শ্রীগজেন্দ্রস্তোত্রম্
॥ শ্রীগজেন্দ্রমোক্ষস্তোত্রম্ ॥
শ্রীগজেন্দ্র উভ়াচ
ওং নমো ভগভ়তে তস্মৈ যত এতচ্চিদাত্মকম্।
পুরুষাযাদিবীজায পরেশাযাভিধীমহি॥২॥
যস্মিন্নিদং যতশ্চেদং যেনেদং য ইদং স্বযম্।
যোঽস্মাৎপরস্মাচ্চ পরস্তং প্রপদ্যে স্বযম্ভুভ়ম্॥৩॥
যঃ স্বাত্মনীদং নিজমাযযার্পিতং
ক্বচিদ্বিভাতং ক্ব চ তত্তিরোহিতম্।
অভ়িদ্ধদৃক্সাক্ষ্যুভযং তদীক্ষতে
স আত্মমূলোঽভ়তু মাং পরাৎপরঃ॥৪॥
কালেন পঞ্চত্বমিতেষু কৃৎস্নশো
লোকেষু পালেষু চ সর্ভ়হেতুষু।
তমস্তদাসীদ্গহনং গভীরং য-
স্তস্য পারেঽভিভ়িরাজতে ভ়িভুঃ॥৫॥
ন যস্য দেভ়া ঋষযঃ পদং ভ়িদু-
র্জন্তুঃ পুনঃ কোঽর্হতি গন্তুমীরিতুম্।
যথা নটস্যাকৃতিভির্ভ়িচেষ্টতো
দুরত্যযানুক্রমণঃ স মাভ়তু॥৬॥
দিদৃক্ষভ়ো যস্য পদং সুমঙ্গলং
ভ়িমুক্তসঙ্গা মুনযঃ সুসাধভ়ঃ।
চরন্ত্যলোকভ়্রতমভ়্রণং
ভ়নে ভূতাত্মভূতাঃ সুহৃদঃ স মে গতিঃ॥৭॥
ন ভ়িদ্যতে যস্য চ জন্ম কর্ম ভ়া
ন নামরূপে গুণদোষ এভ় ভ়া।
তথাপি লোকাপ্যযসম্ভভ়ায
যঃ স্বমাযযা তান্যনুকালমৃচ্ছতি॥৮॥
তস্মৈ নমঃ পরেশায ব্রহ্মণেঽনন্তশক্তযে।
অরূপাযোরুরূপায নম আশ্চর্যকর্মণে॥৯॥
নম আত্মপ্রদীপায সাক্ষিণে পরমাত্মনে।
নমো গিরাং ভ়িদূরায মনসশ্চেতসামপি॥১০॥
সত্ত্বেন প্রতিলভ্যায নৈষ্কর্ম্যেণ ভ়িপশ্চিতা।
নমঃ কৈভ়ল্যনাথায নির্ভ়াণসুখসংভ়িদে॥১১॥
নমঃ শান্তায ঘোরায মূঢায গুণধর্মিণে।
নির্ভ়িশেষায সাম্যায নমো জ্ঞানঘনায চ॥১২॥
ক্ষেত্রজ্ঞায নমস্তুভ্যং সর্ভ়াধ্যক্ষায সাক্ষিণে।
পুরুষাযাত্মমূলায মূলপ্রকৃতযে নমঃ॥১৩॥
সর্ভ়েন্দ্রিযগুণদ্রষ্ট্রে সর্ভ়প্রত্যযহেতভ়ে।
অসতা চ্ছাযযোক্তায সদাভাসায তে নমঃ॥১৪॥
নমো নমস্তেঽখিলকারণায
নিষ্কারণাযাদ্ভুতকারণায।
সর্ভ়াগমাম্নাযমহার্ণভ়ায
নমোঽপভ়র্গায পরাযণায॥১৫॥
গুণারণিচ্ছন্নচিদুষ্মপায
তৎক্ষোভভ়িস্ফূর্জিতমানসায।
নৈষ্কর্ম্যভাভ়েন ভ়িভ়র্জিতাগম
