ஶ்ரீகோ₃தா₃ஸ்துதி꞉

ஶ்ரீகோ₃தா₃ஸ்துதி꞉
ஶ்ரீமாந் வேங்கடநாதா₂ர்ய꞉ கவிதார்கிககேஸரீ.
வேதா₃ந்தாசார்யவோம் மே ஸந்நித₄த்தாம் ஸதா₃ ஹ்ருதி₃ ..

ஶ்ரீவிஷ்ணுசித்தகுலநந்த₃நகல்பவல்லீம்
ஶ்ரீரங்க₃ராஜஹரிசந்த₃நயோக₃த்₃ருஶ்யாம்.
ஸாக்ஷாத் க்ஷமா கருணயா கமலாமிவாந்யாம்
கோ₃தா₃மநந்யஶரண꞉ ஶரணம் ப்ரபத்₃யே .. 1 ..

வைதே₃ஶிக꞉ ஶ்ருதிகி₃ராமபி பூ₄யஸீநாம்
வர்ணேஷு மாதி மஹிமா ந ஹி மாத₃ஶாம் தே.
இத்த₂ம் வித₃ந்தமபி மாம் ஸஹஸைவ கோ₃தே₃
மௌநத்₃ருஹோ முக₂ரயந்தி கு₃ணாஸ்த்வதீ₃யா꞉ .. 2 ..

த்வத்ப்ரேயஸ꞉ ஶ்ரவணயோரம்ருதாயமாநாம்
துல்யாம் த்வதீ₃யமணிநூபுரஶிஞ்ஜிதாநாம்.
கோ₃தே₃ த்வமேவ ஜநநி த்வத₃பி₄ஷ்டவாஹீம்
வாசம் ப்ரஸந்நமது₄ராம் மம ஸம்விதே₄ஹி .. 3 ..

க்ருஷ்ணாந்வயேந த₃த₄தீம் யமுநாநுபா₄வம்
தீர்தை₂ர்யதா₂வத₃வகா₃ஹ்ய ஸரஸ்வதீ தே.
கோ₃தே₃ விகஸ்வரதி₄யாம் ப₄வதீகடாக்ஷாத்
வாச꞉ ஸ்பு₂ரந்தி மகரந்த₃முச꞉ கவீநாம் .. 4 ..

அஸ்மாத்₃ருஶாமபக்ருதௌ சிரதீ₃க்ஷிதாநாம்
அஹ்ராய தே₃வி த₃யதே யத₃ஸௌ முகுந்த₃꞉.
தந்நிஶ்சிதம் நியமிதஸ்தவ மௌளிதா₃ம்நா
தந்த்ரீநிநாத₃மது₄ரைஶ்ச கி₃ராம் நிகு₃ம்பை₄꞉ .. 5 ..

ஶோணா(அ)த₄ரே(அ)பி குசயோரபி துங்க₃ப₄த்₃ரா
வாசாம் ப்ரவாஹநிவஹே(அ)பி ஸரஸ்வதீ த்வம்.
அப்ராக்ருதைரபி ரஸைர்விரஜா ஸ்வபா₄வாத்
கோ₃தா₃(அ)பி தே₃வி கமிதுர்நநு நர்மதா₃(அ)ஸி .. 6 ..

வல்மீகத꞉ ஶ்ரவணதோ வஸுதா₄த்மநஸ்தே
ஜாதோ ப₃பூ₄வ ஸ முநி꞉ கவிஸார்வபௌ₄ம꞉.
கோ₃தே₃ கிமத்₃ப₄தமித₃ம் யத₃மீ ஸ்வத₃ந்தே
வக்த்ராரவிந்த₃மகரந்த₃நிபா₄꞉ ப்ரப₃ந்தா₄꞉ .. 7 ..

போ₄க்தும் தவ ப்ரியதமம் ப₄வதீவ கோ₃தே₃
ப₄க்திம் நிஜாம் ப்ரணயபா₄வநயா க்₃ருணந்த꞉.
உச்சாவசைர்விரஹஸங்க₃மஜைருத₃ந்தை꞉ .
ஶ்ருங்கா₃ரயந்தி ஹ்ருத₃யம் கு₃ரவஸ்த்வதீ₃யா꞉ .. 8 ..

மாத꞉ ஸமுத்தி₂தவதீமதி₄விஷ்ணுசித்தம்
விஶ்வோபஜீவ்யமம்ருதம் வசஸா து₃ஹாநாம்.
தாபச்சி₂த₃ம் ஹிமருசேரிவ மூர்திமந்யாம்
ஸந்த꞉ பயோதி₄து₃ஹிது꞉ ஸஹஜாம் விது₃ஸ்த்வாம் .. 9 ..

