உபதே₃ஶரத்நமாலா

அஸ்மாஸு வத்ஸலதயா க்ருபயா ச பூ₄ய꞉
ஸ்வேச்சா₂வதீர்ணமிவ ஸௌம்யவரம் முநீந்த்₃ரம்.
ஆசார்ய பௌத்ரமபி₄ராமவரா பி₄தா₄ந
மஸ்மத்₃கு₃ரம் பரம காருணிகம் நமாமி..1..

ப்ராக் ஶ்ரீகி₃ரீந்த்₃ரகு₃ருராடு₃பதி₃ஷ்ட மார்க₃ம்
கார்த்ஸ்யேந ஸம்நிக₃த₃தா ருசிரோபயந்த்ரா.
ஸ்வப்ரேமத꞉ ஸுகலிதா முபதே₃ஶரத்ந
மாலாம் வஹந்தி ஹ்ருதி₃ யே மம தே ஶரண்யா꞉..2..

அத₂ உபதே₃ஶரத்நமாலா
மத்₃தே₃ஶிக த்₃ரவிட₃வேத₃ கூ₃ரோ꞉ ப்ரஸாதா₃-
ல்லப்₃த₄ம் விசிந்த்ய ஸரஸாது₃பதே₃ஶ மார்க₃ம்.
பஶ்சாத்தநார்த₂ முபதே₃ஶமிமம் ப்₃ரவீமி
வ்ருத்தே வஸந்த திலகே விநிவேஶ்ய ஸௌம்யே..1..

நந்த₃ந்தி யே ஶ்ருதித₄நா꞉ ஸுக்ருதீப்ஸவோ(அ)பி
யத்நோயமஸ்மது₃பகார இதி ப்ரஹ்ருஷ்டா꞉.
அந்யேது மத்ஸரவஶாத₃வதீ₄ரயேரந்
கிம் தேந தை ரவமதி꞉ கிமு விஸ்மயாய..2..

ப₄த்₃ரம் ஶடா₂ரிமுக₂ப₄க்த ஜநஸ்ய தத்தத்
தி₃வ்ய ப்ரப₃ந்த₄ நிவஹஸ்ய ச தோ₃ஷ லேஶாத்.
முக்தஸ்ய தே₃ஶிகஜநஸ்ய தது₃க்திராஶே
ரூஜ்ஜீவநஸ்ய ஜக₃தாம் ஸஹிதஸ்ய வேதை₃꞉..3..

காஸாரபூ₄தமஹதா₃ஹ்வய ப₄க்திஸார
ஶ்ரீமச்ச₂டா₂ரி குலஶேக₂ர ப₄ட்டநாதா₂꞉.
ப₄க்தாக்₄ரிரேணு முநியாநகலித்₃ருஹோ(அ)பி
பூ₄மௌ விதேநுரமுத꞉ க்ரமதோ (அ)வதாரம்..4..

ஆவித்₃யமந்த₄தமஸம்பரிஹர்து மஸ்மிந்
லோகே (அ)வதீர்ய ஸரஸைர்த்₃ரவிட₃ ப்ரப₃ந்தை₄꞉.
வேதா₃ந் விவர்திதவதாமவதாரமாஸ
தாரா꞉ க்ரமாத₃பி₄த₃தே₄ ஶட₂ஜிந்முகா₂நாம்..5..

ஸர்வத்ர கீ₃தயஶஸ꞉ ஸரஆஹ்வயஸ்ய
பூ₄தாபி₄தா₄நமஹதா₃ஹ்வய யோஶ்சகு₃ர்வோ꞉.
தி₃வ்யாவதார தி₃வஸாநி துலாக்₂யமாஸி
திஸ்ர꞉ க்ரமாத₃பி₄த₃தே₄ ஶ்ரவணாதி₃ தாரா꞉..6..

ப₄க்தேஷ்வமீஷு த₃ஶஸுப்ரத₂மம் பரேப்₄ய
ஏதே த்ரய: ஸமுதி₃தா த்₃ரவிடா₃க₃மை꞉ ஸ்வை꞉.
யஸ்மாஜ்ஜக₃ந்தி ஸகலாந்யுபஜீவயந்தோ
ப₄க்தாஸ்தத꞉ ப்ரத₂ம இத்யபி₄தா₄நமேஷாம்..7..

