.. శ్రీగోదాష్టోత్తరశతనామస్తోత్రమ్ ..

శతమఖమణి నీలా చారుకల్హారహస్తా
స్తనభరనమితాఙ్గీ సాన్ద్రవాత్సల్యసిన్ధుః .
అలకవినిహితాభిః స్రగ్భిరాకృష్టనాథా
విలసతు హృది గోదా విష్ణుచిత్తాత్మజా నః ..

కర్కటే పూర్వఫాల్గున్యాం తులసీ కాననోద్భవామ్ .
పాణ్యే విశ్వమ్భరాం గోదాం వన్దే శ్రీరఙ్గనాయకీమ్ ..

శ్రీరఙ్గనాయకీ గోదా విష్ణుచిత్తాత్మజా సతీ.
గోపీవేషధరా దేవీ భూసుతా భోగశాలినీ..1..

తులసీకాననోద్భూతా శ్రీ ధన్విపురవాసినీ.
భట్టనాథప్రియకరీ శ్రీకృష్ణహితభోగినీ..2..

ఆభుక్తమాల్యదా బాలా రఙ్గనాథప్రియా పరా.
విశ్వమ్భరాం కలాలాపా యతిరాజసహోదరీ..3..

కృష్ణానురక్తా సుభగా సులభశ్రీ సలక్షణా.
లక్ష్మీప్రియసఖీ శ్యామా దయాఞ్చితదృగఞ్చలా.. 4..

ఫల్గున్యావిర్భవా రమ్యా ధనుర్మాసకృత వ్రతా.
చమ్పకాశోకపున్నాగ మాలతీ విలసత్కచా.. 5..

ఆకారత్రయ సంపన్నా నారాయణసమాశ్రితా.
శ్రీమదష్టాక్షరీ మన్త్రరాజస్థిత మనోరథా..6..

మోక్షప్రదాననిపుణా మన్త్రరత్నాధిదేవతా.
బ్రహ్మణ్యా లోకజననీ లీలామానుష రూపిణీ..7..

బ్రహ్మజ్ఞానుగ్రహా మాయా సచ్చిదానన్ద విగ్రహా.
మహాపతివ్రతా విష్ణుగుణకీర్తన లోలుపా..8..

ప్రపన్నార్తిహరా నిత్యా వేదసౌధవిహారిణీ.
శ్రీరఙ్గనాథ మాణిక్య మఞ్జరీ మఞ్జుభాషిణీ.. 9..

సుగన్ధార్థ గ్రన్థకరీ రంగమంగలదీపికా.
ధ్వజవజ్రాఙ్కుశాబ్జాఙ్క మృదుపాదతలాఞ్చితా..10..

తారకాకార-నఖరాప్రవాల మృదులాంగులీ.
కూర్మోపమేయ పాదోర్ధ్వభాగా శోభనపార్ష్ణికా..11..

వేదార్థభావవిదిత – తత్వబోధాఙ్ఘ్రిపంకజా.
ఆనన్ద-బుద్బుదాకార సుగుల్ఫా పరమాణుకా..12..

తేజశ్శ్రియోజ్జ్వలధృతపాదాంగులిసుభూషితా.
మీనకేతనతుణీర చారుజంఘా విరాజితా..13..

కకుద్వజ్జానుయుగ్మాఢ్యా స్వర్ణరమ్భాభసక్థికా.
విశాల జఘనా పీనసుశ్రోణీ మణిమేఖలా..14..

ఆనన్దసాగరావర్తగమ్భీరామ్భోజనాభికా.
భాస్వద్వలిత్రికా చారుజగత్పూర్ణ మహోదరీ..15..

నవమల్లీ రోమరాజీ సుధాకుమ్భాయితస్తనీ.
కల్పమాలానిభ భుజా చన్ద్ర ఖణ్డనఖాఞ్చితా.. 16..

సుప్రవాలాంగులీన్యస్త మహారత్నాగులీయకా.
నవారుణప్రవాలాభ పాణిదేశసమఞ్చితా..17..

కమ్బుకణ్ఠీ సుచుబుకా బిమ్బోష్ఠీకున్దదన్తయుక్.
కారుణ్యరస నిస్యన్దినేత్రద్వయ సుశోభితా..18..

ముక్తా సుచిస్మితా చారుచాంపేయనిభ నాసికా.
దర్పణాకారవిపులకపోలద్వితయాఞ్చితా .. 19..

అనంన్తార్యప్రకాశోద్యన్మణి తాటంక శోభితా..

కోటిసూర్యాగ్ని సంకాశ-నానాభూషణభూషితా .. 20..

సుగన్ధవదనా సుభ్రురర్ధచంద్రలలాటికా .
పూర్ణచన్ద్రాననా నీలకుటిలాలక శోభితా .. 22..

సౌన్దర్యసీమా విలసత్కస్తూరితిలకోజ్వలా
ధగద్ధగాయమానోద్యన్మణి సీమన్త భూషణా .. 23..

జాజ్జ్వల్యమానసద్రత్న దివ్యచూడావతంసకా .
సూర్యార్ధచంద్ర విలసత్ భూషణాఞ్చిత వేణికా .. 24..

నిగన్నిగద్రత్నపుంజ ప్రాన్తస్వర్ణనిచోలికా .
సద్రత్నాఞ్చితవిద్యోత విద్యుత్కుఞ్జాభ శాటికా .. 25 ..

అత్యర్కానల తేజోధీః మణికఞ్చుక ధారిణీ .
నానామణిగణాకీర్ణ హేమాంగద సుభూషితా .. 26..

కుంకుమాగరు కస్తూరీ దివ్య చన్దన చర్చితా .
స్వోచితౌజ్వల్య వివిధ విచిత్రమణిహారిణీ .. 27..

అసంఖ్యేయ సుఖశస్పర్శసర్వాతిశయ భూషణా .
మల్లికా పారిజాతాది దివ్యపుష్ప స్రగంచితా .. 28..

శ్రీరంగనిలయా పూజ్యా దివ్యదేశ సుశోభితా.
ఏవం శ్రీరంగనాయక్యా నామ్నామష్టోత్తరం శతం .. 29..

యో నరః పఠతే నిత్యం నిత్య నిర్వాణ సంయుతమ్
లబ్ధ్వా రంగపతేర్దాసః దాససక్తో భవిష్యతి.. 30 ..

రఙ్గీనేత్రశరేణతాడితతనుః శేతే స్వయం సున్దరో
బద్ధశ్చమ్పకదామసుస్తనతటీమగ్నోజనాద్రీశ్వరః .
భోగాపాటవలజ్జయావటమహాధామాఫణీన్ద్రేఽపత-
ద్రఙ్గేశస్తవవిస్మితేన మనసా గోదే పరం తిష్ఠతి ..

.. ఇతి తులాకావేరీమాహాత్మ్యే శన్తనుం ప్రతి ధౌమ్యోపదిష్ట శ్రీగోదాష్టోత్తరశతనామ స్తోత్రమ్ ..