ஶ்ரீ வேங்கடேஶஸ்தோத்ரம்

.. ஶ்ரீ வேங்கடேஶஸ்தோத்ரம் ..

கமலாகுச சூசுக குங்கமதோ
நியதாருணி தாதுல நீலதநோ .
கமலாயத லோசந லோகபதே
விஜயீப₄வ வேங்கட ஶைலபதே .. 1 ..

ஸசதுர்முக₂ ஷண்முக₂ பஞ்சமுகே₂
ப்ரமுகா₂ கி₂லதை₃வத மௌலிமணே .
ஶரணாக₃த வத்ஸல ஸாரநிதே₄
பரிபாலய மாம் வ்ருஷ ஶைலபதே .. 2 ..

அதிவேலதயா தவ து₃ர்விஷஹை
ரநு வேலக்ருதை ரபராத₄ஶதை꞉ .
ப₄ரிதம் த்வரிதம் வ்ருஷ ஶைலபதே
பரயா க்ருபயா பரிபாஹி ஹரே .. 3 ..

அதி₄ வேங்கட ஶைல முதா₃ரமதே-
ர்ஜநதாபி₄ மதாதி₄க தா₃நரதாத் .
பரதே₃வதயா க₃தி₃தாநிக₃மை꞉
கமலாத₃யிதாந்ந பரங்கலயே .. 4 ..

கல வேணுர வாவஶ கோ₃பவதூ₄
ஶத கோடி வ்ருதாத்ஸ்மர கோடி ஸமாத் .
ப்ரதி பல்லவிகாபி₄ மதாத்-ஸுக₂தா₃த்
வஸுதே₃வ ஸுதாந்ந பரங்கலயே .. 5 ..

அபி₄ராம கு₃ணாகர தா₃ஶரதே₄
ஜக₃தே₃க த₄நுர்த₂ர தீ₄ரமதே .
ரகு₄நாயக ராம ரமேஶ விபோ₄
வரதோ₃ ப₄வ தே₃வ த₃யா ஜலதே₄ .. 6 ..

அவநீ தநயா கமநீய கரம்
ரஜநீகர சாரு முகா₂ம்பு₃ருஹம் .
ரஜநீசர ராஜத மோமி ஹிரம்
மஹநீய மஹம் ரகு₄ராமமயே .. 7 ..

ஸுமுக₂ம் ஸுஹ்ருத₃ம் ஸுலப₄ம் ஸுக₂த₃ம்
ஸ்வநுஜம் ச ஸுகாயம மோக₄ஶரம் .
அபஹாய ரகூ₄த்₃வய மந்யமஹம்
ந கத₂ஞ்சந கஞ்சந ஜாதுப₄ஜே .. 8 ..

விநா வேங்கடேஶம் ந நாதோ₂ ந நாத₂꞉
ஸதா₃ வேங்கடேஶம் ஸ்மராமி ஸ்மராமி .
ஹரே வேங்கடேஶ ப்ரஸீத₃ ப்ரஸீத₃
ப்ரியம் வேங்கடேஶ ப்ரயச்ச₂ ப்ரயச்ச₂ .. 9 ..

அஹம் தூ₃ரத₃ஸ்தே பதா₃ம் போ₄ஜயுக்₃ம
ப்ரணாமேச்ச₂யா க₃த்ய ஸேவாம் கரோமி .
ஸக்ருத்ஸேவயா நித்ய ஸேவாப₂லம் த்வம்
ப்ரயச்ச₂ பயச்ச₂ ப்ரபோ₄ வேங்கடேஶ .. 10 ..

அஜ்ஞாநிநா மயா தோ₃ஷா ந ஶேஷாந்விஹிதாந் ஹரே .
க்ஷமஸ்வ த்வம் க்ஷமஸ்வ த்வம் ஶேஷஶைல ஶிகா₂மணே ..