நாவைஷி வைப₄வமமுஸ்ய தி₃நஸ்ய முக்₃த₄
சேத꞉ கிமேததி₃திப்ருச்ச₂ஸி சேப்₃ரவீமி.
பஶ்ய த்வமத்₃ய பரகாலகவே꞉ ப்ரதீ₃ப்தா
தி₃வ்யோத₃யேந நநு கார்திகக்ருத்திகாஸ்தா꞉..8..

அங்கா₃நிஷட்₃த்₃ரவிட₃வேத₃ சதுஷ்டயஸ்ய
கர்தும் ஶடா₂ரிகலிதஸ்ய கலிப்ரஶாஸ்தா.
யத்ராவிராஸ பு₄வி கார்த்திக க்ருத்திகாஸு
தத்₃வைப₄வஜ்ஞ பத₃பத்₃மமுபைஹி சேத꞉..9..

அத்₃யோர்ஜமாஸி நநு ரோஹிணிதாரகா ஸா
யஸ்யாமவாதரத₃ஸௌ முநிவாஹநார்ய꞉.
ஏதத்க்ருதாவமலநாதி₃பிராந் ப்ரப₃ந்தே₄
ரஜ்யத்₃பி₄ராஸ்திகஜநை ர்தி₃நமத்₃யலால்யம்..10..

ஜ்யேஷ்டா₂ (அ)த்₃ய மாஸி த₄நுஷி ப்ரதி₂மா குதோ(அ)ஸ்யா꞉
ப்ருச்ச்₂யேத சேதி₃திஜநா꞉ கத₂யாம்யஹம் வ꞉.
விப்ரேந்த்₃ர ப₄க்தபத₃ரேண்வவதாரயோகா₃த்
த்ரைவித்₃யப்₃ருத்₃த₄ ப₃ஹுமாநபத₃ம் ஶுபா₄ஹ꞉..11..

தாராம் ஜநா꞉ ஶ்ருணுத தைஷமகா₄ கிலாத்₃ய
தஸ்யா ப்₃ரு வேஹ மதிஶாயிமஹாநுபா₄வம்.
லப்₃த₄ப்ரஸந்நமதிபை₃ப₄வ ப₄க்திஸார
தி₃வ்யாவதார தி₃வஸோ(அ)யமபி₄ஜ்ஞ லால்ய꞉..12..

கும்பே₄புநர்வஸு ப₄மத்₃ய விலோகயத்₄வம்,
தேஜ꞉ கிமஹ்ந இதி சேத₃ஹமஸ்ய வக்ஷ்யே.
கோல்லீபுரீஶ குலஶேக₂ர ஜந்ம யோகா₃த்
ஶ்லாகா₄பத₃ம் ப₄வதி தாரமித₃ம் பு₃தா₄நாம்..13..

ஆக்₂யாமி சாருதர மாத₄வமாஸி ராதா₄
தாராநுபா₄வமவநீஜந போ₃த₄நாய.
த்₃ரஷ்டுஸ்த்ரயீம் த்₃ரவிட₃த꞉ குருகேஶ்வரஸ்ய
தி₃வ்யாவதார தி₃வஸோ(அ)த்₃யஹி ஸத்யவாச꞉..14..

தாரம் கிமஸ்தி வத மாத₄வ மாஸி ராதா₄
துல்யம் கிமஸ்தி ஶட₂கோப ஸமாந ஏக꞉.
கி வாஸ்தி தத்₃த்₃ரவிட₃ வேத₃ஸம꞉ ப்ரப₃ந்த₄꞉
கி பத்தநம் குருகயா ஸமமஸ்தி லோகே..15..

அத்₃ய ப்ரபா₄வமபி மாநஸ கிம்ந வேத்ஸி
கோ(அ)ஸ்ய ப்ரபா₄வ இதி சேத் ப்ரதிபாத₃யாமி.
பல்லாண்டு₃கா₃நபர ப₄ட்டபதே꞉ ப்ரஸூதி꞉
ஸ்வாதீ கிலாத்₃ய மிஹிரே மிது₂நம் ப்ரபந்நே..16..

ப₄ட்டாதி₄போத₃ய இஹேத்யதி₄ ஶுக்ர மாஸம்
ஸ்வாதீம் ய ஆர்த்₃ரஹ்ருத₃யா முஹுராத்₃ரியந்தே.
தேஷாம் ந ஸந்தி ஸத்₃ருஶா ஜக₃தீதி சேத-
ஶ்சிந்தாமிமாமநுகலம் பரிவப்₃ரும்ஹயேதா₂꞉..17..

