ಶ್ರೀಮನ್ತ್ರರಾಜಪದಸ್ತೋತ್ರಮ್

ಶ್ರೀ ಮನ್ತ್ರರಾಜಪದಸ್ತೋತ್ರಮ್ ..

ಶ್ರೀ ಈಶ್ವರ ಉವಾಚ
ವೃತ್ತೋತ್ಫುಲ್ಲ ವಿಶಾಲಾಕ್ಷಂ ವಿಪಕ್ಷಕ್ಷಯದೀಕ್ಷಿತಮ್.
ನಿನಾದತ್ರಸ್ತವಿಶ್ವಾಣ್ಡಂ ವಿಷ್ಣುಂ ಉಗ್ರಂ ನಮಾಮ್ಯಹಮ್ .. ೧ ..

ಸರ್ವೈರವಧ್ಯತಾಂ ಪ್ರಾಪ್ತಂ ಸಬಲೌಘಂ ದಿತೇಃ ಸುತಮ್.
ನಖಾಗ್ರೈಃ ಶಕಲೀಚಕ್ರೇ ಯಸ್ತಂ ವೀರಂ ನಮಾಮ್ಯಹಮ್ .. ೨ ..

ಪದಾವಷ್ಟವ್ಯಪಾತಾಳಂ ಮೂರ್ಧಾವಿಷ್ಟತ್ರಿವಿಷ್ಟಪಮ್.
ಭುಜಪ್ರವಿಷ್ಟಾಷ್ಟದಿಶಂ ಮಹಾವಿಷ್ಣುಂ ನಮಾಮ್ಯಹಮ್ .. ೩ ..

ಜ್ಯೋತೀಂಷ್ಯಕೆʼನ್ದು ನಕ್ಷತ್ರಜ್ವಲನಾದೀನ್ಯನುಕ್ರಮಾತ್.
ಜ್ವಲನ್ತಿ ತೇಜಸಾ ಯಸ್ಯ ತಂ ಜ್ವಲನ್ತಂ ನಮಾಮ್ಯಹಮ್ .. ೪ ..

ಸರ್ವೇನ್ದ್ರಿಯೈರಪಿ ವಿನಾ ಸರ್ವ ಸರ್ವತ್ರ ಸರ್ವದಾ.
ಯೋ ಜಾನಾತಿ ನಮಾಮ್ಯಾದ್ಯಂ ತಮಹಂ ಸರ್ವತೋಮುಖಮ್ .. ೫ ..

ನರವತ್ ಸಿಂಹವಚ್ಚೈವ ಯಸ್ಯ ರೂಪಂ ಮಹಾತ್ಮನಃ.
ಮಹಾಸಟಂ ಮಹಾದಂಷ್ಟ್ರಮ್ ತಂ ನೃಸಿಂಹಂ ನಮಾಮ್ಯಹಮ್ .. ೬ ..

ಯನ್ನಾಮಸ್ಮರಣಾದ್ ಭೀತಾಃ ಭೂತವೇತಾಳರಾಕ್ಷಸಾಃ.
ರೋಗಾದ್ಯಾಶ್ಚ ಪ್ರಣಶ್ಯನ್ತಿ ಭೀಷಣಂ ತಂ ನಮಾಮ್ಯಹಮ್ .. ೭ ..

ಸರ್ವೋಽಪಿ ಯಂ ಸಮಾಶ್ರಿತ್ಯ ಸಕಲಂ ಭದ್ರಮಶ್ರುತೇ.
ಶ್ರಿಯಾ ಚ ಭದ್ರಯಾ ಜುಷ್ಟಃ ಯಸ್ತಂ ಭದ್ರಂ ನಮಾಮ್ಯಹಮ್ .. ೮ ..

ಸಾಕ್ಷಾತ್ ಸ್ವಕಾಲೇ ಸಂಪ್ರಾಪ್ತಂ ಮೃತ್ಯುಂ ಶತ್ರುಗಣಾನ್ವಿತಮ್.
ಭಕ್ತಾನಾಂ ನಾಶಯೇದ್ ಯಸ್ತು ಮೃತ್ಯುಮೃತ್ಯುಂ ನಮಾಮ್ಯಹಮ್ .. ೯ ..

ನಮಸ್ಕಾರಾತ್ಮಕಂ ಯಸ್ಮೈ ವಿಧಾಯಾಽಽತ್ಮನಿವೇದನಮ್.
ತ್ಯಕ್ತದುಃಖೋಽಖಿಲಾನ್ ಕಾಮಾನ್ ಅಶ್ನನ್ತಂ ತಂ ನಮಾಮ್ಯಹಮ್ .. ೧೦ ..

ದಾಸಭೂತಾಃ ಸ್ವತಸ್ಸರ್ವೇ ಹ್ಯಾತ್ಮಾನಃ ಪರಮಾತ್ಮನಃ.
ಅತೋಽಹಮಪಿ ತೇ ದಾಸಃ ಇತಿ ಮತ್ವಾ ನಮಾಮ್ಯಹಮ್ .. ೧೧ ..

ಶಙ್ಕರೇಣಾಽಽದಾತ್ ಪ್ರೋಕ್ತಂ ಪದಾನಾಂ ತತ್ತ್ವನಿರ್ಣಯಮ್.
ತ್ರಿಸನ್ಧ್ಯಂ ಯಃ ಪಠೇತ್ ತಸ್ಯ ಶ್ರೀರ್ವಿದ್ಯಾಽಽಯುಶ್ಚ ವರ್ಧತೇ .. ೧೨ ..