.. શ્રી રામાનુજ સુપ્રભાતમ્ ..

શ્રીવાદિભીકરગુરુભિરનુગૃહીતં
શ્રીરામાનુજસુપ્રભાતમ્

જયજય યતિસાર્વભૌમામલસ્વાન્ત ! તુભ્યં નમઃ
જયજય જનિસિન્ધુમગ્નાત્મસન્તારકગ્રામણીઃ .
જયજય ભજનીય કૂરેશમુખ્યૈઃ પ્રસીદ પ્રભો !
જયજય વિદુષાં નિધે ! જાગૃહિ શ્રીનિધે ! જાગૃહિ .. ૧ ..

પૂણાર્યપૂર્ણકરુણાપરિલબ્ધબોધ !
વૈરાગ્યભક્તિમુખદિવ્યગુણામૃતાબ્ધે !.
શ્રીયામુનાર્યપદપંકજરાજહંસ !
રામાનુજાર્ય ! ભગવન્ ! તવ સુપ્રભાતમ્ .. ૨ ..

આનેતુમદ્ય વરદસ્ય ગજાદ્રિભર્તુઃ
પાનીયમચ્છમતિશીતમગાધકૂપાત્ .
ધ્વાન્તં નિરસ્તમરુણસ્ય કરૈસ્સમન્તાત્
રામાનુજાર્ય ! ભગવન્ ! તવ સુપ્રભાતમ્ .. ૩ ..

શ્રીરંગરાજપદપંકજયોરશેષ-
કૈંકર્યમાકલયિતું સકુતૂહલસ્ત્વમ્.
ઉત્તિષ્ઠ નિત્યકૃતિમપ્યખિલાં ચ કર્તું
રામાનુજાર્ય ! ભગવન્ ! તવ સુપ્રભાતમ્ .. ૪ ..

ત્વાં વીક્ષિતું સમુપયાતિ વૃષાચલેન્દ્રઃ
ત્વત્સંપ્રક્લૃપ્તવરશઙ્ખરથાંગપાણિઃ.
સંયોજિતામુરસિ માં ભવતૈવ બિભ્રત્
રામાનુજાર્ય ! ભગવન્ ! તવ સુપ્રભાતમ્ .. ૫ ..

શ્રીમત્કુરંગપરિપૂર્ણવિભુસ્ત્વદુક્તં
શ્રીભાષ્યશાસ્ત્રમમલં ત્વયિ ભક્તિયુક્તઃ .
શ્રોતું સમિચ્છતિ યતીન્દ્ર ! સિતોર્ધ્વપુણ્ડ્રઃ '
તં બોધયાર્થમખિલં તવ સુપ્રભાતમ્ .. ૬ ..

શ્રીભાષ્યમાલિખિતુમાત્તવિશાલલેખ્યઃ
શ્રીવત્સચિહ્નગુરુરાનતદિવ્યગાત્રઃ .
વેદાન્તસૂત્રમપિં વક્તુમમુષ્ય સર્વમ્
ઉત્તિષ્ઠ લક્ષ્મણમુને ! તવ સુપ્રભાતમ્ .. ૭ ..

શ્રીરંગવેંકટ શ્રીમાન્ સ પૂર્ણવટુરાદરતઃ
પ્રગૃહ્ય શ્રીપાદુકા યતિપતે . પદયોઃ પ્રયોક્તુમ્ .
દ્વારિ સ્થિતિ વિતન્તે પ્રણતાર્તિહારિન્ !
રામાનુજાર્ય . ભગવન . તવ સુપ્રભાતમ્ .. ૮ ..

કાષાયવસ્ત્રકટિસૂત્રકમણ્ડલૂશ્ચ .
શ્રીદન્તકાષ્ઠમપિ દેશિકસાર્વભૌમાઃ.
પાણી નિધાય નિવસન્તિ વિશુદ્ધગાત્રાઃ
રામાનુજાર્ય ! ભગવન્ ! તવ સુપ્રભાતમ્ .. ૬ ..

ત્વાં બોધયન્તિ ગુરવઃ પ્રથિતા મહાન્તઃ
શ્રીવૈષ્ણવાશ્ચ યમિનસ્તવ પાદભક્તાઃ.
એકાન્તિનશ્ચ વિમલાસ્ત્વદનન્યભાવાઃ
તાન્ પાલયાદ્ય યતિશેખર ! સુપ્રભાતમ્ .. ૧૦ ..

બ્રાહ્મે પ્રબુદ્ધ્ય વિબુધાઃ સ્વગુરૂન્
પ્રણમ્ય રામાનુજાય નમ ઇત્યસકૃબ્રુવાણાઃ.
અષ્ટાક્ષરં સચરમં દ્વયમુચ્ચરન્તિ .
રામાનુજાર્ય ! ભગવન્ ! તવ સુપ્રભાતમ્ .. ૧૧ ..

પ્રાતઃ પઠન્તિં પરમદ્રવિડપ્રપન્ન
ગાયત્રિમન્ત્રશતમષ્ટશિરસ્કમચ્છમ્.
શ્રીવૈષ્ણવાસ્તવ પદાબ્જનિવિષ્ટભાવાઃ
રામાનુજાર્ય ! ભગવન્ ! તવ સુપ્રભાતમ્ .. ૧૨ ..

આરાધનં રચયિતું કમલાસખસ્ય
શ્રીયાદવાચલપતેર્વિવિધોપચારૈઃ.
પાતું ચ દૃષ્ટિકમલેન નતાનશેષાન્
રામાનુજાર્ય ! ભગવન ! તવ સુપ્રભાતમ્ .. ૧૩ ..

સંસેવ્ય ! સપ્તશતસંયમિસાર્વભૌમૈઃ
સદ્દેશિકૈસ્સકલશાસ્ત્રવિદાં વરિષ્ઠૈઃ.
એકાન્તિભિઃ પરમભાગવતૈર્નિષેવ્ય !
રામાનુજાર્ય ! ભગવન ! તવ સુપ્રભાતમ્ .. ૧૪ ..

ગદ્યત્રયં નિગમશેખરદીપસારૌ
વેદાર્થસંગ્રહમપિ પ્રથિતં ચ નિત્યમ્.
ગીતાર્થભાષ્યમપિ દેશિકપુંગવાના
દાતું પ્રસીદ યતિશેખર ! સુપ્રભાતમ્ .. ૧૫ ..

પાદામ્બુજં યતિપતે . શરણં વિહર્તું
સંગત્ય સંસરણવારિધિલંઘનોત્કાઃ.
આયાન્તિ હસ્તકમલાભિધૃતોપચારાઃ
તાન્ પાહિ તે કરુણયા તવ સુપ્રભાતમ્ .. ૧૬ ..

સ્નાતું કવેરતનયાસલિલેષુ શિષ્યૈઃ
માર આચાર્યપૂરુષવરૈર્યતિભિર્વિશુદ્ધૈઃ.
શ્રીવૈષ્ણવૈશ્ચ સહ સેવ્ય ! મહાનુભાવૈઃ
રામાનુજાર્ય ! ભગવન્ ! તવ સુપ્રભાતમ્ .. ૧૭ ..

રામાનુજાર્ય ! રમણીયગુણાભિરામ !
રાગાદિદૂરગ ! ગુરો ! ગુરુસાર્વભૌમ !.
સત્ત્વપ્રધાન ! શરણાગતવત્સલ ! ત્વત્
પાદાબ્જયોરિહ પરત્ર ચ કિંકરઃ સ્યામ્ .. ૧૮ ..