தே₃வீ சது꞉ஷஷ்ட்யுபசார பூஜாஸ்தோத்ரம்

உஷஸி மாக₃த₄மங்க₃லகா₃யநை꞉
ஜ₂டிதி ஜாக்₃ருஹி ஜாக்₃ருஹி ஜாக்₃ருஹி.
அதிக்ருபார்த்₃ரகடாக்ஷநிரீக்ஷணை꞉
ஜக₃தி₃த₃ம் ஜக₃த₃ம்ப₃ ஸுகீ₂குரு .. 1 ..

கநகமயவிதர்தி₃ஶோப₄மாநம்
தி₃ஶி தி₃ஶி பூர்ணஸுவர்ணகும்ப₄யுக்தம்.
மணிமயமண்டபமத்₄யமேஹி மாத꞉
மயி க்ருபயாஶு ஸமர்சநம் க்₃ரஹீதும் .. 2 ..

கநககலஶஶோப₄மாநஶீர்ஷம்
ஜலத₄ரலம்பி₃ ஸமுல்லஸத்பதாகம்.
ப₄க₃வதி தவ ஸம்நிவாஸஹேதோ꞉
மணிமயமந்தி₃ரமேதத₃ர்பயாமி .. 3 ..

தபநீயமயீ ஸுதூலிகா
கமநீயா ம்ருது₃லோத்தரச்ச₂தா₃.
நவரத்நவிபூ₄ஷிதா மயா
ஶிபி₃கேயம் ஜக₃த₃ம்ப₃ தே அர்பிதா .. 4 ..

கநகமயவிதர்தி₃ஸ்தா₂பிதே தூலிகாட₄யே
விவித₄குஸுமகீர்ணே கோடிபா₃லார்கவர்ணே.
ப₄க₃வதி ரமணீயே ரத்நஸிம்ஹாஸநே அஸ்மிந்
உபவிஶ பத₃யுக்₃மம் ஹேமபீடே₂ நிதா₄ய .. 5 ..

மணிமௌக்திகநிர்மிதம் மஹாந்தம்
கநகஸ்தம்ப₄சதுஷ்டயேந யுக்தம்.
கமநீயதமம் ப₄வாநி துப்₄யம்
நவமுல்லோசமஹம் ஸமர்பயாமி .. 6 ..

தூ₃ர்வயா ஸரஸிஜாந்விதவிஷ்ணு-
காந்தயா ச ஸஹிதம் குஸுமாட்₄யம்.
பத்₃மயுக்₃மஸத்₃ருஶே பத₃யுக்₃மே
பாத்₃யமேதது₃ரரீகுரு மாத꞉ ..7..

க₃ந்த₄புஷ்பயவஸர்ஷபதூ₃ர்வா-
ஸம்யுதம் திலகுஶாக்ஷதமிஶ்ரம்.
ஹேமபாத்ரநிஹிதம் ஸஹ ரத்நை꞉
அத்₄யர்மேதது₃ரரீகுரு மாத꞉ .. 8 ..

ஜலஜத்₃யுதிநா கரேண ஜாதீ-
ப₂லதக்கோலலவங்க₃க₃ந்த₄யுக்தை꞉.
அம்ருதைரம்ருதௌரிவாதிஶீதை꞉
ப₄க₃வத்யாசமநம் விதீ₄யதாம் .. 9 ..

நிஹிதம் கநகஸ்ய ஸம்புடே
பிஹிதம் ரத்நபிதா₄நகேந யத்.
ததி₃த₃ம் ஜக₃த₃ம்ப₃ தே அர்பிதம்
மது₄பர்கம் ஜநநி ப்ரக்₃ருஹ்யதாம் .. 10 ..

