শ্রীমন্ত্ররাজপদস্তোত্রম্

শ্রী মন্ত্ররাজপদস্তোত্রম্ ॥

শ্রী ঈশ্বর উভ়াচ
ভ়ৃত্তোৎফুল্ল ভ়িশালাক্ষং ভ়িপক্ষক্ষযদীক্ষিতম্।
নিনাদত্রস্তভ়িশ্বাণ্ডং ভ়িষ্ণুং উগ্রং নমাম্যহম্ ॥ ১ ॥

সর্ভ়ৈরভ়ধ্যতাং প্রাপ্তং সবলৌঘং দিতেঃ সুতম্।
নখাগ্রৈঃ শকলীচক্রে যস্তং ভ়ীরং নমাম্যহম্ ॥ ২ ॥

পদাভ়ষ্টভ়্যপাতাল়ং মূর্ধাভ়িষ্টত্রিভ়িষ্টপম্।
ভুজপ্রভ়িষ্টাষ্টদিশং মহাভ়িষ্ণুং নমাম্যহম্ ॥ ৩ ॥

জ্যোতীংষ্যকেʼন্দু নক্ষত্রজ্বলনাদীন্যনুক্রমাৎ।
জ্বলন্তি তেজসা যস্য তং জ্বলন্তং নমাম্যহম্ ॥ ৪ ॥

সর্ভ়েন্দ্রিযৈরপি ভ়িনা সর্ভ় সর্ভ়ত্র সর্ভ়দা।
যো জানাতি নমাম্যাদ্যং তমহং সর্ভ়তোমুখম্ ॥ ৫ ॥

নরভ়ৎ সিংহভ়চ্চৈভ় যস্য রূপং মহাত্মনঃ।
মহাসটং মহাদংষ্ট্রম্ তং নৃসিংহং নমাম্যহম্ ॥ ৬ ॥

যন্নামস্মরণাদ্ ভীতাঃ ভূতভ়েতাল়রাক্ষসাঃ।
রোগাদ্যাশ্চ প্রণশ্যন্তি ভীষণং তং নমাম্যহম্ ॥ ৭ ॥

সর্ভ়োঽপি যং সমাশ্রিত্য সকলং ভদ্রমশ্রুতে।
শ্রিযা চ ভদ্রযা জুষ্টঃ যস্তং ভদ্রং নমাম্যহম্ ॥ ৮ ॥

সাক্ষাৎ স্বকালে সংপ্রাপ্তং মৃত্যুং শত্রুগণান্বিতম্।
ভক্তানাং নাশযেদ্ যস্তু মৃত্যুমৃত্যুং নমাম্যহম্ ॥ ৯ ॥

নমস্কারাত্মকং যস্মৈ ভ়িধাযাঽঽত্মনিভ়েদনম্।
ত্যক্তদুঃখোঽখিলান্ কামান্ অশ্নন্তং তং নমাম্যহম্ ॥ ১০ ॥

দাসভূতাঃ স্বতস্সর্ভ়ে হ্যাত্মানঃ পরমাত্মনঃ।
অতোঽহমপি তে দাসঃ ইতি মত্বা নমাম্যহম্ ॥ ১১ ॥

শঙ্করেণাঽঽদাৎ প্রোক্তং পদানাং তত্ত্বনির্ণযম্।
ত্রিসন্ধ্যং যঃ পঠেৎ তস্য শ্রীর্ভ়িদ্যাঽঽযুশ্চ ভ়র্ধতে ॥ ১২ ॥