.. શ્રીગોદાષ્ટોત્તરશતનામસ્તોત્રમ્ ..

શતમખમણિ નીલા ચારુકલ્હારહસ્તા
સ્તનભરનમિતાઙ્ગી સાન્દ્રવાત્સલ્યસિન્ધુઃ .
અલકવિનિહિતાભિઃ સ્રગ્ભિરાકૃષ્ટનાથા
વિલસતુ હૃદિ ગોદા વિષ્ણુચિત્તાત્મજા નઃ ..

કર્કટે પૂર્વફાલ્ગુન્યાં તુલસી કાનનોદ્ભવામ્ .
પાણ્યે વિશ્વમ્ભરાં ગોદાં વન્દે શ્રીરઙ્ગનાયકીમ્ ..

શ્રીરઙ્ગનાયકી ગોદા વિષ્ણુચિત્તાત્મજા સતી.
ગોપીવેષધરા દેવી ભૂસુતા ભોગશાલિની..૧..

તુલસીકાનનોદ્ભૂતા શ્રી ધન્વિપુરવાસિની.
ભટ્ટનાથપ્રિયકરી શ્રીકૃષ્ણહિતભોગિની..૨..

આભુક્તમાલ્યદા બાલા રઙ્ગનાથપ્રિયા પરા.
વિશ્વમ્ભરાં કલાલાપા યતિરાજસહોદરી..૩..

કૃષ્ણાનુરક્તા સુભગા સુલભશ્રી સલક્ષણા.
લક્ષ્મીપ્રિયસખી શ્યામા દયાઞ્ચિતદૃગઞ્ચલા.. ૪..

ફલ્ગુન્યાવિર્ભવા રમ્યા ધનુર્માસકૃત વ્રતા.
ચમ્પકાશોકપુન્નાગ માલતી વિલસત્કચા.. ૫..

આકારત્રય સંપન્ના નારાયણસમાશ્રિતા.
શ્રીમદષ્ટાક્ષરી મન્ત્રરાજસ્થિત મનોરથા..૬..

મોક્ષપ્રદાનનિપુણા મન્ત્રરત્નાધિદેવતા.
બ્રહ્મણ્યા લોકજનની લીલામાનુષ રૂપિણી..૭..

બ્રહ્મજ્ઞાનુગ્રહા માયા સચ્ચિદાનન્દ વિગ્રહા.
મહાપતિવ્રતા વિષ્ણુગુણકીર્તન લોલુપા..૮..

પ્રપન્નાર્તિહરા નિત્યા વેદસૌધવિહારિણી.
શ્રીરઙ્ગનાથ માણિક્ય મઞ્જરી મઞ્જુભાષિણી.. ૯..

સુગન્ધાર્થ ગ્રન્થકરી રંગમંગલદીપિકા.
ધ્વજવજ્રાઙ્કુશાબ્જાઙ્ક મૃદુપાદતલાઞ્ચિતા..૧૦..

તારકાકાર-નખરાપ્રવાલ મૃદુલાંગુલી.
કૂર્મોપમેય પાદોર્ધ્વભાગા શોભનપાર્ષ્ણિકા..૧૧..

વેદાર્થભાવવિદિત – તત્વબોધાઙ્ઘ્રિપંકજા.
આનન્દ-બુદ્બુદાકાર સુગુલ્ફા પરમાણુકા..૧૨..

તેજશ્શ્રિયોજ્જ્વલધૃતપાદાંગુલિસુભૂષિતા.
મીનકેતનતુણીર ચારુજંઘા વિરાજિતા..૧૩..

કકુદ્વજ્જાનુયુગ્માઢ્યા સ્વર્ણરમ્ભાભસક્થિકા.
વિશાલ જઘના પીનસુશ્રોણી મણિમેખલા..૧૪..

આનન્દસાગરાવર્તગમ્ભીરામ્ભોજનાભિકા.
ભાસ્વદ્વલિત્રિકા ચારુજગત્પૂર્ણ મહોદરી..૧૫..