ஏதச்சம்பகதைலமம்ப₃ விவிதை₄꞉ புஷ்பை꞉ முஹுர்வாஸிதம்
ந்யஸ்தம் ரத்நமயே ஸுவர்ணசஷகே ப்₄ருங்கை₃꞉ ப்₄ரமத்₃பி₄꞉ வ்ருதம்.
ஸாநந்த₃ம் ஸுரஸுந்த₃ரீபி₄ரபி₄தோ ஹஸ்தை꞉ த்₄ருதம் தே மயா
கேஶேஷு ப்₄ரமரப்₄ரமேஷு ஸகலேஷ்வங்கே₃ஷு சாலிப்யதே .. 11 ..

'
மாத꞉ குங்குமபங்கநிர்மிதமித₃ம் தே₃ஹே தவோத்₃வர்தநம்
ப₄க்த்யாஹம் கலயாமி ஹேமரஜஸா ஸம்மிஶ்ரிதம் கேஸரை꞉.
கேஶாநாமலகை꞉ விஶோத்₄ய விஶதா₃ந்கஸ்தூரிகோத₃ஞ்சிதை꞉
ஸ்நாநம் தே நவரத்நகும்ப₄ஸஹிதை꞉ ஸம்வாஸிதோஷ்ணோத₃கை꞉ .. 12 ..

து₃தி₄து₃க்₃த₄க்₄ருதை꞉ ஸமாக்ஷிகை꞉
ஸிதயா ஶர்கரயா ஸமந்விதை꞉.
ஸ்நபயாமி தவாஹமாத₃ராத்
ஜநநி த்வாம் புநருஷ்ணவாரிபி₄꞉ .. 13 ..'
ஏலோஶீரஸுவாஸிதை꞉ ஸகுஸுமைர்க₃ங்கா₃தி₃ தீர்தோ₂த₃கை꞉
மாணிக்யாமலமௌக்திகாம்ருதரஸை꞉ ஸ்வச்சை₂꞉ ஸுவர்ணோத₃கை꞉.
மந்த்ராந்வைதி₃கதாந்த்ரிகாந்பரிபட₂ந்ஸாநந்த₃மத்யாத₃ராத்
ஸ்நாநம் தே பரிகல்பயாமி ஜநநி ஸ்நேஹாத்த்வமங்கீ₃குரு .. 14 ..

பா₃லார்கத்₃யுதி தா₃டி₃மீயகுஸுமப்ரஸ்பர்தி₄ ஸர்வோத்தமம்
மாதஸ்த்வம் பரிதே₄ஹி தி₃வ்யவஸநம் ப₄க்த்யா மயா கல்பிதம்.
முக்தாபி₄꞉ க்₃ரதி₂தம் ஸுகஞ்சுகமித₃ம் ஸ்வீக்ருத்ய பீதப்ரப₄ம்
தப்தஸ்வர்ணஸமாநவர்ணமதுலம் ப்ராவர்ணமங்கீ₃குரு .. 15 ..

நவரத்நமயே மயார்பிதே
கமநீயே தபநீயபாது₃கே.
ஸவிலாஸமித₃ம் பத₃த்₃வயம்
க்ருபயா தே₃வி தயோர்நிதீ₄யதாம் .. 16 ..

ப₃ஹுபி₄ரக₃ருதூ₄பை꞉ ஸாத₃ரம் தூ₄பயித்வா
ப₄க₃வதி தவ கேஶாந்கங்கதைர்மார்ஜயித்வா.
ஸுரபி₄பி₄ரரவிந்தை₃ஶ்சம்பகைஶ்சார்சயித்வா
ஜ₂டிதி கநகஸூத்ரைர்ஜூடயந்வேஷ்டயாமி .. 17 ..

ஸௌவீராஞ்ஜநமித₃மம்ப₃ சக்ஷுஷோஸ்தே
விந்யஸ்தம் கநகஶலாகயா மயா யத்.
தந்ந்யூநம் மலிநமபி த்வத₃க்ஷிஸங்கா₃த்
ப்₃ரஹ்மேந்த்₃ராத்₃யபி₄லஷணீயதாமியாய .. 18 ..

