.. ಶ್ರೀ ರಾಮಾನುಜ ಸುಪ್ರಭಾತಮ್ ..

ಶ್ರೀವಾದಿಭೀಕರಗುರುಭಿರನುಗೃಹೀತಂ
ಶ್ರೀರಾಮಾನುಜಸುಪ್ರಭಾತಮ್

ಜಯಜಯ ಯತಿಸಾರ್ವಭೌಮಾಮಲಸ್ವಾನ್ತ ! ತುಭ್ಯಂ ನಮಃ
ಜಯಜಯ ಜನಿಸಿನ್ಧುಮಗ್ನಾತ್ಮಸನ್ತಾರಕಗ್ರಾಮಣೀಃ .
ಜಯಜಯ ಭಜನೀಯ ಕೂರೇಶಮುಖ್ಯೈಃ ಪ್ರಸೀದ ಪ್ರಭೋ !
ಜಯಜಯ ವಿದುಷಾಂ ನಿಧೇ ! ಜಾಗೃಹಿ ಶ್ರೀನಿಧೇ ! ಜಾಗೃಹಿ .. ೧ ..

ಪೂಣಾರ್ಯಪೂರ್ಣಕರುಣಾಪರಿಲಬ್ಧಬೋಧ !
ವೈರಾಗ್ಯಭಕ್ತಿಮುಖದಿವ್ಯಗುಣಾಮೃತಾಬ್ಧೇ !.
ಶ್ರೀಯಾಮುನಾರ್ಯಪದಪಂಕಜರಾಜಹಂಸ !
ರಾಮಾನುಜಾರ್ಯ ! ಭಗವನ್ ! ತವ ಸುಪ್ರಭಾತಮ್ .. ೨ ..

ಆನೇತುಮದ್ಯ ವರದಸ್ಯ ಗಜಾದ್ರಿಭರ್ತುಃ
ಪಾನೀಯಮಚ್ಛಮತಿಶೀತಮಗಾಧಕೂಪಾತ್ .
ಧ್ವಾನ್ತಂ ನಿರಸ್ತಮರುಣಸ್ಯ ಕರೈಸ್ಸಮನ್ತಾತ್
ರಾಮಾನುಜಾರ್ಯ ! ಭಗವನ್ ! ತವ ಸುಪ್ರಭಾತಮ್ .. ೩ ..

ಶ್ರೀರಂಗರಾಜಪದಪಂಕಜಯೋರಶೇಷ-
ಕೈಂಕರ್ಯಮಾಕಲಯಿತುಂ ಸಕುತೂಹಲಸ್ತ್ವಮ್.
ಉತ್ತಿಷ್ಠ ನಿತ್ಯಕೃತಿಮಪ್ಯಖಿಲಾಂ ಚ ಕರ್ತುಂ
ರಾಮಾನುಜಾರ್ಯ ! ಭಗವನ್ ! ತವ ಸುಪ್ರಭಾತಮ್ .. ೪ ..

ತ್ವಾಂ ವೀಕ್ಷಿತುಂ ಸಮುಪಯಾತಿ ವೃಷಾಚಲೇನ್ದ್ರಃ
ತ್ವತ್ಸಂಪ್ರಕ್ಲೃಪ್ತವರಶಙ್ಖರಥಾಂಗಪಾಣಿಃ.
ಸಂಯೋಜಿತಾಮುರಸಿ ಮಾಂ ಭವತೈವ ಬಿಭ್ರತ್
ರಾಮಾನುಜಾರ್ಯ ! ಭಗವನ್ ! ತವ ಸುಪ್ರಭಾತಮ್ .. ೫ ..

ಶ್ರೀಮತ್ಕುರಂಗಪರಿಪೂರ್ಣವಿಭುಸ್ತ್ವದುಕ್ತಂ
ಶ್ರೀಭಾಷ್ಯಶಾಸ್ತ್ರಮಮಲಂ ತ್ವಯಿ ಭಕ್ತಿಯುಕ್ತಃ .
ಶ್ರೋತುಂ ಸಮಿಚ್ಛತಿ ಯತೀನ್ದ್ರ ! ಸಿತೋರ್ಧ್ವಪುಣ್ಡ್ರಃ '
ತಂ ಬೋಧಯಾರ್ಥಮಖಿಲಂ ತವ ಸುಪ್ರಭಾತಮ್ .. ೬ ..

