శ్రీభాష్యకారవైభవబోధకశ్లోకాః

న చేద్ రామానుజేత్యేషా చతురా చతురక్షరీ.
కామవస్థాం ప్రపద్యన్తే జన్తవో హన్త మాదృశాః ..1..

స్వపదామ్బుజసంశ్రితపాపహరం సకలశ్రుతిసారయథార్థకరమ్.
జయనాదివినాశనదణ్డధరం ప్రణమామి యతీశ్వరమాదిగురుమ్ ..2..

ప్రకటీకృతమాధవభక్తిపథం కలిపాతకమోచనపుణ్యకథమ్.
పరిభూతనిరీశ్వరవాదిమతం యతిరాజగురుం ప్రణమామి సదా ..3..

కృమికణ్ఠనరేశనిషూదకర భవరోగవినాశనవైద్యవరమ్ .
శరణాగతవత్సలవారినిధిం ప్రణమామి సదా యతిభూమిపతిమ్ ..4..

శ్రీరామానుజచతుశ్లోకీ
అనిశం భజతామనన్యభాజాం,
చరణామ్భోరుహమాదరేణ పుంసామ్ .
వితరన వివిధాం విభూతినిష్ఠాం
జయ రామానుజ రఙ్గధామ్ని నిత్యమ్ ..1..

భువి నో విమతాంస్త్వదీయసూక్తిః
కులిశీభూయ కుదృష్టిభిస్సమేతాన..

శకలీకురుతే విపశ్చిదీడ్యా
జయ రామానుజ శేషశైలశ్రృఙ్గే ..2..

శ్రుతిషు స్మృతిషు ప్రమాణతత్త్వం
కృపయాలోచ్య విశుద్ధయా హి బుద్ధయా.
అకృథా వితతైకభాష్యరత్నం
జయ రామానుజ హస్తిధామ్ని నిత్యమ్ ..3..

జయ మాయిమతాన్ధకారభానో
జయ బాహ్యప్రముఖాటవీకృశానో.
జయ సంశ్రితసిన్ధుశీతభానో
జయ రామానుజ యాదవాద్రిశ్రృఙ్గే ..4..

రామానుజచతుఃశ్లోకీం యః పఠేన్నియతః సదా.
ప్రాప్నుయాత్ పరమాం భక్తి యతిరాజపదాబ్జయోః ..5..