ஶ்ரீக₃ஜேந்த்₃ரஸ்தோத்ரம்
.. ஶ்ரீக₃ஜேந்த்₃ரமோக்ஷஸ்தோத்ரம் ..
ஶ்ரீக₃ஜேந்த்₃ர உவாச
ஓம் நமோ ப₄க₃வதே தஸ்மை யத ஏதச்சிதா₃த்மகம்.
புருஷாயாதி₃பீ₃ஜாய பரேஶாயாபி₄தீ₄மஹி..2..
யஸ்மிந்நித₃ம் யதஶ்சேத₃ம் யேநேத₃ம் ய இத₃ம் ஸ்வயம்.
யோ(அ)ஸ்மாத்பரஸ்மாச்ச பரஸ்தம் ப்ரபத்₃யே ஸ்வயம்பு₄வம்..3..
ய꞉ ஸ்வாத்மநீத₃ம் நிஜமாயயார்பிதம்
க்வசித்₃விபா₄தம் க்வ ச தத்திரோஹிதம்.
அவித்₃த₄த்₃ருக்ஸாக்ஷ்யுப₄யம் ததீ₃க்ஷதே
ஸ ஆத்மமூலோ(அ)வது மாம் பராத்பர꞉..4..
காலேந பஞ்சத்வமிதேஷு க்ருத்ஸ்நஶோ
லோகேஷு பாலேஷு ச ஸர்வஹேதுஷு.
தமஸ்ததா₃ஸீத்₃க₃ஹநம் க₃பீ₄ரம் ய-
ஸ்தஸ்ய பாரே(அ)பி₄விராஜதே விபு₄꞉..5..
ந யஸ்ய தே₃வா ருஷய꞉ பத₃ம் விது₃-
ர்ஜந்து꞉ புந꞉ கோ(அ)ர்ஹதி க₃ந்துமீரிதும்.
யதா₂ நடஸ்யாக்ருதிபி₄ர்விசேஷ்டதோ
து₃ரத்யயாநுக்ரமண꞉ ஸ மாவது..6..
தி₃த்₃ருக்ஷவோ யஸ்ய பத₃ம் ஸுமங்க₃லம்
விமுக்தஸங்கா₃ முநய꞉ ஸுஸாத₄வ꞉.
சரந்த்யலோகவ்ரதமவ்ரணம்
வநே பூ₄தாத்மபூ₄தா꞉ ஸுஹ்ருத₃꞉ ஸ மே க₃தி꞉..7..
ந வித்₃யதே யஸ்ய ச ஜந்ம கர்ம வா
ந நாமரூபே கு₃ணதோ₃ஷ ஏவ வா.
ததா₂பி லோகாப்யயஸம்ப₄வாய
ய꞉ ஸ்வமாயயா தாந்யநுகாலம்ருச்ச₂தி..8..
தஸ்மை நம꞉ பரேஶாய ப்₃ரஹ்மணே(அ)நந்தஶக்தயே.
அரூபாயோருரூபாய நம ஆஶ்சர்யகர்மணே..9..
நம ஆத்மப்ரதீ₃பாய ஸாக்ஷிணே பரமாத்மநே.
நமோ கி₃ராம் விதூ₃ராய மநஸஶ்சேதஸாமபி..10..
ஸத்த்வேந ப்ரதிலப்₄யாய நைஷ்கர்ம்யேண விபஶ்சிதா.
நம꞉ கைவல்யநாதா₂ய நிர்வாணஸுக₂ஸம்விதே₃..11..
நம꞉ ஶாந்தாய கோ₄ராய மூடா₄ய கு₃ணத₄ர்மிணே.
நிர்விஶேஷாய ஸாம்யாய நமோ ஜ்ஞாநக₄நாய ச..12..
க்ஷேத்ரஜ்ஞாய நமஸ்துப்₄யம் ஸர்வாத்₄யக்ஷாய ஸாக்ஷிணே.
புருஷாயாத்மமூலாய மூலப்ரக்ருதயே நம꞉..13..
ஸர்வேந்த்₃ரியகு₃ணத்₃ரஷ்ட்ரே ஸர்வப்ரத்யயஹேதவே.
அஸதா ச்சா₂யயோக்தாய ஸதா₃பா₄ஸாய தே நம꞉..14..
நமோ நமஸ்தே(அ)கி₂லகாரணாய
நிஷ்காரணாயாத்₃பு₄தகாரணாய.
ஸர்வாக₃மாம்நாயமஹார்ணவாய
நமோ(அ)பவர்கா₃ய பராயணாய..15..
கு₃ணாரணிச்ச₂ந்நசிது₃ஷ்மபாய
தத்க்ஷோப₄விஸ்பூ₂ர்ஜிதமாநஸாய.
