாஸுதே₃வோ வஸுர்வஸுமநா ஹவி꞉ .. 74 ..

ஸத்₃க₃திஸ்ஸத்க்ருதிஸ்ஸத்தா ஸத்₃பூ₄திஸ்ஸத்பராயண꞉ .
ஶூரஸேநோ யது₃ஶ்ரேஷ்ட₂ஸ்ஸந்நிவாஸஸ்ஸுயாமுந꞉ .. 75 ..

பூ₄தாவாஸோ வாஸுதே₃வ꞉ ஸர்வாஸுநிலயோ(அ)நல꞉ .
த₃ர்பஹா த₃ர்பதோ₃(அ)த்₃ருப்தோ து₃ர்த₄ரோ(அ)தா₂பராஜித꞉ .. 76 ..

விஶ்வமூர்திர்மஹாமூர்திர்தீ₃ப்தமூர்திரமூர்திமாந் .
அநேகமூர்திரவ்யக்தஶ்ஶதமூர்திஶ்ஶதாநந꞉ .. 77 ..

ஏகோ நைகஸ்ஸ்தவ꞉ க꞉ கிம் யத்தத்பத₃மநுத்தமம் .
லோகப₃ந்து₄ர்லோகநாதோ₂ மாத₄வோ ப₄க்தவத்ஸல꞉ .. 78 ..

ஸுவர்ணவர்ணோ ஹேமாங்கோ₃ வராங்க₃ஶ்சந்த₃நாங்க₃தீ₃ .
வீரஹா விஷமஶ்ஶூந்யோ க்₄ருதாஶீரசலஶ்சல꞉ .. 79 ..

அமாநீ மாநதோ₃ மாந்யோ லோகஸ்வாமீ த்ரிலோகத்₄ருத் .
ஸுமேதா₄ மேத₄ஜோ த₄ந்யஸ்ஸத்யமேதா₄ த₄ராத₄ர꞉ .. 80 ..

தேஜோவ்ருஷோ த்₃யுதித₄ரஸ்ஸர்வஶஸ்த்ரப்₄ருதாம் வர꞉ .
ப்ரக்₃ரஹோ நிக்₃ரஹோ வ்யக்₃ரோ நைகஶ்ருங்கோ₃ க₃தா₃க்₃ரஜ꞉ .. 81 ..

சதுர்மூர்திஶ்சதுர்பா₃ஹுஶ்சதுர்வ்யூஹஶ்சதுர்க₃தி꞉ .
சதுராத்மா சதுர்பா₄வஶ்சதுர்வேத₃விதே₃கபாத் .. 82 ..

ஸமாவர்தோ(அ)நிவ்ருத்தாத்மா து₃ர்ஜயோ து₃ரதிக்ரம꞉ .
து₃ர்லபோ₄ து₃ர்க₃மோ து₃ர்கோ₃ து₃ராவாஸோ து₃ராரிஹா .. 83 ..

ஶுபா₄ங்கோ₃ லோகஸாரங்க₃ஸ்ஸுதந்துஸ்தந்துவர்த₄ந꞉ .
இந்த்₃ரகர்மா மஹாகர்மா க்ருதகர்மா க்ருதாக₃ம꞉ .. 84 ..

உத்₃ப₄வஸ்ஸுந்த₃ரஸ்ஸுந்தோ₃ ரத்நநாப₄ஸ்ஸுலோசந꞉ .
அர்கோ வாஜஸநஶ்ஶ்ருங்கீ₃ ஜயந்தஸ்ஸர்வவிஜ்ஜயீ .. 85 ..

ஸுவர்ணபி₃ந்து₃ரக்ஷோப்₄யஸ்ஸர்வவாகீ₃ஶ்வரேஶ்வர꞉ .
மஹாஹ்ரதோ₃ மஹாக₃ர்தோ மஹாபூ₄தோ மஹாநிதி₄꞉ .. 86 ..