ப₄க்தேஷ்வமீஷு மது₄ஶாஸந மம்க₃லாநா-
மாஶாஸநே(அ)நவவிகா ப்ரியதா யத₃ஸ்ய.
ப₄ட்டேஶ்வரஸ்ய பிரியோபபத₃ம் ப்ரதீத
மால்வாரிதி ப்ரவவ்ருதே தத ஏவ நாம..18..

அந்யஸ்யப₄க்தநிவஹஸ்ய நிப₃ந்த₄நாநா-
மேதத்க்ருதாதி₃ மநிப₃ந்த₄நமாதி₃ராஸீத்.
தத்ஸார ஸம்க்₃ரஹதயாபி ச மம்க₃லாநா-
மாபாத₃நாத் ப்ரணவவந்நிகி₂லாக₃மாநாம்..19..

ஶ்ரீ ப₄ட்டநாத₂தது₃பஜ்ஞ நிப₃ந்த₄நாப்₄யாம்
கோ வா ப்ரப₃ந்த₄ புருஷௌ ஸத்₃ருஶௌ ப₄வேதாம்.
த்₃ரஷ்ட்ர்ருஷ்வமீஷு நிகி₂ல த்₃ரவிடா₃க₃மாநாம்
தேஷ்வாக₃மேஷு ச விசிந்தய சேத? ஏதத்..20..

ஶ்ரீ விஷ்ணுசித்தது₃ஹிது ர்ஜக₃தாம் ஜநந்யா꞉
ப்ரக்₂யாவதோ மது₄ரபூர்வகவேஶ்ச நாம்நா.
ராமாநுஜஸ்ய கருணாம்ருதவாரி ராஶே-
ர்மாஸேந ஸாகமவதார தி₃நம் ப்₃ரவீமி..21..

மாஸே ஶுசௌ ப்ரத₂மப₂ல்கு₃நிகா ஹி ஸைஷா
கோ₃தா₃(அ)த்ர க₂ல்வவததார ஸுரக்ஷிதும் ந꞉.
போ₄கா₃ம்ஶ்ச பாரமபதா₃நவமத்ய நித்யாந்
ப₄ட்டேஶ்வரஸ்ய மஹிதா து₃ஹிதா ப₄வந்தீ..22..

ஶ்ரீ விஷ்ணுசித்தது₃ஹித்ருத்வவரேண்ய கோ₃தா₃
தி₃வ்யோத₃யேந மஹிதா ஶுசிப₂ல்கு₃நீயம்.
தத்துல்யமஸ்தி கிமு சிந்தய சித்த தாரம்
கோ₃தோ₃பமா யதி₃ ப₄வேத்ததி₃த₃ம் ததா₃ ஸ்யாத்..23..

வஹ்வீயஸ꞉ ப்ரணயதோ ப₄க₃வத்யஜஸ்ர-
மஸ்தா₂நரக்ஷணப₄யாகுலவம்ஶஜாதாம்.
ப₄க்தாநமூந் நிஜகு₃ணைரதிவர்த மாநாம்
வால்யே(அ)பி பக்வசரிதாம் ப₄ஜ சித்த! கோ₃தா₃ம்..24..

யத்ரோத₃பூ₄ந்மது₄ரபூர்வகவிர்மஹீயாந்
தாமத்₃விதீயவிப₄வாம் மது₄மாஸி சித்ராம்.
உக்தாந்யப₄க்த நிவஹோத₃யவாஸராந்ந꞉
க்ஷேமம்கரீமநுதி₃நம் ஹ்ருத₃யாவதே₄ஹி..25..

மந்த்ராதி₄பே மஹதி மத்₄யபத₃ம் யதா₂(ஆ)ஸீ-
தே₃வம் ஹி பூர்வகு₃ரவோ த்₃ரபி₃டா₃க₃மாநாம்.
ஆகூதமந்யஜநது₃ர்க்₃ரஹமத்ரமத்வா
மத்₄யே ந்யது₄ர்மது₄ர பூர்வகவே꞉ ப்ரப₃ந்த₄ம்..26..

ஆர்த்₃ராப₄மத்₃ய க₂லு மாஸி மதௌ₄ மநோஜ்ஞே
கோ வா(அ)ந்யதோ(அ)ஸ்யக₃ரிமேத்யநுயோக₃க்ருத்₃ப்₄ய꞉.
வக்ஷ்யே யதீஶ்வர ஸமுத்₃ப₄வவைப₄வேந
தாரம் ததே₃தத₃கி₂லை꞉ பரிபாலநீயம்..27..