નવમલ્લી રોમરાજી સુધાકુમ્ભાયિતસ્તની.
કલ્પમાલાનિભ ભુજા ચન્દ્ર ખણ્ડનખાઞ્ચિતા.. ૧૬..

સુપ્રવાલાંગુલીન્યસ્ત મહારત્નાગુલીયકા.
નવારુણપ્રવાલાભ પાણિદેશસમઞ્ચિતા..૧૭..

કમ્બુકણ્ઠી સુચુબુકા બિમ્બોષ્ઠીકુન્દદન્તયુક્.
કારુણ્યરસ નિસ્યન્દિનેત્રદ્વય સુશોભિતા..૧૮..

મુક્તા સુચિસ્મિતા ચારુચાંપેયનિભ નાસિકા.
દર્પણાકારવિપુલકપોલદ્વિતયાઞ્ચિતા .. ૧૯..

અનંન્તાર્યપ્રકાશોદ્યન્મણિ તાટંક શોભિતા..

કોટિસૂર્યાગ્નિ સંકાશ-નાનાભૂષણભૂષિતા .. ૨૦..

સુગન્ધવદના સુભ્રુરર્ધચંદ્રલલાટિકા .
પૂર્ણચન્દ્રાનના નીલકુટિલાલક શોભિતા .. ૨૨..

સૌન્દર્યસીમા વિલસત્કસ્તૂરિતિલકોજ્વલા
ધગદ્ધગાયમાનોદ્યન્મણિ સીમન્ત ભૂષણા .. ૨૩..

જાજ્જ્વલ્યમાનસદ્રત્ન દિવ્યચૂડાવતંસકા .
સૂર્યાર્ધચંદ્ર વિલસત્ ભૂષણાઞ્ચિત વેણિકા .. ૨૪..

નિગન્નિગદ્રત્નપુંજ પ્રાન્તસ્વર્ણનિચોલિકા .
સદ્રત્નાઞ્ચિતવિદ્યોત વિદ્યુત્કુઞ્જાભ શાટિકા .. ૨૫ ..

અત્યર્કાનલ તેજોધીઃ મણિકઞ્ચુક ધારિણી .
નાનામણિગણાકીર્ણ હેમાંગદ સુભૂષિતા .. ૨૬..

કુંકુમાગરુ કસ્તૂરી દિવ્ય ચન્દન ચર્ચિતા .
સ્વોચિતૌજ્વલ્ય વિવિધ વિચિત્રમણિહારિણી .. ૨૭..

અસંખ્યેય સુખશસ્પર્શસર્વાતિશય ભૂષણા .
મલ્લિકા પારિજાતાદિ દિવ્યપુષ્પ સ્રગંચિતા .. ૨૮..

શ્રીરંગનિલયા પૂજ્યા દિવ્યદેશ સુશોભિતા.
એવં શ્રીરંગનાયક્યા નામ્નામષ્ટોત્તરં શતં .. ૨૯..

યો નરઃ પઠતે નિત્યં નિત્ય નિર્વાણ સંયુતમ્
લબ્ધ્વા રંગપતેર્દાસઃ દાસસક્તો ભવિષ્યતિ.. ૩૦ ..

રઙ્ગીનેત્રશરેણતાડિતતનુઃ શેતે સ્વયં સુન્દરો
બદ્ધશ્ચમ્પકદામસુસ્તનતટીમગ્નોજનાદ્રીશ્વરઃ .
ભોગાપાટવલજ્જયાવટમહાધામાફણીન્દ્રેઽપત-
દ્રઙ્ગેશસ્તવવિસ્મિતેન મનસા ગોદે પરં તિષ્ઠતિ ..

.. ઇતિ તુલાકાવેરીમાહાત્મ્યે શન્તનું પ્રતિ ધૌમ્યોપદિષ્ટ શ્રીગોદાષ્ટોત્તરશતનામ સ્તોત્રમ્ ..