குமுத₃꞉ குந்த₃ர꞉ குந்த₃꞉ பர்ஜந்ய꞉ பாவநோ(அ)நில꞉ .
அம்ருதாம்ஶோ(அ)ம்ருதவபுஸ்ஸர்வஜ்ஞஸ்ஸர்வதோமுக₂꞉ .. 87 ..

ஸுலப₄ஸ்ஸுவ்ரதஸ்ஸித்₃த₄꞉ ஶத்ருஜிச்ச₂த்ருதாபந꞉ .
ந்யக்₃ரோதோ₄து₃ம்ப₃ரோ(அ)ஶ்வத்த₂ஶ்சாணூராந்த்₄ரநிஷூத₃ந꞉ .. 88 ..

ஸஹஸ்ரார்சிஸ்ஸப்தஜிஹ்வஸ்ஸப்தைதா₄ஸ்ஸப்தவாஹந꞉ .
அமூர்திரநகோ₄(அ)சிந்த்யோ ப₄யக்ருத்₃ப₄யநாஶந꞉ .. 89 ..

அணுர்ப்₃ருஹத்க்ருஶ꞉ ஸ்தூ₂லோ கு₃ணப்₄ருந்நிர்கு₃ணோ மஹாந் .
அத்₄ருத꞉ ஸ்வத்₄ருதஸ்ஸ்வாஸ்த்₂ய꞉ ப்ராக்₃வம்ஶோ வம்ஶவர்த₄ந꞉ .. 90 ..

பா₄ரப்₄ருத்கதி₂தோ யோகீ₃ யோகீ₃ஶஸ்ஸர்வகாமத₃꞉ .
ஆஶ்ரம꞉ ஶ்ரமண꞉ க்ஷாம꞉ ஸுபர்ணோ வாயுவாஹந꞉ .. 91 ..

த₄நுர்த₄ரோ த₄நுர்வேதோ₃ த₃ண்டோ₃ த₃மயிதா த₃ம꞉ .
அபராஜிதஸ்ஸர்வஸஹோ நியந்தா நியமோ யம꞉ .. 92 ..

ஸத்த்வவாந் ஸாத்த்விகஸ்ஸத்யஸ்ஸத்யத₄ர்மபராயண꞉ .
அபி₄ப்ராய꞉ ப்ரியார்ஹோ(அ)ர்ஹ꞉ ப்ரியக்ருத்ப்ரீதிவர்த₄ந꞉ .. 93 ..

விஹாயஸக₃திர்ஜ்யோதிஸ்ஸுருசிர்ஹுதபு₄க்₃விபு₄꞉ .
ரவிர்விலோசநஸ்ஸூர்யஸ்ஸவிதா ரவிலோசந꞉ .. 94 ..

அநந்தோ ஹுதபு₄க்₃போ₄க்தா ஸுக₂தோ₃ நைகஜோ(அ)க்₃ரஜ꞉ .
அநிர்விண்ணஸ்ஸதா₃மர்ஷீ லோகாதி₄ஷ்டா₂நமத்₃பு₄த꞉ .. 95 ..

ஸநாத்ஸநாதநதம꞉ கபில꞉ கபிரவ்யய꞉ .
ஸ்வஸ்தித₃ஸ்ஸ்வஸ்திக்ருத்ஸ்வஸ்தி ஸ்வஸ்திபு₄க்ஸ்வஸ்தித₃க்ஷிண꞉ .. 96 ..

அரௌத்₃ர꞉ குண்ட₃லீ சக்ரீ விக்ரம்யூர்ஜிதஶாஸந꞉ .
ஶப்₃தா₃திக₃ஶ்ஶப்₃த₃ஸஹ꞉ ஶிஶிரஶ்ஶர்வரீகர꞉ .. 97 ..

அக்ரூர꞉ பேஶலோ த₃க்ஷோ த₃க்ஷிண꞉ க்ஷமிணாம்வர꞉ .
வித்₃வத்தமோ வீதப₄ய꞉ புண்யஶ்ரவணகீர்தந꞉ .. 98 ..