தி₃வ்யோத₃யர்க்ஷ நிவஹாச்ச₂ட₂ஜிந்முகா₂நாம்
நக்ஷத்ரமேதத₃தி₄கம் குஶலாவஹம் ந꞉.
ஆர்த்₃ராஹ்வயேந விதி₃தேமது₄மாஸபா₄ஜி
யத்ராவிராஸ ப₄க₃வாந் யதிஸார்வபௌ₄ம꞉..28..

அஸ்மத்₃கு₃ரோ ர்யதிபதே꞉ கருணாம்பு₃ராஶே-
ஸ்த்ராணாய நோ பு₄வி லஸத்₃ப₄வதாரகேதி.
ஆர்த்₃ராப₄வைப₄வமநந்ய ஸமாநமேத-
த்₃வேலாஸு சித்த நிகி₂லாஸ்வநுஸந்த₃தீ₄தா₂꞉..29..

ஏதாஸ்ஸர꞉ ப்ரமுக₂ஜந்ம பு₄வோ ஹி காஞ்சீ
மல்லௌ மயூரநக₃ரீ கலிவைரிணஸ்து.
ஜந்மஸ்த₂லீ குரைய்யலூரிதி விஶ்ருதாபூ₄-
ருத்பத்தி பூ₄மி ருரைய்யூர்முநி வாஹநஸ்ய..30..

ப்ருத்₂வ்யாம்ஹி ப₄க்தபத₃ரேண்வவதார பூ₄மி
மண்ட₃ங்கு₃டீ₃தி நக₃ரீ மஹிதா ப்ரதீதா.
விக்₂யாதகீர்தி குலஶேக₂ர ஜந்மதே₃ஶ꞉
ப்ரக்₂யாவதீ நிசுலநாமபுரீ ஜக₃த்யாம்..31..

மாந்யாபுரீ மலிஶயித்யபி₄தா₄நரம்யா
ப்ரார்த்₂யாம் ஜநஸ்ய குருகாபி ச வில்லிபுத்தூர்.
ஶ்ரீ ப₄க்திஸார ஶட₂ஶாதந விஷ்ணுசித்த
ஜந்மஸ்த₂லாநி பு₄வந ப்ரதி₂தாந்யமூநி..32..

கோ₃தா₃ஸமுத்₃ப₄வபுரம் பு₄வி வில்லிபுத்துர்
கோலூர்புரம்மது₄ரபூர்வகவே꞉ ப்ரஸூதி꞉.
ராமாநுஜஸ்ய கருணா வருணாலயஸ்ய
மாந்யே மஹோபபத₃ பூ₄தபுரே (அ)வதார꞉..33..

ப₄க்தாந் பராங்குஶமுகா₂நபிதத்ப்ரப₃ந்தா₄ந்
தத்₃வை ப₄வார்ஹ முபலாலயதாம் கு₃ரூணாம்.
உஜ்ஜீவநாய ஜக₃தாமுதி₃தா꞉ ப்ரதீதா
தி₃வ்ய ப்ரப₃ந்த₄விஷயா꞉ கத₂யாமி டீகா꞉..34..

ப₄க்தேஷு தேஷு வகுலா ப₄ரணாதி₃மேஷு
தத்தத்ப்ரப₃ந்த₄நிவஹே க்ருத ப₄க்திமாந்த்₃யா꞉.
கோ₄ரே பதந்தி நரகே து ஸமீப மேஷாம்
ப்ராப்தும் ச பீ₄பரி வ்ருத꞉ த்யஜ சித்த தாம்ஸ்த்வம்..35..

ப்ரஜ்ஞாவத₃க்₃ரஸரகேஸரபூ₄ஷணாதி₃
ப₄க்தப்ரபா₄வமபிதி₃வ்ய நிப₃ந்த₄ பூ₄ம்ந꞉.
நாதா₂த₃யோ யதி₃பரம் நப₄வேயுரார்யா꞉
கே வா வித₃ந்தி ஹ்ருத₃ய த்வமித₃ம் மநுஷ்வ..36..

