শ্রীসূর্য
আদিত্যহৃদয়স্তোত্রম্
आदित्यहृदयस्तोत्रम्
ততো যুদ্ধপরিশ্রান্তং সমরে চিন্তয়া স্থিতম্ ।
রাবণং চাগ্রতো দৃষ্ট্বা যুদ্ধায় সমুপস্থিতম্ ॥ ১ ॥
দৈবতৈশ্চ সমাগম্য দ্রষ্টুমভ্যাগতো রণম্ ।
উপগম্যাব্রবীদ রামমগস্ত্যো ভগবাংস্তদা ॥ ২ ॥
রাম রাম মহাবাহো শ্রৃণু গুহ্মং সনাতনম্ ।
যেন সর্বানরীন্ বৎস সমরে বিজয়িষ্যসে ॥ ৩ ॥
আদিত্যহৃদয়ং পুণ্যং সর্বশত্রুবিনাশনম্ ।
জয়াবহং জপং নিত্যমক্ষয়ং পরমং শিবম্ ॥ ৪ ॥
সর্বমঙ্গলমাগল্যং সর্বপাপপ্রণাশনম্ ।
চিন্তাশোকপ্রশমনমায়ুর্বর্ধনমুত্তমম্ ॥ ৫ ॥
রশ্মিমন্তং সমুদ্যন্তং দেবাসুরনমস্কৃতম্ ।
পুজয়স্ব বিবস্বন্তং ভাস্করং ভুবনেশ্বরম্ ॥ ৬ ॥
সর্বদেবাত্মকো হ্যেষ তেজস্বী রশ্মিভাবন: ।
এষ দেবাসুরগণাংল্লোকান্ পাতি গভস্তিভি: ॥ ৭ ॥
এষ ব্রহ্মা চ বিষ্ণুশ্চ শিব: স্কন্দ: প্রজাপতি: ।
মহেন্দ্রো ধনদ: কালো যম: সোমো হ্যাপাং পতিঃ ॥ ৮ ॥
পিতরো বসব: সাধ্যা অশ্বিনৌ মরুতো মনু: ।
বায়ুর্বহিন: প্রজা প্রাণ ঋতুকর্তা প্রভাকর: ॥ ৯ ॥
আদিত্য: সবিতা সূর্য: খগ: পূষা গভস্তিমান্ ।
সুবর্ণসদৃশো ভানুর্হিরণ্যরেতা দিবাকর: ॥ ১০ ॥
হরিদশ্ব: সহস্ত্রার্চি: সপ্তসপ্তির্মরীচিমান্ ।
তিমিরোন্মথন: শম্ভুস্ত্বষ্টা মার্তণ্ডকোংঽশুমান্ ॥ ১১ ॥
হিরণ্যগর্ভ: শিশিরস্তপনোঽহস্করো রবি: ।
অগ্নিগর্ভোঽদিতে: পুত্রঃ শঙ্খঃ শিশিরনাশন: ॥ ১২ ॥
ব্যোমনাথস্তমোভেদী ঋগ্যজু:সামপারগ: ।
ঘনবৃষ্টিরপাং মিত্রো বিন্ধ্যবীথীপ্লবঙ্গমঃ ॥ ১৩ ॥
আতপী মণ্ডলী মৃত্যু: পিগংল: সর্বতাপন:।
কবির্বিশ্বো মহাতেজা: রক্ত:সর্বভবোদ ভব: ॥ ১৪ ॥
নক্ষত্রগ্রহতারাণামধিপো বিশ্বভাবন: ।
তেজসামপি তেজস্বী দ্বাদশাত্মন্ নমোঽস্তু তে ॥ ১৫ ॥
নম: পূর্বায় গিরয়ে পশ্চিমায়াদ্রয়ে নম: ।
জ্যোতির্গণানাং পতয়ে দিনাধিপতয়ে নম: ॥ ১৬ ॥
জয়ায় জয়ভদ্রায় হর্যশ্বায় নমো নম: ।
নমো নম: সহস্ত্রাংশো আদিত্যায় নমো নম: ॥ ১৭ ॥
নম উগ্রায় বীরায় সারঙ্গায় নমো নম: ।
নম: পদ্মপ্রবোধায় প্রচণ্ডায় নমোঽস্তু তে ॥ ১৮ ॥
ব্রহ্মেশানাচ্যুতেশায় সুরায়াদিত্যবর্চসে ।
ভাস্বতে সর্বভক্ষায় রৌদ্রায় বপুষে নম: ॥ ১৯ ॥
তমোঘ্নায় হিমঘ্নায় শত্রুঘ্নায়ামিতাত্মনে ।
কৃতঘ্নঘ্নায় দেবায় জ্যোতিষাং পতয়ে নম: ॥ ২০ ॥
তপ্তচামীকরাভায় হরয়ে বিশ্বকর্মণে ।
নমস্তমোঽভিনিঘ্নায় রুচয়ে লোকসাক্ষিণে ॥ ২১ ॥
নাশয়ত্যেষ বৈ ভূতং তমেষ সৃজতি প্রভু: ।
পায়ত্যেষ তপত্যেষ বর্ষত্যেষ গভস্তিভি: ॥ ২২ ॥
এষ সুপ্তেষু জাগর্তি ভূতেষু পরিনিষ্ঠিত: ।
এষ চৈবাগ্নিহোত্রং চ ফলং চৈবাগ্নিহোত্রিণাম্ ॥ ২৩ ॥
দেবাশ্চ ক্রতবশ্চৈব ক্রতুনাং ফলমেব চ ।
যানি কৃত্যানি লোকেষু সর্বেষু পরমং প্রভু: ॥ ২৪ ॥
এনমাপৎসু কৃচ্ছ্রেষু কান্তারেষু ভয়েষু চ ।
কীর্তয়ন্ পুরুষ: কশ্চিন্নাবসীদতি রাঘব ॥ ২৫ ॥
পূজয়স্বৈনমেকাগ্রো দেবদেবং জগপ্ততিম্ ।
এতত্ত্রিগুণিতং জপ্ত্বা যুদ্ধেষু বিজয়িষ্যসি ॥ ২৬ ॥
অস্মিন্ ক্ষণে মহাবাহো রাবণং ত্বং জহিষ্যসি ।
এবমুক্তা ততোঽগস্ত্যো জগাম স যথাগতম্ ॥ ২৭ ॥
এতচ্ছ্রুত্বা মহাতেজা নষ্টশোকোঽভবৎ তদা ।
ধারয়ামাস সুপ্রীতো রাঘব প্রয়তাত্মবান্ ॥ ২৮ ॥
আদিত্যং প্রেক্ষ্য জপ্ত্বেদং পরং হর্ষমবাপ্তবান্ ।
ত্রিরাচম্য শূচির্ভূত্বা ধনুরাদায় বীর্যবান্ ॥ ২৯ ॥
রাবণং প্রেক্ষ্য হৃষ্টাত্মা জয়ার্থং সমুপাগতম্ ।
সর্বয়ত্নেন মহতা বৃতস্তস্য বধেঽভবৎ ॥ ৩০ ॥
অথ রবিরবদন্নিরীক্ষ্য রামং মুদিতমনা: পরমং প্রহৃষ্যমাণ: ।
নিশিচরপতিসঙ্ক্ষয়ং বিদিত্বা সুরগণমধ্যগতো বচস্ত্বরেতি ॥ ৩১ ॥
॥ সম্পূর্ণ ॥