உத்தாரணோ து₃ஷ்க்ருதிஹா புண்யோ து₃ஸ்ஸ்வப்நநாஶந꞉ .
வீரஹா ரக்ஷணஸ்ஸந்தோ ஜீவநம் பர்யவஸ்தி₂த꞉ .. 99 ..

அநந்தரூபோ(அ)நந்தஶ்ரீர்ஜிதமந்யுர்ப₄யாபஹ꞉ .
சதுரஶ்ரோ க₃பீ₄ராத்மா விதி₃ஶோ வ்யாதி₃ஶோ தி₃ஶ꞉ .. 100 ..

அநாதி₃ர்பூ₄ர்பு₄வோ லக்ஷ்மீஸ்ஸுவீரோ ருசிராங்க₃த₃꞉ .
ஜநநோ ஜநஜந்மாதி₃ர்பீ₄மோ பீ₄மபராக்ரம꞉ .. 101 ..

ஆதா₄ரநிலயோ தா₄தா புஷ்பஹாஸ꞉ ப்ரஜாக₃ர꞉ .
ஊர்த்₄வக₃ஸ்ஸத்பதா₂சார꞉ ப்ராணத₃꞉ ப்ரணவ꞉ பண꞉ .. 102 ..

ப்ரமாணம் ப்ராணநிலய꞉ ப்ராணப்₄ருத்ப்ராணஜீவந꞉ .
தத்த்வம் தத்த்வவிதே₃காத்மா ஜந்மம்ருத்யுஜராதிக₃꞉ .. 103 ..

பூ₄ர்பு₄வஸ்ஸ்வஸ்தருஸ்தாரஸ்ஸவிதா ப்ரபிதாமஹ꞉ .
யஜ்ஞோ யஜ்ஞபதிர்யஜ்வா யஜ்ஞாங்கோ₃ யஜ்ஞவாஹந꞉ .. 104 ..

யஜ்ஞப்₄ருத்₃யஜ்ஞக்ருத்₃யஜ்ஞீ யஜ்ஞபு₄க்₃யஜ்ஞஸாத₄ந꞉ .
யஜ்ஞாந்தக்ருத்₃யஜ்ஞகு₃ஹ்யமந்நமந்நாத₃ ஏவ ச .. 105 ..

ஆத்மயோநிஸ்ஸ்வயஞ்ஜாதோ வைகா₂நஸ்ஸாமகா₃யந꞉ .
தே₃வகீநந்த₃நஸ்ஸ்ரஷ்டா க்ஷிதீஶ꞉ பாபநாஶந꞉ .. 106 ..

ஶங்க₂ப்₄ருந்நந்த₃கீ சக்ரீ ஶார்ங்க₃த₄ந்வா க₃தா₃த₄ர꞉ .
ரதா₂ங்க₃பாணிரக்ஷோப்₄யஸ்ஸர்வப்ரஹரணாயுத₄꞉ .. 107 ..

ஶ்ரீஸர்வப்ரஹரணாயுத₄ ஓம் நம இதி .
வநமாலீ க₃தீ₃ ஶார்ங்கீ₃ ஶங்கீ₂ சக்ரீ ச நந்த₃கீ .
ஶ்ரீமாந்நாராயணோ விஷ்ணுர்வாஸுதே₃வோ(அ)பி₄ரக்ஷது .. 108 ..

ஶ்ரீ வாஸுதே₃வோ(அ)பி₄ரக்ஷது ஓம் நம இதி
.. உத்தரபீடி₂கா ..
ஶ்ரீ பீ₄ஷ்ம உவாச .
இதீத₃ம் கீர்தநீயஸ்ய கேஶவஸ்ய மஹாத்மந꞉ .

நாம்நாம் ஸஹஸ்ரம் தி₃வ்யாநாமஶேஷேண ப்ரகீர்திதம் .. 1 ..

