Shreevishnusahasranaamastotram
.. Poorvapeet'hikaa ..
Shuklaambaradharam' vishnum' shashivarnam' chaturbhujam .
Prasannavadanam' dhyaayet sarvavighnopashaantaye .. 1 ..
Yasya dviradavaktraadyaah' paarishadyaah' parashshatam .
Vighnam' nighnanti satatam' vishvaksenam' tamaashraye .. 2 ..
Vyaasam' vasisht'hanaptaaram' shakteh' pautramakalmasham .
Paraasharaatmajam' vande shukataatam' taponidhim .. 3 ..
Vyaasaaya vishnuroopaaya vyaasaroopaaya vishnave .
Namo vai brahmanidhaye vaasisht'haaya namo namah' .. 4 ..
Avikaaraaya shuddhaaya nityaaya paramaatmane .
Sadaikarooparoopaaya vishnave sarvajishnave .. 5 ..
Yasya smaranamaatrena janmasam'saarabandhanaat .
Vimuchyate namastasmai vishnave prabhavishnave .. 6 ..
Om' namo vishnave prabhavishnave .
Shreevaishampaayana uvaacha .
Shrutvaa dharmaanasheshena paavanaani cha sarvashah' .
Yudhisht'hirah' shaantanavam' punarevaabhyabhaashata .. 7 ..
Yudhisht'hira uvaacha .
Kimekam' daivatam' loke kim' vaapyekam' paraayanam .
Stuvantah' kam' kamarchantah' praapnuyurmaanavaah' shubham .. 8 ..
Ko dharmah' sarvadharmaanaam' bhavatah' paramo matah' .
Kim' japanmuchyate janturjanmasam'saarabandhanaat .. 9 ..
Shree bheeshma uvaacha .
Jagatprabhum' devadevamanantam' purushottamam .
Stuvannaamasahasrena purushah' satatotthitah' .. 10 ..
Tameva chaarchayannityam' bhaktyaa purushamavyayam .
Dhyaayan stuvannamasyam'shcha yajamaanastameva cha .. 11 ..
Anaadinidhanam' vishnum' sarvalokamaheshvaram .
Lokaadhyaksham' stuvannityam' sarvaduh'khaatigo bhavet .. 12 ..
Brahmanyam' sarvadharmajnyam' lokaanaam' keertivardhanam .
Lokanaatham' mahadbhootam' sarvabhootabhavodbhavam .. 13 ..
Esha me sarvadharmaanaam' dharmo'dhikatamo matah' .
Yadbhaktyaa pund'areekaaksham' stavairarchennarah' sadaa .. 14 ..
Paramam' yo mahattejah' paramam' yo mahattapah' .
Paramam' yo mahadbrahma paramam' yah' paraayanam .. 15 ..
Pavitraanaam' pavitram' yo mangalaanaam' cha mangalam .
Daivatam' daivataanaam' cha bhootaanaam' yo'vyayah' pitaa .. 16 ..
Yatah' sarvaani bhootaani bhavantyaadiyugaagame .
Yasmim'shcha pralayam' yaanti punareva yugakshaye .. 17 ..
Tasya lokapradhaanasya jagannaathasya bhoopate .
Vishnornaamasahasram' me shri'nu paapabhayaapaham .. 18 ..
Yaani naamaani gaunaani vikhyaataani mahaatmanah' .
Ri'shibhih' parigeetaani taani vakshyaami bhootaye .. 19 ..
Ri'shirnaamnaam' sahasrasya vedavyaaso mahaamunih' .
Chhando'nusht'up tathaa devo bhagavaan devakeesutah' .. 20 ..
Amri'taam'shoodbhavo beejam' shaktirdevakinandanah' .
Trisaamaa hri'dayam' tasya shaantyarthe viniyujyate .. 21 ..
Vishnum' jishnum' mahaavishnum' prabhavishnum' maheshvaram .
Anekaroopa daityaantam' namaami purushottamam .. 22 ..
