ஶ்ரீவைகுண்ட₂க₃த்₃யம்

ஶ்ரீவைகுண்ட₂க₃த்₃யம்
யாமுநார்யஸுதா₄ம்போ₄தி₄மவகா₃ஹ்ய யதா₂மதி .
ஆதா₃ய ப₄க்தியோகா₃க்₂யம் ரத்நம் ஸந்த₃ர்ஶயாம்யஹம் ..

ஸ்வாதீ₄நத்ரிவித₄சேதநாசேதநஸ்வரூபஸ்தி₂திப்ரவ்ருத்திபே₄த₃ம்,
க்லேஶகர்மாத்₃யஶேஷதோ₃ஷாஸம்ஸ்ப்ருஷ்டம்,ஸ்வாபா₄விகாநவதி₄காதிஶ-ஜ்ஞாநப₃லைஶ்வர்யவீர்யஶக்திதேஜ꞉ப்ரப்₄ருத்யஸங்க்₂யேயகல்யாணகு₃ணக₃ணௌக₄மஹார்ணவம்,
பரமபுருஷம், ப₄க₃வந்தம், நாராயணம், ஸ்வாமித்வேந ஸுஹ்ருத்த்வேந கு₃ருத்வேந ச
பரிக்₃ருஹ்ய ஐகாந்திகாத்யந்திகதத்பாதா₃ம்பு₃ஜத்₃வயபரிசர்யைகமநோரத₂꞉,
தத்ப்ராப்தயே ச தத்பாதா₃ம்பு₃ஜத்₃வயப்ரபத்தேரந்யந்ந மே கல்பகோடிஸஹஸ்ரேணாபி
ஸாத₄நமஸ்தீதி மந்வாந꞉, தஸ்யைவ ப₄க₃வதோ நாராயணஸ்யாகி₂லஸத்த்வ-
த₃யைகஸாக₃ரஸ்யாநாலோசிதகு₃ணக₃ணாக₂ண்ட₃ஜநாநுகூலமர்யாதா₃ஶீலவத꞉
ஸ்வாபா₄விகாநவதி₄காதிஶயகு₃ணவத்தயா தே₃வதிர்யங்மநுஷ்யாத்₃யகி₂லஜந-
ஹ்ருத₃யாநந்த₃நஸ்ய ஆஶ்ரிதவாத்ஸல்யைகஜலதே₄꞉ ப₄க்தஜநஸம்ஶ்லேஷைகபோ₄க₃ஸ்ய
நித்யஜ்ஞாநக்ரியைஶ்வர்யபோ₄க₃ஸாமக்₃ரீஸம்ருத்₃த₄ஸ்ய மஹாவிபூ₄தே꞉
ஶ்ரீமச்சரணாரவிந்த₃யுக₃லமநந்யாத்மஸஞ்ஜீவநேந தத்₃க₃தஸர்வபா₄வேந ஶரணமநுவ்ரஜேத் ..

ததஶ்ச ப்ரத்யஹமாத்மோஜ்ஜீவநாயைவமநுஸ்மரேத் .
சதுர்த₃ஶபு₄வநாத்மகமண்ட₃ம் த₃ஶகு₃ணிதோத்தரம் சாவரணஸப்தகம்
ஸமஸ்தம் கார்யகாரணஜாதமதீத்ய பரமவ்யோமஶப்₃தா₃பி₄தே₄யே
ப்₃ரஹ்மாதீ₃நாம் வாங்மநஸா(அ)கோ₃சரே ஶ்ரீமதி வைகுண்டே₂ தி₃வ்யலோகே
ஸநகவிதி₄ஶிவாதி₃பி₄ரபி அசிந்த்யஸ்வபா₄வைஶ்வர்யை꞉
நித்யஸித்₃தை₄ரநந்தை꞉ ப₄க₃வதா₃நுகூல்யைகபோ₄கை₃꞉ தி₃வ்யபுருஷை꞉
மஹாத்மபி₄ராபூரிதே, தேஷாமபி இயத்பரிமாணமியதை₃ஶ்வர்யம்
ஈத்₃ருஶஸ்வபா₄வமிதி பரிச்சே₂த்துமயோக்₃யே தி₃வ்யாவரணஶதஸஹஸ்ராவ்ருதே தி₃வ்யகல்பகதரூபஶோபி₄தே தி₃வ்யோத்₃யாநஶதஸஹஸ்ரகோடிபி₄ராவ்ருதே அதிப்ரமாணே தி₃வ்யாயதநே கஸ்மிம்ஶ்சித்₃விசித்ரதி₃வ்யரத்நமயதி₃வ்யாஸ்தா₂நமண்ட₃பே தி₃வ்யரத்நஸ்தம்ப₄ஶதஸஹஸ்ரகோடிபி₄ருபஶோபி₄தே