.. ಶ್ರೀಗೋದಾಷ್ಟೋತ್ತರಶತನಾಮಸ್ತೋತ್ರಮ್ ..

ಶತಮಖಮಣಿ ನೀಲಾ ಚಾರುಕಲ್ಹಾರಹಸ್ತಾ
ಸ್ತನಭರನಮಿತಾಙ್ಗೀ ಸಾನ್ದ್ರವಾತ್ಸಲ್ಯಸಿನ್ಧುಃ .
ಅಲಕವಿನಿಹಿತಾಭಿಃ ಸ್ರಗ್ಭಿರಾಕೃಷ್ಟನಾಥಾ
ವಿಲಸತು ಹೃದಿ ಗೋದಾ ವಿಷ್ಣುಚಿತ್ತಾತ್ಮಜಾ ನಃ ..

ಕರ್ಕಟೇ ಪೂರ್ವಫಾಲ್ಗುನ್ಯಾಂ ತುಲಸೀ ಕಾನನೋದ್ಭವಾಮ್ .
ಪಾಣ್ಯೇ ವಿಶ್ವಮ್ಭರಾಂ ಗೋದಾಂ ವನ್ದೇ ಶ್ರೀರಙ್ಗನಾಯಕೀಮ್ ..

ಶ್ರೀರಙ್ಗನಾಯಕೀ ಗೋದಾ ವಿಷ್ಣುಚಿತ್ತಾತ್ಮಜಾ ಸತೀ.
ಗೋಪೀವೇಷಧರಾ ದೇವೀ ಭೂಸುತಾ ಭೋಗಶಾಲಿನೀ..೧..

ತುಲಸೀಕಾನನೋದ್ಭೂತಾ ಶ್ರೀ ಧನ್ವಿಪುರವಾಸಿನೀ.
ಭಟ್ಟನಾಥಪ್ರಿಯಕರೀ ಶ್ರೀಕೃಷ್ಣಹಿತಭೋಗಿನೀ..೨..

ಆಭುಕ್ತಮಾಲ್ಯದಾ ಬಾಲಾ ರಙ್ಗನಾಥಪ್ರಿಯಾ ಪರಾ.
ವಿಶ್ವಮ್ಭರಾಂ ಕಲಾಲಾಪಾ ಯತಿರಾಜಸಹೋದರೀ..೩..

ಕೃಷ್ಣಾನುರಕ್ತಾ ಸುಭಗಾ ಸುಲಭಶ್ರೀ ಸಲಕ್ಷಣಾ.
ಲಕ್ಷ್ಮೀಪ್ರಿಯಸಖೀ ಶ್ಯಾಮಾ ದಯಾಞ್ಚಿತದೃಗಞ್ಚಲಾ.. ೪..

ಫಲ್ಗುನ್ಯಾವಿರ್ಭವಾ ರಮ್ಯಾ ಧನುರ್ಮಾಸಕೃತ ವ್ರತಾ.
ಚಮ್ಪಕಾಶೋಕಪುನ್ನಾಗ ಮಾಲತೀ ವಿಲಸತ್ಕಚಾ.. ೫..

ಆಕಾರತ್ರಯ ಸಂಪನ್ನಾ ನಾರಾಯಣಸಮಾಶ್ರಿತಾ.
ಶ್ರೀಮದಷ್ಟಾಕ್ಷರೀ ಮನ್ತ್ರರಾಜಸ್ಥಿತ ಮನೋರಥಾ..೬..

ಮೋಕ್ಷಪ್ರದಾನನಿಪುಣಾ ಮನ್ತ್ರರತ್ನಾಧಿದೇವತಾ.
ಬ್ರಹ್ಮಣ್ಯಾ ಲೋಕಜನನೀ ಲೀಲಾಮಾನುಷ ರೂಪಿಣೀ..೭..

ಬ್ರಹ್ಮಜ್ಞಾನುಗ್ರಹಾ ಮಾಯಾ ಸಚ್ಚಿದಾನನ್ದ ವಿಗ್ರಹಾ.
ಮಹಾಪತಿವ್ರತಾ ವಿಷ್ಣುಗುಣಕೀರ್ತನ ಲೋಲುಪಾ..೮..

ಪ್ರಪನ್ನಾರ್ತಿಹರಾ ನಿತ್ಯಾ ವೇದಸೌಧವಿಹಾರಿಣೀ.
ಶ್ರೀರಙ್ಗನಾಥ ಮಾಣಿಕ್ಯ ಮಞ್ಜರೀ ಮಞ್ಜುಭಾಷಿಣೀ.. ೯..