மஞ்ஜீரே பத₃யோர்நிதா₄ய ருசிராம் விந்யஸ்ய காஞ்சீம் கடௌ
முக்தாஹாரமுரோஜயோரநுபமாம் நக்ஷத்ரமாலாம் க₃லே.
கேயூராணி பு₄ஜேஷு ரத்நவலயஶ்ரேணீம் கரேஷு க்ரமா-
த்தாடங்கே தவ கர்ணயோர்விநித₃தே₄ ஶீர்ஷே ச சூடா₃மணிம் .. 19 ..

த₄ம்மில்லே தவ தே₃வி ஹேமகுஸுமாந்யாதா₄ய பா₂லஸ்த₂லே
முக்தாராஜிவிராஜமாநதிலகம் நாஸாபுடே மௌக்திகம்.
மாதர்மௌக்திகஜாலிகாம் ச குசயோ꞉ ஸர்வாங்கு₃லீஷூர்மிகா꞉
கடகா₂ம் காஞ்சநகிங்கிணீர்விநித₃தே₄ ரத்நாவதம்ஸம் ஶ்ருதௌ .. 20 ..

மாத꞉ பா₂லதலே தவாதிவிமலே காஶ்மீரகஸ்தூரிகா-
கர்பூராக₃ருபி₄꞉ கரோமி திலகம் தே₃ஹே அங்க₃ராக₃ம் தத꞉.
வக்ஷோஜாதி₃ஷு யக்ஷகர்த₃மரஸம் ஸிக்த்வா ச புஷ்பத்₃ரவம்
பாதௌ₃ சந்த₃நலேபநாதி₃பி₄ரஹம் ஸம்பூஜயாமி க்ரமாத் .. 21 ..

ரத்நாக்ஷதைஸ்த்வாம் பரிபூஜயாமி
முக்தாப₂லைர்வா ருசிரைரவித்₃தை₄꞉.
அக₂ண்டி₃தைர்தே₃வி யவாதி₃பி₄ர்வா
காஶ்மீரபங்காங்கிததண்டு₃லைர்வா .. 22 ..

ஜநநி சம்பகதலைமித₃ம் புரோ
ம்ருக₃மதோ₃பயுதம் படவாஸகம்.
ஸுரபி₄க₃ந்த₄மித₃ம் ச சது꞉ஸமம்
ஸபதி₃ ஸர்வமித₃ம் பரிக்₃ருஹ்யதாம் .. 23 ..

ஸீமந்தே தே ப₄க₃வதி மயா ஸாத₃ரம் ந்யஸ்தமேதத்
ஸிந்தூ₃ரம் மே ஹ்ருத₃யகமலே ஹர்ஷவர்ஷம் தநோதி.
பா₃லாதி₃த்யத்₃யுதிரிவ ஸதா₃ லோஹிதா யஸ்ய காந்தீ-
ரந்தர்த்₄வாந்தம் ஹரதி ஸகலம் சேதஸா சிந்தயைவ .. 24 ..

மந்தா₃ரகுந்த₃கரவீரலவங்க₃புஷ்பை꞉
த்வாம் தே₃வி ஸந்ததம் அஹம் பரிபூஜயாமி.
ஜாதீஜபாவகுலசம்பககேதகாதி₃-
நாநாவிதா₄நி குஸுமாநி ச தே அர்பயாமி .. 25 ..

மாலதீவகுலஹேமபுஷ்பிகா-
காஞ்சநாரகரவீரகைதகை꞉.
கர்ணிகாரகி₃ரிகர்ணிகாதி₃பி₄꞉
பூஜயாமி ஜக₃த₃ம்ப₃ தே வபு꞉ .. 26 ..

பாரிஜாதஶதபத்ரபாடலை꞉
மல்லிகாவகுலசம்பகாதி₃பி₄꞉.
அம்பு₃ஜை꞉ ஸுகுஸுமைஶ்ச ஸாத₃ரம்
பூஜயாமி ஜக₃த₃ம்ப₃ தே வபு꞉ .. 27 ..