Asya shreevishnordivyasahasranaamastotra mahaamantrasya shree vedavyaaso bhagavaanri'shih' anusht'up chhandah', shreemahaavishnuh' paramaatmaa shreemannaaraayano devataa, amri'taam'shoodbhavo bhaanuriti beejam, devakeenandanah' srasht'eti shaktih', udbhavah' kshobhano deva iti paramo mantrah', shankhabhri'nnandakee chakreeti keelakam, shaarngadhanvaa gadaadhara ityastram, rathaangapaanirakshobhya iti netram, trisaamaa saamagassaameti kavacham, aanandam' parabrahmeti yonih', ri'tussudarshanah' kaala iti digbandhah', shree vishvaroopa iti dhyaanam, shreemahaavishnu preetyarthe sahasranaama jape viniyogah' ..
Dhyaanam .
Ksheerodanvatpradeshe shuchimanivilasatsaikate mauktikaanaam'
Maalaakluptaasanasthah' sphat'ikamaninibhairmauktikairmand'itaangah' .Shubhrairabhrairadabhrairuparivirachitairmuktapeeyooshavarshai-
-raanandee nah' puneeyaadarinalinagadaashankhapaanirmukundah' .. 1 ..
Bhooh' paadau yasya naabhirviyadasuranilashchandra sooryau cha netre
Karnaavaasaah' shiro dyaurmukhamapi dahano yasya vaasteyamabdhih' .
Antah'stham' yasya vishvam' suranarakhagagobhogigandharvadaityaih'
Chitram' ram'ramyate tam' tribhuvanavapusham' vishnumeesham' namaami .. 2 ..
Shaantaakaaram' bhujagashayanam' padmanaabham' suresham'
Vishvaakaaram' gaganasadri'sham' meghavarnam' shubhaangam .
Lakshmeekaantam' kamalanayanam' yogihri'ddhyaanagamyam'
Vande vishnum' bhavabhayaharam' sarvalokaikanaatham .. 3 ..
Meghashyaamam' peetakausheyavaasam'
Shreevatsaankam' kaustubhodbhaasitaangam .
Punyopetam' pund'areekaayataaksham'
Vishnum' vande sarvalokaikanaatham .. 4 ..
Adhikashloka
Namah' samastabhootaanaamaadibhootaaya bhoobhri'te .
Anekarooparoopaaya vishnave prabhavishnave .. 5 ..
Sashankhachakram' sakireet'akund'alam'
Sapeetavastram' saraseeruhekshanam .
Sahaaravakshah'sthalashobhikaustubham'
Namaami vishnum' shirasaa chaturbhujam .. 6 ..
Adhikashloka
Chhaayaayaam' paarijaatasya hemasim'haasanopari
Aaseenamambudashyaamamaayataakshamalankri'tam .
Chandraananam' chaturbaahum' shreevatsaankita vakshasam'
Rukminee satyabhaamaabhyaam' sahitam' kri'shnamaashraye .. 7 ..
Harih' om' .
Vishvam' vishnurvashat'kaaro bhootabhavyabhavatprabhuh' .
Bhootakri'dbhootabhri'dbhaavo bhootaatmaa bhootabhaavanah' .. 1 ..
Pootaatmaa paramaatmaa cha muktaanaam' paramaagatih' .
Avyayah' purushassaakshee kshetrajnyo'kshara eva cha .. 2 ..
Yogo yogavidaam' netaa pradhaanapurusheshvarah' .
Naarasim'havapuh' shreemaan keshavah' purushottamah' .. 3 ..
Sarvashsharvashshivassthaanurbhootaadirnidhiravyayah' .
Sambhavo bhaavano bhartaa prabhavah' prabhureeshvarah' .. 4 ..
Svayambhooshshambhuraadityah' pushkaraaksho mahaasvanah' .
Anaadinidhano dhaataa vidhaataa dhaaturuttamah' .. 5 ..
Aprameyo hri'sheekeshah' padmanaabho'maraprabhuh' .
Vishvakarmaa manustvasht'aa sthavisht'hah' sthaviro dhruvah' .. 6 ..
Agraahyashshaashvatah' kri'shno lohitaakshah' pratardanah' .
Prabhootastrikakubdhaama pavitram' mangalam' param .. 7 ..