தாதஸ்து தே மது₄பி₄த₃꞉ ஸ்துதிலேஶவஶ்யாத்
கர்ணாம்ருதை꞉ ஸ்துதிஶதைரநவாப்தபூர்வம்.
த்வந்மௌளிக₃ந்த₄ஸுப₄கா₃முபஹ்ருத்ய மாலாம்
லேபே₄ மஹத்தரபதா₃நுகு₃ணம் ப்ரஸாத₃ம் .. 10 ..

தி₃க் த₃க்ஷிணா(அ)பி பரிபக்த்ரிமபுண்யலப்₄யாத்
ஸர்வோத்தரா ப₄வதி தே₃வி தவாவதாராத்.
யத்ரைவ ரங்க₃பதிநா ப₃ஹுமாநபூர்வம்
நித்₃ராளுநா(அ)பி நியதம் நிஹிதா꞉ கடாக்ஷா꞉ .. 11 ..

ப்ராயேண தே₃வி ப₄வதீவ்யபதே₃ஶயோகா₃த்
கோ₃தா₃வரீ ஜக₃தி₃த₃ம் பயஸா புநீதே.
யஸ்யாம் ஸமேத்ய ஸமயேஷு சிரம் நிவாஸாத்
பா₄கீ₃ரதீ₂ப்ரப்₄ருதயோ(அ)பி ப₄வந்தி புண்யா꞉ .. 12 ..

நாகே₃ஶய꞉ ஸுதநு பக்ஷிரத₂꞉ கத₂ம் தே
ஜாத꞉ ஸ்வயம்வரபதி꞉ புருஷ꞉ புராண꞉.
ஏவம்விதா₄꞉ ஸமுசிதம் ப்ரணயம் ப₄வத்யா꞉
ஸந்த₃ர்ஶயந்தி பரிஹாஸகி₃ர꞉ ஸகீ₂நாம் .. 13 ..

த்வத்₃பு₄க்தமால்யஸுரபீ₄க்ருதசாருமௌளே:
ஹித்வா பு₄ஜாந்தரக₃தாமபி வைஜயந்தீம்.
பத்யுஸ்தவேஶ்வரி மித₂꞉ ப்ரதிகா₄தலோலா꞉
ப₃ர்ஹாதபத்ரருசிமாரசயந்தி ப்₄ருங்கா₃꞉ .. 14 ..

ஆமோத₃வத்யபி ஸதா₃ ஹ்ருத₃யங்க₃மா(அ)பி
ராகா₃ந்விதா(அ)பி லளிதா(அ)பி கு₃ணோத்தராபி.
மௌளிஸ்ரஜா தவ முகுந்த₃கிரீடபா₄ஜா
கோ₃தே₃ ப₄வத்யத₄ரிதா க₂லு வைஜயந்தீ .. 15 ..

த்வந்மௌளிதா₃மநி விபோ₄꞉ ஶிரஸா க்₃ருஹீதே
ஸ்வச்ச₂ந்த₃கல்பிதஸபீதிரஸப்ரமோதா₃꞉.
மஞ்ஜுஸ்வநா மது₄லிஹோ வித₃து₄꞉ ஸ்வயம் தே
ஸ்வாயம்வரம் கமபி மங்க₃ளதூர்யகோ₄ஷம் .. 16 ..

விஶ்வாயமாநரஜஸா கமலேந நாபௌ₄
வக்ஷ꞉ஸ்த₂லே ச கமலாஸ்தநசந்த₃நேந.
ஆமோதி₃தோ(அ)பி நிக₃மைர்விபு₄ரஙியுக்₃மே
த₄த்தே நதேந ஶிரஸா தவ மௌளிமாலாம் .. 17 ..

சூடா₃பதே₃ந பரிக்₃ருஹ்ய தவோத்தரீயம் .
மாலாமபி த்வத₃ளகைரதி₄வாஸ்ய த₃த்தாம்.
ப்ராயேண ரங்க₃பதிரேஷ பி₃ப₄ர்தி கோ₃தே₃
ஸௌபா₄க்₃யஸம்பத₃பி₄ஷேகமஹாதி₄காரம் .. 18 ..

துங்கை₃ரக்ருத்ரிமகி₃ர꞉ ஸ்வயமுத்தமாங்கை₃꞉
யம் ஸர்வக₃ந்த₄ இதி ஸாத₃ரமுத்₃வஹந்தி.
ஆமோத₃மந்யமதி₄க₃ச்ச₂தி மாலிகாபி₄꞉
ஸோ(அ)பி த்வதீ₃யகுடிலாளகவாஸிதாபி₄꞉.. 19 ..

