ಶ್ರೀಭಾಷ್ಯಕಾರವೈಭವಬೋಧಕಶ್ಲೋಕಾಃ

ನ ಚೇದ್ ರಾಮಾನುಜೇತ್ಯೇಷಾ ಚತುರಾ ಚತುರಕ್ಷರೀ.
ಕಾಮವಸ್ಥಾಂ ಪ್ರಪದ್ಯನ್ತೇ ಜನ್ತವೋ ಹನ್ತ ಮಾದೃಶಾಃ ..೧..

ಸ್ವಪದಾಮ್ಬುಜಸಂಶ್ರಿತಪಾಪಹರಂ ಸಕಲಶ್ರುತಿಸಾರಯಥಾರ್ಥಕರಮ್.
ಜಯನಾದಿವಿನಾಶನದಣ್ಡಧರಂ ಪ್ರಣಮಾಮಿ ಯತೀಶ್ವರಮಾದಿಗುರುಮ್ ..೨..

ಪ್ರಕಟೀಕೃತಮಾಧವಭಕ್ತಿಪಥಂ ಕಲಿಪಾತಕಮೋಚನಪುಣ್ಯಕಥಮ್.
ಪರಿಭೂತನಿರೀಶ್ವರವಾದಿಮತಂ ಯತಿರಾಜಗುರುಂ ಪ್ರಣಮಾಮಿ ಸದಾ ..೩..

ಕೃಮಿಕಣ್ಠನರೇಶನಿಷೂದಕರ ಭವರೋಗವಿನಾಶನವೈದ್ಯವರಮ್ .
ಶರಣಾಗತವತ್ಸಲವಾರಿನಿಧಿಂ ಪ್ರಣಮಾಮಿ ಸದಾ ಯತಿಭೂಮಿಪತಿಮ್ ..೪..

ಶ್ರೀರಾಮಾನುಜಚತುಶ್ಲೋಕೀ
ಅನಿಶಂ ಭಜತಾಮನನ್ಯಭಾಜಾಂ,
ಚರಣಾಮ್ಭೋರುಹಮಾದರೇಣ ಪುಂಸಾಮ್ .
ವಿತರನ ವಿವಿಧಾಂ ವಿಭೂತಿನಿಷ್ಠಾಂ
ಜಯ ರಾಮಾನುಜ ರಙ್ಗಧಾಮ್ನಿ ನಿತ್ಯಮ್ ..೧..

ಭುವಿ ನೋ ವಿಮತಾಂಸ್ತ್ವದೀಯಸೂಕ್ತಿಃ
ಕುಲಿಶೀಭೂಯ ಕುದೃಷ್ಟಿಭಿಸ್ಸಮೇತಾನ..

ಶಕಲೀಕುರುತೇ ವಿಪಶ್ಚಿದೀಡ್ಯಾ
ಜಯ ರಾಮಾನುಜ ಶೇಷಶೈಲಶ್ರೃಙ್ಗೇ ..೨..

ಶ್ರುತಿಷು ಸ್ಮೃತಿಷು ಪ್ರಮಾಣತತ್ತ್ವಂ
ಕೃಪಯಾಲೋಚ್ಯ ವಿಶುದ್ಧಯಾ ಹಿ ಬುದ್ಧಯಾ.
ಅಕೃಥಾ ವಿತತೈಕಭಾಷ್ಯರತ್ನಂ
ಜಯ ರಾಮಾನುಜ ಹಸ್ತಿಧಾಮ್ನಿ ನಿತ್ಯಮ್ ..೩..

ಜಯ ಮಾಯಿಮತಾನ್ಧಕಾರಭಾನೋ
ಜಯ ಬಾಹ್ಯಪ್ರಮುಖಾಟವೀಕೃಶಾನೋ.
ಜಯ ಸಂಶ್ರಿತಸಿನ್ಧುಶೀತಭಾನೋ
ಜಯ ರಾಮಾನುಜ ಯಾದವಾದ್ರಿಶ್ರೃಙ್ಗೇ ..೪..

ರಾಮಾನುಜಚತುಃಶ್ಲೋಕೀಂ ಯಃ ಪಠೇನ್ನಿಯತಃ ಸದಾ.
ಪ್ರಾಪ್ನುಯಾತ್ ಪರಮಾಂ ಭಕ್ತಿ ಯತಿರಾಜಪದಾಬ್ಜಯೋಃ ..೫..