தி₃வ்யநாநாரத்நக்ருதஸ்த₂லவிசித்ரிதே தி₃வ்யாலங்காராலங்க்ருதே பரித꞉ பதிதை꞉ பதமாநை꞉ பாத₃பஸ்தை₂ஶ்ச நாநாக₃ந்த₄வர்ணை꞉ தி₃வ்யபுஷ்பை꞉ ஶோப₄மாநதி₃வ்யபுஷ்போபவநைருபஶோபி₄தே, ஸங்கீர்ணபாரிஜாதாதி₃கல்பத்₃ருமோபஶோபி₄தைரஸங்கீர்ணைஶ்ச கைஶ்சித₃ந்தஸ்த₂புஷ்பரத்நாதி₃நிர்மிததி₃வ்யலீலாமண்டபஶதஸஹஸ்ரோப- ஶோபி₄தைஸ்ஸர்வதா₃நுபூ₄யமாநைரப்யபூர்வவதா₃ஶ்சர்யமாவஹத்₃பி₄꞉ க்ரீடா₃ஶைலஶதஸஹஸ்ரைரலங்க்ருதை꞉ கைஶ்சிந்நாராயணதி₃வ்யலீலா(அ)ஸாதா₄ரணை꞉ கைஶ்சித்பத்₃மவநாலயா தி₃வ்யலீலாஸாதா₄ரணை꞉ கைஶ்சிச்சு₂கஶாரிகாமயூரகோகிலாதி₃பி₄꞉ கோமலகூஜிதைராகுலை꞉ தி₃வ்யோத்₃யாநஶதஸஹஸ்ரகோடிபி₄ராவ்ருதே, மணிமுக்தாப்ரவாலக்ருதஸோபாநை꞉ தி₃வ்யாமலாம்ருதரஸோத₃கை꞉ தி₃வ்யாண்ட₃ஜவரைரதிரமணீயத₃ர்ஶநை꞉
அதிமநோஹரமது₄ரஸ்வரைராகுலை꞉ அந்தஸ்ஸ்த₂முக்தாமயதி₃வ்யக்ரீடா₃ஸ்தா₂நோபஶோபி₄தை꞉
தி₃வ்யஸௌக₃ந்தி₄கவாபீஶதஸஹஸ்ரை꞉ தி₃வ்யராஜஹம்ஸாவலீவிராஜிதைராவ்ருதே,
நிரஸ்தாதிஶயநாநந்தை₃கரஸதயா சாநந்த்யாச்ச ப்ரவிஷ்டாநுந்மாத₃யத்₃பி₄꞉
க்ரீடோ₃த்₃தே₃ஶைர்விராஜிதே, தத்ர தத்ர க்ருததி₃வ்யபுஷ்பபர்யங்கோபஶோபி₄தே,
நாநாபுஷ்பாஸவாஸ்வாத₃மத்தப்₄ருங்கா₃வலீபி₄ருத்₃கீ₃யமாநதி₃வ்யகா₃ந்த₄ர்வேணாபூரிதே
சந்த₃நாக₃ருகர்பூரதி₃வ்யபுஷ்பாவகா₃ஹி மந்தா₃நிலாஸேவ்யமாநே, மத்₄யே
புஷ்பஸஞ்சயவிசித்ரிதே, மஹதி தி₃வ்யயோக₃பர்யங்கே அநந்தபோ₄கி₃நி,
ஶ்ரீமத்₃வைகுண்டை₂ஶ்வர்யாதி₃ தி₃வ்யலோகமாத்மகாந்த்யா விஶ்வமாப்யாயயந்த்யா
ஶேஷஶேஷாஶநாதி₃ ஸர்வம் பரிஜநம் ப₄க₃வதஸ்தத்தத₃வஸ்தோ₂சிதபரிசர்யாயாமாஜ்ஞாபயந்த்யா,
ஶீலரூபகு₃ணவிலாஸாதி₃பி₄ராத்மாநுரூபயா ஶ்ரியா ஸஹாஸீநம்,
ப்ரத்யக்₃ரோந்மீலிதஸரஸிஜஸத்₃ருஶநயநயுக₃லம், ஸ்வச்ச₂நீலஜீமூதஸங்காஶம்
அத்யுஜ்வலபீதவாஸஸம் ஸ்வயா ப்ரப₄யா(அ)திநிர்மலயா(அ)திஶீதலயா(அ)திகோமலயா
ஸ்வச்ச₂மாணிக்யாப₄யா க்ருத்ஸ்நம் ஜக₃த்₃பா₄வயந்தம்
அசிந்த்யதி₃வ்யாத்₃பு₄தநித்யயௌவநஸ்வபா₄வலாவண்யமயாம்ருதஸாக₃ரம்,
