.. શ્રી નૃસિંહાષ્ટકમ્ ..

શ્રી નૃસિંહાષ્ટકમ્

શ્રીમદકલઙ્કપરિપૂર્ણશશિકોટિ -
શ્રીધર મનોહર સટાપટલકાન્ત.
પાલય કૃપાલય ભવામ્બુધિ નિમગ્નં
દૈત્યવરકાલ નરસિંહ ! નરસિંહ !.. ૧ ..

પાદકમલાવનતપાતકિજનાનાં
પાતકદવાનલ પતત્રિવરકેતો.
ભાવન પરાયણ ભવાતિહરયા માં
પાહિ કૃપયૈવ નરસિંહ! નરસિંહ!.. ૨ ..

તુઙ્ગનખ પઙ્ક્તિ દલિતાસુરવરાસૃક્ -
પઙ્કનવકુઙ્કુમવિપઙ્કિલમહોરઃ.
પણ્ડિતનિધાન કમલાલય નમસ્તે
પઙ્કજનિષણ્ણ નરસિંહ ! નરસિંહ!.. ૩ ..

મૌળિષુ વિભૂષણમિવામરવરાણાં
યોગિહૃદયેષુ ચ શિરસ્સુ નિગમાનામ્..

રાજદરવિન્દરુચિરં પદયુગં તે
દેહિ મમ મૂર્ધ્નિ નરસિંહ! નરસિંહ !.. ૪ ..

વારિજવિલોચન મદન્તિમદશાયાં
ક્લેશવિવશીકૃતસમસ્તકરણાયામ્.
એહિ રમયા સહ શરણ્ય ! વિહગાનાં
નાથમધિરુહ્ય નરસિંહ! નરસિંહ !.. ૫ ..

હાટકકિરીટવરહારવનમાલા -
તારરશનામકરકુણ્ડલમણીન્દ્રૈઃ.
ભૂષિતમશેષ નિલયં તવ વપુર્મે
ચેતસિ ચકાસ્તુ નરસિંહ ! નરસિંહ !.. ૬ ..

ઇન્દુરવિપાવકવિલોચન રમાયાઃ
મન્દિર મહાભુજલસદ્વરરથાઙ્ગ!
સુન્દર ચિરાય રમતાં ત્વયિ મનો મે
નન્દિતસુરેશ નરસિંહ! નરસિંહ!.. ૭ ..

માધવ મુકુન્દ મધુસૂદન મુરારે
વામન નૃસિંહ શરણં ભવ નતાનામ્.
કામદ ઘૃણિન નિખિલકારણ નયેયં
કાલમમરેશ નરસિંહ ! નરસિંહ !.. ૮ ..

અષ્ટકમિદં સકલપાતકભયઘ્નં
કામદમશેષદુરિતામયરિપુઘ્નમ્.
યઃ પઠતિ સન્તતમશેષનિલયં તે
ગચ્છતિ પદં સ નરસિંહ ! નરસિંહ !.. ૯ ..