ய இத₃ம் ஶ்ருணுயாந்நித்யம் யஶ்சாபி பரிகீர்தயேத் .
நா(அ)ஶுப₄ம் ப்ராப்நுயாத்கிஞ்சித்ஸோ(அ)முத்ரேஹ ச மாநவ꞉ .. 2 ..

வேதா₃ந்தகோ₃ ப்₃ராஹ்மணஸ்ஸ்யாத் க்ஷத்ரியோ விஜயீ ப₄வேத் .
வைஶ்யோ த₄நஸம்ருத்₃த₄ஸ்ஸ்யாச்சூ₂த்₃ரஸ்ஸுக₂மவாப்நுயாத் .. 3 ..

த₄ர்மார்தீ₂ ப்ராப்நுயாத்₃த₄ர்மமர்தா₂ர்தீ₂ சார்த₂மாப்நுயாத் .
காமாநவாப்நுயாத்காமீ ப்ரஜார்தீ₂ சாப்நுயாத்ப்ரஜா꞉ .. 4 ..

ப₄க்திமாந் யஸ்ஸதோ₃த்தா₂ய ஶுசிஸ்தத்₃க₃தமாநஸ꞉ .
ஸஹஸ்ரம் வாஸுதே₃வஸ்ய நாம்நாமேதத்ப்ரகீர்தயேத் .. 5 ..

யஶ꞉ ப்ராப்நோதி விபுலம் யாதி ப்ராதா₄ந்யமேவ ச .
அசலாம் ஶ்ரியமாப்நோதி ஶ்ரேய꞉ ப்ராப்நோத்யநுத்தமம் .. 6 ..

ந ப₄யம் க்வசிதா₃ப்நோதி வீர்யம் தேஜஶ்ச விந்த₃தி .
ப₄வத்யரோகோ₃ த்₃யுதிமாந்ப₃லரூபகு₃ணாந்வித꞉ .. 7 ..

ரோகா₃ர்தோ முச்யதே ரோகா₃த்₃ப₃த்₃தோ₄ முச்யேத ப₃ந்த₄நாத் .
ப₄யாந்முச்யேத பீ₄தஸ்து முச்யேதாபந்ந ஆபத₃꞉ .. 8 ..

து₃ர்கா₃ண்யதிதரத்யாஶு புருஷ꞉ புருஷோத்தமம் .
ஸ்துவந்நாமஸஹஸ்ரேண நித்யம் ப₄க்திஸமந்வித꞉ .. 9 ..

வாஸுதே₃வாஶ்ரயோ மர்த்யோ வாஸுதே₃வபராயண꞉ .
ஸர்வபாபவிஶுத்₃தா₄த்மா யாதி ப்₃ரஹ்ம ஸநாதநம் .. 10 ..

ந வாஸுதே₃வப₄க்தாநாமஶுப₄ம் வித்₃யதே க்வசித் .
ஜந்மம்ருத்யுஜராவ்யாதி₄ப₄யம் நைவோபஜாயதே .. 11 ..

இமம் ஸ்தவமதீ₄யாந꞉ ஶ்ரத்₃தா₄ப₄க்திஸமந்வித꞉ .
யுஜ்யேதாத்மா ஸுக₂க்ஷாந்தி ஶ்ரீத்₄ருதிஸ்ம்ருதிகீர்திபி₄꞉ .. 12 ..

ந க்ரோதோ₄ ந ச மாத்ஸர்யம் ந லோபோ₄ நாஶுபா₄மதி꞉ .
ப₄வந்தி க்ருத புண்யாநாம் ப₄க்தாநாம் புருஷோத்தமே .. 13 ..

த்₃யௌஸ்ஸசந்த்₃ரார்கநக்ஷத்ரம் க₂ம் தி₃ஶோ பூ₄ர்மஹோத₃தி₄꞉ .
வாஸுதே₃வஸ்ய வீர்யேண வித்₄ருதாநி மஹாத்மந꞉ .. 14 ..

