ஶ்ரீவிஷ்ணுபு₄ஜங்க₃ப்ரயாதஸ்தோத்ரம்
ஶ்ரீவிஷ்ணுபு₄ஜங்க₃ப்ரயாதஸ்தோத்ரம்
சித₃ம்ஶம் விபு₄ம் நிர்மலம் நிர்விகல்பம்
நிரீஹம் நிராகாரமோங்காரக₃ம்யம்.
கு₃ணாதீதமவ்யக்தமேகம் துரீயம்
பரம் ப்₃ரஹ்ம யம் வேத₃ தஸ்மை நமஸ்தே..1..
விஶுத்₃த₄ம் ஶிவம் ஶாந்தமாத்₃யந்தஶூந்யம்
ஜக₃ஜ்ஜீவநம் ஜ்யோதிராநந்த₃ரூபம்.
அதி₃க்₃தே₃ஶகாலவ்யவச்சே₂த₃நீயம்
த்ரயீ வக்தி யம் வேத₃ தஸ்மை நமஸ்தே..2..
மஹாயோக₃பீடே₂ பரிப்₄ராஜமாநே
த₄ரண்யாதி₃தத்த்வாத்மகே ஶக்தியுக்தே.
கு₃ணாஹஸ்கரே வஹ்நிபி₃ம்பா₃ர்த₄மத்₄யே
ஸமாஸீநமோங்கர்ணிகே(அ)ஷ்டாக்ஷராப்₃ஜே..3..
ஸமாநோதி₃தாநேகஸூர்யேந்து₃கோடி-
ப்ரபா₄பூரதுல்யத்₃யுதிம் து₃ர்நிரீக்ஷம்.
ந ஶீதம் ந சோஷ்ணம் ஸுவர்ணாவதா₃த-
ப்ரஸந்நம் ஸதா₃நந்த₃ஸம்வித்ஸ்வரூபம்..4..
ஸுநாஸாபுடம் ஸுந்த₃ரப்₄ரூலலாடம்
கிரீடோசிதாகுஞ்சிதஸ்நிக்₃த₄கேஶம்.
ஸ்பு₂ரத் புண்ட₃ரீகாபி₄ராமாயதாக்ஷம்
ஸமுத்பு₂ல்லரத்நப்ரஸூநாவதம்ஸம்..5..
லஸத் குண்ட₃லாம்ருஷ்டக₃ண்ட₃ஸ்த₂லாந்தம்
ஜபாராக₃சோராத₄ரம் சாருஹாஸம்.
அலிவ்யாகுலாமோலிமந்தா₃ரமாலம்
மஹோரஸ்பு₂ரத்கௌஸ்துபோ₄தா₃ரஹாரம்..6..
ஸுரத்நாங்க₃தை₃ரந்விதம் பா₃ஹுத₃ண்டை₃꞉
சதுர்பி₄ஶ்சலத்கங்கணாலங்க்ருதாக்₃ரை꞉.
உதா₃ரோத₃ராலங்க்ருதம் பீதவஸ்த்ரம்
பத₃த்₃வந்த்₃வநிர்தூ₄தபத்₃மாபி₄ராமம்..7..
ஸ்வப₄க்தேஷு ஸந்த₃ர்ஶிதாகாரமேவம்
ஸதா₃ பா₄வயந் ஸந்நிருத்₃தே₄ந்த்₃ரியாஶ்வ꞉.
து₃ராபம் நரோ யாதி ஸம்ஸாரபாரம்
பரஸ்மை பரேப்₄யோ(அ)பி தஸ்மை நமஸ்தே..8..
ஶ்ரியா ஶாதகும்ப₄த்₃யுதிஸ்நிக்₃த₄காந்த்யா
த₄ரண்யா ச தூ₃ர்வாத₃லஶ்யாமலாங்க்₃யா.
கலத்ரத்₃வயேநாமுநா தோஷிதாய
த்ரிலோகீக்₃ருஹஸ்தா₂ய விஷ்ணோ நமஸ்தே..9..
ஶரீரம் கலத்ரம் ஸுதம் ப₃ந்து₄வர்க₃ம்
வயஸ்யம் த₄நம் ஸத்₃ம ப்₄ருத்யம் பு₄வம் ச.
ஸமஸ்தம் பரித்யஜ்ய ஹா கஷ்டமேகோ
க₃மிஷ்யாமி து₃꞉கே₂ந தூ₃ரம் கிலாஹம்..10..
ஜரேயம் பிஶாசீவ ஹா ஜீவதோ மே
வஸாமக்தி ரக்தம் ச மாம்ஸம் ப₃லம் ச.
அஹோ தே₃வ ஸீதா₃மி தீ₃நாநுகம்பிம்
கிமத்₃யாபி ஹந்த த்வயோதா₃ஸிதவ்யம்..11..
கப₂வ்யாஹதோஷ்ணோல்ப₃ணஶ்வாஸவேக₃-
வ்யதா₂விஸ்பு₂ரத்ஸர்வமர்மாஸ்தி₂ப₃ந்தா₄ம்.
விசிந்த்யாஹமந்த்யாமஸங்க்₂யாமவஸ்தா₂ம்
பி₃பே₄மி ப்ரபோ₄ கிம் கரோமி ப்ரஸீத₃..12..
லபந்நச்யுதாநந்த கோ₃விந்த₃ விஷ்ணோ
முராரே ஹரே நாத₂ நாராயணேதி.
யதா₂(அ)நுஸ்மரிஷ்யாமி ப₄க்த்யா ப₄வந்தம்
ததா₂ மே த₃யாஶீல தே₃வ ப்ரஸீத₃..13..
பு₄ஜங்க₃ப்ரயாதம் படே₂த்₃யஸ்து ப₄க்த்யா
ஸமாதா₄ய சித்தே ப₄வந்தம் முராரே.
ஸ மோஹம் விஹாயாஶு யுஷ்மத்ப்ரஸாதா₃த்
ஸமாஶ்ரித்ய யோக₃ம் வ்ரஜத்யச்யுதம் த்வாம்..14..