Shreegodaastutih'

Shreegodaastutih'
Shreemaan venkat'anaathaaryah' kavitaarkikakesaree.
Vedaantaachaaryavom' me sannidhattaam' sadaa hri'di ..

Shreevishnuchittakulanandanakalpavalleem'
Shreerangaraajaharichandanayogadri'shyaam.
Saakshaat kshamaa karunayaa kamalaamivaanyaam'
Godaamananyasharanah' sharanam' prapadye .. 1 ..

Vaideshikah' shrutigiraamapi bhooyaseenaam'
Varneshu maati mahimaa na hi maadashaam' te.
Ittham' vidantamapi maam' sahasaiva gode
Maunadruho mukharayanti gunaastvadeeyaah' .. 2 ..

Tvatpreyasah' shravanayoramri'taayamaanaam'
Tulyaam' tvadeeyamaninoopurashinjitaanaam.
Gode tvameva janani tvadabhisht'avaaheem'
Vaacham' prasannamadhuraam' mama sam'vidhehi .. 3 ..

Kri'shnaanvayena dadhateem' yamunaanubhaavam'
Teerthairyathaavadavagaahya sarasvatee te.
Gode vikasvaradhiyaam' bhavateekat'aakshaat
Vaachah' sphuranti makarandamuchah' kaveenaam .. 4 ..

Asmaadri'shaamapakri'tau chiradeekshitaanaam
Ahraaya devi dayate yadasau mukundah'.
Tannishchitam' niyamitastava maul'idaamnaa
Tantreeninaadamadhuraishcha giraam' nigumbhaih' .. 5 ..

Shonaa'dhare'pi kuchayorapi tungabhadraa
Vaachaam' pravaahanivahe'pi sarasvatee tvam.
Apraakri'tairapi rasairvirajaa svabhaavaat
Godaa'pi devi kamiturnanu narmadaa'si .. 6 ..

Valmeekatah' shravanato vasudhaatmanaste
Jaato babhoova sa munih' kavisaarvabhaumah'.
Gode kimadbhatamidam' yadamee svadante
Vaktraaravindamakarandanibhaah' prabandhaah' .. 7 ..

Bhoktum' tava priyatamam' bhavateeva gode
Bhaktim' nijaam' pranayabhaavanayaa gri'nantah'.
Uchchaavachairvirahasangamajairudantaih' .
Shri'ngaarayanti hri'dayam' guravastvadeeyaah' .. 8 ..

Maatah' samutthitavateemadhivishnuchittam'
Vishvopajeevyamamri'tam' vachasaa duhaanaam.
Taapachchhidam' himarucheriva moortimanyaam'
Santah' payodhiduhituh' sahajaam' vidustvaam .. 9 ..

Taatastu te madhubhidah' stutileshavashyaat
Karnaamri'taih' stutishatairanavaaptapoorvam.
Tvanmaul'igandhasubhagaamupahri'tya maalaam'
Lebhe mahattarapadaanugunam' prasaadam .. 10 ..

Dik dakshinaa'pi paripaktrimapunyalabhyaat
Sarvottaraa bhavati devi tavaavataaraat.
Yatraiva rangapatinaa bahumaanapoorvam'
Nidraal'unaa'pi niyatam' nihitaah' kat'aakshaah' .. 11 ..

Praayena devi bhavateevyapadeshayogaat
Godaavaree jagadidam' payasaa puneete.
Yasyaam' sametya samayeshu chiram' nivaasaat
Bhaageeratheeprabhri'tayo'pi bhavanti punyaah' .. 12 ..

Naageshayah' sutanu pakshirathah' katham' te
Jaatah' svayam'varapatih' purushah' puraanah'.
Evam'vidhaah' samuchitam' pranayam' bhavatyaah'
Sandarshayanti parihaasagirah' sakheenaam .. 13 ..

Tvadbhuktamaalyasurabheekri'tachaarumaul'e:
Hitvaa bhujaantaragataamapi vaijayanteem.
Patyustaveshvari mithah' pratighaatalolaah'
Barhaatapatraruchimaarachayanti bhri'ngaah' .. 14 ..

