વક્રતુણ્ડગણેશકવચમ્

વક્રતુણ્ડગણેશકવચમ્

શ્રી ગણેશાય નમઃ .
મૌલિં મહેશપુત્રોઽવ્યાદ્ભાલં પાતુ વિનાયકઃ .
ત્રિનેત્રઃ પાતુ મે નેત્રે શૂર્પકર્ણોઽવતુ શ્રુતી .. ૧..

હેરમ્બો રક્ષતુ ઘ્રાણં મુખં પાતુ ગજાનનઃ .
જિહ્વાં પાતુ ગણેશો મે કણ્ઠં શ્રીકણ્ઠવલ્લભઃ .. ૨..

સ્કન્ધૌ મહાબલઃ પાતુ વિઘ્નહા પાતુ મે ભુજૌ .
કરૌ પરશુભૃત્પાતુ હૃદયં સ્કન્દપૂર્વજઃ .. ૩..

મધ્યં લમ્બોદરઃ પાતુ નાભિં સિન્દૂરભૂષિતઃ .
જઘનં પાર્વતીપુત્રઃ સક્થિની પાતુ પાશભૃત્ .. ૪..

જાનુની જગતાં નાથો જઙ્ઘે મૂષકવાહનઃ .
પાદૌ પદ્માસનઃ પાતુ પાદાધો દૈત્યદર્પહા .. ૫..

એકદન્તોઽગ્રતઃ પાતુ પૃષ્ઠે પાતુ ગણાધિપઃ .
પાર્શ્વયોર્મોદકાહારો દિગ્વિદિક્ષુ ચ સિદ્ધિદઃ .. ૬..

વ્રજતસ્તિષ્ઠતો વાપિ જાગ્રતઃ સ્વપતોઽશ્નતઃ .
ચતુર્થીવલ્લભો દેવઃ પાતુ મે ભુક્તિમુક્તિદઃ .. ૭..

ઇદં પવિત્રં સ્તોત્રં ચ ચતુર્થ્યાં નિયતઃ પઠેત્ .
સિન્દૂરરક્તઃ કુસુમૈર્દૂર્વયા પૂજ્ય વિઘ્નપમ્ .. ૮..

રાજા રાજસુતો રાજપત્ની મન્ત્રી કુલં ચલમ્ .
તસ્યાવશ્યં ભવેદ્વશ્યં વિઘ્નરાજપ્રસાદતઃ .. ૯..

સમન્ત્રયન્ત્રં યઃ સ્તોત્રં કરે સંલિખ્ય ધારયેત્ .
ધનધાન્યસમૃદ્ધિઃ સ્યાત્તસ્ય નાસ્ત્યત્ર સંશયઃ .. ૧૦..

અસ્ય મન્ત્રઃ .
ઐં ક્લીં હ્રીં વક્રતુણ્ડાય હું .
રસલક્ષં સદૈકાગ્ર્યઃ ષડઙ્ગન્યાસપૂર્વકમ્ .
હુત્વા તદન્તે વિધિવદષ્ટદ્રવ્યં પયો ઘૃતમ્ .. ૧૧..

યં યં કામમભિધ્યાયન્ કુરુતે કર્મ કિઞ્ચન .
તં તં સર્વમવાપ્નોતિ વક્રતુણ્ડપ્રસાદતઃ .. ૧૨..

ભૃગુપ્રણીતં યઃ સ્તોત્રં પઠતે ભુવિ માનવઃ .
ભવેદવ્યાહતૈશ્વર્યઃ સ ગણેશપ્રસાદતઃ .. ૧૩..