Eeshaanah' praanadah' praano jyesht'hah' shresht'hah' prajaapatih' .
Hiranyagarbho bhoogarbho maadhavo madhusoodanah' .. 8 ..
Eeshvaro vikramee dhanvee medhaavee vikramah' kramah' .
Anuttamo duraadharshah' kri'tajnyah' kri'tiraatmavaan .. 9 ..
Sureshashsharanam' sharma vishvaretaah' prajaabhavah' .
Ahassam'vatsaro vyaalah' pratyayassarvadarshanah' .. 10 ..
Ajassarveshvarassiddhassiddhissarvaadirachyutah' .
Vri'shaakapirameyaatmaa sarvayogavinissri'tah' .. 11 ..
Vasurvasumanaassatyassamaatmaa sammitassamah' .
Amoghah' pund'areekaaksho vri'shakarmaa vri'shaakri'tih' .. 12 ..
Rudro bahushiraa babhrurvishvayonishshuchishravaah' .
Amri'tashshaashvatassthaanurvaraaroho mahaatapaah' .. 13 ..
Sarvagassarvavidbhaanurvishvakseno janaardanah' .
Vedo vedavidavyango vedaango vedavitkavih' .. 14 ..
Lokaadhyakshassuraadhyaksho dharmaadhyakshah' kri'taakri'tah' .
Chaturaatmaa chaturvyoohashchaturdamsht'rashchaturbhujah' .. 15 ..
Bhraajishnurbhojanam' bhoktaa sahishnurjagadaadijah' .
Anagho vijayo jetaa vishvayonih' punarvasuh' .. 16 ..
Upendro vaamanah' praam'shuramoghashshuchiroorjitah' .
Ateendrassangrahassargo dhri'taatmaa niyamo yamah' .. 17 ..
Vedyo vaidyassadaayogee veerahaa maadhavo madhuh' .
Ateendriyo mahaamaayo mahotsaaho mahaabalah' .. 18 ..
Mahaabuddhirmahaaveeryo mahaashaktirmahaadyutih' .
Anirdeshyavapuh' shreemaanameyaatmaa mahaadridhri't .. 19 ..
Maheshvaaso maheebhartaa shreenivaasassataangatih' .
Aniruddhassuraanando govindo govidaampatih' .. 20 ..
Mareechirdamano ham'sassuparno bhujagottamah' .
Hiranyanaabhassutapaah' padmanaabhah' prajaapatih' .. 21 ..
Amri'tyussarvadri'ksim'hassandhaataa sandhimaan sthirah' .
Ajo durmarshanashshaastaa vishrutaatmaa suraarihaa .. 22 ..
Gururgurutamo dhaama satyassatyaparaakramah' .
Nimisho'nimishassragvee vaachaspatirudaaradheeh' .. 23 ..
Agraneergraamaneeh' shreemaannyaayo netaa sameeranah' .
Sahasramoordhaa vishvaatmaa sahasraakshassahasrapaat .. 24 ..
Aavartano nivri'ttaatmaa sam'vri'tassampramardanah' .
Ahassam'vartako vahniranilo dharaneedharah' .. 25 ..
Suprasaadah' prasannaatmaa vishvasri'd'vishvabhugvibhuh' .
Satkartaa satkri'tassaadhurjahnurnaaraayano narah' .. 26 ..
Asankhyeyo'prameyaatmaa vishisht'ashshisht'akri'chchhuchih' .
Siddhaarthassiddhasankalpassiddhidassiddhisaadhanah' .. 27 ..
Vri'shaahee vri'shabho vishnurvri'shaparvaa vri'shodarah' .
Vardhano vardhamaanashcha viviktah' shrutisaagarah' .. 28 ..
Subhujo durdharo vaagmee mahendro vasudo vasuh' .
Naikaroopo bri'hadroopah' shipivisht'ah' prakaashanah' .. 29 ..
Ojastejo dyutidharah' prakaashaatmaa prataapanah' .
Ri'ddhasspasht'aaksharo mantrashchandraam'shurbhaaskaradyutih' .. 30 ..
Amri'taam'shoodbhavo bhaanuh' shashabindussureshvarah' .