லாக்ஷாஸம்மிலிதை꞉ ஸிதாப்₄ரஸஹிதை꞉ ஶ்ரீவாஸஸம்மிஶ்ரிதை꞉
கர்பூராகலிதை꞉ ஶிரைர்மது₄யுதைர்கோ₃ஸர்பிஷா லோடி₃தை꞉.
ஶ்ரீக₂ண்டா₃க₃ருகு₃க்₃கு₃லுப்ரப்₄ருதிபி₄ர்நாநாவிதை₄ர்வஸ்த்துபி₄꞉
தூ₄பம் தே பரிகல்பயாமி ஜநநி ஸ்நேஹாத்த்வமங்கீ₃குரு .. 28 ..

ரத்நாலம்க்ருதஹேமபாத்ரநிஹிதைர்கோ₃ஸர்பிஷா லோடி₃தை꞉
தீ₃பைர்தீ₃ர்க₄தராந்த₄காரபி₄து₃ரைர்பா₃லார்ககோடிப்ரபை₄꞉.
ஆதாம்ரஜ்வலது₃ஜ்ஜ்வலப்ரவிலஸத்₃ரத்நப்ரதீ₃பைஸ்ததா₂
மாதஸ்த்வாமஹமாத₃ராத₃நுதி₃நம் நீராஜயாம்யுச்சகை꞉ .. 29 ..

மாதஸ்த்வாம் த₃தி₄து₃க்₃த₄பாயஸமஹாஶால்யந்நஸம்தாநிகா꞉
ஸூபாபூபஸிதாக்₄ருதை꞉ ஸவடகை꞉ ஸக்ஷௌத்₃ரரம்பா₄ப₂லை꞉.
ஏலாஜீரகஹிங்கு₃நாக₃ரநிஶாகுஸ்தும்ப₄ரீஸம்ஸ்க்ருதை꞉
ஶாகை꞉ ஸாகமஹம் ஸுதா₄தி₄கரஸை꞉ ஸம்தர்பயாம்யர்சயந் .. 30 ..

ஸாபூபஸூபத₃தி₄து₃க்₃த₄ஸிதாக்₄ருதாநி
ஸுஸ்வாது₃ப₄க்தபரமாந்நபுர꞉ஸராணி.
ஶாகோல்லஸந்மரிசிஜீரகபா₃ஹ்நிகாநி
ப₄க்ஷ்யாணி பு₄ங்க்ஷ்வ ஜக₃த₃ம்ப₃ மயார்பிதாநி .. 31 ..

க்ஷீரமேததி₃த₃ம்முத்தமோத்தமம்
ப்ராஜ்யமாஜ்யமித₃முஜ்ஜ்வலம் மது₄.
மாதரேதத₃ம்ருதோபமம் பய꞉
ஸம்ப்₄ரமேண பரிபீயதாம் முஹு꞉ .. 32 ..

உஷ்ணோத₃கை꞉ பாணியுக₃ம் முக₂ம் ச
ப்ரக்ஷால்ய மாத꞉ கலதௌ₄தபாத்ரே.
கர்பூரமிஶ்ரேண ஸகுங்குமேந
ஹஸ்தௌ ஸமுத்₃வர்தய சந்த₃நேந .. 33 ..

அதிஶீதமுஶீரவாஸிதம்
தபநீயே கலஶே நிவேஶிதம்.
படபூதமித₃ம் ஜிதாம்ருதம்
ஶுசி க₃ங்கா₃ஜலமம்ப₃ பீயதாம் .. 34 ..

ஜம்ப₃வாம்ரரம்பா₄ப₂லஸம்யுதாநி
த்₃ராக்ஷாப₂லக்ஷௌத்₃ரஸமந்விதாநி.
ஸநாரிகேலாநி ஸதா₃டி₃மாநி
ப₂லாநி தே தே₃வி ஸமர்பயாமி .. 35 ..