ஏகைகபூருஷ ஸுரக்ஷிதவம்ஶ ரித்யா
கு₃ப்தா ப்ரபத்தி பத₃வீ கு₃ருபி₄꞉ புராணை꞉.
ராமாநுஜஸ்து பரயா த₃யயா த₃யாலு꞉
ஸீமாமிமாமதியயௌ ஜக₃தாம் ஹிதாய..37..

அஸ்யோசிதாம் பரம வைதி₃க த₃ர்ஶநஸ்ய
ராமாநுஜார்யரசிதோ பக்ருதிம் க்ருதஜ்ஞ꞉.
ரங்கே₃ஶ்வர꞉ ப்ரத₂யிதும் ரசயாஞ்சகார
ராமாநுஜஸ்ய மதமித்யபி₄தா₄நமஸ்ய..38..

சந்த்₃ரோ யதீந்த்₃ரஜலதே₄꞉ குருகாதி₄பார்ய꞉
ஶ்ரீ மாத₄வோமுநிருபா₄வபி க்ருஷ்ணஸூரீ.
யோகீ₃ ச ஸுந்த₃ரப₃ரோ ஹி ஸஹஸ்ரகா₃தா₂
வ்யாக்₂யா வ்யது₄ர்ஹத₃ய தாநநிஶம் ப₄ஜேதா₂꞉..39..

ஏதாஶ்ஶடா₂ரி க்ருதகீ₃தி ஸஹஸ்ரடீகா
க்ல்ருப்தா நசேத்₃ கு₃வரை꞉ குருகேஶமுக்₂யை꞉.
தஸ்ய ப்ரப₃ந்த₄ திலகஸ்ய ஹி ஹந்த பா₄வம்
ஜாநந்தி கே(அ)த்₃ய ஹ்ருத₃ய த்வமுதீ₃ரயேதா₂꞉..40..

நி꞉ஸீம நிர்மலதி₄யா குருகாதி₄பேந
லப்₃த்₄வா ப்ரஸாத₃லஹரிம் யதி பும்க₃வஸ்ய.
கா₃தா₂ஸஹஸ்ரவிஷயா விஹிதா ஹி டீகா
ஸம்க்₃ருஹ்ணதி ஸகலமாத்மநி ஷட்ஸஹஸ்ரீ..41..

ப்ரஜ்ஞாவதாம் நிரவதி₄ ப்ரதி₂தாத்ம பூ₄மா
ப₄ட்டாரகஸ்ய த₃யயா நிக₃மாந்த யோகீ₃.
யாமாததாநஶட₂ஜிந்நிக₃மஸ்ய டீகா
ஸா க்₃ரந்த₂தோ நவஸஹஸ்ரமிதா ஸமிந்தே₄..42..

லப்₃த்₄வா க்ருபாஸமுதி₃தம் கலிவைரிதா₃ஸ
ஸூரேர்நிதே₃ஶமப₄ய ப்ரத₃ராஜநாமா.
யத் க்ல்ருப்தவாந் விவரணம் த்₃ரவிடா₃க₃மஸ்ய
தத்₃க்₃ரந்த₂தஸ்த்ரி கு₃ணிதாஷ்ட ஸஹஸ்ரஸம்க்₂யம்..43..

ஸூக்தீ꞉ஸுதா₄கரஸகீ₂: கலிவைரிதா₃ஸ
நாம்நோ கு₃ரோ꞉ ஸமவலம்வ்ய ஹி க்ருஷ்ணபாத₃.
யாம் த்₃ராவிடோ₃பநிஷதோ₃ விவ்ருதிஞ்சகார
ஷட்த்ரிம்ஶதாத₃ஶஶதை꞉ ப்ரமிதா மதா ஸா..44..

பஶ்சாத்தநாநபிஜநாநநுக்₃ருஹ்ணதாயா
ரம்யோபயந்த்ரு முநிமா ஸ்பு₂டவைப₄வேந.
வ்ருத்திர்வ்ய॑தா₄யிஶட₂ஜிந்நிக₃மஸ்ய ஸேயம்
க்₃ரந்தை₂ர்த்₃விஷட்₃த₃ஶஶவ ப்ரமிதை ர்தி₄நோதி..45..

ப்ராயேண ஸம்யகி₃தர த்₃ரவிடா₃க₃மாநாம்
டோகா꞉ க்ருதாயத₃ப₄ய ப்ரத₃ராஜநாம்நா.
தேநைவ தேஷு க₃ஹநேஷு மதி ர்கு₃ருணாம்
லோகோபதே₃ஶ ஸமயேஷ்வது₄நாஸ்தி ரம்யா..46..

