.. ಶ್ರೀಗುರುಪರಮ್ಪರಾಪಾಠ ..

ಸರ್ವದೇಶದಶಾಕಾಲೇಷ್ವವ್ಯಾಹತಪರಾಕ್ರಮಾ.
ರಾಮಾನುಜಾರ್ಯದಿವ್ಯಾಜ್ಞಾ ವರ್ದ್ಧತಾಮಭಿವರ್ದ್ಧತಾಮ್ ..೧..

ಶ್ರೀರಾಮಾನುಜಾರ್ಯದಿವ್ಯಾಜ್ಞಾ ಪ್ರತಿವಾಸರಮುಜ್ವಲಾ.
ದಿಗನ್ತವ್ಯಾಪಿನೀ ಭೂಯಾತ್ ಸಾ ಹಿ ಲೋಕಹಿತೈಷಿಣೀ .. ೨..

ಶ್ರೀಮನ್ ಶ್ರೀರಂಗ ಶ್ರಿಯಮನುಪದ್ರವಾಮನುದಿನಂ ಸಂವರ್ದ್ಧಯ .
ಶ್ರೀಮನ್ ಶ್ರೀರಂಗ ಶ್ರಿಯಮನುಪದ್ರವಾಮನುದಿನಂ ಸಂವರ್ದ್ಧಯ ..೩..

ನಮಃ ಶ್ರೀಶೈಲನಾಥಾಯ ಕುನ್ತೀನಗರಜನ್ಮನೇ.
ಪ್ರಸಾದಲಬ್ಧಪರಮಪ್ರಾಪ್ಯಕೈಙ್ಕರ್ಯಶಾಲಿನೇ ..೪..

ಶ್ರೀಶೈಲೇಶದಯಾಪಾತ್ರಂ ಧೀಭಕ್ತ್ಯಾದಿಗುಣಾರ್ಣವಮ್ .
ಯತೀನ್ದ್ರಪ್ರವಣಂ ವನ್ದೇ ರಮ್ಯಜಾಮಾತರಂ ಮುನಿಮ್ .. ೫..

ಲಕ್ಷ್ಮೀನಾಥಸಮಾರಮ್ಭಾಂ ನಾಥಯಾಮುನಮಧ್ಯಮಾಮ್ ..

ಅಸ್ಮದಾಚಾರ್ಯಪರ್ಯನ್ತಾಂ ವನ್ದೇ ಗುರುಪರಮ್ಪರಾಮ್ .. ೬..

ಯೋ ನಿತ್ಯಮಚ್ಯುತಪದಾಮ್ಬುಜಯುಗ್ಮರುಕ್ಮ
ವ್ಯಾಮೋಹತಸ್ತದಿತರಾಣಿ ತೃಣಾಯ ಮೇನೇ ..

ಅಸ್ಮದ್ಗುರೋರ್ಭಗವತೋಸ್ಯ ದಯೈಕಸಿನ್ಧೋಃ
ರಾಮಾನುಜಸ್ಯ ಚರಣೌ ಶರಣಂ ಪ್ರಪದ್ಯೇ .. ೭..

ಮಾತಾ ಪಿತಾ ಯುವತಯಸ್ತನಯಾ ವಿಭೂತಿ:
ಸರ್ವಂ ಯದೇವ ನಿಯಮೇನ ಮದನ್ವಯಾನಾಮ್ ..

ಆದ್ಯಸ್ಯ ನ: ಕುಲಪತೇರ್ಬಕುಲಾಭಿರಾಮಂ
ಶ್ರೀಮತ್ತದಂಘ್ರಿಯುಗಲಂ ಪ್ರಣಮಾಮಿ ಮೂರ್ಧ್ನಾ ..೮..

ಭೂತಂ ಸರಶ್ಚ ಮಹದಾಹ್ವಯಭಟ್ಟನಾಥ
ಶ್ರೀಭಕ್ತಿಸಾರಕುಲಶೇಖರಯೋಗಿವಾಹಾನ್
ಭಕ್ತಾಂಘ್ರಿರೇಣುಪರಕಾಲಯತೀನ್ದ್ರಮಿಶ್ರಾನ್
ಶ್ರೀಮತ್ಪರಾಂಕುಶಮುನಿಂ ಪ್ರಣತೋಽಸ್ಮಿ ನಿತ್ಯಮ್ ..೯..

ಗುರುಮುಖಮನಧೀತ್ಯ ಪ್ರಾಹ ವೇದಾನಶೇಷಾನ್,
ನರಪತಿಪರಿಕ್ಲೃಪ್ತಂ ಶುಲ್ಕಮಾದಾತುಕಾಮಃ ..

ಸ್ವಸುರಮಮರವನ್ದ್ಯಂ ರಙ್ಗನಾಥಸ್ಯ ಸಾಕ್ಷಾತ್,
ದ್ವಿಜಕುಲತಿಲಕಂ ತಂ ವಿಷ್ಣುಚಿತ್ತಂ ನಮಾಮಿ .. ೧೦ ..

ಅಸ್ಮದ್ದೇಶಿಕಮಸ್ಮದೀಯಪರಮಾಚಾರ್ಯಾನಶೇಷಾನ್ ಗುರೂನ್
ಶ್ರೀಮಲ್ಲಕ್ಷ್ಮಣಯೋಗಿಪುಙ್ಗವಮಹಾಪೂರ್ಣೌ ಮುನಿಂ ಯಾಮುನಮ್ .
ರಾಮಂ ಪದ್ಮವಿಲೋಚನಂ ಮುನಿವರಂ ನಾಥಂ ಶಠದ್ವೇಶಿಣಮ್
ಸೇನೇಶಂ ಶ್ರೀಯಮಿನ್ದಿರಾಸಹಚರಂ ನಾರಾಯಣಂ ಸಂಶ್ರಯೇ .. ೧೧ ..