Aushadham' jagatassetussatyadharmaparaakramah' .. 31 ..
Bhootabhavyabhavannaathah' pavanah' paavano'nalah' .
Kaamahaa kaamakri'tkaantah' kaamah' kaamapradah' prabhuh' .. 32 ..
Yugaadikri'dyugaavarto naikamaayo mahaashanah' .
Adri'shyo vyaktaroopashcha sahasrajidanantajit .. 33 ..
Isht'o'vishisht'ashshisht'esht'ah' shikhand'ee nahusho vri'shah' .
Krodhahaa krodhakri'tkartaa vishvabaahurmaheedharah' .. 34 ..
Achyutah' prathitah' praanah' praanado vaasavaanujah' .
Apaam'nidhiradhisht'haanamapramattah' pratisht'hitah' .. 35 ..
Skandah' skandadharo dhuryo varado vaayuvaahanah' .
Vaasudevo bri'hadbhaanuraadidevah' purandarah' .. 36 ..
Ashokastaaranastaarah' shoorashshaurirjaneshvarah' .
Anukoolashshataavartah' padmee padmanibhekshanah' .. 37 ..
Padmanaabho'ravindaakshah' padmagarbhashshareerabhri't .
Mahardhirri'ddho vri'ddhaatmaa mahaaksho garud'adhvajah' .. 38 ..
Atulashsharabho bheemassamayajnyo havirharih' .
Sarvalakshanalakshanyo lakshmeevaan samitinjayah' .. 39 ..
Viksharo rohito maargo heturdaamodarassahah' .
Maheedharo mahaabhaago vegavaanamitaashanah' .. 40 ..
Udbhavah' kshobhano devah' shreegarbhah' parameshvarah' .
Karanam' kaaranam' kartaa vikartaa gahano guhah' .. 41 ..
Vyavasaayo vyavasthaanah' sam'sthaanah' sthaanado dhruvah' .
Parardhih' paramaspasht'astusht'ah' pusht'ashshubhekshanah' .. 42 ..
Raamo viraamo virajo maargo neyo nayo'nayah' .
Veerashshaktimataam' shresht'ho dharmo dharmaviduttamah' .. 43 ..
Vaikunt'hah' purushah' praanah' praanadah' pranavah' pri'thuh' .
Hiranyagarbhashshatrughno vyaapto vaayuradhokshajah' .. 44 ..
Ri'tussudarshanah' kaalah' paramesht'hee parigrahah' .
Ugrassam'vatsaro daksho vishraamo vishvadakshinah' .. 45 ..
Vistaarassthaavarasthaanuh' pramaanam' beejamavyayam .
Artho'nartho mahaakosho mahaabhogo mahaadhanah' .. 46 ..
Anirvinnassthavisht'ho bhoordharmayoopo mahaamakhah' .
Nakshatranemirnakshatree kshamah' kshaamassameehanah' .. 47 ..
Yajnya ijyo mahejyashcha kratussatram' sataangatih' .
Sarvadarshee vimuktaatmaa sarvajnyo jnyaanamuttamam .. 48 ..
Suvratassumukhassookshmah' sughoshassukhadassuhri't .
Manoharo jitakrodho veerabaahurvidaaranah' .. 49 ..
Svaapanassvavasho vyaapee naikaatmaa naikakarmakri't .
Vatsaro vatsalo vatsee ratnagarbho dhaneshvarah' .. 50 ..
Dharmagubdharmakri'ddharmee sadasatksharamaksharam . [**sadaksharamasatksharam**]
Avijnyaataa sahasraam'shurvidhaataa kri'talakshanah' .. 51 ..
Gabhastinemissattvasthassim'ho bhootamaheshvarah' .
Aadidevo mahaadevo devesho devabhri'dguruh' .. 52 ..
Uttaro gopatirgoptaa jnyaanagamyah' puraatanah' .
Shareerabhootabhri'dbhoktaa kapeendro bhooridakshinah' .. 53 ..
Somapo'mri'tapassomah' purujitpurusattamah' .
Vinayo jayassatyasandho daashaarhassaattvataampatih' .. 54 ..
