নারাযণসূক্তম্

॥ নারাযণসূক্তম্ ॥

ওঁ স॒হ না॑ভ়ভ়তু । স॒হ নৌ॑ ভুনক্তু । স॒হ ভ়ী॒র্যং॑ করভ়াভ়হৈ ।
তে॒জ॒স্বিনা॒ভ়ধী॑তমস্তু॒ মা ভ়ি॑দ্বিষা॒ভ়হৈ᳚ ॥

ওঁ শান্তিঃ॒ শান্তিঃ॒ শান্তিঃ॑ ॥

ওঁ ॥ স॒হ॒স্র॒শীর্॑ষন্দে॒ভ়ং॒ ভ়ি॒শ্বাক্ষং॑ভ়িঁ॒শ্বশ॑ম্ভুভ়ম্ ।
ভ়িশ্বং॑ না॒রায॑ণন্দে॒ভ়॒ম॒ক্ষরং॑ পর॒মম্পদম্ ।
ভ়ি॒শ্বতঃ॒ পর॑মান্নি॒ত্যং॒ভ়িঁ॒শ্বং না॑রায॒ণগ্ং হ॑রিম্ ।
ভ়িশ্ব॑মে॒ভ়েদম্পুরু॑ষ॒স্তদ্বিশ্বমুপ॑জীভ়তি ।
পতিং॒ভ়িঁশ্ব॑স্যা॒ত্মেশ্ব॑র॒গ্ং শাশ্ব॑তগ্ং শি॒ভ়ম॑চ্যুতম্ ।
না॒রায॒ণং ম॑হাজ্ঞে॒যং॒ভ়িঁ॒শ্বাত্মা॑নম্প॒রায॑ণম্ ।
না॒রায॒ণপ॑রো জ্যো॒তি॒রা॒ত্মা না॑রায॒ণঃ প॑রঃ ।
না॒রায॒ণপরং॑ ব্র॒হ্ম॒ তত্ত্বং না॑রায॒ণঃ প॑রঃ ।
না॒রায॒ণপ॑রো ধ্যা॒তা॒ ধ্যা॒নং না॑রায॒ণঃ প॑রঃ ।
যচ্চ॑ কি॒ঞ্চিজ্জগৎস॒র্ভ়ং॒ দৃ॒শ্যতে᳚ শ্রূয॒তেঽপি॑ ভ়া ॥

অন্ত॑র্ব॒হিশ্চ॑ তৎস॒র্ভ়ং॒ভ়্যাঁ॒প্য না॑রায॒ণঃ স্থি॑তঃ ।
অনন্ত॒মভ়্যযং॑ ক॒ভ়িগ্ং স॑মু॒দ্রেংঽতং॑ভ়িঁ॒শ্বশ॑ম্ভুভ়ম্ ।
প॒দ্ম॒কো॒শপ্র॑তীকা॒শ॒গ্ং হৃ॒দযং॑ চাপ্য॒ধোমু॑খম্ ।
অধো॑ নি॒ষ্ট্যা ভ়ি॑তস্যা॒ন্তে॒ না॒ভ্যামু॑পরি॒ তিষ্ঠ॑তি ।
জ্বা॒ল॒মা॒লাকু॑লম্ভা॒তী॒ ভ়ি॒শ্বস্যা॑যত॒নং ম॑হৎ ।
সন্ত॑তগ্ং শি॒লাভি॑স্তু॒ লম্ব॑ত্যাকোশ॒সন্নি॑ভম্ ।
তস্যান্তে॑ সুষি॒রগ্ং সূ॒ক্ষ্মন্তস্মিন্᳚ স॒র্ভ়ম্প্রতি॑ষ্ঠিতম্ ।
তস্য॒ মধ্যে॑ ম॒হান॑গ্নির্ভ়ি॒শ্বার্চি॑র্ভ়ি॒শ্বতো॑মুখঃ ।
সোঽগ্র॑ভু॒গ্বিভ॑জন্তি॒ষ্ঠ॒ন্নাহা॑রমজ॒রঃ ক॒ভ়িঃ ।
তি॒র্য॒গূ॒র্ধ্বম॑ধশ্শা॒যী॒ র॒শ্ময॑স্তস্য॒ সন্ত॑তা ।
স॒ন্তা॒পয॑তি স্বন্দে॒হমাপা॑দতল॒মস্ত॑কঃ ।
তস্য॒ মধ্যে॒ ভ়হ্নি॑শিখা অ॒ণীযো᳚র্ধ্বা ভ়্য॒ভ়স্থি॑তঃ ।
নী॒লতো॑যদ॑মধ্য॒স্থা॒দ্বি॒ধ্যুল্লে॑খেভ়॒ ভাস্ব॑রা ।
নী॒ভ়ার॒শূক॑ভ়ত্ত॒ন্বী॒ পী॒তা ভা᳚স্বত্য॒ণূপ॑মা ।
তস্যাঃ᳚ শিখা॒যা ম॑ধ্যে প॒রমা᳚ত্মা ভ়্য॒ভ়স্থি॑তঃ ।
স ব্রহ্ম॒ স শিভ়ঃ॒ স হরিঃ॒ সেন্দ্রঃ॒ সোঽক্ষ॑রঃ পর॒মঃ স্ব॒রাট্ ॥

ঋতগ্ং স॒ত্যম্প॑রম্ব্র॒হ্ম॒ পু॒রুষং॑ কৃষ্ণ॒পিঙ্গ॑লম্ ।
ঊ॒র্ধ্বরে॑তংভ়িঁ॑রূপা॒ক্ষং॒ভ়িঁ॒শ্বরূ॑পায॒ ভ়ৈ নমো॒ নমঃ॑ ॥

ওঁ না॒রা॒য॒ণায॑ ভ়ি॒দ্মহে॑ ভ়াসুদে॒ভ়ায॑ ধীমহি ।
তন্নো॑ ভ়িষ্ণুঃ প্রচো॒দযা᳚ৎ ॥

॥ ওঁ শান্তিঃ॒ শান্তিঃ॒ শান্তিঃ॑ ॥