શ્રીમન્ત્રરાજપદસ્તોત્રમ્

શ્રી મન્ત્રરાજપદસ્તોત્રમ્ ..

શ્રી ઈશ્વર ઉવાચ
વૃત્તોત્ફુલ્લ વિશાલાક્ષં વિપક્ષક્ષયદીક્ષિતમ્.
નિનાદત્રસ્તવિશ્વાણ્ડં વિષ્ણું ઉગ્રં નમામ્યહમ્ .. ૧ ..

સર્વૈરવધ્યતાં પ્રાપ્તં સબલૌઘં દિતેઃ સુતમ્.
નખાગ્રૈઃ શકલીચક્રે યસ્તં વીરં નમામ્યહમ્ .. ૨ ..

પદાવષ્ટવ્યપાતાળં મૂર્ધાવિષ્ટત્રિવિષ્ટપમ્.
ભુજપ્રવિષ્ટાષ્ટદિશં મહાવિષ્ણું નમામ્યહમ્ .. ૩ ..

જ્યોતીંષ્યકૅન્દુ નક્ષત્રજ્વલનાદીન્યનુક્રમાત્.
જ્વલન્તિ તેજસા યસ્ય તં જ્વલન્તં નમામ્યહમ્ .. ૪ ..

સર્વેન્દ્રિયૈરપિ વિના સર્વ સર્વત્ર સર્વદા.
યો જાનાતિ નમામ્યાદ્યં તમહં સર્વતોમુખમ્ .. ૫ ..

નરવત્ સિંહવચ્ચૈવ યસ્ય રૂપં મહાત્મનઃ.
મહાસટં મહાદંષ્ટ્રમ્ તં નૃસિંહં નમામ્યહમ્ .. ૬ ..

યન્નામસ્મરણાદ્ ભીતાઃ ભૂતવેતાળરાક્ષસાઃ.
રોગાદ્યાશ્ચ પ્રણશ્યન્તિ ભીષણં તં નમામ્યહમ્ .. ૭ ..

સર્વોઽપિ યં સમાશ્રિત્ય સકલં ભદ્રમશ્રુતે.
શ્રિયા ચ ભદ્રયા જુષ્ટઃ યસ્તં ભદ્રં નમામ્યહમ્ .. ૮ ..

સાક્ષાત્ સ્વકાલે સંપ્રાપ્તં મૃત્યું શત્રુગણાન્વિતમ્.
ભક્તાનાં નાશયેદ્ યસ્તુ મૃત્યુમૃત્યું નમામ્યહમ્ .. ૯ ..

નમસ્કારાત્મકં યસ્મૈ વિધાયાઽઽત્મનિવેદનમ્.
ત્યક્તદુઃખોઽખિલાન્ કામાન્ અશ્નન્તં તં નમામ્યહમ્ .. ૧૦ ..

દાસભૂતાઃ સ્વતસ્સર્વે હ્યાત્માનઃ પરમાત્મનઃ.
અતોઽહમપિ તે દાસઃ ઇતિ મત્વા નમામ્યહમ્ .. ૧૧ ..

શઙ્કરેણાઽઽદાત્ પ્રોક્તં પદાનાં તત્ત્વનિર્ણયમ્.
ત્રિસન્ધ્યં યઃ પઠેત્ તસ્ય શ્રીર્વિદ્યાઽઽયુશ્ચ વર્ધતે .. ૧૨ ..