ಶ್ರೀಭಾಷ್ಯಮಾಲಿಖಿತುಮಾತ್ತವಿಶಾಲಲೇಖ್ಯಃ
ಶ್ರೀವತ್ಸಚಿಹ್ನಗುರುರಾನತದಿವ್ಯಗಾತ್ರಃ .
ವೇದಾನ್ತಸೂತ್ರಮಪಿಂ ವಕ್ತುಮಮುಷ್ಯ ಸರ್ವಮ್
ಉತ್ತಿಷ್ಠ ಲಕ್ಷ್ಮಣಮುನೇ ! ತವ ಸುಪ್ರಭಾತಮ್ .. ೭ ..

ಶ್ರೀರಂಗವೇಂಕಟ ಶ್ರೀಮಾನ್ ಸ ಪೂರ್ಣವಟುರಾದರತಃ
ಪ್ರಗೃಹ್ಯ ಶ್ರೀಪಾದುಕಾ ಯತಿಪತೇ . ಪದಯೋಃ ಪ್ರಯೋಕ್ತುಮ್ .
ದ್ವಾರಿ ಸ್ಥಿತಿ ವಿತನ್ತೇ ಪ್ರಣತಾರ್ತಿಹಾರಿನ್ !
ರಾಮಾನುಜಾರ್ಯ . ಭಗವನ . ತವ ಸುಪ್ರಭಾತಮ್ .. ೮ ..

ಕಾಷಾಯವಸ್ತ್ರಕಟಿಸೂತ್ರಕಮಣ್ಡಲೂಶ್ಚ .
ಶ್ರೀದನ್ತಕಾಷ್ಠಮಪಿ ದೇಶಿಕಸಾರ್ವಭೌಮಾಃ.
ಪಾಣೀ ನಿಧಾಯ ನಿವಸನ್ತಿ ವಿಶುದ್ಧಗಾತ್ರಾಃ
ರಾಮಾನುಜಾರ್ಯ ! ಭಗವನ್ ! ತವ ಸುಪ್ರಭಾತಮ್ .. ೬ ..

ತ್ವಾಂ ಬೋಧಯನ್ತಿ ಗುರವಃ ಪ್ರಥಿತಾ ಮಹಾನ್ತಃ
ಶ್ರೀವೈಷ್ಣವಾಶ್ಚ ಯಮಿನಸ್ತವ ಪಾದಭಕ್ತಾಃ.
ಏಕಾನ್ತಿನಶ್ಚ ವಿಮಲಾಸ್ತ್ವದನನ್ಯಭಾವಾಃ
ತಾನ್ ಪಾಲಯಾದ್ಯ ಯತಿಶೇಖರ ! ಸುಪ್ರಭಾತಮ್ .. ೧೦ ..

ಬ್ರಾಹ್ಮೇ ಪ್ರಬುದ್ಧ್ಯ ವಿಬುಧಾಃ ಸ್ವಗುರೂನ್
ಪ್ರಣಮ್ಯ ರಾಮಾನುಜಾಯ ನಮ ಇತ್ಯಸಕೃಬ್ರುವಾಣಾಃ.
ಅಷ್ಟಾಕ್ಷರಂ ಸಚರಮಂ ದ್ವಯಮುಚ್ಚರನ್ತಿ .
ರಾಮಾನುಜಾರ್ಯ ! ಭಗವನ್ ! ತವ ಸುಪ್ರಭಾತಮ್ .. ೧೧ ..