நைஷ்கர்ம்யபா₄வேந விவர்ஜிதாக₃ம
ஸ்வயம்ப்ரகாஶாய நமஸ்கரோமி..16..
மாத்₃ருக்ப்ரபந்நபஶுபாஶவிமோக்ஷணாய
முக்தாய பூ₄ரிகருணாய நமோ(அ)லயாய.
ஸ்வாம்ஶேந ஸர்வதநுப்₄ருந்மநஸி ப்ரதீத
ப்ரத்யக்₃த்₃ருஶே ப₄க₃வதே ப்₃ருஹதே நமஸ்தே..17..
ஆத்மாத்மஜாப்தக்₃ருஹவித்தஜநேஷு ஸக்தை-
ர்து₃ஷ்ப்ராபணாய கு₃ணஸங்க₃விவர்ஜிதாய.
முக்தாத்மபி₄꞉ ஸ்வஹ்ருத₃யே பரிபா₄விதாய
ஜ்ஞாநாத்மநே ப₄க₃வதே நம ஈஶ்வராய..18..
யம் த₄ர்மகாமார்த₂விமுக்திகாமா
ப₄ஜந்த இஷ்டாம் க₃திமாப்நுவந்தி.
கிம் சாஶிஷோ ராத்யபி தே₃ஹமவ்யயம்
கரோது மே(அ)த₃ப்₄ரத₃யோ விமோக்ஷணம்..19..
ஏகாந்திநோ யஸ்ய ந கஞ்சநார்த₂ம்
வாஞ்ச₂ந்தி யே வை ப₄க₃வத்ப்ரபந்நா꞉.
அத்யத்₃பு₄தம் தச்சரிதம் ஸுமங்க₃லம்
கா₃யந்த ஆநந்த₃ஸமுத்₃ரமக்₃நா꞉..20..
தமக்ஷரம் ப்₃ரஹ்ம பரம் பரேஶமவ்யக்தமாத்₄யாத்மிகயோக₃க₃ம்யம்.
அதீந்த்₃ரியம் ஸூக்ஷ்மமிவாதிதூ₃ரமநந்தமாத்₃யம் பரிபூர்ணமீடே₃..21..
யஸ்ய ப்₃ரஹ்மாத₃யோ தே₃வா வேதா₃ லோகாஶ்சராசரா꞉.
நாமரூபவிபே₄தே₃ந ப₂ல்க்₃வ்யா ச கலயா க்ருதா꞉..22..
யதா₂ர்சிஷோ(அ)க்₃நே꞉ ஸவிதுர்க₃ப₄ஸ்தயோ
நிர்யாந்தி ஸம்யாந்த்யஸக்ருத்ஸ்வரோசிஷ꞉.
ததா₂ யதோ(அ)யம் கு₃ணஸம்ப்ரவாஹோ
பு₃த்₃தி₄ர்மந꞉ கா₂நி ஶரீரஸர்கா₃꞉..23..
ஸ வை ந தே₃வாஸுரமர்த்யதிர்யங்
ந ஸ்த்ரீ ந ஷண்டோ₄ ந புமாந்ந ஜந்து꞉.
நாயம் கு₃ண꞉ கர்ம ந ஸந்ந சாஸ-
ந்நிஷேத₄ஶேஷோ ஜயதாத₃ஶேஷ꞉..24..
ஜிஜீவிஷே நாஹமிஹாமுயா கி-
மந்தர்ப₃ஹிஶ்சாவ்ருதயேப₄யோந்யா.
இச்சா₂மி காலேந ந யஸ்ய விப்லவ-
ஸ்தஸ்யாத்மலோகாவரணஸ்ய மோக்ஷம்..25..
ஸோ(அ)ஹம் விஶ்வஸ்ருஜம் விஶ்வமவிஶ்வம் விஶ்வவேத₃ஸம்.
விஶ்வாத்மாநமஜம் ப்₃ரஹ்ம ப்ரணதோ(அ)ஸ்மி பரம் பத₃ம்..26..
யோக₃ரந்தி₄தகர்மாணோ ஹ்ருதி₃ யோக₃விபா₄விதே.
யோகி₃நோ யம் ப்ரபஶ்யந்தி யோகே₃ஶம் தம் நதோ(அ)ஸ்ம்யஹம்..27..
நமோ நமஸ்துப்₄யமஸஹ்யவேக₃ ஶக்தித்ரயாயாகி₂லதீ₄கு₃ணாய.
ப்ரபந்நபாலாய து₃ரந்தஶக்தயே கதி₃ந்த்₃ரியாணாமநவாப்யவர்த்மநே..28..
நாயம் வேத₃ ஸ்வமாத்மாநம் யச்ச₂க்த்யாஹம் தி₄யா ஹதம்.
தம் து₃ரத்யயமாஹாத்ம்யம் ப₄க₃வந்தமிதோ(அ)ஸ்ம்யஹம்..29..