ஸ ஸுராஸுரக₃ந்த₄ர்வம் ஸயக்ஷோரக₃ராக்ஷஸம் .
ஜக₃த்₃வஶே வர்ததேத₃ம் க்ருஷ்ணஸ்ய ஸசராசரம் .. 15 ..

இந்த்₃ரியாணி மநோ பு₃த்₃தி₄ஸ்ஸத்த்வம் தேஜோ ப₃லம் த்₄ருதி꞉ .
வாஸுதே₃வாத்மகாந்யாஹு꞉ க்ஷேத்ரம் க்ஷேத்ரஜ்ஞ ஏவ ச .. 16 ..

ஸர்வாக₃மாநாமாசார꞉ ப்ரத₂மம் பரிகல்பித꞉ .
ஆசாரப்ரப₄வோ த₄ர்மோ த₄ர்மஸ்ய ப்ரபு₄ரச்யுத꞉ .. 17 ..

ருஷய꞉ பிதரோ தே₃வா மஹாபூ₄தாநி தா₄தவ꞉ .
ஜங்க₃மாஜங்க₃மம் சேத₃ம் ஜக₃ந்நாராயணோத்₃ப₄வம் .. 18 ..

யோகோ₃ ஜ்ஞாநம் ததா₂ ஸாங்க்₂யம் வித்₃யாஶ்ஶில்பாதி₃ கர்ம ச .
வேதா₃ஶ்ஶாஸ்த்ராணி விஜ்ஞாநமேதத்ஸர்வம் ஜநார்த₃நாத் .. 19 ..

ஏகோ விஷ்ணுர்மஹத்₃பூ₄தம் ப்ருத₂க்₃பூ₄தாந்யநேகஶ꞉ .
த்ரீந்லோகாந்வ்யாப்ய பூ₄தாத்மா பு₄ங்க்தே விஶ்வபு₄க₃வ்யய꞉ .. 20 ..

இமம் ஸ்தவம் ப₄க₃வதோ விஷ்ணோர்வ்யாஸேந கீர்திதம் .
படே₂த்₃ய இச்சே₂த்புருஷ꞉ ஶ்ரேய꞉ ப்ராப்தும் ஸுகா₂நி ச .. 21 ..

விஶ்வேஶ்வரமஜம் தே₃வம் ஜக₃த꞉ ப்ரபு₄மவ்யயம் .
ப₄ஜந்தி யே புஷ்கராக்ஷம் ந தே யாந்தி பராப₄வம் .. 22 ..

ந தே யாந்தி பராப₄வம் ஓம் நம இதி .
அர்ஜுந உவாச .
பத்₃மபத்ரவிஶாலாக்ஷ பத்₃மநாப₄ ஸுரோத்தம .
ப₄க்தாநாமநுரக்தாநாம் த்ராதா ப₄வ ஜநார்த₃ந .. 23 ..

ஶ்ரீ ப₄க₃வாநுவாச .
யோ மாம் நாமஸஹஸ்ரேண ஸ்தோதுமிச்ச₂தி பாண்ட₃வ .
ஸோ(அ)ஹமேகேந ஶ்லோகேந ஸ்துத ஏவ ந ஸம்ஶய꞉ .. 24 ..

ஸ்துத ஏவ ந ஸம்ஶய ஓம் நம இதி .
வ்யாஸ உவாச .
வாஸநாத்₃வாஸுதே₃வஸ்ய வாஸிதம் தே ஜக₃த்த்ரயம் .
ஸர்வபூ₄தநிவாஸோ(அ)ஸி வாஸுதே₃வ நமோ(அ)ஸ்து தே .. 25 ..

ஶ்ரீ வாஸுதே₃வ நமோ(அ)ஸ்துத ஓம் நம இதி .
பார்வத்யுவாச .
கேநோபாயேந லகு₄நா விஷ்ணோர்நாமஸஹஸ்ரகம் .
பட்₂யதே பண்டி₃தைர்நித்யம் ஶ்ரோதுமிச்சா₂ம்யஹம் ப்ரபோ₄ .. 26 ..

