શ્રી વેઙ્કટેશસ્તોત્રમ્

.. શ્રી વેઙ્કટેશસ્તોત્રમ્ ..

કમલાકુચ ચૂચુક કુઙ્કમતો
નિયતારુણિ તાતુલ નીલતનો .
કમલાયત લોચન લોકપતે
વિજયીભવ વેઙ્કટ શૈલપતે .. ૧ ..

સચતુર્મુખ ષણ્મુખ પઞ્ચમુખે
પ્રમુખા ખિલદૈવત મૌલિમણે .
શરણાગત વત્સલ સારનિધે
પરિપાલય માં વૃષ શૈલપતે .. ૨ ..

અતિવેલતયા તવ દુર્વિષહૈ
રનુ વેલકૃતૈ રપરાધશતૈઃ .
ભરિતં ત્વરિતં વૃષ શૈલપતે
પરયા કૃપયા પરિપાહિ હરે .. ૩ ..

અધિ વેઙ્કટ શૈલ મુદારમતે-
ર્જનતાભિ મતાધિક દાનરતાત્ .
પરદેવતયા ગદિતાનિગમૈઃ
કમલાદયિતાન્ન પરઙ્કલયે .. ૪ ..

કલ વેણુર વાવશ ગોપવધૂ
શત કોટિ વૃતાત્સ્મર કોટિ સમાત્ .
પ્રતિ પલ્લવિકાભિ મતાત્-સુખદાત્
વસુદેવ સુતાન્ન પરઙ્કલયે .. ૫ ..

અભિરામ ગુણાકર દાશરધે
જગદેક ધનુર્થર ધીરમતે .
રઘુનાયક રામ રમેશ વિભો
વરદો ભવ દેવ દયા જલધે .. ૬ ..

અવની તનયા કમનીય કરં
રજનીકર ચારુ મુખામ્બુરુહમ્ .
રજનીચર રાજત મોમિ હિરં
મહનીય મહં રઘુરામમયે .. ૭ ..

સુમુખં સુહૃદં સુલભં સુખદં
સ્વનુજં ચ સુકાયમ મોઘશરમ્ .
અપહાય રઘૂદ્વય મન્યમહં
ન કથઞ્ચન કઞ્ચન જાતુભજે .. ૮ ..

વિના વેઙ્કટેશં ન નાથો ન નાથઃ
સદા વેઙ્કટેશં સ્મરામિ સ્મરામિ .
હરે વેઙ્કટેશ પ્રસીદ પ્રસીદ
પ્રિયં વેઙ્કટેશ પ્રયચ્છ પ્રયચ્છ .. ૯ ..

અહં દૂરદસ્તે પદાં ભોજયુગ્મ
પ્રણામેચ્છયા ગત્ય સેવાં કરોમિ .
સકૃત્સેવયા નિત્ય સેવાફલં ત્વં
પ્રયચ્છ પયચ્છ પ્રભો વેઙ્કટેશ .. ૧૦ ..

અજ્ઞાનિના મયા દોષા ન શેષાન્વિહિતાન્ હરે .
ક્ષમસ્વ ત્વં ક્ષમસ્વ ત્વં શેષશૈલ શિખામણે ..