শ্রী ভ়েঙ্কটেশস্তোত্রম্

॥ শ্রী ভ়েঙ্কটেশস্তোত্রম্ ॥

কমলাকুচ চূচুক কুঙ্কমতো
নিযতারুণি তাতুল নীলতনো ।
কমলাযত লোচন লোকপতে
ভ়িজযীভভ় ভ়েঙ্কট শৈলপতে ॥ ১ ॥

সচতুর্মুখ ষণ্মুখ পঞ্চমুখে
প্রমুখা খিলদৈভ়ত মৌলিমণে ।
শরণাগত ভ়ৎসল সারনিধে
পরিপালয মাং ভ়ৃষ শৈলপতে ॥ ২ ॥

অতিভ়েলতযা তভ় দুর্ভ়িষহৈ
রনু ভ়েলকৃতৈ রপরাধশতৈঃ ।
ভরিতং ত্বরিতং ভ়ৃষ শৈলপতে
পরযা কৃপযা পরিপাহি হরে ॥ ৩ ॥

অধি ভ়েঙ্কট শৈল মুদারমতে-
র্জনতাভি মতাধিক দানরতাৎ ।
পরদেভ়তযা গদিতানিগমৈঃ
কমলাদযিতান্ন পরঙ্কলযে ॥ ৪ ॥

কল ভ়েণুর ভ়াভ়শ গোপভ়ধূ
শত কোটি ভ়ৃতাৎস্মর কোটি সমাৎ ।
প্রতি পল্লভ়িকাভি মতাৎ-সুখদাৎ
ভ়সুদেভ় সুতান্ন পরঙ্কলযে ॥ ৫ ॥

অভিরাম গুণাকর দাশরধে
জগদেক ধনুর্থর ধীরমতে ।
রঘুনাযক রাম রমেশ ভ়িভো
ভ়রদো ভভ় দেভ় দযা জলধে ॥ ৬ ॥

অভ়নী তনযা কমনীয করং
রজনীকর চারু মুখাম্বুরুহম্ ।
রজনীচর রাজত মোমি হিরং
মহনীয মহং রঘুরামমযে ॥ ৭ ॥

সুমুখং সুহৃদং সুলভং সুখদং
স্বনুজং চ সুকাযম মোঘশরম্ ।
অপহায রঘূদ্বয মন্যমহং
ন কথঞ্চন কঞ্চন জাতুভজে ॥ ৮ ॥

ভ়িনা ভ়েঙ্কটেশং ন নাথো ন নাথঃ
সদা ভ়েঙ্কটেশং স্মরামি স্মরামি ।
হরে ভ়েঙ্কটেশ প্রসীদ প্রসীদ
প্রিযং ভ়েঙ্কটেশ প্রযচ্ছ প্রযচ্ছ ॥ ৯ ॥

অহং দূরদস্তে পদাং ভোজযুগ্ম
প্রণামেচ্ছযা গত্য সেভ়াং করোমি ।
সকৃৎসেভ়যা নিত্য সেভ়াফলং ত্বং
প্রযচ্ছ পযচ্ছ প্রভো ভ়েঙ্কটেশ ॥ ১০ ॥

অজ্ঞানিনা মযা দোষা ন শেষান্বিহিতান্ হরে ।
ক্ষমস্ব ত্বং ক্ষমস্ব ত্বং শেষশৈল শিখামণে ॥