கூஶ்மாண்ட₃கோஶாதகிஸம்யுதாநி
ஜம்பீ₃ரநாரங்க₃ஸமந்விதாநி.
ஸபீ₃ஜபூராணி ஸபா₃த₃ராணி
ப₂லாநி தே தே₃வி ஸமர்பயாமி .. 36 ..

கர்பூரேண யுதைர்லவங்க₃ஸஹிதைஸ்தக்கோலசூர்ணாந்விதை꞉
ஸுஸ்வாது₃க்ரமுகை꞉ ஸகௌ₃ரக₂தி₃ரை꞉ ஸுஸ்நிக்₃த₄ஜாதீப₂லை꞉.
மாத꞉ கைதகபத்ரபாண்டு₃ருசிபி₄ஸ்தாம்பூ₃லவல்லீத₃லை꞉
ஸாநந்த₃ம் முக₂மண்ட₃நார்த₂மதுலம் தாம்பூ₃லமங்கீ₃குரு .. 37 ..

ஏலாலவங்கா₃தி₃ஸமந்விதாநி
தக்கோலகர்பூரவிமிஶ்ரிதாநி.
தாம்பூ₃லவல்லீத₃லஸம்யுதாநி
பூகா₃நி தே தே₃வி ஸமர்பயாமி .. 38 ..

தாம்பூ₃லநிர்ஜிதஸுதப்தஸுவர்ணவர்ணம்
ஸ்வர்ணாக்தபூக₃ப₂லமௌக்திகசூர்ணயுக்தம்.
ஸௌவர்ணபாத்ரநிஹிதம் க₂தி₃ரேந ஸார்த₄ம்
தாம்பூ₃லமம்ப₃ வத₃நாம்பு₃ருஹே க்₃ருஹாண .. 39 ..

மஹதி கநகபாத்ரே ஸ்தா₂பயித்வா விஶாலாந்
ட₃மருஸத்₃ருஶரூபாந்ப₃த்₃த₄கோ₃தூ₄மதீ₃பாந்.
ப₃ஹுக்₄ருதமத₂ தேஷு ந்யஸ்ய தீ₃பாந்ப்ரக்ருஷ்டா-
ந்பு₄வநஜநநி குர்வே நித்யமாரார்திகம் தே .. 40 ..

ஸவிநயமத₂ த₃த்வா ஜாநுயுக்₃மம் த₄ரண்யாம்
ஸபதி₃ ஶிரஸி த்₄ருத்வா பாத்ரமாரார்திகஸ்ய.
முக₂கமலஸமீபே தே அம்ப₃ ஸார்த₂ம் த்ரிவாரம்
ப்₄ரமயதி மயி பூ₄யாத்தே க்ருபார்த்₃ர꞉ கடாக்ஷ꞉ .. 41 ..

த்ரிபு₄வநகமநீயை꞉ பூஜயித்வா ச வஸ்த்ரை꞉.
மிலிதவிவித₄முக்தாம் தி₃வ்யமாணிக்யயுக்தாம்
ஜநநி கநகவ்ருஷ்டிம் த₃க்ஷிணாம் தே அர்பயாமி .. 42 ..

மாத꞉ காஞ்சநத₃ண்ட₃மண்டி₃தமித₃ம் பூர்ணேந்து₃பி₃ம்ப₃ப்ரப₄ம்
நாநாரத்நவிஶோபி₄ஹேமகலஶம் லோகத்ரயாஹ்லாத₃கம்.
பா₄ஸ்வந்மௌக்திகஜாலிகாபரிவ்ருதம் ப்ரீத்யாத்மஹஸ்தே த்₄ருதம்
ச₂த்ரம் தே பரிகல்பயாமி ஶிரஸி த்வஷ்ட்ரா ஸ்வயம் நிர்மிதம் .. 43 ..