ஈஶ்வர உவாச .
ஶ்ரீராம ராம ராமேதி ரமே ராமே மநோரமே .
ஸஹஸ்ரநாம தத்துல்யம் ராம நாம வராநநே .. 27 ..

ஶ்ரீராமநாம வராநந ஓம் நம இதி .
ப்₃ரஹ்மோவாச .
நமோ(அ)ஸ்த்வநந்தாய ஸஹஸ்ரமூர்தயே
ஸஹஸ்ரபாதா₃க்ஷிஶிரோருபா₃ஹவே .

ஸஹஸ்ரநாம்நே புருஷாய ஶாஶ்வதே
ஸஹஸ்ரகோடீயுக₃தா₄ரிணே நம꞉ .. 28 ..

ஸஹஸ்ரகோடீயுக₃தா₄ரிணே ஓம் நம இதி .
ஸஞ்ஜய உவாச .
யத்ர யோகே₃ஶ்வர꞉ க்ருஷ்ணோ யத்ர பார்தோ₂ த₄நுர்த₄ர꞉ .
தத்ர ஶ்ரீர்விஜயோ பூ₄திர்த்₄ருவா நீதிர்மதிர்மம .. 29 ..

ஶ்ரீ ப₄க₃வாநுவாச .
அநந்யாஶ்சிந்தயந்தோ மாம் யே ஜநா꞉ பர்யுபாஸதே .
தேஷாம் நித்யாபி₄யுக்தாநாம் யோக₃க்ஷேமம் வஹாம்யஹம் .. 30 ..

பரித்ராணாய ஸாதூ₄நாம் விநாஶாய ச து₃ஷ்க்ருதாம் .
த₄ர்மஸம்ஸ்தா₂பநார்தா₂ய ஸம்ப₄வாமி யுகே₃ யுகே₃ .. 31 ..

ஆர்தா விஷண்ணாஶ்ஶிதி₂லாஶ்ச பீ₄தா꞉
கோ₄ரேஷு ச வ்யாதி₄ஷு வர்தமாநா꞉ .
ஸங்கீர்த்ய நாராயணஶப்₃த₃மாத்ரம்
விமுக்தது₃꞉கா₂ஸ்ஸுகி₂நோ ப₄வந்தி .. 32 ..

அதி₄கஶ்லோகா꞉
யத₃க்ஷர பத₃ப்₄ரஷ்டம் மாத்ராஹீநம் து யத்₃ப₄வேத் .
தத்ஸர்வம் க்ஷம்யதாம் தே₃வ நாராயண நமோ(அ)ஸ்து தே ..

காயேந வாசா மநஸேந்த்₃ரியைர்வா பு₃த்₃த்₄யாத்மநா வா ப்ரக்ருதேஸ்ஸ்வபா₄வாத் .
கரோமி யத்₃யத்ஸகலம் பரஸ்மை நாராயணாயேதி ஸமர்பயாமி ..

இதி ஶ்ரீமஹாபா₄ரதே ஶதஸஹஸ்ரிகாயாம் ஸம்ஹிதாயாம் வையாஸிக்யாம் அநுஶாஸநபர்வாந்தர்க₃த அநுஶாஸநிகபர்வணி மோக்ஷத₄ர்மே பீ₄ஷ்ம யுதி₄ஷ்டி₂ர ஸம்வாதே₃ ஶ்ரீ விஷ்ணோர்தி₃வ்யஸஹஸ்ரநாமஸ்தோத்ரம் நாம ஏகோநபஞ்சாஶத₃தி₄கஶததமோ(அ)த்₄யாய꞉ .

.. இதி ஶ்ரீவிஷ்ணுஸஹஸ்ரநாம ஸ்தோத்ரம் ..