கேஷாம்சிதே₃வ விவ்ருதிர்த்₃ரவிடா₃க₃மாநாம்
வேதா₃ந்திபி₄ விரசிதா ந புந꞉ ஸமேஷாம்.
ப்ரஜ்ஞாப₄ராத₃வரஜேந ஜக₃த்₃கு₃ரோஸ்தா꞉
ஸௌம்யோபயந்த்ரு முநிநா கலிதாஶ்ச காஶ்சித்..47..

தாம் க்ருஷ்ணபாத₃ லிகி₂தாம் ஶட₂வைரிவேத₃
வ்யாக்₂யாம் த₃த₃ஸ்வ மஹதீமிதி க்ருஷ்ணபாதா₃த்.
ஆதா₃ய தே₃ஶிகவர꞉ கலிவைரிதா₃ஸ꞉
ப்ராத₃த்த மாத₄வ கு₃ரோ ர்த₃யமாந சேதா꞉..48..

தாம் மாத₄வ꞉ புநருபா குருதாத்மஸூநோ꞉
ஸோ(அ)ப்யத்₃விதீய கருணாக்₂ய வராஹஸூரே꞉.
ஸோ(அ)பி ஸ்வகீயதநயஸ்ய ஸ சாப்யுதா₃ர꞉
பஶ்சாத்தநாநநுஜிக்₄ருக்ஷுரதீவ தேப்₄ய꞉..49..

ஆக்₂யேமந꞉ கலயநம்பேருமாலதோ₂ந-
ம்மால்வாரிதி வ்யவஹ்ருதே ப்ரணயேந ப₄க்தை꞉.
நந்ஜீயரித்யபி ச நாம ததா₂ ப்ரவ்ருத்தம்
நம்வில்லயித்யபி ததா₂ விஹிதாம் ச ஸம்ஜ்ஞாம்..50..

வாதூ₄லவம்ஶதிலகோ (அ)ஸிதவாரணார்ய꞉,
ப்ரீத்யா கதா₃பி கலிஸூத₃ந தா₃ஸஸூரே꞉.
ஆக்₂யாம் ஜக₃த்₃கு₃ருரிதி ப்ரதி₂தாமகார்ஷீத்
தஸ்மாத்ததா₃ ப்ரப்₄ருதி ஸா நியதா ச தஸ்மிந்..51..

தாம் க்ருஷ்ணபாத₃ உபலாலயதிஸ்ம ஸம்ஜ்ஞாம்
க்ருத்வாதத₃ர்ஹ சரிதஸ்ய நிஜஸ்ய ஸூநோ꞉.
தேநைவ ஸா ஜநஹிதாய பு₄வி ப்ரவ்ருத்தா
ஸம்ஜ்ஞா ஜக₃த்₃கு₃ருரிதி ப்ரதி₂தா ஸமந்தாத்..52..

ஶ்ரீ வசந பூ₄ஷண மஹிமா
கோ வா ப்ரப₃ந்த₄ இஹலோககு₃ரோ꞉ ப்ரப₃ந்தை₄꞉
ஸாத்₃ருஶ்யமேதி ஸகலேஷ்வபிவாங்மயேஷு.
தத்ராபி கிம் வசநபூ₄ஷண துல்யமந்யத்
ஸத்யம் ப்₃ரவீமி ததி₃த₃ம் வசநம் ந மித்₂யா..53..

ப்ராசாம் ப்ரபத்தி பத₃வீ மயதாம் கு₃ரூணாம்
ரோசிஷ்ணுநா வசநரத்ந கத₃ம்ப₃கேந.
ஏதாம் க்ருதிம் க்₃ரத₂யதைவ பு₃தா₄த்மபூ₄ஷாம்
த₃த்தம் ப₃ரம் வசநபூ₄ஷண நாமதே₄யம்..54..

ஶ்ரீவசந பூ₄ஷணகா அதி₄காரீகோ து₃ர்லப₄தா :-
ஜாநந்தி கே வசந பூ₄ஷணவாரிராஶே-
ர்தா₄ர்யம் ஸதா₃ ஹ்ருதி₃ ஸதாமபி₄தே₄யரத்நம்.
கே தத்ப்ரத₃ர்ஶிதபதே₂ந ச ஸம்சரந்தி
ய꞉ கோ(அ)பி ஸம்ப₄வதி சேத்₃விரலோஹி தாத்₃ருக்..55..