ಸುಗನ್ಧಾರ್ಥ ಗ್ರನ್ಥಕರೀ ರಂಗಮಂಗಲದೀಪಿಕಾ.
ಧ್ವಜವಜ್ರಾಙ್ಕುಶಾಬ್ಜಾಙ್ಕ ಮೃದುಪಾದತಲಾಞ್ಚಿತಾ..೧೦..

ತಾರಕಾಕಾರ-ನಖರಾಪ್ರವಾಲ ಮೃದುಲಾಂಗುಲೀ.
ಕೂರ್ಮೋಪಮೇಯ ಪಾದೋರ್ಧ್ವಭಾಗಾ ಶೋಭನಪಾರ್ಷ್ಣಿಕಾ..೧೧..

ವೇದಾರ್ಥಭಾವವಿದಿತ – ತತ್ವಬೋಧಾಙ್ಘ್ರಿಪಂಕಜಾ.
ಆನನ್ದ-ಬುದ್ಬುದಾಕಾರ ಸುಗುಲ್ಫಾ ಪರಮಾಣುಕಾ..೧೨..

ತೇಜಶ್ಶ್ರಿಯೋಜ್ಜ್ವಲಧೃತಪಾದಾಂಗುಲಿಸುಭೂಷಿತಾ.
ಮೀನಕೇತನತುಣೀರ ಚಾರುಜಂಘಾ ವಿರಾಜಿತಾ..೧೩..

ಕಕುದ್ವಜ್ಜಾನುಯುಗ್ಮಾಢ್ಯಾ ಸ್ವರ್ಣರಮ್ಭಾಭಸಕ್ಥಿಕಾ.
ವಿಶಾಲ ಜಘನಾ ಪೀನಸುಶ್ರೋಣೀ ಮಣಿಮೇಖಲಾ..೧೪..

ಆನನ್ದಸಾಗರಾವರ್ತಗಮ್ಭೀರಾಮ್ಭೋಜನಾಭಿಕಾ.
ಭಾಸ್ವದ್ವಲಿತ್ರಿಕಾ ಚಾರುಜಗತ್ಪೂರ್ಣ ಮಹೋದರೀ..೧೫..

ನವಮಲ್ಲೀ ರೋಮರಾಜೀ ಸುಧಾಕುಮ್ಭಾಯಿತಸ್ತನೀ.
ಕಲ್ಪಮಾಲಾನಿಭ ಭುಜಾ ಚನ್ದ್ರ ಖಣ್ಡನಖಾಞ್ಚಿತಾ.. ೧೬..

ಸುಪ್ರವಾಲಾಂಗುಲೀನ್ಯಸ್ತ ಮಹಾರತ್ನಾಗುಲೀಯಕಾ.
ನವಾರುಣಪ್ರವಾಲಾಭ ಪಾಣಿದೇಶಸಮಞ್ಚಿತಾ..೧೭..

ಕಮ್ಬುಕಣ್ಠೀ ಸುಚುಬುಕಾ ಬಿಮ್ಬೋಷ್ಠೀಕುನ್ದದನ್ತಯುಕ್.
ಕಾರುಣ್ಯರಸ ನಿಸ್ಯನ್ದಿನೇತ್ರದ್ವಯ ಸುಶೋಭಿತಾ..೧೮..

ಮುಕ್ತಾ ಸುಚಿಸ್ಮಿತಾ ಚಾರುಚಾಂಪೇಯನಿಭ ನಾಸಿಕಾ.
ದರ್ಪಣಾಕಾರವಿಪುಲಕಪೋಲದ್ವಿತಯಾಞ್ಚಿತಾ .. ೧೯..

ಅನಂನ್ತಾರ್ಯಪ್ರಕಾಶೋದ್ಯನ್ಮಣಿ ತಾಟಂಕ ಶೋಭಿತಾ..

ಕೋಟಿಸೂರ್ಯಾಗ್ನಿ ಸಂಕಾಶ-ನಾನಾಭೂಷಣಭೂಷಿತಾ .. ೨೦..

ಸುಗನ್ಧವದನಾ ಸುಭ್ರುರರ್ಧಚಂದ್ರಲಲಾಟಿಕಾ .
ಪೂರ್ಣಚನ್ದ್ರಾನನಾ ನೀಲಕುಟಿಲಾಲಕ ಶೋಭಿತಾ .. ೨೨..

