શ્રીભાષ્યકારવૈભવબોધકશ્લોકાઃ

ન ચેદ્ રામાનુજેત્યેષા ચતુરા ચતુરક્ષરી.
કામવસ્થાં પ્રપદ્યન્તે જન્તવો હન્ત માદૃશાઃ ..૧..

સ્વપદામ્બુજસંશ્રિતપાપહરં સકલશ્રુતિસારયથાર્થકરમ્.
જયનાદિવિનાશનદણ્ડધરં પ્રણમામિ યતીશ્વરમાદિગુરુમ્ ..૨..

પ્રકટીકૃતમાધવભક્તિપથં કલિપાતકમોચનપુણ્યકથમ્.
પરિભૂતનિરીશ્વરવાદિમતં યતિરાજગુરું પ્રણમામિ સદા ..૩..

કૃમિકણ્ઠનરેશનિષૂદકર ભવરોગવિનાશનવૈદ્યવરમ્ .
શરણાગતવત્સલવારિનિધિં પ્રણમામિ સદા યતિભૂમિપતિમ્ ..૪..

શ્રીરામાનુજચતુશ્લોકી
અનિશં ભજતામનન્યભાજાં,
ચરણામ્ભોરુહમાદરેણ પુંસામ્ .
વિતરન વિવિધાં વિભૂતિનિષ્ઠાં
જય રામાનુજ રઙ્ગધામ્નિ નિત્યમ્ ..૧..

ભુવિ નો વિમતાંસ્ત્વદીયસૂક્તિઃ
કુલિશીભૂય કુદૃષ્ટિભિસ્સમેતાન..

શકલીકુરુતે વિપશ્ચિદીડ્યા
જય રામાનુજ શેષશૈલશ્રૃઙ્ગે ..૨..

શ્રુતિષુ સ્મૃતિષુ પ્રમાણતત્ત્વં
કૃપયાલોચ્ય વિશુદ્ધયા હિ બુદ્ધયા.
અકૃથા વિતતૈકભાષ્યરત્નં
જય રામાનુજ હસ્તિધામ્નિ નિત્યમ્ ..૩..

જય માયિમતાન્ધકારભાનો
જય બાહ્યપ્રમુખાટવીકૃશાનો.
જય સંશ્રિતસિન્ધુશીતભાનો
જય રામાનુજ યાદવાદ્રિશ્રૃઙ્ગે ..૪..

રામાનુજચતુઃશ્લોકીં યઃ પઠેન્નિયતઃ સદા.
પ્રાપ્નુયાત્ પરમાં ભક્તિ યતિરાજપદાબ્જયોઃ ..૫..