த₄ந்யே ஸமஸ்தஜக₃தாம் பிதுருத்தமாங்கே₃
த்வந்மௌளிமால்யப₄ரஸம்ப₄ரணேந பூ₄ய꞉.
இந்தீ₃வரஸ்ரஜமிவாத₃த₄தி த்வதீ₃யா -
ந்யாகேகராணி ப₃ஹுமாநவிலோகிதாநி .. 20 ..

ரங்கே₃ஶ்வரஸ்ய தவ ச ப்ரணயாநுப₃ந்தா₄த்
அந்யோந்யமால்யபரிவ்ருத்திமபி₄ஷ்டுவந்த꞉..

வாசாலயந்தி வஸுதே₄ ரஸிகாஸ்த்ரிலோகீம்
ந்யூநாதி₄கத்வஸமதாவிஷயைர்விவாதை₃꞉ .. 21 ..

தூ₃ர்வாத₃ளப்ரதிமயா தவ தே₃ஹகாந்த்யா
கோ₃ரோசநாருசிரயா ச ருசேந்தி₃ராயா꞉.
ஆஸீத₃நுஜ்ஜி₂தஶிகா₂வளகண்ட₂ஶோப₄ம்
மாங்க₃ள்யத₃ம் ப்ரணமதாம் மது₄வைரிகா₃த்ரம் .. 22 ..

அர்க்₄யம் ஸமர்ச்ய நியமைர்நிக₃மப்ரஸூநை꞉
நாத₂ம் த்வயா கமலயா ச ஸமேயிவாம்ஸம்.
மாதஶ்சிரம் நிரவிஶந் நிஜமாதி₄ராஜ்யம்
மாந்யா மநுப்ரப்₄ருதயோ(அ)பி மஹீக்ஷிதஸ்தே .. 23 ..

ஆர்த்₃ராபராதி₄நி ஜநே(அ)ப்யபி₄ரக்ஷணார்த₂ம்
ரங்கே₃ஶ்வரஸ்ய ரமயா விநிவேத்₃யமாநே.
பார்ஶ்வே பரத்ர ப₄வதீ யதி₃ தத்ர நாஸீத்
ப்ராயேண தே₃வி வத₃நம் பரிவர்திதம் ஸ்யாத் .. 24 ..

கோ₃தே₃ கு₃ணைரபநயந் ப்ரணதாபராதா₄ந்
ப்₄ரூக்ஷேப ஏவ தவ போ₄க₃ரஸாநுகூல꞉.
கர்மாநுப₃ந்தி₄ப₂லதா₃நரதஸ்ய ப₄ர்து꞉
ஸ்வாதந்த்ர்யது₃ர்வ்யஸநமர்மபி₄தா₃நிதா₃நம் .. 25 ..

ரங்கே₃ தடிகு₃ணவதோ ரமயைவ கோ₃தே₃
க்ருஷ்ணாம்பு₃த₃ஸ்ய க₄டிதாம் க்ருபயா ஸுவ்ருஷ்ட்யா.
தௌ₃ர்க₃த்யது₃ர்விஷவிநாஶஸுதா₄நதீ₃ம் த்வாம்
ஸந்த꞉ ப்ரபத்₃ய ஶமயந்த்யசிரேண தாபாந் .. 26 ..

ஜாதாபராத₄மபி மாமநுகம்ப்ய கோ₃தே₃
கோ₃ப்த்ரீ யதி₃ த்வமஸி யுக்தமித₃ம் ப₄வத்யா꞉.
வாத்ஸல்யநிர்ப₄ரதயா ஜநநீ குமாரம்
ஸ்தந்யேந வர்த₄யதி த₃ஷ்டபயோத₄ரா(அ)பி .. 27 ..

ஶதமக₂மணிநீலா சாருகல்ஹாரஹஸ்தா
ஸ்தநப₄ரநமிதாங்கீ₃ ஸாந்த்₃ரவாத்ஸல்யஸிந்து₄꞉.
அளகவிநிஹிதாபி₄꞉ ஸ்ரக்₃பி₄ராக்ருஷ்டநாதா₂
விலஸது ஹ்ருதி₃ கோ₃தா₃ விஷ்ணுசித்தாத்மஜா ந꞉ .. 28 ..

இதி விகஸிதப₄க்தேருத்தி₂தாம் வேங்கடேஶாத்
ப₃ஹுகு₃ணரமணீயாம் வக்தி கோ₃தா₃ஸ்துதிம் ய꞉.
ஸ ப₄வதி ப₃ஹுமாந்ய꞉ ஶ்ரீமதோ ரங்க₃ப₄ர்து꞉
சரணகமலஸேவாம் ஶாஶ்வதீமப்₄யுபைஷ்யந் .. 29 ..

கவிதார்கிகஸிம்ஹாய கல்யாணகு₃ணஶாலிநே.
ஶ்ரீமதே வேங்கடேஶாய வேதா₃ந்தகு₃ரவே நம꞉ ..