ಸೌನ್ದರ್ಯಸೀಮಾ ವಿಲಸತ್ಕಸ್ತೂರಿತಿಲಕೋಜ್ವಲಾ
ಧಗದ್ಧಗಾಯಮಾನೋದ್ಯನ್ಮಣಿ ಸೀಮನ್ತ ಭೂಷಣಾ .. ೨೩..

ಜಾಜ್ಜ್ವಲ್ಯಮಾನಸದ್ರತ್ನ ದಿವ್ಯಚೂಡಾವತಂಸಕಾ .
ಸೂರ್ಯಾರ್ಧಚಂದ್ರ ವಿಲಸತ್ ಭೂಷಣಾಞ್ಚಿತ ವೇಣಿಕಾ .. ೨೪..

ನಿಗನ್ನಿಗದ್ರತ್ನಪುಂಜ ಪ್ರಾನ್ತಸ್ವರ್ಣನಿಚೋಲಿಕಾ .
ಸದ್ರತ್ನಾಞ್ಚಿತವಿದ್ಯೋತ ವಿದ್ಯುತ್ಕುಞ್ಜಾಭ ಶಾಟಿಕಾ .. ೨೫ ..

ಅತ್ಯರ್ಕಾನಲ ತೇಜೋಧೀಃ ಮಣಿಕಞ್ಚುಕ ಧಾರಿಣೀ .
ನಾನಾಮಣಿಗಣಾಕೀರ್ಣ ಹೇಮಾಂಗದ ಸುಭೂಷಿತಾ .. ೨೬..

ಕುಂಕುಮಾಗರು ಕಸ್ತೂರೀ ದಿವ್ಯ ಚನ್ದನ ಚರ್ಚಿತಾ .
ಸ್ವೋಚಿತೌಜ್ವಲ್ಯ ವಿವಿಧ ವಿಚಿತ್ರಮಣಿಹಾರಿಣೀ .. ೨೭..

ಅಸಂಖ್ಯೇಯ ಸುಖಶಸ್ಪರ್ಶಸರ್ವಾತಿಶಯ ಭೂಷಣಾ .
ಮಲ್ಲಿಕಾ ಪಾರಿಜಾತಾದಿ ದಿವ್ಯಪುಷ್ಪ ಸ್ರಗಂಚಿತಾ .. ೨೮..

ಶ್ರೀರಂಗನಿಲಯಾ ಪೂಜ್ಯಾ ದಿವ್ಯದೇಶ ಸುಶೋಭಿತಾ.
ಏವಂ ಶ್ರೀರಂಗನಾಯಕ್ಯಾ ನಾಮ್ನಾಮಷ್ಟೋತ್ತರಂ ಶತಂ .. ೨೯..

ಯೋ ನರಃ ಪಠತೇ ನಿತ್ಯಂ ನಿತ್ಯ ನಿರ್ವಾಣ ಸಂಯುತಮ್
ಲಬ್ಧ್ವಾ ರಂಗಪತೇರ್ದಾಸಃ ದಾಸಸಕ್ತೋ ಭವಿಷ್ಯತಿ.. ೩೦ ..

ರಙ್ಗೀನೇತ್ರಶರೇಣತಾಡಿತತನುಃ ಶೇತೇ ಸ್ವಯಂ ಸುನ್ದರೋ
ಬದ್ಧಶ್ಚಮ್ಪಕದಾಮಸುಸ್ತನತಟೀಮಗ್ನೋಜನಾದ್ರೀಶ್ವರಃ .
ಭೋಗಾಪಾಟವಲಜ್ಜಯಾವಟಮಹಾಧಾಮಾಫಣೀನ್ದ್ರೇಽಪತ-
ದ್ರಙ್ಗೇಶಸ್ತವವಿಸ್ಮಿತೇನ ಮನಸಾ ಗೋದೇ ಪರಂ ತಿಷ್ಠತಿ ..

.. ಇತಿ ತುಲಾಕಾವೇರೀಮಾಹಾತ್ಮ್ಯೇ ಶನ್ತನುಂ ಪ್ರತಿ ಧೌಮ್ಯೋಪದಿಷ್ಟ ಶ್ರೀಗೋದಾಷ್ಟೋತ್ತರಶತನಾಮ ಸ್ತೋತ್ರಮ್ ..