ஶரதி₃ந்து₃மரீசிகௌ₃ரப₃ர்ணை-
ர்மணிமுக்தாவிலஸத்ஸுவர்ணத₃ண்டை₃꞉.
ஜக₃த₃ம்ப₃ விசித்ரசாமரைஸ்த்வா-
மஹமாநந்த₃ப₄ரேண பீ₃ஜயாமி .. 44 ..

மார்தாண்ட₃மண்ட₃லநிபோ₄ ஜக₃த₃ம்ப₃ யோ அயம்
ப₄க்த்யா மயா மணிமயோ முகுரோ அர்பிதஸ்தே.
பூர்ணேந்து₃பி₃ம்ப₃ருசிரம் வத₃நம் ஸ்வகீய-
மஸ்மிந்விலோகய விலோலவிலோசநே த்வம் .. 45 ..

இந்த்₃ராத₃யோ நதிநதைர்மகுடப்ரதீ₃பை-
ர்நீராஜயந்தி ஸததம் தவ பாத₃பீட₂ம்.
தஸ்மாத₃ஹம் தவ ஸமஸ்தஶரீரமேத-
ந்நீராஜயாமி ஜக₃த₃ம்ப₃ ஸஹஸ்ரதீ₃பை꞉ .. 46 ..

ப்ரியக₃திரதிதுங்கோ₃ ரத்நபல்யாணயுக்த꞉
கநகமயவிபூ₄ஷ꞉ ஸ்நிக்₃த₄க₃ம்பீ₄ரகோ₄ஷ꞉.
ப₄க₃வதி கலிதோ அயம் வாஹநார்த₂ம் மயா தே
துரக₃ஶதஸமேதோ வாயுவேக₃ஸ்துரம்க₃꞉ .. 47 ..

மது₄கரவ்ருதகும்ப₄ந்யஸ்தஸிந்தூ₃ரரேணு꞉
கநககலிதக₄ண்டாகிங்கணீஶோபி₄கண்ட₂꞉.
ஶ்ரவணயுக₃லசஞ்சச்சாமரோ மேக₄துல்யோ
ஜநநி தவ முதே₃ ஸ்யாந்மத்தமாதங்க₃ ஏஷ꞉ .. 48 ..

த்₃ருததரதுரகை₃ர்விராஜமாநம்
மணிமயசக்ரசதுஷ்டயேந யுக்தம்.
கநகமயமமும் விதாநவந்தம்
ப₄க₃வதி தே ஹி ரத₂ம் ஸமர்பயாமி .. 49 ..

ஹயக₃ஜரத₂பத்திஶோப₄மாநம்
தி₃ஶி தி₃ஶி து₃ந்து₃பி₄மேக₄நாத₃யுக்தம்.
அதிப₃ஹு சதுரங்க₃ஸைந்யமேத-
த்₃ப₄க₃வதி ப₄க்திப₄ரேண தே அர்பயாமி .. 50 ..

பரிகீ₄க்ருதஸப்தஸாக₃ரம்
ப₃ஹுஸம்பத்ஸஹிதம் மயாம்ப₃ தே விபுலம்.
ப்ரப₃லம் த₄ரணீதலாபி₄த₄ம்
த்₃ருட₄து₃ர்க₃ம் நிகி₂லம் ஸமர்பயாமி .. 51 ..

ஶதபத்ரயுதை꞉ ஸ்வபா₄வஶீதை꞉
அதிஸௌரப்₄யயுதை꞉ பராக₃பீதை꞉.
ப்₄ரமரீமுக₂ரீக்ருதைரநந்தை꞉
வ்யஜநைஸ்த்வாம் ஜக₃த₃ம்ப₃ வீஜயாமி .. 52 ..

ப்₄ரமரலுலிதலோலகுந்தலாலீ-
விக₃லிதமால்யவிகீர்ணரங்க₃பூ₄மி꞉.
இயமதிருசிரா நடீ நடந்தீ
தவ ஹ்ருத₃யே முத₃மாதநோது மாத꞉ .. 53 ..