உக்₃ராத்₃ப₄வாப்₃தி₄ குஹராத்₃த்₃ரு தமுத்திதீர்ஷா
ஜாயேத வோ யதி₃ ஜநாஸ்தது₃பாய ஏஷ꞉.
ஆலோச்யதாம் வசந பூ₄ஷணமாத்மநீத₃ம்
நிஷ்டீ₂யதாம் ச நியமேந தது₃க்த மார்கே₃..56..

யே தே₃ஶிகாத₃தி₄க₃தாந்யுபதே₃ஶ வர்த்மா
ந்யாஸஜ்ய சேதஸி ததா₂(ஆ)சரிது ச ஶக்தா꞉.
தே யத்நதோ வசந பூ₄ஷணகூ₃ட₄ மர்த₂ம்
நைவா சரந்தி பரிஶீல்ய குதோ ந வித்₃ம꞉..57..

ஸத்ஸம்ப்ரதா₃யஸுதி₄யா ஸததோபலால்யா
லப்₄யேத சேத்₃வசந பூ₄ஷண வாக்ய டீகா.
ஸாவ்யஞ்ஜதீ ஸகலமஸ்ய பதா₃ர்த₂ஜாதம்
மத்₄யஸ்த₂யைவத₃ஶயா நநு பா₄வநீயா..58..

ஸார்தா₂꞉ஸ்மராமி யதி₃ வாக்ய விபூ₄ஷணீயா
வாசோ வதா₃மி யதி₃ வா மது₄ராமமாபி.
ஆர்யா꞉ கத₂ம்நு ப₄வதாம் மநஸி ப்ரதே₂ரந்
பூ₄ம்நாதி₄யோ ஹி விஷயாதிஶயாவகா₃ஹா꞉..59..

ப₄க்திம் விஹாய பத₃யோ ர்நிஜதே₃ஶிகஸ்ய
ப₄க்தி ப்ரகர்ஷமபி யே ப₄க₃வத்யயந்தே.
தேப்₄யோரமாஸஹசர꞉ பரமம் பத₃ம் த-
தா₃தும் ந ஹீச்ச₂தி நதே(அ)பி ச தல்லப₄ந்தே..60..

ஜ்ஞாநம் பரம் தது₃சிதாசரணம் ச யஸ்ய
தஸ்மிந் கு₃ரௌ பரமப₄க்திஜுஷேஜநாய.
பௌ₄மா꞉! ஸ்வயம்மது₄ரஸாவிலபத்₃ம ஜாயா꞉
காந்த꞉ஶ்ரிய꞉ கரூணயா நிஜதா₄ம த₃த்தே..61..

உஜ்ஜீவநாய யதி₃ மாநஸ முத்ஸுகம் வோ
நிஷ்டீ₂யதாம் நிஜகு₃ரோ ஶ்சரணாரவிந்தே₃.
ஸத்யம் ப்₃ரவீமி மநுஜா꞉ ப₂ணிஶாயிநஸ்த-
த்₃தி₃வ்யம்பத₃ம் கரதலாமலகம் ப₄வேத்₃வ꞉..62..

உஜ்ஜீவநாய விஹிதா கு₃ருணோபகாரா-
ஶ்சித்தே லக₃ந்தி விமலா யதி₃ சேதநாநாம்.
தே₃ஶாந்தரே நிவஸநம் ந மநோ(அ)பி ம்ருஷ்யேத்
வாஸ꞉ கத₂ம் நு ப₄விதேதி வயம் ந வித்₃ம꞉..63..

அத்ரைவ கேவலமநந்யபரா லபே₄ரந்
ஶுஶ்ருஷணாம் நிஜகு₃ரோருபஸேதி₃வாம்ஸ꞉.
ஏநாம் ப்ரமேயஸரணிம் ப்ரதிபத்₃யமாநா꞉
கே வா த்யஜந்தி நிஜதே₃ஶிகபாத₃ மூலம்..64..

அந்தேஸதோ கு₃ருரநாரதமாத்மரக்ஷாம்
ஶிஷ்ய꞉ ப்ரஹ்ருஷ்ய குருதாம் கு₃ருதே₃ஹ ரக்ஷாம்.
அர்த₂ம் ஸுஸூக்ஷ்மமிமமாகலயந்தி சித்தே
ஸ்யாத்₃ து₃ர்லபா₄ தத₃பி வர்த்மநி தத்ர நிஷ்டா₂..65..

