ધનદાલક્ષ્મીસ્તોત્રમ્

.. ધનદાલક્ષ્મીસ્તોત્રમ્ ..

.. ધનદા ઉવાચ ..

દેવી દેવમુપાગમ્ય નીલકણ્ઠં મમ પ્રિયમ્.
કૃપયા પાર્વતી પ્રાહ શઙ્કરં કરુણાકરમ્ ..૧..

દેવ્યુવાચ
બ્રૂહિ વલ્લભ સાધૂનાં દરિદ્રાણાં કુટુમ્બિનામ્.
દરિદ્ર દલનોપાયમઞ્જસૈવ ધનપ્રદમ્ ..૨..

.. શિવ ઉવાચ ..

પૂજયન્પાર્વતીવાક્યમિદમાહ મહેશ્વરઃ.
ઉચિતં જગદમ્બાસિ તવ ભૂતાનુકમ્પયા ..૩..

સ સીતં સાનુજં રામં સાઞ્જનેયં સહાનુગમ્.
પ્રણમ્ય પરમાનન્દં વક્ષ્યેઽહં સ્તોત્રમુત્તમમ્ ..૪..

ધનદં શ્રદ્ધાનાનાં સદ્યઃ સુલભકારકમ્.
યોગક્ષેમકરં સત્યં સત્યમેવ વચો મમ ..૫..

પઠન્તઃ પાઠયન્તોઽપિ બ્રહ્મણૈરાસ્તિકોત્તમૈઃ.
ધનલાભો ભવેદાશુ નાશમેતિ દરિદ્રતા ..૬..

ભૂભવાંશભવાં ભૂત્યૈ ભક્તિકલ્પલતાં શુભામ્.
પ્રાર્થયત્તાં યથાકામં કામધેનુસ્વરૂપિણીમ્ ..૭..

ધનદે ધનદે દેવિ દાનશીલે દયાકરે.
ત્વં પ્રસીદ મહેશાનિ ! યદર્થં પ્રાર્થયામ્યહમ્ ..૮..

ધરાઽમરપ્રિયે પુણ્યે ધન્યે ધનદપૂજિતે.
સુધનં ર્ધામિકે દેહિ યજમાનાય સત્વરમ્ ..૯..

રમ્યે રુદ્રપ્રિયે રૂપે રામરૂપે રતિપ્રિયે.
શિખીસખમનોમૂર્ત્તે પ્રસીદ પ્રણતે મયિ ..૧૦..

આરક્તચરણામ્ભોજે સિદ્ધિસર્વાર્થદાયિકે.
દિવ્યામ્બરધરે દિવ્યે દિવ્યમાલ્યાનુશોભિતે ..૧૧..

સમસ્તગુણસમ્પન્ને સર્વલક્ષણલક્ષિતે.
શરચ્ચન્દ્રમુખે નીલે નીલ નીરજ લોચને ..૧૨..

ચઞ્ચરીક ચમૂ ચારુ શ્રીહાર કુટિલાલકે.
મત્તે ભગવતી માતઃ કલકણ્ઠરવામૃતે ..૧૩..

હાસાઽવલોકનૈર્દિવ્યૈ-ર્ભક્તચિન્તાપહારિકે.
રૂપ લાવણ્ય તારૂણ્ય કારૂણ્ય ગુણભાજને ..૧૪..

ક્વણત્કઙ્કણમઞ્જીરે લસલ્લીલાકરામ્બુજે.
રુદ્રપ્રકાશિતે તત્ત્વે ધર્માધરે ધરાલયે ..૧૫..

પ્રયચ્છ યજમાનાય ધનં ધર્મેકસાધનમ્.
માતસ્ત્વં મેઽવિલમ્બેન દિશસ્વ જગદમ્બિકે ..૧૬..

કૃપયા કરુરાગારે પ્રાર્થિતં કુરુ મે શુભે.
વસુધે વસુધારૂપે વસુ વાસવ વન્દિતે ..૧૭..

ધનદે યજમાનાય વરદે વરદા ભવ.
બ્રહ્મણ્યૈર્બ્રાહ્મણૈઃ પૂજ્યે પાર્વતીશિવશઙ્કરે ..૧૮..

સ્તોત્રં દરિદ્રતાવ્યાધિશમનં સુધનપ્રદમ્.
શ્રીકરે શઙ્કરે શ્રીદે પ્રસીદ મયિકિંકરે ..૧૯..

પાર્વતીશપ્રસાદેન સુરેશ કિઙ્કરેરિતમ્.
શ્રદ્ધયા યે પઠિષ્યન્તિ પાઠયિષ્યન્તિ ભક્તિતઃ ..૨૦..

સહસ્રમયુતં લક્ષં ધનલાભો ભવેદ્ ધ્રુવમ્
ધનદાય નમસ્તુભ્યં નિધિપદ્માધિપાય ચ.
ભવન્તુ ત્વત્પ્રસાદાન્મે ધનધાન્યાદિસમ્પદઃ ..૨૧..