முக₂நயநவிலாஸலோலவேணீ-
விலஸிதநிர்ஜிதலோலப்₄ருங்க₃மாலா꞉.
யுவஜநஸுக₂காரிசாருலீலா
ப₄க₃வதி தே புரதோ நடந்தி பா₃லா꞉ .. 54 ..

ப்₄ரமத₃லிகுலதுல்யாலோலத₄ம்மில்லபா₄ரா꞉
ஸ்மிதமுக₂கமலோத்₃யத்₃தி₃வ்யலாவண்யபூரா꞉.
அநுபமிதஸுவேஷா வாரயோஷா நடந்தி
பரப்₄ருதகலகண்ட்₂யோ தே₃வி தை₃ந்யம் து₄நோது .. 55 ..

ட₃மருடி₃ண்டி₃மஜர்ஜ₂ரஜ₂ல்லரீ-
ம்ருது₃ரவத்₃ரக₃ட₃த்₃த்₃ரக₃டா₃த₃ய꞉.
ஜ₂டிதி ஜா₂ங்க்ருதஜா₂ங்க்ருதஜா₂ங்க்ருதை꞉
ப₃ஹுத₃யம் ஹ்ருத₃யம் ஸுக₂யந்து தே .. 56 ..

விபஞ்சீஷு ஸப்தஸ்வராந்வாத₃யந்த்ய-
ஸ்தவ த்₃வாரி கா₃யந்தி க₃ந்த₄ர்வகந்யா꞉.
க்ஷணம் ஸாவதா₄நேந சித்தேந மாத꞉
ஸமாகர்ணய த்வம் மயா ப்ரார்தி₂தாஸி .. 57 ..

அபி₄நயகமநீயைர்நர்தநைர்நர்தகீநாம்
க்ஷநமபி ரமயித்வா சேத ஏதத்த்வதீ₃யம்.
ஸ்வயமஹமதிசிதைர்ந்ருத்தவாதி₃த்ரகீ₃தை꞉
ப₄க₃வதி ப₄வதீ₃யம் மாநஸம் ரஞ்ஜயாமி .. 58 ..

தவ தே₃வி கு₃ணாநுவர்ணநே
சதுரா நோ சதுராநநாத₃ய꞉.
ததி₃ஹைகமுகே₂ஷு ஜந்துஷு
ஸ்தவநம் கஸ்தவ கர்துமீஶ்வர꞉ .. 59 ..

பதே₃ பதே₃ யத்பரிபூஜகேப்₄ய꞉ ஸத்₃யோ அஶ்வமேதா₄தி₃ப₂லம் த₃தா₃தி.
தத்ஸர்வபாபக்ஷய ஹேதுபூ₄தம் ப்ரத₃க்ஷிணம் தே பரித꞉ கரோமி .. 60 ..

ரக்தோத்பலாரக்தலதாப்ரபா₄ப்₄யாம் த்₄வஜோர்த்₄வரேகா₂குலிஶாங்கிதாப்₄யாம்.
அஶேஷப்₃ருந்தா₃ரகவந்தி₃தாப்₄யாம் நமோ ப₄வாநீபத₃பங்கஜாப்₄யாம் .. 61 ..

சரணநலிநயுக்₃மம் பங்கஜை꞉ பூஜயித்வா
கநககமலமாலாம் கந்ட₂தே₃ஶே அர்பயித்வா.
ஶிரஸி விநிஹிதோ அயம் ரத்நபுஷ்பாஞ்ஜலிஸ்தே
ஹ்ருத₃யகமலமத்₄யே தே₃வி ஹர்ஷம் தநோது .. 62 ..

கநகமயவிதாநராஜமாநே.
ப்ரஸரத₃க₃ருதூ₄பதூ₄பிதே அஸ்மி-
ந்ப₄க₃வதி ப₄வநே அஸ்து தே நிவாஸ꞉ .. 63 ..

