Shreegajendrastotram
.. Shreegajendramokshastotram ..
Shreegajendra uvaacha
Om' namo bhagavate tasmai yata etachchidaatmakam.
Purushaayaadibeejaaya pareshaayaabhidheemahi..2..
Yasminnidam' yatashchedam' yenedam' ya idam' svayam.
Yo'smaatparasmaachcha parastam' prapadye svayambhuvam..3..
Yah' svaatmaneedam' nijamaayayaarpitam'
Kvachidvibhaatam' kva cha tattirohitam.
Aviddhadri'ksaakshyubhayam' tadeekshate
Sa aatmamoolo'vatu maam' paraatparah'..4..
Kaalena panchatvamiteshu kri'tsnasho
Lokeshu paaleshu cha sarvahetushu.
Tamastadaaseedgahanam' gabheeram' ya-
Stasya paare'bhiviraajate vibhuh'..5..
Na yasya devaa ri'shayah' padam' vidu-
Rjantuh' punah' ko'rhati gantumeeritum.
Yathaa nat'asyaakri'tibhirvichesht'ato
Duratyayaanukramanah' sa maavatu..6..
Didri'kshavo yasya padam' sumangalam'
Vimuktasangaa munayah' susaadhavah'.
Charantyalokavratamavranam'
Vane bhootaatmabhootaah' suhri'dah' sa me gatih'..7..
Na vidyate yasya cha janma karma vaa
Na naamaroope gunadosha eva vaa.
Tathaapi lokaapyayasambhavaaya
Yah' svamaayayaa taanyanukaalamri'chchhati..8..
Tasmai namah' pareshaaya brahmane'nantashaktaye.
Aroopaayoruroopaaya nama aashcharyakarmane..9..
Nama aatmapradeepaaya saakshine paramaatmane.
Namo giraam' vidooraaya manasashchetasaamapi..10..
Sattvena pratilabhyaaya naishkarmyena vipashchitaa.
Namah' kaivalyanaathaaya nirvaanasukhasam'vide..11..
Namah' shaantaaya ghoraaya mood'haaya gunadharmine.
Nirvisheshaaya saamyaaya namo jnyaanaghanaaya cha..12..
Kshetrajnyaaya namastubhyam' sarvaadhyakshaaya saakshine.
Purushaayaatmamoolaaya moolaprakri'taye namah'..13..
Sarvendriyagunadrasht're sarvapratyayahetave.
Asataa chchhaayayoktaaya sadaabhaasaaya te namah'..14..
Namo namaste'khilakaaranaaya
Nishkaaranaayaadbhutakaaranaaya.
Sarvaagamaamnaayamahaarnavaaya
Namo'pavargaaya paraayanaaya..15..
Gunaaranichchhannachidushmapaaya
Tatkshobhavisphoorjitamaanasaaya.
Naishkarmyabhaavena vivarjitaagama
Svayamprakaashaaya namaskaromi..16..
Maadri'kprapannapashupaashavimokshanaaya
Muktaaya bhoorikarunaaya namo'layaaya.
Svaam'shena sarvatanubhri'nmanasi prateeta
Pratyagdri'she bhagavate bri'hate namaste..17..
Aatmaatmajaaptagri'havittajaneshu saktai-
Rdushpraapanaaya gunasangavivarjitaaya.
Muktaatmabhih' svahri'daye paribhaavitaaya
Jnyaanaatmane bhagavate nama eeshvaraaya..18..
Yam' dharmakaamaarthavimuktikaamaa
Bhajanta isht'aam' gatimaapnuvanti.
Kim' chaashisho raatyapi dehamavyayam'
Karotu me'dabhradayo vimokshanam..19..
Ekaantino yasya na kanchanaartham'
Vaanchhanti ye vai bhagavatprapannaah'.
Atyadbhutam' tachcharitam' sumangalam'
Gaayanta aanandasamudramagnaah'..20..
Tamaksharam' brahma param' pareshamavyaktamaadhyaatmikayogagamyam.
Ateendriyam' sookshmamivaatidooramanantamaadyam' paripoornameed'e..21..
Yasya brahmaadayo devaa vedaa lokaashcharaacharaah'.
Naamaroopavibhedena phalgvyaa cha kalayaa kri'taah'..22..
Yathaarchisho'gneh' saviturgabhastayo
Niryaanti sam'yaantyasakri'tsvarochishah'.
Tathaa yato'yam' gunasampravaaho
Buddhirmanah' khaani shareerasargaah'..23..
Sa vai na devaasuramartyatiryang
Na stree na shand'ho na pumaanna jantuh'.
Naayam' gunah' karma na sanna chaasa-
Nnishedhashesho jayataadasheshah'..24..
Jijeevishe naahamihaamuyaa ki-
Mantarbahishchaavri'tayebhayonyaa.
Ichchhaami kaalena na yasya viplava-
Stasyaatmalokaavaranasya moksham..25..
So'ham' vishvasri'jam' vishvamavishvam' vishvavedasam.
Vishvaatmaanamajam' brahma pranato'smi param' padam..26..
Yogarandhitakarmaano hri'di yogavibhaavite.
Yogino yam' prapashyanti yogesham' tam' nato'smyaham..27..
Namo namastubhyamasahyavega shaktitrayaayaakhiladheegunaaya.
Prapannapaalaaya durantashaktaye kadindriyaanaamanavaapyavartmane..28..
Naayam' veda svamaatmaanam' yachchhaktyaaham' dhiyaa hatam.
Tam' duratyayamaahaatmyam' bhagavantamito'smyaham..29..