স্বযংপ্রকাশায নমস্করোমি॥১৬॥
মাদৃক্প্রপন্নপশুপাশভ়িমোক্ষণায
মুক্তায ভূরিকরুণায নমোঽলযায।
স্বাংশেন সর্ভ়তনুভৃন্মনসি প্রতীত
প্রত্যগ্দৃশে ভগভ়তে বৃহতে নমস্তে॥১৭॥
আত্মাত্মজাপ্তগৃহভ়িত্তজনেষু সক্তৈ-
র্দুষ্প্রাপণায গুণসঙ্গভ়িভ়র্জিতায।
মুক্তাত্মভিঃ স্বহৃদযে পরিভাভ়িতায
জ্ঞানাত্মনে ভগভ়তে নম ঈশ্বরায॥১৮॥
যং ধর্মকামার্থভ়িমুক্তিকামা
ভজন্ত ইষ্টাং গতিমাপ্নুভ়ন্তি।
কিং চাশিষো রাত্যপি দেহমভ়্যযং
করোতু মেঽদভ্রদযো ভ়িমোক্ষণম্॥১৯॥
একান্তিনো যস্য ন কঞ্চনার্থং
ভ়াঞ্ছন্তি যে ভ়ৈ ভগভ়ৎপ্রপন্নাঃ।
অত্যদ্ভুতং তচ্চরিতং সুমঙ্গলং
গাযন্ত আনন্দসমুদ্রমগ্নাঃ॥২০॥
তমক্ষরং ব্রহ্ম পরং পরেশমভ়্যক্তমাধ্যাত্মিকযোগগম্যম্।
অতীন্দ্রিযং সূক্ষ্মমিভ়াতিদূরমনন্তমাদ্যং পরিপূর্ণমীডে॥২১॥
যস্য ব্রহ্মাদযো দেভ়া ভ়েদা লোকাশ্চরাচরাঃ।
নামরূপভ়িভেদেন ফল্গ্ব্যা চ কলযা কৃতাঃ॥২২॥
যথার্চিষোঽগ্নেঃ সভ়িতুর্গভস্তযো
নির্যান্তি সংযান্ত্যসকৃৎস্বরোচিষঃ।
তথা যতোঽযং গুণসম্প্রভ়াহো
বুদ্ধির্মনঃ খানি শরীরসর্গাঃ॥২৩॥
স ভ়ৈ ন দেভ়াসুরমর্ত্যতির্যঙ্
ন স্ত্রী ন ষণ্ঢো ন পুমান্ন জন্তুঃ।
নাযং গুণঃ কর্ম ন সন্ন চাস-
ন্নিষেধশেষো জযতাদশেষঃ॥২৪॥
জিজীভ়িষে নাহমিহামুযা কি-
মন্তর্বহিশ্চাভ়ৃতযেভযোন্যা।
ইচ্ছামি কালেন ন যস্য ভ়িপ্লভ়-
স্তস্যাত্মলোকাভ়রণস্য মোক্ষম্॥২৫॥
সোঽহং ভ়িশ্বসৃজং ভ়িশ্বমভ়িশ্বং ভ়িশ্বভ়েদসম্।
ভ়িশ্বাত্মানমজং ব্রহ্ম প্রণতোঽস্মি পরং পদম্॥২৬॥
যোগরন্ধিতকর্মাণো হৃদি যোগভ়িভাভ়িতে।
যোগিনো যং প্রপশ্যন্তি যোগেশং তং নতোঽস্ম্যহম্॥২৭॥
নমো নমস্তুভ্যমসহ্যভ়েগ শক্তিত্রযাযাখিলধীগুণায।
প্রপন্নপালায দুরন্তশক্তযে কদিন্দ্রিযাণামনভ়াপ্যভ়র্ত্মনে॥২৮॥
নাযং ভ়েদ স্বমাত্মানং যচ্ছক্ত্যাহং ধিযা হতম্।
তং দুরত্যযমাহাত্ম্যং ভগভ়ন্তমিতোঽস্ম্যহম্॥২৯॥