Jeevo vinayitaa saakshee mukundo'mitavikramah' .
Ambhonidhiranantaatmaa mahodadhishayo'ntakah' .. 55 ..
Ajo mahaarhassvaabhaavyo jitaamitrah' pramodanah' .
Aanando nandano nandassatyadharmaa trivikramah' .. 56 ..
Maharshih' kapilaachaaryah' kri'tajnyo medineepatih' .
Tripadastridashaadhyaksho mahaashri'ngah' kri'taantakri't .. 57 ..
Mahaavaraaho govindassushenah' kanakaangadee .
Guhyo gabheero gahano guptashchakragadaadharah' .. 58 ..
Vedhaassvaango'jitah' kri'shno dri'd'hassankarshano'chyutah' .
Varuno vaaruno vri'kshah' pushkaraaksho mahaamanaah' .. 59 ..
Bhagavaan bhagahaa''nandee vanamaalee halaayudhah' .
Aadityo jyotiraadityassahishnurgatisattamah' .. 60 ..
Sudhanvaa khand'aparashurdaaruno dravinapradah' .
Divispri'ksarvadri'gvyaaso vaachaspatirayonijah' .. 61 ..
Trisaamaa saamagassaama nirvaanam' bheshajam' bhishak .
Sannyaasakri'chchhamashshaanto nisht'haa shaantih' paraayanam .. 62 ..
Shubhaangashshaantidassrasht'aa kumudah' kuvaleshayah' .
Gohito gopatirgoptaa vri'shabhaaksho vri'shapriyah' .. 63 ..
Anivartee nivri'ttaatmaa sanksheptaa kshemakri'chchhivah' .
Shreevatsavakshaah' shreevaasah' shreepatih' shreemataam'varah' .. 64 ..
Shreedah' shreeshah' shreenivaasah' shreenidhih' shreevibhaavanah' .
Shreedharah' shreekarah' shreyah' shreemaan lokatrayaashrayah' .. 65 ..
Svakshassvangashshataanando nandirjyotirganeshvarah' .
Vijitaatmaa vidheyaatmaa satkeertishchhinnasam'shayah' .. 66 ..
Udeernassarvatashchakshuraneeshashshaashvatasthirah' .
Bhooshayo bhooshano bhootirvishokashshokanaashanah' .. 67 ..
Archishmaanarchitah' kumbho vishuddhaatmaa vishodhanah' .
Aniruddho'pratirathah' pradyumno'mitavikramah' .. 68 ..
Kaalaneminihaa veerashshaurishshoorajaneshvarah' .
Trilokaatmaa trilokeshah' keshavah' keshihaa harih' .. 69 ..
Kaamadevah' kaamapaalah' kaamee kaantah' kri'taagamah' .
Anirdeshyavapurvishnurveero'nanto dhananjayah' .. 70 ..
Brahmanyo brahmakri'dbrahmaa brahma brahmavivardhanah' .
Brahmavidbraahmano brahmee brahmajnyo braahmanapriyah' .. 71 ..
Mahaakramo mahaakarmaa mahaatejaa mahoragah' .
Mahaakraturmahaayajvaa mahaayajnyo mahaahavih' .. 72 ..
Stavyasstavapriyasstotram stutisstotaa ranapriyah' .
Poornah' poorayitaa punyah' punyakeertiranaamayah' .. 73 ..
Manojavasteerthakaro vasuretaa vasupradah' .
Vasuprado vaasudevo vasurvasumanaa havih' .. 74 ..
Sadgatissatkri'tissattaa sadbhootissatparaayanah' .
Shooraseno yadushresht'hassannivaasassuyaamunah' .. 75 ..
Bhootaavaaso vaasudevah' sarvaasunilayo'nalah' .
Darpahaa darpado'dri'pto durdharo'thaaparaajitah' .. 76 ..
Vishvamoortirmahaamoortirdeeptamoortiramoortimaan .
Anekamoortiravyaktashshatamoortishshataananah' .. 77 ..
Eko naikasstavah' kah' kim' yattatpadamanuttamam .
