.. ஶ்ரீ ராமாநுஜ ஸுப்ரபா₄தம் ..

ஶ்ரீவாதி₃பீ₄கரகு₃ருபி₄ரநுக்₃ருஹீதம்
ஶ்ரீராமாநுஜஸுப்ரபா₄தம்

ஜயஜய யதிஸார்வபௌ₄மாமலஸ்வாந்த ! துப்₄யம் நம꞉
ஜயஜய ஜநிஸிந்து₄மக்₃நாத்மஸந்தாரகக்₃ராமணீ꞉ .
ஜயஜய ப₄ஜநீய கூரேஶமுக்₂யை꞉ ப்ரஸீத₃ ப்ரபோ₄ !
ஜயஜய விது₃ஷாம் நிதே₄ ! ஜாக்₃ருஹி ஶ்ரீநிதே₄ ! ஜாக்₃ருஹி .. 1 ..

பூணார்யபூர்ணகருணாபரிலப்₃த₄போ₃த₄ !
வைராக்₃யப₄க்திமுக₂தி₃வ்யகு₃ணாம்ருதாப்₃தே₄ !.
ஶ்ரீயாமுநார்யபத₃பம்கஜராஜஹம்ஸ !
ராமாநுஜார்ய ! ப₄க₃வந் ! தவ ஸுப்ரபா₄தம் .. 2 ..

ஆநேதுமத்₃ய வரத₃ஸ்ய க₃ஜாத்₃ரிப₄ர்து꞉
பாநீயமச்ச₂மதிஶீதமகா₃த₄கூபாத் .
த்₄வாந்தம் நிரஸ்தமருணஸ்ய கரைஸ்ஸமந்தாத்
ராமாநுஜார்ய ! ப₄க₃வந் ! தவ ஸுப்ரபா₄தம் .. 3 ..

ஶ்ரீரம்க₃ராஜபத₃பம்கஜயோரஶேஷ-
கைம்கர்யமாகலயிதும் ஸகுதூஹலஸ்த்வம்.
உத்திஷ்ட₂ நித்யக்ருதிமப்யகி₂லாம் ச கர்தும்
ராமாநுஜார்ய ! ப₄க₃வந் ! தவ ஸுப்ரபா₄தம் .. 4 ..

த்வாம் வீக்ஷிதும் ஸமுபயாதி வ்ருஷாசலேந்த்₃ர꞉
த்வத்ஸம்ப்ரக்ல்ருப்தவரஶங்க₂ரதா₂ம்க₃பாணி꞉.
ஸம்யோஜிதாமுரஸி மாம் ப₄வதைவ பி₃ப்₄ரத்
ராமாநுஜார்ய ! ப₄க₃வந் ! தவ ஸுப்ரபா₄தம் .. 5 ..

ஶ்ரீமத்குரம்க₃பரிபூர்ணவிபு₄ஸ்த்வது₃க்தம்
ஶ்ரீபா₄ஷ்யஶாஸ்த்ரமமலம் த்வயி ப₄க்தியுக்த꞉ .
ஶ்ரோதும் ஸமிச்ச₂தி யதீந்த்₃ர ! ஸிதோர்த்₄வபுண்ட்₃ர꞉ '
தம் போ₃த₄யார்த₂மகி₂லம் தவ ஸுப்ரபா₄தம் .. 6 ..

ஶ்ரீபா₄ஷ்யமாலிகி₂துமாத்தவிஶாலலேக்₂ய꞉
ஶ்ரீவத்ஸசிஹ்நகு₃ருராநததி₃வ்யகா₃த்ர꞉ .
வேதா₃ந்தஸூத்ரமபிம் வக்துமமுஷ்ய ஸர்வம்
உத்திஷ்ட₂ லக்ஷ்மணமுநே ! தவ ஸுப்ரபா₄தம் .. 7 ..

ஶ்ரீரம்க₃வேம்கட ஶ்ரீமாந் ஸ பூர்ணவடுராத₃ரத꞉
ப்ரக்₃ருஹ்ய ஶ்ரீபாது₃கா யதிபதே . பத₃யோ꞉ ப்ரயோக்தும் .
த்₃வாரி ஸ்தி₂தி விதந்தே ப்ரணதார்திஹாரிந் !
ராமாநுஜார்ய . ப₄க₃வந . தவ ஸுப்ரபா₄தம் .. 8 ..

