.. శ్రీ రామానుజ సుప్రభాతమ్ ..
శ్రీవాదిభీకరగురుభిరనుగృహీతం
శ్రీరామానుజసుప్రభాతమ్
జయజయ యతిసార్వభౌమామలస్వాన్త ! తుభ్యం నమః
జయజయ జనిసిన్ధుమగ్నాత్మసన్తారకగ్రామణీః .
జయజయ భజనీయ కూరేశముఖ్యైః ప్రసీద ప్రభో !
జయజయ విదుషాం నిధే ! జాగృహి శ్రీనిధే ! జాగృహి .. 1 ..
పూణార్యపూర్ణకరుణాపరిలబ్ధబోధ !
వైరాగ్యభక్తిముఖదివ్యగుణామృతాబ్ధే !.
శ్రీయామునార్యపదపంకజరాజహంస !
రామానుజార్య ! భగవన్ ! తవ సుప్రభాతమ్ .. 2 ..
ఆనేతుమద్య వరదస్య గజాద్రిభర్తుః
పానీయమచ్ఛమతిశీతమగాధకూపాత్ .
ధ్వాన్తం నిరస్తమరుణస్య కరైస్సమన్తాత్
రామానుజార్య ! భగవన్ ! తవ సుప్రభాతమ్ .. 3 ..
శ్రీరంగరాజపదపంకజయోరశేష-
కైంకర్యమాకలయితుం సకుతూహలస్త్వమ్.
ఉత్తిష్ఠ నిత్యకృతిమప్యఖిలాం చ కర్తుం
రామానుజార్య ! భగవన్ ! తవ సుప్రభాతమ్ .. 4 ..
త్వాం వీక్షితుం సముపయాతి వృషాచలేన్ద్రః
త్వత్సంప్రక్లృప్తవరశఙ్ఖరథాంగపాణిః.
సంయోజితామురసి మాం భవతైవ బిభ్రత్
రామానుజార్య ! భగవన్ ! తవ సుప్రభాతమ్ .. 5 ..
శ్రీమత్కురంగపరిపూర్ణవిభుస్త్వదుక్తం
శ్రీభాష్యశాస్త్రమమలం త్వయి భక్తియుక్తః .
శ్రోతుం సమిచ్ఛతి యతీన్ద్ర ! సితోర్ధ్వపుణ్డ్రః '
తం బోధయార్థమఖిలం తవ సుప్రభాతమ్ .. 6 ..
శ్రీభాష్యమాలిఖితుమాత్తవిశాలలేఖ్యః
శ్రీవత్సచిహ్నగురురానతదివ్యగాత్రః .
వేదాన్తసూత్రమపిం వక్తుమముష్య సర్వమ్
ఉత్తిష్ఠ లక్ష్మణమునే ! తవ సుప్రభాతమ్ .. 7 ..
శ్రీరంగవేంకట శ్రీమాన్ స పూర్ణవటురాదరతః
ప్రగృహ్య శ్రీపాదుకా యతిపతే . పదయోః ప్రయోక్తుమ్ .
ద్వారి స్థితి వితన్తే ప్రణతార్తిహారిన్ !
రామానుజార్య . భగవన . తవ సుప్రభాతమ్ .. 8 ..
కాషాయవస్త్రకటిసూత్రకమణ్డలూశ్చ .
శ్రీదన్తకాష్ఠమపి దేశికసార్వభౌమాః.
పాణీ నిధాయ నివసన్తి విశుద్ధగాత్రాః
రామానుజార్య ! భగవన్ ! తవ సుప్రభాతమ్ .. 6 ..
త్వాం బోధయన్తి గురవః ప్రథితా మహాన్తః
శ్రీవైష్ణవాశ్చ యమినస్తవ పాదభక్తాః.
ఏకాన్తినశ్చ విమలాస్త్వదనన్యభావాః
తాన్ పాలయాద్య యతిశేఖర ! సుప్రభాతమ్ .. 10 ..
బ్రాహ్మే ప్రబుద్ధ్య విబుధాః స్వగురూన్
ప్రణమ్య రామానుజాయ నమ ఇత్యసకృబ్రువాణాః.
అష్టాక్షరం సచరమం ద్వయముచ్చరన్తి .
రామానుజార్య ! భగవన్ ! తవ సుప్రభాతమ్ .. 11 ..
ప్రాతః పఠన్తిం పరమద్రవిడప్రపన్న
గాయత్రిమన్త్రశతమష్టశిరస్కమచ్ఛమ్.
శ్రీవైష్ణవాస్తవ పదాబ్జనివిష్టభావాః
రామానుజార్య ! భగవన్ ! తవ సుప్రభాతమ్ .. 12 ..
ఆరాధనం రచయితుం కమలాసఖస్య
శ్రీయాదవాచలపతేర్వివిధోపచారైః.
పాతుం చ దృష్టికమలేన నతానశేషాన్
రామానుజార్య ! భగవన ! తవ సుప్రభాతమ్ .. 13 ..
సంసేవ్య ! సప్తశతసంయమిసార్వభౌమైః
సద్దేశికైస్సకలశాస్త్రవిదాం వరిష్ఠైః.
ఏకాన్తిభిః పరమభాగవతైర్నిషేవ్య !
రామానుజార్య ! భగవన ! తవ సుప్రభాతమ్ .. 14 ..
గద్యత్రయం నిగమశేఖరదీపసారౌ
వేదార్థసంగ్రహమపి ప్రథితం చ నిత్యమ్.
గీతార్థభాష్యమపి దేశికపుంగవానా
దాతుం ప్రసీద యతిశేఖర ! సుప్రభాతమ్ .. 15 ..
పాదామ్బుజం యతిపతే . శరణం విహర్తుం
సంగత్య సంసరణవారిధిలంఘనోత్కాః.
ఆయాన్తి హస్తకమలాభిధృతోపచారాః
తాన్ పాహి తే కరుణయా తవ సుప్రభాతమ్ .. 16 ..
స్నాతుం కవేరతనయాసలిలేషు శిష్యైః
మార ఆచార్యపూరుషవరైర్యతిభిర్విశుద్ధైః.
శ్రీవైష్ణవైశ్చ సహ సేవ్య ! మహానుభావైః
రామానుజార్య ! భగవన్ ! తవ సుప్రభాతమ్ .. 17 ..
రామానుజార్య ! రమణీయగుణాభిరామ !
రాగాదిదూరగ ! గురో ! గురుసార్వభౌమ !.
సత్త్వప్రధాన ! శరణాగతవత్సల ! త్వత్
పాదాబ్జయోరిహ పరత్ర చ కింకరః స్యామ్ .. 18 ..