ভ়ক্রতুণ্ডগণেশকভ়চম্

ভ়ক্রতুণ্ডগণেশকভ়চম্

শ্রী গণেশায নমঃ ।
মৌলিং মহেশপুত্রোঽভ়্যাদ্ভালং পাতু ভ়িনাযকঃ ।
ত্রিনেত্রঃ পাতু মে নেত্রে শূর্পকর্ণোঽভ়তু শ্রুতী ॥ ১॥

হেরম্বো রক্ষতু ঘ্রাণং মুখং পাতু গজাননঃ ।
জিহ্বাং পাতু গণেশো মে কণ্ঠং শ্রীকণ্ঠভ়ল্লভঃ ॥ ২॥

স্কন্ধৌ মহাবলঃ পাতু ভ়িঘ্নহা পাতু মে ভুজৌ ।
করৌ পরশুভৃৎপাতু হৃদযং স্কন্দপূর্ভ়জঃ ॥ ৩॥

মধ্যং লম্বোদরঃ পাতু নাভিং সিন্দূরভূষিতঃ ।
জঘনং পার্ভ়তীপুত্রঃ সক্থিনী পাতু পাশভৃৎ ॥ ৪॥

জানুনী জগতাং নাথো জঙ্ঘে মূষকভ়াহনঃ ।
পাদৌ পদ্মাসনঃ পাতু পাদাধো দৈত্যদর্পহা ॥ ৫॥

একদন্তোঽগ্রতঃ পাতু পৃষ্ঠে পাতু গণাধিপঃ ।
পার্শ্বযোর্মোদকাহারো দিগ্বিদিক্ষু চ সিদ্ধিদঃ ॥ ৬॥

ভ়্রজতস্তিষ্ঠতো ভ়াপি জাগ্রতঃ স্বপতোঽশ্নতঃ ।
চতুর্থীভ়ল্লভো দেভ়ঃ পাতু মে ভুক্তিমুক্তিদঃ ॥ ৭॥

ইদং পভ়িত্রং স্তোত্রং চ চতুর্থ্যাং নিযতঃ পঠেৎ ।
সিন্দূররক্তঃ কুসুমৈর্দূর্ভ়যা পূজ্য ভ়িঘ্নপম্ ॥ ৮॥

রাজা রাজসুতো রাজপত্নী মন্ত্রী কুলং চলম্ ।
তস্যাভ়শ্যং ভভ়েদ্বশ্যং ভ়িঘ্নরাজপ্রসাদতঃ ॥ ৯॥

সমন্ত্রযন্ত্রং যঃ স্তোত্রং করে সংলিখ্য ধারযেৎ ।
ধনধান্যসমৃদ্ধিঃ স্যাত্তস্য নাস্ত্যত্র সংশযঃ ॥ ১০॥

অস্য মন্ত্রঃ ।
ঐং ক্লীং হ্রীং ভ়ক্রতুণ্ডায হুং ।
রসলক্ষং সদৈকাগ্র্যঃ ষডঙ্গন্যাসপূর্ভ়কম্ ।
হুত্বা তদন্তে ভ়িধিভ়দষ্টদ্রভ়্যং পযো ঘৃতম্ ॥ ১১॥

যং যং কামমভিধ্যাযন্ কুরুতে কর্ম কিঞ্চন ।
তং তং সর্ভ়মভ়াপ্নোতি ভ়ক্রতুণ্ডপ্রসাদতঃ ॥ ১২॥

ভৃগুপ্রণীতং যঃ স্তোত্রং পঠতে ভুভ়ি মানভ়ঃ ।
ভভ়েদভ়্যাহতৈশ্বর্যঃ স গণেশপ্রসাদতঃ ॥ ১৩॥