காஷாயவஸ்த்ரகடிஸூத்ரகமண்ட₃லூஶ்ச .
ஶ்ரீத₃ந்தகாஷ்ட₂மபி தே₃ஶிகஸார்வபௌ₄மா꞉.
பாணீ நிதா₄ய நிவஸந்தி விஶுத்₃த₄கா₃த்ரா꞉
ராமாநுஜார்ய ! ப₄க₃வந் ! தவ ஸுப்ரபா₄தம் .. 6 ..

த்வாம் போ₃த₄யந்தி கு₃ரவ꞉ ப்ரதி₂தா மஹாந்த꞉
ஶ்ரீவைஷ்ணவாஶ்ச யமிநஸ்தவ பாத₃ப₄க்தா꞉.
ஏகாந்திநஶ்ச விமலாஸ்த்வத₃நந்யபா₄வா꞉
தாந் பாலயாத்₃ய யதிஶேக₂ர ! ஸுப்ரபா₄தம் .. 10 ..

ப்₃ராஹ்மே ப்ரபு₃த்₃த்₄ய விபு₃தா₄꞉ ஸ்வகு₃ரூந்
ப்ரணம்ய ராமாநுஜாய நம இத்யஸக்ருப்₃ருவாணா꞉.
அஷ்டாக்ஷரம் ஸசரமம் த்₃வயமுச்சரந்தி .
ராமாநுஜார்ய ! ப₄க₃வந் ! தவ ஸுப்ரபா₄தம் .. 11 ..

ப்ராத꞉ பட₂ந்திம் பரமத்₃ரவிட₃ப்ரபந்ந
கா₃யத்ரிமந்த்ரஶதமஷ்டஶிரஸ்கமச்ச₂ம்.
ஶ்ரீவைஷ்ணவாஸ்தவ பதா₃ப்₃ஜநிவிஷ்டபா₄வா꞉
ராமாநுஜார்ய ! ப₄க₃வந் ! தவ ஸுப்ரபா₄தம் .. 12 ..

ஆராத₄நம் ரசயிதும் கமலாஸக₂ஸ்ய
ஶ்ரீயாத₃வாசலபதேர்விவிதோ₄பசாரை꞉.
பாதும் ச த்₃ருஷ்டிகமலேந நதாநஶேஷாந்
ராமாநுஜார்ய ! ப₄க₃வந ! தவ ஸுப்ரபா₄தம் .. 13 ..

ஸம்ஸேவ்ய ! ஸப்தஶதஸம்யமிஸார்வபௌ₄மை꞉
ஸத்₃தே₃ஶிகைஸ்ஸகலஶாஸ்த்ரவிதா₃ம் வரிஷ்டை₂꞉.
ஏகாந்திபி₄꞉ பரமபா₄க₃வதைர்நிஷேவ்ய !
ராமாநுஜார்ய ! ப₄க₃வந ! தவ ஸுப்ரபா₄தம் .. 14 ..

க₃த்₃யத்ரயம் நிக₃மஶேக₂ரதீ₃பஸாரௌ
வேதா₃ர்த₂ஸம்க்₃ரஹமபி ப்ரதி₂தம் ச நித்யம்.
கீ₃தார்த₂பா₄ஷ்யமபி தே₃ஶிகபும்க₃வாநா
தா₃தும் ப்ரஸீத₃ யதிஶேக₂ர ! ஸுப்ரபா₄தம் .. 15 ..

பாதா₃ம்பு₃ஜம் யதிபதே . ஶரணம் விஹர்தும்
ஸம்க₃த்ய ஸம்ஸரணவாரிதி₄லம்க₄நோத்கா꞉.
ஆயாந்தி ஹஸ்தகமலாபி₄த்₄ருதோபசாரா꞉
தாந் பாஹி தே கருணயா தவ ஸுப்ரபா₄தம் .. 16 ..

ஸ்நாதும் கவேரதநயாஸலிலேஷு ஶிஷ்யை꞉
மார ஆசார்யபூருஷவரைர்யதிபி₄ர்விஶுத்₃தை₄꞉.
ஶ்ரீவைஷ்ணவைஶ்ச ஸஹ ஸேவ்ய ! மஹாநுபா₄வை꞉
ராமாநுஜார்ய ! ப₄க₃வந் ! தவ ஸுப்ரபா₄தம் .. 17 ..

ராமாநுஜார்ய ! ரமணீயகு₃ணாபி₄ராம !
ராகா₃தி₃தூ₃ரக₃ ! கு₃ரோ ! கு₃ருஸார்வபௌ₄ம !.
ஸத்த்வப்ரதா₄ந ! ஶரணாக₃தவத்ஸல ! த்வத்
பாதா₃ப்₃ஜயோரிஹ பரத்ர ச கிம்கர꞉ ஸ்யாம் .. 18 ..