Lokabandhurlokanaatho maadhavo bhaktavatsalah' .. 78 ..
Suvarnavarno hemaango varaangashchandanaangadee .
Veerahaa vishamashshoonyo ghri'taasheerachalashchalah' .. 79 ..
Amaanee maanado maanyo lokasvaamee trilokadhri't .
Sumedhaa medhajo dhanyassatyamedhaa dharaadharah' .. 80 ..
Tejovri'sho dyutidharassarvashastrabhri'taam' varah' .
Pragraho nigraho vyagro naikashri'ngo gadaagrajah' .. 81 ..
Chaturmoortishchaturbaahushchaturvyoohashchaturgatih' .
Chaturaatmaa chaturbhaavashchaturvedavidekapaat .. 82 ..
Samaavarto'nivri'ttaatmaa durjayo duratikramah' .
Durlabho durgamo durgo duraavaaso duraarihaa .. 83 ..
Shubhaango lokasaarangassutantustantuvardhanah' .
Indrakarmaa mahaakarmaa kri'takarmaa kri'taagamah' .. 84 ..
Udbhavassundarassundo ratnanaabhassulochanah' .
Arko vaajasanashshri'ngee jayantassarvavijjayee .. 85 ..
Suvarnabindurakshobhyassarvavaageeshvareshvarah' .
Mahaahrado mahaagarto mahaabhooto mahaanidhih' .. 86 ..
Kumudah' kundarah' kundah' parjanyah' paavano'nilah' .
Amri'taam'sho'mri'tavapussarvajnyassarvatomukhah' .. 87 ..
Sulabhassuvratassiddhah' shatrujichchhatrutaapanah' .
Nyagrodhodumbaro'shvatthashchaanooraandhranishoodanah' .. 88 ..
Sahasraarchissaptajihvassaptaidhaassaptavaahanah' .
Amoortiranagho'chintyo bhayakri'dbhayanaashanah' .. 89 ..
Anurbri'hatkri'shah' sthoolo gunabhri'nnirguno mahaan .
Adhri'tah' svadhri'tassvaasthyah' praagvam'sho vam'shavardhanah' .. 90 ..
Bhaarabhri'tkathito yogee yogeeshassarvakaamadah' .
Aashramah' shramanah' kshaamah' suparno vaayuvaahanah' .. 91 ..
Dhanurdharo dhanurvedo dand'o damayitaa damah' .
Aparaajitassarvasaho niyantaa niyamo yamah' .. 92 ..
Sattvavaan saattvikassatyassatyadharmaparaayanah' .
Abhipraayah' priyaarho'rhah' priyakri'tpreetivardhanah' .. 93 ..
Vihaayasagatirjyotissuruchirhutabhugvibhuh' .
Ravirvilochanassooryassavitaa ravilochanah' .. 94 ..
Ananto hutabhugbhoktaa sukhado naikajo'grajah' .
Anirvinnassadaamarshee lokaadhisht'haanamadbhutah' .. 95 ..
Sanaatsanaatanatamah' kapilah' kapiravyayah' .
Svastidassvastikri'tsvasti svastibhuksvastidakshinah' .. 96 ..
Araudrah' kund'alee chakree vikramyoorjitashaasanah' .
Shabdaatigashshabdasahah' shishirashsharvareekarah' .. 97 ..
Akroorah' peshalo daksho dakshinah' kshaminaam'varah' .
Vidvattamo veetabhayah' punyashravanakeertanah' .. 98 ..
Uttaarano dushkri'tihaa punyo dussvapnanaashanah' .
Veerahaa rakshanassanto jeevanam' paryavasthitah' .. 99 ..
Anantaroopo'nantashreerjitamanyurbhayaapahah' .
Chaturashro gabheeraatmaa vidisho vyaadisho dishah' .. 100 ..
Anaadirbhoorbhuvo lakshmeessuveero ruchiraangadah' .
Janano janajanmaadirbheemo bheemaparaakramah' .. 101 ..
Aadhaaranilayo dhaataa pushpahaasah' prajaagarah' .
Oordhvagassatpathaachaarah' praanadah' pranavah' panah' .. 102 ..