அத்யாத₃ராந்நிஜகு₃ரும் கலிவைரி தா₃ஸம்
நித்யாம் விபூ₄திமவமத்ய நிரந்தரம் ய꞉.
ஶுஶ்ரூஷதே ஸ்ம குரு மாநஸ! தஸ்ய நிஷ்டா₂ம்
பஶ்சாந்மநோஹரபதே ர்யதி புங்க₃வஸ்ய..66..

ஸர்வே(அ)பி பூர்வகு₃ருவ꞉ ஸமயேந யேந
சேருஸ்தமாகலயதாமயதா₂வதே₃வ.
வாசோ நிஶம்யவர மாநஸ மா ப்₄ரமீஸ்த்வம்
வர்தஸ்வ பூர்வதரதே₃ஶிக வர்தநேந..67..

யே நாஸ்திகா ஹ்ருத₃ய தாந் விஜஹீஹி மூர்கா₂ம்
ஸ்தாநப்யபாகுரு ய ஆஸ்திக நாஸ்திகாம்ஶ்ச.
யே த்வாஸ்திகா நயபதா₂ந்நபரி ச்யவந்தே
தாநந்வஹம் பரிசிநுஷ்வதமோபஹந்த்ருந்..68..

ஆமோத₃வத்குஸுமஸம் வலநேந யத்₃வ-
தா₃மோத₃வாந் ப₄வதி கேஶ ப₄ரோ(அ)ப்யக₃ந்த₄꞉.
தத்₃வத்₃ப₄வந்திகு₃ணவஜ்ஜநஸம்க₃மேந
வீதா கு₃ணைரபி ஜநா கு₃ணவந்த ஏவ..69..

யத்பூதிக₃ந்த₄மிலநம் ஸமுபைதிவஸ்து
தத்பூதிக₃ந்த₄மசிராது₃பஜாயதே ஹி.
ஏதத்க்ரமேண ரமணீய கு₃ணோ (அ)பி லோகே
நிந்த்₃யாந் கு₃ணாந் ப₄ஜதி நிந்த்₃ய கு₃ணாஶ்ரயேண..70..

ப்ராசாம் வசாம்ஸி ஸகலாநி நிஶம்ய ஸம்யக்
சித்தேந தாந்யவஹிதேந நிஜேந மத்வா.
நைவோபதி₃ஶ்ய கத₂யந்தி யதா₂வபா₄ஸம்
ஶுத்₃தா₄ந்வயோ (அ)யமிதி யே வததே ஹி மூர்கா₂꞉..71..

ப்ராசாம் ப்ரபோ₃த₄ சரணே விமலே கு₃ருணாம்
யே வ்யாஹரந்தி தது₃தா₃ ஹ்ருதயா பத₃வ்யா.
ப்ரஜ்ஞா நிதி₄ம் கு₃ருவரம் ப்ரதிபத்₃ய லோகா
மோஹாஸ்பதே₃ ஜக₃தி ஸம்ப்ரதி மோதி₃ஷீத்₄வம்..72..

ப₃த்₄தா₃ம்கு₃ணைரநுகு₃ணைருபதே₃ஶரத்ந
மாலாமிமாம் த₃த₄தி யே ஹ்ருத₃யேந நித்யம்.
அஸ்மத்₃கு₃ரோ ர்யதிபதே꞉ கருணா ப்ரவாஹ
பாத்ரீக்ருதா பரம ஸம்பத₃மாஶ்ரயந்தே..73..

அங்கா₃நுஷங்கி₃புருஷாருசிரோபயந்து
ரத்ராபி₄லஸ்யபத₃ரக்த ஸரோஜ ஸூநே.
ஸஶ்ரத்₃த₄மாத்ம ஶிரஸா யதி₃ ஸம்ஸ்ப்ருஶேம
ப்ராப்த꞉ ஸநோ த்₄ருவமமாநவபாணிஸங்க₃꞉..74..

ருசிரவரமுநே꞉ க்ருதிம்ப்ரதீதாம்
த்₃ரவிட₃மயீமுபதே₃ஶரத்நமாலாம்.
அநுஸமதி₄ஸிதாத்பதா₃வலீநா-
மநுபதி₃கல்பபதா₃பி₄ஜாத பத்₃யை꞉..