அதிஸௌகுமார்யாதீ₃ஷத்ப்ரஸ்விந்நவதா₃லக்ஷ்யமாணலலாடப₂லக-
தி₃வ்யாலகாவலீவிராஜிதம், ப்ரபு₃த்₃த₄முக்₃தா₄ம்பு₃ஜசாருலோசநம்,
ஸவிப்₄ரமப்₄ரூலதமுஜ்வலாத₄ரம், ஶுசிஸ்மிதம், கோமலக₃ண்ட₃முந்நஸம்,
உத₃க்₃ரபீநாம்ஸவிலம்பி₃குண்ட₃லாலகாவலீப₃ந்து₄ரகம்பு₃கந்த₄ரம்,
ப்ரியாவதம்ஸோத்பலகர்ணபூ₄ஷணஶ்லதா₂லகாப₃ந்த₄விமர்த₃ஶம்ஸிபி₄꞉
சதுர்பி₄ராஜாநுவிலம்பி₃பி₄ர்பு₄ஜைர்விராஜிதம், அதிகோமல
தி₃வ்யரேகா₂லங்க்ருதாதாம்ரகரதலம், தி₃வ்யாங்கு₃லீயகவிராஜிதம்
அதிகோமலதி₃வ்யநகா₂வலீவிராஜிதமதிரக்தாங்கு₃லீபி₄ரலங்க்ருதம்,
தத்க்ஷணோந்மீலிதபுண்ட₃ரீகஸத்₃ருஶசரணயுக₃லமதிமநோஹரகிரீடமகுடசூடா₃வதம்ஸ-
மகரகுண்ட₃லக்₃ரைவேயகஹாரகேயூரகடகஶ்ரீவத்ஸகௌஸ்துப₄முக்தாதா₃மோத₃ரப₃ந்த₄நபீதாம்ப₃ர-
காஞ்சீகு₃ணநூபுராதி₃பி₄ரத்யந்தஸுக₂ஸ்பர்ஶைர்தி₃வ்யக₃ந்தை₄ர்பூ₄ஷணைர்பூ₄ஷிதம், ஶ்ரீமத்யா வைஜயந்த்யா
வநமாலயா விராஜதம், ஶங்க₂சக்ரக₃தா₃ஸிஶார்ங்கா₃தி₃தி₃வ்யாயுதை₄꞉ ஸேவ்யமாநம்,
ஸ்வஸங்கல்பமாத்ராவக்லுப்தஜக₃ஜ்ஜந்மஸ்தி₂தித்₄வம்ஸாதி₃கே ஶ்ரீமதி விஷ்வக்ஸேநே
ந்யஸ்தஸமஸ்தாத்மைஶ்வர்யம், வைநதேயாதி₃பி₄꞉ ஸ்வபா₄வதோ நிரஸ்தஸமஸ்தஸாம்ஸாரிகஸ்வபா₄வை꞉ ப₄க₃வத்பரிசர்யாகரணயோக்₃யைர்ப₄க₃வத்பரிசர்யைகபோ₄கை₃꞉ நித்யஸித்₃தை₄ரநந்தைர்யதா₂யோக₃ம்
ஸேவ்யமாநமாத்மபோ₄கே₃நாநுஸம்ஹிதபராதி₃காலம்,
தி₃வ்யாமலகோமலாவலோகநேந விஶ்வமாஹ்லாத₃யந்தமீஷது₃ந்மீலித-
முகா₂ம்பு₃ஜோத₃ரவிநிர்க₃தேந தி₃வ்யாநநாரவிந்த₃ஶோபா₄ஜநநேந
தி₃வ்யகா₃ம்பீ₄ர்யௌதா₃ர்யஸௌந்த₃ர்யமாது₄ர்யாத்₃யநவதி₄ககு₃ணக₃ணவிபூ₄ஷிதேந
அதிமநோஹரதி₃வ்யபா₄வக₃ர்பே₄ண தி₃வ்யலீலாலாபாம்ருதேந
அகி₂லஜநஹ்ருத₃யாந்தராண்யாபூரயந்தம் ப₄க₃வந்தம் நாராயணம்
த்₄யாநயோகே₃ந த்₃ருஷ்ட்வா ததோ ப₄க₃வதோ நித்யஸ்வாம்யமாத்மநோ
நித்யதா₃ஸ்யம் ச யதா₂வஸ்தி₂தமநுஸந்தா₄ய கதா₃ஹம் ப₄க₃வந்தம்
நாராயணம் மம குலநாத₂ம் மம குலதை₃வதம் மம குலத₄நம் மம போ₄க்₃யம் மம மாதரம் மம பிதரம் மம ஸர்வம் ஸாக்ஷாத்கரவாணி சக்ஷூஷா .