Pramaanam' praananilayah' praanabhri'tpraanajeevanah' .
Tattvam' tattvavidekaatmaa janmamri'tyujaraatigah' .. 103 ..
Bhoorbhuvassvastarustaarassavitaa prapitaamahah' .
Yajnyo yajnyapatiryajvaa yajnyaango yajnyavaahanah' .. 104 ..
Yajnyabhri'dyajnyakri'dyajnyee yajnyabhugyajnyasaadhanah' .
Yajnyaantakri'dyajnyaguhyamannamannaada eva cha .. 105 ..
Aatmayonissvayanjaato vaikhaanassaamagaayanah' .
Devakeenandanassrasht'aa kshiteeshah' paapanaashanah' .. 106 ..
Shankhabhri'nnandakee chakree shaarngadhanvaa gadaadharah' .
Rathaangapaanirakshobhyassarvapraharanaayudhah' .. 107 ..
Shreesarvapraharanaayudha om' nama iti .
Vanamaalee gadee shaarngee shankhee chakree cha nandakee .
Shreemaannaaraayano vishnurvaasudevo'bhirakshatu .. 108 ..
Shree vaasudevo'bhirakshatu om' nama iti
.. Uttarapeet'hikaa ..
Shree bheeshma uvaacha .
Iteedam' keertaneeyasya keshavasya mahaatmanah' .
Naamnaam' sahasram' divyaanaamasheshena prakeertitam .. 1 ..
Ya idam' shri'nuyaannityam' yashchaapi parikeertayet .
Naa'shubham' praapnuyaatkinchitso'mutreha cha maanavah' .. 2 ..
Vedaantago braahmanassyaat kshatriyo vijayee bhavet .
Vaishyo dhanasamri'ddhassyaachchhoodrassukhamavaapnuyaat .. 3 ..
Dharmaarthee praapnuyaaddharmamarthaarthee chaarthamaapnuyaat .
Kaamaanavaapnuyaatkaamee prajaarthee chaapnuyaatprajaah' .. 4 ..
Bhaktimaan yassadotthaaya shuchistadgatamaanasah' .
Sahasram' vaasudevasya naamnaametatprakeertayet .. 5 ..
Yashah' praapnoti vipulam' yaati praadhaanyameva cha .
Achalaam' shriyamaapnoti shreyah' praapnotyanuttamam .. 6 ..
Na bhayam' kvachidaapnoti veeryam' tejashcha vindati .
Bhavatyarogo dyutimaanbalaroopagunaanvitah' .. 7 ..
Rogaarto muchyate rogaadbaddho muchyeta bandhanaat .
Bhayaanmuchyeta bheetastu muchyetaapanna aapadah' .. 8 ..
Durgaanyatitaratyaashu purushah' purushottamam .
Stuvannaamasahasrena nityam' bhaktisamanvitah' .. 9 ..
Vaasudevaashrayo martyo vaasudevaparaayanah' .
Sarvapaapavishuddhaatmaa yaati brahma sanaatanam .. 10 ..
Na vaasudevabhaktaanaamashubham' vidyate kvachit .
Janmamri'tyujaraavyaadhibhayam' naivopajaayate .. 11 ..
Imam' stavamadheeyaanah' shraddhaabhaktisamanvitah' .
Yujyetaatmaa sukhakshaanti shreedhri'tismri'tikeertibhih' .. 12 ..
Na krodho na cha maatsaryam' na lobho naashubhaamatih' .
Bhavanti kri'ta punyaanaam' bhaktaanaam' purushottame .. 13 ..
Dyaussachandraarkanakshatram' kham' disho bhoormahodadhih' .
Vaasudevasya veeryena vidhri'taani mahaatmanah' .. 14 ..
Sa suraasuragandharvam' sayakshoragaraakshasam .
Jagadvashe vartatedam' kri'shnasya sacharaacharam .. 15 ..
Indriyaani mano buddhissattvam' tejo balam' dhri'tih' .
Vaasudevaatmakaanyaahuh' kshetram' kshetrajnya eva cha .. 16 ..
Sarvaagamaanaamaachaarah' prathamam' parikalpitah' .