ಪ್ರಾತಃ ಪಠನ್ತಿಂ ಪರಮದ್ರವಿಡಪ್ರಪನ್ನ
ಗಾಯತ್ರಿಮನ್ತ್ರಶತಮಷ್ಟಶಿರಸ್ಕಮಚ್ಛಮ್.
ಶ್ರೀವೈಷ್ಣವಾಸ್ತವ ಪದಾಬ್ಜನಿವಿಷ್ಟಭಾವಾಃ
ರಾಮಾನುಜಾರ್ಯ ! ಭಗವನ್ ! ತವ ಸುಪ್ರಭಾತಮ್ .. ೧೨ ..

ಆರಾಧನಂ ರಚಯಿತುಂ ಕಮಲಾಸಖಸ್ಯ
ಶ್ರೀಯಾದವಾಚಲಪತೇರ್ವಿವಿಧೋಪಚಾರೈಃ.
ಪಾತುಂ ಚ ದೃಷ್ಟಿಕಮಲೇನ ನತಾನಶೇಷಾನ್
ರಾಮಾನುಜಾರ್ಯ ! ಭಗವನ ! ತವ ಸುಪ್ರಭಾತಮ್ .. ೧೩ ..

ಸಂಸೇವ್ಯ ! ಸಪ್ತಶತಸಂಯಮಿಸಾರ್ವಭೌಮೈಃ
ಸದ್ದೇಶಿಕೈಸ್ಸಕಲಶಾಸ್ತ್ರವಿದಾಂ ವರಿಷ್ಠೈಃ.
ಏಕಾನ್ತಿಭಿಃ ಪರಮಭಾಗವತೈರ್ನಿಷೇವ್ಯ !
ರಾಮಾನುಜಾರ್ಯ ! ಭಗವನ ! ತವ ಸುಪ್ರಭಾತಮ್ .. ೧೪ ..

ಗದ್ಯತ್ರಯಂ ನಿಗಮಶೇಖರದೀಪಸಾರೌ
ವೇದಾರ್ಥಸಂಗ್ರಹಮಪಿ ಪ್ರಥಿತಂ ಚ ನಿತ್ಯಮ್.
ಗೀತಾರ್ಥಭಾಷ್ಯಮಪಿ ದೇಶಿಕಪುಂಗವಾನಾ
ದಾತುಂ ಪ್ರಸೀದ ಯತಿಶೇಖರ ! ಸುಪ್ರಭಾತಮ್ .. ೧೫ ..

ಪಾದಾಮ್ಬುಜಂ ಯತಿಪತೇ . ಶರಣಂ ವಿಹರ್ತುಂ
ಸಂಗತ್ಯ ಸಂಸರಣವಾರಿಧಿಲಂಘನೋತ್ಕಾಃ.
ಆಯಾನ್ತಿ ಹಸ್ತಕಮಲಾಭಿಧೃತೋಪಚಾರಾಃ
ತಾನ್ ಪಾಹಿ ತೇ ಕರುಣಯಾ ತವ ಸುಪ್ರಭಾತಮ್ .. ೧೬ ..

ಸ್ನಾತುಂ ಕವೇರತನಯಾಸಲಿಲೇಷು ಶಿಷ್ಯೈಃ
ಮಾರ ಆಚಾರ್ಯಪೂರುಷವರೈರ್ಯತಿಭಿರ್ವಿಶುದ್ಧೈಃ.
ಶ್ರೀವೈಷ್ಣವೈಶ್ಚ ಸಹ ಸೇವ್ಯ ! ಮಹಾನುಭಾವೈಃ
ರಾಮಾನುಜಾರ್ಯ ! ಭಗವನ್ ! ತವ ಸುಪ್ರಭಾತಮ್ .. ೧೭ ..

ರಾಮಾನುಜಾರ್ಯ ! ರಮಣೀಯಗುಣಾಭಿರಾಮ !
ರಾಗಾದಿದೂರಗ ! ಗುರೋ ! ಗುರುಸಾರ್ವಭೌಮ !.
ಸತ್ತ್ವಪ್ರಧಾನ ! ಶರಣಾಗತವತ್ಸಲ ! ತ್ವತ್
ಪಾದಾಬ್ಜಯೋರಿಹ ಪರತ್ರ ಚ ಕಿಂಕರಃ ಸ್ಯಾಮ್ .. ೧೮ ..