.. ஶ்ரீ ந்ருஸிம்ஹாஷ்டகம் ..

ஶ்ரீ ந்ருஸிம்ஹாஷ்டகம்

ஶ்ரீமத₃கலங்கபரிபூர்ணஶஶிகோடி -
ஶ்ரீத₄ர மநோஹர ஸடாபடலகாந்த.
பாலய க்ருபாலய ப₄வாம்பு₃தி₄ நிமக்₃நம்
தை₃த்யவரகால நரஸிம்ஹ ! நரஸிம்ஹ !.. 1 ..

பாத₃கமலாவநதபாதகிஜநாநாம்
பாதகத₃வாநல பதத்ரிவரகேதோ.
பா₄வந பராயண ப₄வாதிஹரயா மாம்
பாஹி க்ருபயைவ நரஸிம்ஹ! நரஸிம்ஹ!.. 2 ..

துங்க₃நக₂ பங்க்தி த₃லிதாஸுரவராஸ்ருக் -
பங்கநவகுங்குமவிபங்கிலமஹோர꞉.
பண்டி₃தநிதா₄ந கமலாலய நமஸ்தே
பங்கஜநிஷண்ண நரஸிம்ஹ ! நரஸிம்ஹ!.. 3 ..

மௌளிஷு விபூ₄ஷணமிவாமரவராணாம்
யோகி₃ஹ்ருத₃யேஷு ச ஶிரஸ்ஸு நிக₃மாநாம்..

ராஜத₃ரவிந்த₃ருசிரம் பத₃யுக₃ம் தே
தே₃ஹி மம மூர்த்₄நி நரஸிம்ஹ! நரஸிம்ஹ !.. 4 ..

வாரிஜவிலோசந மத₃ந்திமத₃ஶாயாம்
க்லேஶவிவஶீக்ருதஸமஸ்தகரணாயாம்.
ஏஹி ரமயா ஸஹ ஶரண்ய ! விஹகா₃நாம்
நாத₂மதி₄ருஹ்ய நரஸிம்ஹ! நரஸிம்ஹ !.. 5 ..

ஹாடககிரீடவரஹாரவநமாலா -
தாரரஶநாமகரகுண்ட₃லமணீந்த்₃ரை꞉.
பூ₄ஷிதமஶேஷ நிலயம் தவ வபுர்மே
சேதஸி சகாஸ்து நரஸிம்ஹ ! நரஸிம்ஹ !.. 6 ..

இந்து₃ரவிபாவகவிலோசந ரமாயா꞉
மந்தி₃ர மஹாபு₄ஜலஸத்₃வரரதா₂ங்க₃!
ஸுந்த₃ர சிராய ரமதாம் த்வயி மநோ மே
நந்தி₃தஸுரேஶ நரஸிம்ஹ! நரஸிம்ஹ!.. 7 ..

மாத₄வ முகுந்த₃ மது₄ஸூத₃ந முராரே
வாமந ந்ருஸிம்ஹ ஶரணம் ப₄வ நதாநாம்.
காமத₃ க்₄ருணிந நிகி₂லகாரண நயேயம்
காலமமரேஶ நரஸிம்ஹ ! நரஸிம்ஹ !.. 8 ..

அஷ்டகமித₃ம் ஸகலபாதகப₄யக்₄நம்
காமத₃மஶேஷது₃ரிதாமயரிபுக்₄நம்.
ய꞉ பட₂தி ஸந்ததமஶேஷநிலயம் தே
க₃ச்ச₂தி பத₃ம் ஸ நரஸிம்ஹ ! நரஸிம்ஹ !.. 9 ..