Aachaaraprabhavo dharmo dharmasya prabhurachyutah' .. 17 ..
Ri'shayah' pitaro devaa mahaabhootaani dhaatavah' .
Jangamaajangamam' chedam' jagannaaraayanodbhavam .. 18 ..
Yogo jnyaanam' tathaa saankhyam' vidyaashshilpaadi karma cha .
Vedaashshaastraani vijnyaanametatsarvam' janaardanaat .. 19 ..
Eko vishnurmahadbhootam' pri'thagbhootaanyanekashah' .
Treenlokaanvyaapya bhootaatmaa bhunkte vishvabhugavyayah' .. 20 ..
Imam' stavam' bhagavato vishnorvyaasena keertitam .
Pat'hedya ichchhetpurushah' shreyah' praaptum' sukhaani cha .. 21 ..
Vishveshvaramajam' devam' jagatah' prabhumavyayam .
Bhajanti ye pushkaraaksham' na te yaanti paraabhavam .. 22 ..
Na te yaanti paraabhavam om' nama iti .
Arjuna uvaacha .
Padmapatravishaalaaksha padmanaabha surottama .
Bhaktaanaamanuraktaanaam' traataa bhava janaardana .. 23 ..
Shree bhagavaanuvaacha .
Yo maam' naamasahasrena stotumichchhati paand'ava .
So'hamekena shlokena stuta eva na sam'shayah' .. 24 ..
Stuta eva na sam'shaya om' nama iti .
Vyaasa uvaacha .
Vaasanaadvaasudevasya vaasitam' te jagattrayam .
Sarvabhootanivaaso'si vaasudeva namo'stu te .. 25 ..
Shree vaasudeva namo'stuta om' nama iti .
Paarvatyuvaacha .
Kenopaayena laghunaa vishnornaamasahasrakam .
Pat'hyate pand'itairnityam' shrotumichchhaamyaham' prabho .. 26 ..
Eeshvara uvaacha .
Shreeraama raama raameti rame raame manorame .
Sahasranaama tattulyam' raama naama varaanane .. 27 ..
Shreeraamanaama varaanana om' nama iti .
Brahmovaacha .
Namo'stvanantaaya sahasramoortaye
Sahasrapaadaakshishirorubaahave .
Sahasranaamne purushaaya shaashvate
Sahasrakot'eeyugadhaarine namah' .. 28 ..
Sahasrakot'eeyugadhaarine om' nama iti .
Sanjaya uvaacha .
Yatra yogeshvarah' kri'shno yatra paartho dhanurdharah' .
Tatra shreervijayo bhootirdhruvaa neetirmatirmama .. 29 ..
Shree bhagavaanuvaacha .
Ananyaashchintayanto maam' ye janaah' paryupaasate .
Teshaam' nityaabhiyuktaanaam' yogakshemam' vahaamyaham .. 30 ..
Paritraanaaya saadhoonaam' vinaashaaya cha dushkri'taam .
Dharmasam'sthaapanaarthaaya sambhavaami yuge yuge .. 31 ..
Aartaa vishannaashshithilaashcha bheetaah'
Ghoreshu cha vyaadhishu vartamaanaah' .
Sankeertya naaraayanashabdamaatram'
Vimuktaduh'khaassukhino bhavanti .. 32 ..
Adhikashlokaah'
Yadakshara padabhrasht'am' maatraaheenam' tu yadbhavet .
Tatsarvam' kshamyataam' deva naaraayana namo'stu te ..
Kaayena vaachaa manasendriyairvaa buddhyaatmanaa vaa prakri'tessvabhaavaat .
Karomi yadyatsakalam' parasmai naaraayanaayeti samarpayaami ..
Iti shreemahaabhaarate shatasahasrikaayaam' sam'hitaayaam' vaiyaasikyaam' anushaasanaparvaantargata anushaasanikaparvani mokshadharme bheeshma yudhisht'hira sam'vaade shree vishnordivyasahasranaamastotram naama ekonapanchaashadadhikashatatamo'dhyaayah' .
.. Iti shreevishnusahasranaama stotram ..