Shreevishnubhujangaprayaatastotram

Shreevishnubhujangaprayaatastotram 

Chidam'sham' vibhum' nirmalam' nirvikalpam
Nireeham' niraakaaramonkaaragamyam.
Gunaateetamavyaktamekam' tureeyam
Param' brahma yam' veda tasmai namaste..1..

Vishuddham' shivam' shaantamaadyantashoonyam
Jagajjeevanam' jyotiraanandaroopam.
Adigdeshakaalavyavachchhedaneeyam
Trayee vakti yam' veda tasmai namaste..2..

Mahaayogapeet'he paribhraajamaane
Dharanyaaditattvaatmake shaktiyukte.
Gunaahaskare vahnibimbaardhamadhye
Samaaseenamonkarnike'sht'aaksharaabje..3..

Samaanoditaanekasooryendukot'i-
Prabhaapooratulyadyutim' durnireeksham.
Na sheetam' na choshnam' suvarnaavadaata-
Prasannam' sadaanandasam'vitsvaroopam..4..

Sunaasaaput'am' sundarabhroolalaat'am
Kireet'ochitaakunchitasnigdhakesham.
Sphurat pund'areekaabhiraamaayataaksham
Samutphullaratnaprasoonaavatam'sam..5..

Lasat kund'alaamri'sht'agand'asthalaantam
Japaaraagachoraadharam' chaaruhaasam.
Alivyaakulaamolimandaaramaalam
Mahorasphuratkaustubhodaarahaaram..6..

Suratnaangadairanvitam' baahudand'aih'
Chaturbhishchalatkankanaalankri'taagraih'.
Udaarodaraalankri'tam' peetavastram
Padadvandvanirdhootapadmaabhiraamam..7..

Svabhakteshu sandarshitaakaaramevam
Sadaa bhaavayan sanniruddhendriyaashvah'.
Duraapam' naro yaati sam'saarapaaram
Parasmai parebhyo'pi tasmai namaste..8..

Shriyaa shaatakumbhadyutisnigdhakaantyaa
Dharanyaa cha doorvaadalashyaamalaangyaa.
Kalatradvayenaamunaa toshitaaya
Trilokeegri'hasthaaya vishno namaste..9..

Shareeram' kalatram' sutam' bandhuvargam
Vayasyam' dhanam' sadma bhri'tyam' bhuvam' cha.
Samastam' parityajya haa kasht'ameko
Gamishyaami duh'khena dooram' kilaaham..10..

Jareyam' pishaacheeva haa jeevato me
Vasaamakti raktam' cha maam'sam' balam' cha.
Aho deva seedaami deenaanukampim
Kimadyaapi hanta tvayodaasitavyam..11..

Kaphavyaahatoshnolbanashvaasavega-
Vyathaavisphuratsarvamarmaasthibandhaam.
Vichintyaahamantyaamasankhyaamavasthaam
Bibhemi prabho kim' karomi praseeda..12..

Lapannachyutaananta govinda vishno
Muraare hare naatha naaraayaneti.
Yathaa'nusmarishyaami bhaktyaa bhavantam
Tathaa me dayaasheela deva praseeda..13..

Bhujangaprayaatam' pat'hedyastu bhaktyaa
Samaadhaaya chitte bhavantam' muraare.
Sa moham' vihaayaashu yushmatprasaadaat
Samaashritya yogam' vrajatyachyutam' tvaam..14..