শ্রীভ়িষ্ণুভুজঙ্গপ্রযাতস্তোত্রম্

শ্রীভ়িষ্ণুভুজঙ্গপ্রযাতস্তোত্রম্ 

চিদংশং ভ়িভুং নির্মলং নির্ভ়িকল্পম্
নিরীহং নিরাকারমোঙ্কারগম্যম্।
গুণাতীতমভ়্যক্তমেকং তুরীযম্
পরং ব্রহ্ম যং ভ়েদ তস্মৈ নমস্তে॥১॥

ভ়িশুদ্ধং শিভ়ং শান্তমাদ্যন্তশূন্যম্
জগজ্জীভ়নং জ্যোতিরানন্দরূপম্।
অদিগ্দেশকালভ়্যভ়চ্ছেদনীযম্
ত্রযী ভ়ক্তি যং ভ়েদ তস্মৈ নমস্তে॥২॥

মহাযোগপীঠে পরিভ্রাজমানে
ধরণ্যাদিতত্ত্বাত্মকে শক্তিযুক্তে।
গুণাহস্করে ভ়হ্নিবিম্বার্ধমধ্যে
সমাসীনমোঙ্কর্ণিকেঽষ্টাক্ষরাব্জে॥৩॥

সমানোদিতানেকসূর্যেন্দুকোটি-
প্রভাপূরতুল্যদ্যুতিং দুর্নিরীক্ষম্।
ন শীতং ন চোষ্ণং সুভ়র্ণাভ়দাত-
প্রসন্নং সদানন্দসংভ়িৎস্বরূপম্॥৪॥

সুনাসাপুটং সুন্দরভ্রূললাটম্
কিরীটোচিতাকুঞ্চিতস্নিগ্ধকেশম্।
স্ফুরৎ পুণ্ডরীকাভিরামাযতাক্ষম্
সমুৎফুল্লরত্নপ্রসূনাভ়তংসম্॥৫॥

লসৎ কুণ্ডলামৃষ্টগণ্ডস্থলান্তম্
জপারাগচোরাধরং চারুহাসম্।
অলিভ়্যাকুলামোলিমন্দারমালম্
মহোরস্ফুরৎকৌস্তুভোদারহারম্॥৬॥

সুরত্নাঙ্গদৈরন্বিতং বাহুদণ্ডৈঃ
চতুর্ভিশ্চলৎকঙ্কণালঙ্কৃতাগ্রৈঃ।
উদারোদরালঙ্কৃতং পীতভ়স্ত্রম্
পদদ্বন্দ্বনির্ধূতপদ্মাভিরামম্॥৭॥

স্বভক্তেষু সন্দর্শিতাকারমেভ়ম্
সদা ভাভ়যন্ সন্নিরুদ্ধেন্দ্রিযাশ্বঃ।
দুরাপং নরো যাতি সংসারপারম্
পরস্মৈ পরেভ্যোঽপি তস্মৈ নমস্তে॥৮॥

শ্রিযা শাতকুম্ভদ্যুতিস্নিগ্ধকান্ত্যা
ধরণ্যা চ দূর্ভ়াদলশ্যামলাঙ্গ্যা।
কলত্রদ্বযেনামুনা তোষিতায
ত্রিলোকীগৃহস্থায ভ়িষ্ণো নমস্তে॥৯॥

শরীরং কলত্রং সুতং বন্ধুভ়র্গম্
ভ়যস্যং ধনং সদ্ম ভৃত্যং ভুভ়ং চ।
সমস্তং পরিত্যজ্য হা কষ্টমেকো
গমিষ্যামি দুঃখেন দূরং কিলাহম্॥১০॥

জরেযং পিশাচীভ় হা জীভ়তো মে
ভ়সামক্তি রক্তং চ মাংসং বলং চ।
অহো দেভ় সীদামি দীনানুকম্পিম্
কিমদ্যাপি হন্ত ত্বযোদাসিতভ়্যম্॥১১॥

কফভ়্যাহতোষ্ণোল্‌বণশ্বাসভ়েগ-
ভ়্যথাভ়িস্ফুরৎসর্ভ়মর্মাস্থিবন্ধাম্।
ভ়িচিন্ত্যাহমন্ত্যামসঙ্খ্যামভ়স্থাম্
বিভেমি প্রভো কিং করোমি প্রসীদ॥১২॥

লপন্নচ্যুতানন্ত গোভ়িন্দ ভ়িষ্ণো
মুরারে হরে নাথ নারাযণেতি।
যথাঽনুস্মরিষ্যামি ভক্ত্যা ভভ়ন্তম্
তথা মে দযাশীল দেভ় প্রসীদ॥১৩॥

ভুজঙ্গপ্রযাতং পঠেদ্যস্তু ভক্ত্যা
সমাধায চিত্তে ভভ়ন্তং মুরারে।
স মোহং ভ়িহাযাশু যুষ্মৎপ্রসাদাৎ
সমাশ্রিত্য যোগং ভ়্রজত্যচ্যুতং ত্বাম্॥১৪॥