த₄நதா₃லக்ஷ்மீஸ்தோத்ரம்
.. த₄நதா₃லக்ஷ்மீஸ்தோத்ரம் ..
.. த₄நதா₃ உவாச ..
தே₃வீ தே₃வமுபாக₃ம்ய நீலகண்ட₂ம் மம ப்ரியம்.
க்ருபயா பார்வதீ ப்ராஹ ஶங்கரம் கருணாகரம் ..1..
தே₃வ்யுவாச
ப்₃ரூஹி வல்லப₄ ஸாதூ₄நாம் த₃ரித்₃ராணாம் குடும்பி₃நாம்.
த₃ரித்₃ர த₃லநோபாயமஞ்ஜஸைவ த₄நப்ரத₃ம் ..2..
.. ஶிவ உவாச ..
பூஜயந்பார்வதீவாக்யமித₃மாஹ மஹேஶ்வர꞉.
உசிதம் ஜக₃த₃ம்பா₃ஸி தவ பூ₄தாநுகம்பயா ..3..
ஸ ஸீதம் ஸாநுஜம் ராமம் ஸாஞ்ஜநேயம் ஸஹாநுக₃ம்.
ப்ரணம்ய பரமாநந்த₃ம் வக்ஷ்யே(அ)ஹம் ஸ்தோத்ரமுத்தமம் ..4..
த₄நத₃ம் ஶ்ரத்₃தா₄நாநாம் ஸத்₃ய꞉ ஸுலப₄காரகம்.
யோக₃க்ஷேமகரம் ஸத்யம் ஸத்யமேவ வசோ மம ..5..
பட₂ந்த꞉ பாட₂யந்தோ(அ)பி ப்₃ரஹ்மணைராஸ்திகோத்தமை꞉.
த₄நலாபோ₄ ப₄வேதா₃ஶு நாஶமேதி த₃ரித்₃ரதா ..6..
பூ₄ப₄வாம்ஶப₄வாம் பூ₄த்யை ப₄க்திகல்பலதாம் ஶுபா₄ம்.
ப்ரார்த₂யத்தாம் யதா₂காமம் காமதே₄நுஸ்வரூபிணீம் ..7..
த₄நதே₃ த₄நதே₃ தே₃வி தா₃நஶீலே த₃யாகரே.
த்வம் ப்ரஸீத₃ மஹேஶாநி ! யத₃ர்த₂ம் ப்ரார்த₂யாம்யஹம் ..8..
த₄ரா(அ)மரப்ரியே புண்யே த₄ந்யே த₄நத₃பூஜிதே.
ஸுத₄நம் ர்தா₄மிகே தே₃ஹி யஜமாநாய ஸத்வரம் ..9..
ரம்யே ருத்₃ரப்ரியே ரூபே ராமரூபே ரதிப்ரியே.
ஶிகீ₂ஸக₂மநோமூர்த்தே ப்ரஸீத₃ ப்ரணதே மயி ..10..
ஆரக்தசரணாம்போ₄ஜே ஸித்₃தி₄ஸர்வார்த₂தா₃யிகே.
தி₃வ்யாம்ப₃ரத₄ரே தி₃வ்யே தி₃வ்யமால்யாநுஶோபி₄தே ..11..
ஸமஸ்தகு₃ணஸம்பந்நே ஸர்வலக்ஷணலக்ஷிதே.
ஶரச்சந்த்₃ரமுகே₂ நீலே நீல நீரஜ லோசநே ..12..
சஞ்சரீக சமூ சாரு ஶ்ரீஹார குடிலாலகே.
மத்தே ப₄க₃வதீ மாத꞉ கலகண்ட₂ரவாம்ருதே ..13..
ஹாஸா(அ)வலோகநைர்தி₃வ்யை-ர்ப₄க்தசிந்தாபஹாரிகே.
ரூப லாவண்ய தாரூண்ய காரூண்ய கு₃ணபா₄ஜநே ..14..
க்வணத்கங்கணமஞ்ஜீரே லஸல்லீலாகராம்பு₃ஜே.
ருத்₃ரப்ரகாஶிதே தத்த்வே த₄ர்மாத₄ரே த₄ராலயே ..15..
ப்ரயச்ச₂ யஜமாநாய த₄நம் த₄ர்மேகஸாத₄நம்.
மாதஸ்த்வம் மே(அ)விலம்பே₃ந தி₃ஶஸ்வ ஜக₃த₃ம்பி₃கே ..16..
க்ருபயா கருராகா₃ரே ப்ரார்தி₂தம் குரு மே ஶுபே₄.
வஸுதே₄ வஸுதா₄ரூபே வஸு வாஸவ வந்தி₃தே ..17..
த₄நதே₃ யஜமாநாய வரதே₃ வரதா₃ ப₄வ.
ப்₃ரஹ்மண்யைர்ப்₃ராஹ்மணை꞉ பூஜ்யே பார்வதீஶிவஶங்கரே ..18..
ஸ்தோத்ரம் த₃ரித்₃ரதாவ்யாதி₄ஶமநம் ஸுத₄நப்ரத₃ம்.
ஶ்ரீகரே ஶங்கரே ஶ்ரீதே₃ ப்ரஸீத₃ மயிகிம்கரே ..19..
பார்வதீஶப்ரஸாதே₃ந ஸுரேஶ கிங்கரேரிதம்.
ஶ்ரத்₃த₄யா யே படி₂ஷ்யந்தி பாட₂யிஷ்யந்தி ப₄க்தித꞉ ..20..
ஸஹஸ்ரமயுதம் லக்ஷம் த₄நலாபோ₄ ப₄வேத்₃ த்₄ருவம்
த₄நதா₃ய நமஸ்துப்₄யம் நிதி₄பத்₃மாதி₄பாய ச.
ப₄வந்து த்வத்ப்ரஸாதா₃ந்மே த₄நதா₄ந்யாதி₃ஸம்பத₃꞉ ..21..