ஏதஸ்மிந்மணிக₂சிதே ஸுவர்ணபீடே₂
த்ரைலோக்யாப₄யவரதௌ₃ நிதா₄ய ஹஸ்தௌ.
விஸ்தீர்ணே ம்ருது₃லதரோத்தரச்ச₂தே₃ அஸ்மி-
ந்பர்யங்கே கநகமயே நிஷீத₃ மாத꞉ .. 64 ..

தவ தே₃வி ஸரோஜசிஹ்நயோ꞉ பத₃யோர்நிர்ஜிதபத்₃மராக₃யோ꞉.
அதிரக்ததரைரலக்தகை꞉ புநருக்தாம் ரசயாமி ரக்ததாம் .. 65 ..

தபநீயமயே ஹி பட்டகே முக₂க₃ண்டூ₃சஜலம் விதீ₄யதாம் .. 66 ..

க்ஷணமத₂ ஜக₃த₃ம்ப₃ மஞ்சகே அஸ்மி-
ந்ம்ருது₃தலதூலிகயா விராஜமாநே.
அதிரஹஸி முதா₃ ஶிவேந ஸார்த₄ம்
ஸுக₂ஶயநம் குரு தத்ர மாம் ஸ்மரந்தீ .. 67 ..

முக்தாகுந்தே₃ந்து₃கௌ₃ராம் மணிமயகுடாம் ரத்நதாடங்கயுக்தா-
மக்ஷஸ்ரக்புஷ்பஹஸ்தாமப₄யவரகராம் சந்த்₃ரசூடா₃ம் த்ரிநேத்ராம்.
நாநாலம்காரயுக்தாம் ஸுரமகுடமணித்₃யோதிதஸ்வர்ணபீடா₂ம்
ஸாநந்தா₃ம் ஸுப்ரஸந்நாம் த்ரிபு₄வநஜநநீம் சேதஸா சிந்தயாமி .. 68 ..

ஏஷா ப₄க்த்யா தவ விரசிதா யா மயா தே₃வி பூஜா
ஸ்வீக்ருத்யைநாம் ஸபதி₃ ஸகலாந்மே அபராதா₄ந்க்ஷமஸ்வ.
ந்யூநம் யத்தத்தவ கருணயா பூர்ணதாமேது ஸத்₃ய꞉
ஸாநந்த₃ம் மே ஹ்ருத₃யகமலே தே அஸ்து நித்யம் நிவாஸ꞉ .. 69 ..

பூஜாமிமாம் ய꞉ பட₂தி ப்ரபா₄தே
மத்₄யாஹ்நகாலே யதி₃ வா ப்ரதோ₃ஷே.
த்₄ரமார்த₂காமாந்புருஷோ அப்₄யுபைதி
தே₃ஹாவஸாநே ஶிவபா₄வமேதி .. 70 ..

பூஜாமிமாம் படே₂ந்நித்யம் பூஜாம் கர்துமநீஶ்வர꞉.
பூஜாப₂லமவாப்நோதி வாஞ்சி₂தார்த₂ம் ச விந்த₃தி .. 71 ..

ப்ரத்யஹம் ப₄க்திஸம்யுக்தோ ய꞉ பூஜநமித₃ம் படே₂த்.
வாக்₃வாதி₃ந்யா꞉ ப்ரஸாதே₃ந வத்ஸராத்ஸ கவிர்ப₄வேத் .. 72 ..

.. இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ₃விந்த₃ப₄க₃வத்பூஜ்யபாத₃ஶிஷ்யஸ்ய ஶ்ரீமச்ச₂ங்கரப₄க₃வத꞉ க்ருதௌ தே₃வீசது꞉ஷஷ்ட்யுபசாரபூஜாஸ்தோத்ரம் ஸம்பூர்ணம் ..