கதா₃ஹம் ப₄க₃வத்பாதா₃ம்பு₃ஜத்₃வயம் ஶிரஸா ஸங்க்₃ரஹீஷ்யாமி .
கதா₃ஹம் ப₄க₃வத்பாதா₃ம்பு₃ஜத்₃வயம் பரிசர்யா(ஆ)ஶயா நிரஸ்தஸமஸ்தேதர-
போ₄கா₃ஶோ(அ)பக₃தஸமஸ்தஸாம்ஸாரிகஸ்வபா₄வ꞉ தத்பாதா₃ம்பு₃ஜத்₃வயம்
ப்ரவேக்ஷ்யாமி . கதா₃ஹம் ப₄க₃வத்பாதா₃ம்பு₃ஜத்₃வயம் பரிசர்யாகரணயோக்₃ய꞉
தத்பாதௌ₃ பரிசரிஷ்யாமி . கதா₃ மாம் ப₄க₃வாந் ஸ்வகீயயா(அ)திஶீதலயா
த்₃ருஶா(அ)வலோக்ய ஸ்நிக்₃த₄க₃ம்பீ₄ரமது₄ரயா கி₃ரா பரிசர்யாயாம்
ஆஜ்ஞாபயிஷ்யதீதி ப₄க₃வத்பரிசர்யாயாமாஶாம் வர்த₄யித்வா
தயைவாஶயா தத்ப்ரஸாதோ₃பப்₃ரும்ஹிதயா ப₄க₃வந்தமுபேத்ய தூ₃ராதே₃வ
ப₄க₃வந்தம் ஶேஷபோ₄கே₃ ஶ்ரியா ஸஹாஸீநம் வைநதேயாதி₃பி₄꞉
ஸேவ்யமாநம் ``ஸமஸ்தபரிவாராய ஶ்ரீமதே நாராயணாய நம''
இதி ப்ரணம்யோத்தா₂யோத்தா₂ய புந꞉ புந꞉ ப்ரணம்ய அத்யந்த
ஸாத்₄வஸவிநயாவநதோ பூ₄த்வா ப₄க₃வத்பாரிஷத₃க₃ணநாயகைர்த்₃வாரபாலை꞉
க்ருபயா ஸ்நேஹக₃ர்ப₄யா த்₃ருஶா(அ)வலோகித꞉ ஸம்யக₃பி₄வந்தி₃தை꞉
தைஸ்தைரேவாநுமதோ ப₄க₃வந்தமுபேத்ய ஶ்ரீமதா மூலமந்த்ரேண மாம்
ஐகாந்திகாத்யந்திகபரிசர்யாகரணாய பரிக்₃ருஹ்ணீஷ்வேதி யாசமாந꞉
ப்ரணம்யாத்மாநம் ப₄க₃வதே நிவேத₃யேத் .
ததோ ப₄க₃வதா ஸ்வயமேவாத்மஸஞ்ஜீவநேந மர்யாதா₃ஶீலவதா
அதிப்ரேமாந்விதேநாவலோகநேநாவலோக்ய ஸர்வதே₃ஶஸர்வகால-
ஸர்வாவஸ்தோ₂சிதாத்யந்தஶேஷபா₄வாய ஸ்வீக்ருதோ(அ)நுஜ்ஞாதஶ்ச
அத்யந்தஸாத்₄வஸவிநயாவநத꞉ கிங்குர்வாண꞉ க்ருதாஞ்ஜலிபுடோ
ப₄க₃வந்தமுபாஸீத .
ததஶ்சாநுபூ₄யமாநபா₄வவிஶேஷ꞉ நிரதிஶயப்ரீத்யா(அ)ந்யத்கிஞ்சித்
கர்தும் த்₃ரஷ்டும் ஸ்மர்துமஶக்த꞉ புநரபி ஶேஷபா₄வமேவ யாசமாநோ
ப₄க₃வந்தமேவ அவிச்சி₂ந்நஸ்த்ரோதோரூபேணாவலோகயந்நாஸீத .
ததோ ப₄க₃வதா ஸ்வயமேவாத்மஸஞ்ஜீவநேநாவலோகநேநாவலோக்ய
ஸஸ்மிதமாஹூய ஸமஸ்தக்லேஶாபஹம் நிரதிஶயஸுகா₂வஹமாத்மீயம்
ஶ்ரீமத்பாதா₃ரவிந்த₃யுக₃லம் ஶிரஸி க்ருதம் த்₄யாத்வா(அ)ம்ருதஸாக₃ராந்த꞉
நிமக்₃நஸர்வாவயவ꞉ ஸுக₂மாஸீத ..