Aamodavatyapi sadaa hri'dayangamaa'pi
Raagaanvitaa'pi lal'itaa'pi gunottaraapi.
Maul'israjaa tava mukundakireet'abhaajaa
Gode bhavatyadharitaa khalu vaijayantee .. 15 ..

Tvanmaul'idaamani vibhoh' shirasaa gri'heete
Svachchhandakalpitasapeetirasapramodaah'.
Manjusvanaa madhuliho vidadhuh' svayam' te
Svaayam'varam' kamapi mangal'atooryaghosham .. 16 ..

Vishvaayamaanarajasaa kamalena naabhau
Vakshah'sthale cha kamalaastanachandanena.
Aamodito'pi nigamairvibhurangiyugme
Dhatte natena shirasaa tava maul'imaalaam .. 17 ..

Chood'aapadena parigri'hya tavottareeyam' .
Maalaamapi tvadal'akairadhivaasya dattaam.
Praayena rangapatiresha bibharti gode
Saubhaagyasampadabhishekamahaadhikaaram .. 18 ..

Tungairakri'trimagirah' svayamuttamaangaih'
Yam' sarvagandha iti saadaramudvahanti.
Aamodamanyamadhigachchhati maalikaabhih'
So'pi tvadeeyakut'ilaal'akavaasitaabhih'.. 19 ..

Dhanye samastajagataam' pituruttamaange
Tvanmaul'imaalyabharasambharanena bhooyah'.
Indeevarasrajamivaadadhati tvadeeyaa -
Nyaakekaraani bahumaanavilokitaani .. 20 ..

Rangeshvarasya tava cha pranayaanubandhaat
Anyonyamaalyaparivri'ttimabhisht'uvantah'..

Vaachaalayanti vasudhe rasikaastrilokeem'
Nyoonaadhikatvasamataavishayairvivaadaih' .. 21 ..

Doorvaadal'apratimayaa tava dehakaantyaa
Gorochanaaruchirayaa cha ruchendiraayaah'.
Aaseedanujjhitashikhaaval'akant'hashobham'
Maangal'yadam' pranamataam' madhuvairigaatram .. 22 ..

Arghyam' samarchya niyamairnigamaprasoonaih'
Naatham' tvayaa kamalayaa cha sameyivaam'sam.
Maatashchiram' niravishan nijamaadhiraajyam'
Maanyaa manuprabhri'tayo'pi maheekshitaste .. 23 ..

Aardraaparaadhini jane'pyabhirakshanaartham'
Rangeshvarasya ramayaa vinivedyamaane.
Paarshve paratra bhavatee yadi tatra naaseet
Praayena devi vadanam' parivartitam' syaat .. 24 ..

Gode gunairapanayan pranataaparaadhaan
Bhrookshepa eva tava bhogarasaanukoolah'.
Karmaanubandhiphaladaanaratasya bhartuh'
Svaatantryadurvyasanamarmabhidaanidaanam .. 25 ..

Range tat'igunavato ramayaiva gode
Kri'shnaambudasya ghat'itaam' kri'payaa suvri'sht'yaa.
Daurgatyadurvishavinaashasudhaanadeem' tvaam'
Santah' prapadya shamayantyachirena taapaan .. 26 ..

Jaataaparaadhamapi maamanukampya gode
Goptree yadi tvamasi yuktamidam' bhavatyaah'.
Vaatsalyanirbharatayaa jananee kumaaram'
Stanyena vardhayati dasht'apayodharaa'pi .. 27 ..

Shatamakhamanineelaa chaarukalhaarahastaa
Stanabharanamitaangee saandravaatsalyasindhuh'.
Al'akavinihitaabhih' sragbhiraakri'sht'anaathaa
Vilasatu hri'di godaa vishnuchittaatmajaa nah' .. 28 ..

Iti vikasitabhakterutthitaam' venkat'eshaat
Bahugunaramaneeyaam' vakti godaastutim' yah'.
Sa bhavati bahumaanyah' shreemato rangabhartuh'
Charanakamalasevaam' shaashvateemabhyupaishyan .. 29 ..

Kavitaarkikasim'haaya kalyaanagunashaaline.
Shreemate venkat'eshaaya vedaantagurave namah' ..